حالىق گازەتىنىڭ ٴتىلشىسى جياڭ يۇنلۇڭ
جۇڭگو _ ەۆروپا كەزەكشى پويەزدەرى الاتاۋ ساعاسى شەكارا وتكەلى ارقىلى مەملەكەت قاقپاسىنان شىقتى، جۇكتى تولتىرا تيەگەن كونتينەرلىك جۇك اۆتوكولىكتەرى حونچيراپ شەكارا وتكەلىندە كەدەننەن جىلدام وتۋدە... تاياۋ جىلداردان بەرى شينجياڭ سالىستىرمالى توماعا ـ تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى. 1 ـ ايدان 2 ـ ايعا دەيىن شينجياڭنىڭ سىرتقى ساۋدا يمپورت ـ ەكسپورت جالپى قۇنى 63 ميلليارد 690 ميلليون يۋان حالىق اقشاسى بولىپ، سايكەس مەزگىلدەگىدەن %51.4 ارتىپ، ٴۇرتىس 28 اي بويى سايكەس مەزگىلدەگىدەن ەكى ورىندى سانمەن جانە ودان دا جوعارى سالىستىرمامەن ارتۋدى جۇزەگە اسىردى.
شينجياڭنىڭ تەمىر جول ۇلكەن ارناسى اناعۇرلىم جيىلەدى، اناعۇرلىم ىركىلىسسىزدەندى. دۇنيە ٴجۇزىنىڭ جەر ـ جەرىنەن كەلگەن تاۋارلار وسى ارنانى بويلاي وسىندا شوعىرلاندى، اينالىمعا ٴتۇستى، جىكتەلىپ تاراتىلدى. الاتاۋ ساعاسىندا ەل ىشىندەگى 25 ولكە، شەكارا سىرتىنداعى 21 مەملەكەت وسى شاعىن شەكارا وتكەلى ارقىلى تۇتاستىرىلدى. 30 مىڭنان استام جۇڭگو _ ەۆروپا (ورتا ازيا) كەزەكشى پويەزى استىق، تەمىر رۋداسى، كاليلى تىڭايتقىشتى تاسىپ اكەلىپ، كيىم ـ كەشەك، ماشينا ـ ەلەكتر، جوعارى، جاڭا تەحنيكا ونىمدەرىن شىعاردى.
شينجياڭنىڭ تاس جول شەكارا وتكەلدەرى كۇن سايىن دۋمانعا بولەنىپ، قاربالاستىققا ٴتۇسىپ، جۇمىسقا قولايلى بولۋمەن بىرگە، ەكسپورت ەتىلۋ الدىندا تۇرعان ”جۇڭگو جاساعان“ اۆتوكولىكتەر دە ۇزدىكسىز قاۋىرت مولايدى، اۋەلى، ۇنەمى ۇزىننان ـ ۇزاققا كەزەك توساتىن بولدى. قورعاستا، 3 ـ ايدىڭ 1 ـ كۇنىنە دەيىن 20 مىڭنان استام تاۋار اۆتوكولىك وسى تاس جول شەكارا وتكەلى ارقىلى ەكسپورت ەتىلىپ، سايكەس مەزگىلدەگىدەن %381 ارتتى. 2023 ـ جىلى قورعاستان ەكسپورت ەتىلگەن تاۋار اۆتوكولىك 304 مىڭعا جەتىپ، سايكەس مەزگىلدەگىدەن %307.5 ارتتى.
نازاردى وڭتۇستىك شينجياڭعا اۋداراتىن بولساق، جاڭا وراي وسى ارادا تامىر تارتىپ وركەن جايىپ، گۇل اشىپ جەمىس بەردى. جۇڭگو (شينجياڭ) ەركىن ساۋدا سىناق رايونىنىڭ قاشقار اۋماعى ماڭدايشالىق اشقان ساتتە ـ اق 35 كاسىپورىن ىرگە تەۋىپ، سول كۇنى قول قويىلىپ تياناقتاندىرىلعان نىسان قارجىسى 17 ميلليارد 600 ميلليون يۋاننان استى. بيىل الدىڭعى 2 ايدا تەك قاشقار ايماعىنىڭ ٴوزى 175 مەملەكەتپەن (ءوڭىر) ساۋدا جۇرگىزىپ، سىرتقى ساۋدا يمپورت ـ ەكسپورت جالپى قۇنى 17 ميلليارد 60 ميلليون يۋان بولىپ، سايكەس مەزگىلدەگىدەن %90 ارتتى.
التىن ارنا اناعۇرلىم ىركىلىسسىزدەندى
”الاتاۋ ساعاسى ارقىلى ەۆروپاعا جەتۋ جىبەك جولىنداعى تاسىمال ارالىعى ەڭ قىسقا، جۇمسالاتىن ۋاقىتى ەڭ از، تاسىمال اقىسى ەڭ تومەن حالىقارالىق ساۋدا ٴىرى وتكەلى“، ـ دەدى الاتاۋ قالاسىنىڭ ۇنەمىلىك ىستەرگە جاۋاپتى ورىنباسار قالا باستىعى لي جياڭلين. 2023 ـ جىلى الاتاۋ ساعاسى شەكارا وتكەلىنەن قاتىناعان جۇڭگو _ ەۆروپا كەزەكشى پويەزى 6635كە جەتىپ، سايكەس مەزگىلدەگىدەن %6.8 ارتتى. تەمىر جول شەكارا وتكەلىنىڭ جۇك تاسىمال مولشەرى 14 ميلليون 71 مىڭ توننا بولىپ، سايكەس مەزگىلدەگىدەن %17.5 ارتىپ، بۇكىل شينجياڭنىڭ تەمىر جول شەكارا وتكەلدەرىندە الدىڭعى ورىندا تۇردى.
