شينحۋا اگەنتتىگىنىڭ 4 ـ ايدىڭ 15 ـ كۇنى بۋەنوس ـ ايرەستەن بەرگەن حابارى (تىلشىلەر شي يۋە، ۋاڭ جۇڭي). «شي جينپيڭ ەل باسقارۋ جونىندەنىڭ» يسپان تىلىندەگى نۇسقاسى باسپادان شىققاندىعىنىڭ 10 جىلدىعى ساتىندە، «شي جينپيڭ ەل باسقارۋ جونىندەنىڭ» يسپان تىلىندەگى نۇسقاسىن وقۋدان اسەر ٴبولىسۋ جينالىسى 4 ـ ايدىڭ 15 ـ كۇنى ارگەنتينانىڭ استاناسى بۋەنوس _ ايرەستە وتكىزىلدى.
جۇڭگونىڭ ارگەنتينادا تۇراتىن باس ەلشىسى ۋاڭ ۋي قيمىلدا ارناۋ ٴسوز سويلەپ، بىلاي دەدى: «شي جينپيڭ ەل باسقارۋ جونىندە» جاڭا داۋىردەگى جۇڭگو باسشىسىنىڭ ەل باسقارۋ ۇستانىمىن جانە بيلىك جۇرگىزۋ جوباسىن جۇيەلى ايگىلەدى، وقىرمان ودان حالىقتى وزەك ەتكەن بيلىك باسىنداعى پارتيانىڭ مەملەكەتتى قالاي دامىتقاندىعىن، دۇنيە جۇزىمەن قالاي بىرگە جاساسقاندىعىن جانە حالىقتى باستاپ جۇڭگو ۇلگىسىندەگى وسىزامانداندىرۋ جولىن قالاي اشقاندىعىن تۇسىنە الادى، اناعۇرلىم كوپ ارگەنتينالىق دوستاردىڭ وسى شىعارما ارقىلى جاڭا داۋىردەگى جۇڭگونى ٴبىلۋىن جانە وقىپ ٴتۇسىنۋىن ٴۇمىت ەتەمىز.
جۇڭگو شەتەل تىلدەرى مەكەمەسىنىڭ ورىنباسار باستىعى يۇي تاۋ ارناۋ ٴسوز سويلەپ، بىلاي دەدى: «شي جينپيڭ ەل باسقارۋ جونىندەنىڭ» يسپان تىلىندەگى نۇسقاسىنىڭ باسپادان شىققاندىعىنا 10 جىل بولىپ، ارگەنتيناداعى ٴار سالانىڭ كەڭ كولەمدە قارسى الۋىنا يە بولدى. ارگەنتينا جاقپەن كىتاپ شىعارۋ، مەديادا تاراتۋ، اقىل ـ پاراسات قويماسى تىلدەسۋى، تاقىرىپ زەرتتەۋ سياقتى سالالارداعى ناقتى سەلبەستىكتى ونان ارى تەرەڭدەتىپ، ەكى ەل حالقىنىڭ دوستىعىن تەرەڭدەتۋگە اناعۇرلىم زور ۇلەس قوسۋدى قالايمىز.
ارگەنتينا بۋەنوس _ ايرەس داشۋەسىنىڭ سىرتقى ىستەرگە جاۋاپتى ورىنباسار مەكتەپ باستىعى پاتريسيو كورنەجەرو ورتيس شينحۋا اگەنتتىگى ٴتىلشىسىنىڭ تىلشىلىگىن قابىلداعاندا بىلاي دەدى: «شي جينپيڭ ەل باسقارۋ جونىندەنىڭ» يسپان تىلىندەگى نۇسقاسىنىڭ باسپادان شىعىپ تاراتىلۋى ارگەنتينا مەن جۇڭگونىڭ عىلمي جانە گۋمانيتارلىق اۋىس ـ كۇيىسى جاعىندا كەلەلى ماڭىز الادى، ارگەنتينا مەن لاتىن امەريكاسى ەلدەرىنىڭ جاڭا داۋىردەگى جۇڭگونىڭ دامۋ بارىسىن ناقتاپ بىلۋىنە جول ازىرلەدى.
ٴبولىسۋ جينالىسىندا ارگەنتينانىڭ جۇڭگودا تۇراتىن بۇرىنعى باس ەلشىلەرى نيۋ ۋاڭداۋ مەن گاي تيەگى، ارگەنتينا باسپا ساۋداگەرلەرى قوعامىنىڭ ٴتوراعاسى حۋان مانۋەل پامپين قاتارلىلار ٴوز كەشىرمەلەرىمەن ۇشتاستىرىپ، «شي جينپيڭ ەل باسقارۋ جونىندەنىڭ» قاتىستى مازمۇندارىن ٴار قىرىنان تانىستىرىپ، كىتاپ وقۋ اسەرلەرىن ٴبولىستى.
