[كىرىس ءسوز]
«دارىندىلار بولاشاقتى بەلگىلەيدى، وقۋ - اعارتۋ ارمانعا قانات قاقتىرادى»
وقۋ - اعارتۋ ءاربىر بالانىڭ بولاشاعىنا قاتىستى، ءبىر ۇلتتىڭ بولاشاعىن بەلگىلەيدى.
پارتيانىڭ 18 - قۇرىلتايىنان بەرى باس شۋجي شي جينپيڭ وقۋ - اعارتۋ ىستەرىن كوكەيىندە ساقتاپ كەلدى. تالاي رەتكى حاتىندا جاستىق ارماندى اسقاقتاتۋ جونىنەن تىلەك ءبىلدىرىپ، تالاي رەتكى حال سۇراۋ بارىسىندا وقۋ - اعارتۋ ىستەرىنە ءۇمىت سيلادى. ول وقۋ – اعارتۋداعى كىشى - گىرىم ىستەرگە دەيىن كوڭىل ءبولىپ، «ءتىپتى دە جاقسى، ءتىپتى دە ءادىل» بولۋ سىندى وقۋ - اعارتۋ ارمانىنىڭ ەرتەرەك رەالدىققا اينالۋىن ىلگەرىلەتتى.
باس شۋجي شي جينپيڭنىڭ ءىزى بويىنشا، شينحۋا اگەنتتىگىنىڭ تىلشىلەرى قايتالاي تىلشىلىك ىستەۋ بارىسىندا ادامدى جەلپىندىرەتىن ىستەرگە كۋا بولدى − «وقۋ جاسىنداعى بالالار وقىتۋدان يگىلىكتەنە الۋ» تالابىنىڭ بىرتىندەپ ىسكە اسۋى جۇڭحۋا توپىراعىنداعى ءاربىر بالاعا قانات ءبىتىرىپ، ولاردىڭ ارمان ارقالاپ، اناعۇرلىم بيىك، اناعۇرلىم الىسقا سامعاۋىنا مۇمكىندىك جاراتتى.
[1 - اڭگىمە ]
بۇلت تورلاعان بيىك تاۋداعى بالالار وقۋعا بارۋ جولىنان الاڭدامايتىن بولدى
تەڭىز دەڭگەيىنەن 2 مىڭ 700 مەتر بيىكتىكتەگى بيىك تاۋعا ورنالاسقان سىچۋان ولكەسى جاۋجۋە اۋدانىنىڭ ۋا - ۋ باستاۋىش مەكتەبىن جىل بويى بۇلت تورلاپ تۇرادى، سول سەبەپتەن بۇل مەكتەپ «بۇلت تورلاعان بيىك تاۋداعى باستاۋىش مەكتەپ» دەپ اتالعان.
11 جاستاعى ۇل بالا ازوۋول ەندى 5 - جىلدىققا ءتۇسىپ وقيدى. ول سياقتى دالياڭ تاۋىندا جاساپ جاتقان ي - زۋ بالالارى سوناۋ شالعايداعى بەيجيڭدە مەيىربان شي اتايدىڭ وزدەرىن ەسىنەن شىعارمايتىنىن بىلەدى.
2018 - جىلى كوكتەم مەرەكەسى قارساڭىندا، باس شۋجي شي جينپيڭ اۆتوكولىكپەن تەرەڭ تاۋ قويناۋىنداعى يرەكتەلگەن تاس جولدى بويلاپ، سىچۋاننىڭ دالياڭ تاۋى قويناۋىنداعى جاۋجۋە اۋدانىنا بارىپ، كەدەي بۇقاراعا امانداستى. ول كىشكەنتاي قىز بالانىڭ قۋانىشقا ارناپ ايتقان «مەملەكەت تۋى، مەملەكەت تۋى، نەتكەن كوركەم» دەگەن ولەڭگە قىزۋ شاپالاق سوعىپ، قىستاق تۇرعىندارىنان بالالاردىڭ وقۋ جاعدايىن ىقىلاسپەن سۇراپ ۇعىستى.
وسى قۇلاما قۇزبەن قورشالعان جەردە تاس جول قاتىناماعان، دۇنيەدەن وقشاۋ قالعان «قۇزارداعى قىستاق» بار بولاتىن، بالالاردىڭ ءبىلىم الۋ جولى توتەنشە جاپالى ەدى. 4 جىلدىڭ الدىندا ازوۋول وقۋعا تۇسكەن كەزدە بۇلت تورلاعان بيىك تاۋداعى باستاۋىش مەكتەپكە تاس جول تۇتاسپاعان بولاتىن. جاسى كىشى ول تىك تاۋ جولىمەن ءبىر ساعاتتان استام جۇرگەندە عانا 4 كيلومەتر قاشىقتىقتاعى مەكتەپكە بارا الاتىن.
جاسى ەگدەلەگەن اجەسىنىڭ ەكى كوزى بىردەي كورمەيدى، ول نەمەرەسىنىڭ جولدا قاتەرگە جولىعىپ قالماۋىن تىلەپ الاڭداۋمەن وتىراتىن.
وسى جىلداردا ءبارى دە بىرتىندەپ وزگەردى.
