شينحۋا اگەنتتىگىنىڭ 4 ـ ايدىڭ 21 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ دارىندىلار قىزمەتى جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجات باسپاسىنان باسپادان شىعىپ، بۇكىل ەلدە تاراتىلدى.
ناتيجە دارىندىلار ارقىلى جاراتىلادى، كاسىپ ٴورىسى دارىندىلارمەن كەڭەيەدى. زور توپتاعى ٴمورالدى دا قابىلەتتى جوعارى ساپالى دارىندىلاردى باۋلۋ، جەتىلدىرۋ _ مەملەكەت پەن ۇلتتىڭ ۇزاق بولاشاقتىق دامۋىنداعى ۇلى جوسپار. پارتيامىز دارىندىلاردى باۋلۋعا، دارىندىلاردى ىنتىماقتاستىرۋعا، دارىندىلاردى جەتەكتەۋگە، دارىندىلاردى جەتىلدىرۋگە قاي ـ قاشان دا ٴمان بەرىپ، ٴار جاقتاعى دارىندىلاردى پارتيا مەن حالىق ىستەرى ٴۇشىن ەڭبەك ٴسىڭىرىپ، ەسە قوسۋعا ىنتىماقتاستىرىپ جانە ولارعا قولداۋ كورسەتىپ كەلدى. پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم ـ تەحنيكا _ ٴبىرىنشى وندىرگىش كۇش، دارىندى _ ٴبىرىنشى بايلىق، جاڭالىق اشۋ _ ٴبىرىنشى قوزعاۋشى كۇش دەگەنگە تاباندى بولىپ، پارتيانىڭ دارىندىلار قىزمەتىنە باسشىلىعىن جاپپاي كۇشەيتىپ، دارىندىلاردىڭ دامۋعا جەتەكشىلىك ەتۋدەگى ستراتەگيالىق ورنىن تۇراقتاندىرىپ، جاڭا داۋىردەگى دارىندىلار قىزمەتىندە تاريحي تابىسقا قول جەتكىزۋدى، تاريحى وزگەرىس تۋدىرۋدى ىلگەرىلەتتى. شي جينپيڭ جولداستىڭ دارىندىلار قىزمەتىن ارقاۋ ەتىپ جاريالاعان ٴبىر قىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ بولىپ، دارىندىلار جاعىندا قۋاتتى ەلدى نە ٴۇشىن قۇرامىز، دارىندىلار جاعىندا قۋاتتى ەل دەگەنىمىز نە، دارىندىلار جاعىندا قۋاتتى ەلدى قالاي قۇرامىز دەگەن كەلەلى نازاريالىق جانە امالياتتىق ماسەلەلەرگە ەگجەي ـ تەگجەيلى جاۋاپ بەردى، بۇل جاڭا داۋىردەگى دارىندىلار قىزمەتىنىڭ جاڭا ۇستانىمىن، جاڭا ستراتەگياسىن، جاڭا شاراسىن جاپپاي دايەكتىلەندىرىپ، دارىندىلار ارقىلى مەملەكەتتى قۇدىرەتتەندىرۋ ستراتەگياسىن ىشكەرىلەي اتقارىپ، دۇنيە جۇزىندەگى ماڭىزدى دارىندىلار ورتالىعىن جانە جاڭالىق اشۋ بيىگىن جەدەل قۇرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن دارىندىلار تىرەگىن ازىرلەۋ، دارىندىلار نەگىزىن قالاۋ جونىنەن توتەنشە ماڭىزدى مانگە يە.
«بايىمداۋلاردان ۇزىندىلەر» 7 ارناۋلى تاقىرىپقا بولىنگەن، جالپى 248 بايىمداۋدان قۇرالعان، بۇلار شي جينپيڭ جولداستىڭ 2012 ـ جىلى 12 ـ ايدان 2024 ـ جىلى 3 ـ ايعا دەيىنگى مەزگىلدەگى باياندامالارى، سوزدەرى، نۇسقاۋلارى، بەكىتۋلەرى، قۇتتىقتاۋ حاتتارى، جاۋاپ حاتتارى سياقتى 110نان استام ماڭىزدى حۇجاتتان الىنعان. مۇنىڭ ىشىندەگى ٴبىر ٴبولىم بايىمداۋلار تۇڭعىش رەت اشىق جاريالانىپ وتىر.
