شينحۋا اگەنتتىگىنىڭ 4 ـ ايدىڭ 20 ـ كۇنى بەيجيڭنەن بەرگەن حابارى. 4 ـ ايدىڭ 20 ـ كۇنى مەملەكەت ٴتوراعاسى شي جينپيڭ گابوننىڭ وتپەلى زۇڭتۇڭى نگەمامەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو گابونمەن ٴداستۇرلى دوس، ەكى ەلدىڭ دوستىعى ۋاقىت وتكەن سايىن بەكەمدەلە ٴتۇستى. جارتى عاسىردان بەرى، حالىقارالىق جاعداي الماعايىپ تا قۇبىلمالى بولسا دا، جۇڭگو مەن گابون باستان ـ اياق تەڭ تۇرعىدا مامىلە جاساپ، ٴوزارا قولداۋ كورسەتتى، ەكى جاقتى قارىم ـ قاتىناستىڭ ساپاسى ۇزدىكسىز جوعارىلاپ، دەڭگەيى ۇزدىكسىز كوتەرىلىپ، ەكى ەل حالقىنا شىنايى قۇت ـ ىرىس اكەلدى. مەن جۇڭگو _ گابون قارىم ـ قاتىناسىنىڭ دامۋىنا بارىنشا ٴمان بەرەمىن، نگەما زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن جاڭا باستاما ەتىپ، جۇڭگو مەن گابوننىڭ ٴداستۇرلى دوستىعىن ۇزبەي جالعاستىرىپ، ەكى جاقتىڭ ناقتى سەلبەستىگىن تەرەڭدەتىپ، جۇڭگو مەن گابوننىڭ جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناسىنىڭ ٴمانىن بايىتىپ، جوعارى دەڭگەيلى جۇڭگو _ افريكا تاعدىرلاس ورتاق تۇلعاسىن قول ۇستاسا قۇرۋدى قالايمىن.
نگەما مىنانى ٴبىلدىردى: ديپلوماتيالىق قارىم ـ قاتىناس ورناتقان 50 جىلدان بەرى گابون _ جۇڭگو ەكى ەل ٴبىر ـ بىرىنە سەنىپ، شىن پەيىلمەن مامىلە جاسادى، ەكى جاقتى قارىم ـ قاتىناس ورنىقتى دامىپ، ەكونوميكا، قوعام جانە اسكەري ىستەر سياقتى سالالارداعى ٴوزارا تيىمدىلىك جەتكىزىپ سەلبەستىك جاساۋ جەتىستىكتەرى مول بولدى. گابون جاق ٴبىر جۇڭگو پرينسيبىن باتىل اتقارادى، تايۋان جۇڭگونىڭ ايرىلماس ٴبىر بولىگى دەپ قارايدى. گابون جاق جۇڭگو جاقپەن بىرگە گابون مەن جۇڭگونىڭ جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناسىنىڭ ۇزدىكسىز نىعايۋىن، دامۋىن ىلگەرىلەتىپ، ەكى ەل حالقىن باقىتقا كەنەلتۋدى قالايدى.
