شينحۋا اگەنتتىگىنىڭ 4 ـ ايدىڭ 22 ـ كۇنى بەيجيڭنەن بەرگەن حابارىنا قاراعاندا، جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «جاڭا داۋىردەگى ەرىكتى قىزمەت وتەۋ جۇيەسىن كەمەلدەندىرۋ جونىندەگى پىكىردى» جاريالاعان.
«پىكىردە» مىنالار اتاپ كورسەتىلدى: ەرىكتى قىزمەت وتەۋ _ قوعامدىق وركەنيەتتىڭ العا باسۋىنىڭ ماڭىزدى بەلگىسى، جاڭا داۋىردە پارتيانىڭ حالىق بۇقاراسىن اقىل ـ پاراساتى مەن كۇش ـ قۋاتىن ارناۋعا، تاماشا تۇرمىس جاراتۋعا، كۇرەس نىساناسىن جۇزەگە اسىرۋعا جەتەكتەۋىنىڭ، جۇمىلدىرۋىنىڭ جاندى امالياتى.
«پىكىردە» مىنالار اتاپ كورسەتىلدى: جاڭا داۋىردەگى ەرىكتى قىزمەت وتەۋ جۇيەسىن كەمەلدەندىرۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ باسشىلىعىنا تاباندى بولىپ، حالىقتى بارىنەن جوعارى قويۋعا تاباندى بولىپ، قۇن جەتەكشىلىگىنە تاباندى بولىپ، جۇيە كوزقاراسىنا تاباندى بولىپ، ادام تاربيەلەۋدى امالياتتا ايگىلەۋگە تاباندى بولىپ، ناقتى ىستەر تىندىرىپ، جاڭالىق اشۋعا تاباندى بولىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، ۇلەس قوساتىن، باۋىرمال، قارايلاسىمدى، العا باساتىن ەرىكتى رۋحىن اسقاقتاتىپ، جاڭا ٴداۋىردىڭ تالابىنا ۇيلەسەتىن، جۇڭگوشا ەرىكتى قىزمەت وتەۋ جۇيەسىن كەمەلدەندىرىپ، بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىكتى ادا ەتەتىن، بارلىق ادام يگىلىكتەنەتىن قوعامدىق باسقارۋ ورتاق تۇلعاسىن قۇرۋدى ىلگەرىلەتىپ، قالىڭ حالىق بۇقاراسىن جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا ىنتىماقتاسا كۇرەس جاساۋعا ۇيىستىرۋ كەرەك.
«پىكىردە» مىنالار العا قويىلدى: 2035 ـ جىلعا بارعاندا، جۇيەلى دە كەمەلدى، عىلمي دا ارناعا تۇسكەن، سايكەستى دە جوعارى ٴونىمدى ەرىكتى قىزمەت وتەۋ ٴتۇزىمى مەن قىزمەت جۇيەسى نەگىزىنەن قالىپتاسىپ، ەرىكتى قىزمەت وتەۋ قوسىنىنىڭ ساپاسى مىعىم بولىپ، باسقارۋى ارناعا ٴتۇسىپ، قىزمەت وتەۋ سالاسى ۇزدىكسىز كەڭەيىپ، قىزمەت وتەۋ قابىلەتى كورنەكتى جوعارىلاپ، ەكونوميكالىق، قوعامدىق دامۋعا دەم بەرۋ رولى اناعۇرلىم كورنەكتىلەنە تۇسەدى؛ شەپ تورىنىڭ قامتۋى كەڭ، ورنالاسۋى ۇيلەسىمدى، تۇزىمدىك قامتاماسىزدىعى اناعۇرلىم پارمەندى بولادى؛ ەرىكتى قىزمەت وتەۋ حالىقارالىق سەلبەستىك، اۋىس ـ كۇيىسى تەرەڭدەي داميدى؛ ەرىكتى قىزمەت وتەۋگە قوعامنىڭ ات سالىسۋى، جاندانۋى بارىنشا جوعارىلاپ، تۇتاس قوعامنىڭ جاۋاپكەرشىلىك تانىمى، ۇلەس قوسۋ تانىمى جاپپاي كۇشەيىپ، ەرىكتى قىزمەت وتەۋ سوتسياليستىك مادەنيەتتە قۋاتتى ەل قۇرۋدىڭ ماڭىزدى بەلگىسىنە اينالادى.
«پىكىردە» جاپپاي ات سالىساتىن ەرىكتى قىزمەت وتەۋگە جۇمىلدىرۋ جۇيەسىن كەمەلدەندىرۋ، دالمە ـ ٴدال، جوعارى ٴونىمدى ەرىكتى قىزمەت وتەۋمەن قامداۋ جۇيەسىن كەمەلدەندىرۋ، ومىرشەڭدىك كۇشكە يە ەرىكتى قىزمەت وتەۋ قوسىنى ۇيىمدىق جۇيەسىن كەمەلدەندىرۋ، ەرىكتى قىزمەت وتەۋدىڭ قامتىمى كەڭ شەپ جۇيەسىن كەمەلدەندىرۋ، ەرەكشەلىگى ايقىن ەرىكتى قىزمەت وتەۋ مادەنيەت جۇيەسىن كەمەلدەندىرۋ، ەرىكتى قىزمەت وتەۋگە قولداۋ كورسەتۋدىڭ مىعىم، پارمەندى قامتاماسىزدىق جۇيەسىن كەمەلدەندىرۋ، ەرىكتى قىزمەت وتەۋ حالىقارالىق سەلبەستىك، اۋىس ـ كۇيىسى جاڭا ارناسىن قالىپتاستىرۋ سياقتىلار جونىندە تالاپتار قويىلدى.