كەزەكشى پويەزدىڭ بارعان سايىن كوبەيۋىمەن تەمىر جول نەگىزدىك قۇرىلىس قۇرىلعىلارىنا بولعان تالاپ تا بارعان سايىن جوعارىلادى. الاتاۋ ساعاسى قۇرىلىسى دا باستان ـ اياق قارقىندى جەدەلدەتىپ كەلەدى. جۇڭگو تەمىر جولى ٴۇرىمجى مەكەمەسى الاتاۋ ساعاسى ۆوگزالى وداق كوميتەتىنىڭ شۋجيى چىن چيان بىلاي دەپ تانىستىردى: قازىر الاتاۋ ساعاسى ۆوگزالى 94 كەڭ بەلدەۋلى ولشەمدى رەليس جەلىسى، 5 ميلليون توننا بولشەك استىق تيەلەتىن تەمىر جول ارناۋلى جەلىسى سياقتى ٴبىر توپ نەگىزدىك قۇرىلعىلاردى قۇرىپ شىقتى. قۇرىلىس نىسانىنىڭ ۇزدىكسىز ىلگەرىلەتىلۋىنە ساي، الاتاۋ ساعاسى تەمىر جول شەكارا وتكەلىنىڭ جاقىن مەزگىلدەگى كەدەننەن وتكىزۋ قۋاتى 20 ميلليون توننادان 40 ميلليون تونناعا كوتەرىلەتىندىگى، ۇزاق مەرزىمدە 60 ميلليون تونناعا جەتەتىندىگى مەجەلەنىپ وتىر.
الاتاۋ ساعاسى كەدەننەن ٴوتۋدى قولايلىلاندىرۋ شاراسىن جاسامپازدىقپەن ىلگەرىلەتىپ، بىرلەسىپ تەكسەرەتىن مەكەمە ـ ورىنداردىڭ ”قاتارلاپ جالعاۋ“ جۇمىس ۇلگىسىن ورناتىپ، كەدەننەن ٴوتۋ ونىمدىلىگىن جوعارىلاتتى. ”7×24“ ساعاتتىق الدىن الا كەلىسىپ كەدەننەن ٴوتۋ مەحانيزمى ارقىلى جوعارى ٴونىمدى جۇمىس جۇرگىزىپ كەدەننەن ٴوتۋ ۋاقىتىن ەڭ جوعارى شەكتە قىسقارتتى. كەزەكتە شەكارادان شىعاتىن جۇڭگو _ ەۆروپا كەزەكشى پويەزىنىڭ كەدەننەن ٴوتۋ ۋاقىتى 5 ساعات ىشىنە قىسقارتىلىپ، شەكارادان كىرەتىن زاتتار ينفورماتسياسىن وتكەرمەلەۋ بارىسى 4 ساعات جىلدامداتىلدى.
قورعاس تەمىر جول شەكارا وتكەلى ۆوگزالىندا، جۇكتى تولتىرا تيەپ اتتانۋ الدىندا تۇرعان كەزەكشى پويەزدەر جابدىق اۋىستىرۋدا. ٴوندىرىس حاۋىپسىزدىگى قولباسشىلىق ورتالىعىنىڭ ەكرانىنان كەزەكشى پويەزدەردىڭ جاعدايى مەن قاتىناۋ ساندى مالىمەتتەرى ناقتى ۋاقىتىندا جاڭالانىپ تۇرادى. ”ٴبىز جۇڭگو _ ەۆروپا كەزەكشى پويەزىنىڭ جوعارى ٴونىمدى قاتىناۋىنا شىنايى كەپىلدىك ەتۋدى ٴتۇيىن ەتىپ، كەزەكشى پويەزدەردىڭ جالپى ارالىق ۋاقىت كەستەسىن جاسادىق، 2023 ـ جىلى ساعاتتىق جىلدامدىعى 120 كيلومەتر كەلەتىن جۇڭگو _ ەۆروپا كەزەكشى پويەزىنىڭ 25 ارناۋلى قاتىناۋ جەلىسىن، ساعاتتىق جىلدامدىعى 90 كيلومەتر كەلەتىن جۇڭگو _ ازيا كەزەكشى پويەزىنىڭ 14 قاتىناۋ جەلىسىن كەستەلەپ، جۇڭگو _ ەۆروپا كەزەكشى پويەزى قاتىناۋ ۋاقىتىنىڭ اناعۇرلىم دالمە ـ ٴدال بولۋىنا مۇمكىندىك جاسادىق“. جۇڭگو تەمىر جول ٴۇرىمجى مەكەمەسى توبى شەكتى سەرىكتەستىگى سىرتقى سەلبەستىك ٴبولىمىنىڭ ورىنباسار مەڭگەرۋشىسى باي لۋ: قورعاس ۆوگزالى ٴتۇيىندى كەزەكشى پويەزدەرگە تاسىمال قۋاتى جاعىنان بەيىمدەلىپ، جارىسپالى جۇمىس ۇلگىسىن قولدانىپ، كەزەكشى پويەزدەردىڭ ”كەلە سالىسىمەن جەدەل ٴجۇرىپ كەتۋىن“ جۇزەگە اسىردى، ـ دەدى.
كەزەكتە الاتاۋ ساعاسى مەن قورعاس سىندى شينجياڭنىڭ وسى ەكى شەكارا وتكەلىنەن قاتىناعان جۇڭگو _ ەۆروپا كەزەكشى پويەزىنىڭ جالپى سانى 70 مىڭنان استى. قاتىنايتىن كەزەكشى پويەزدىڭ سانىنىڭ جىل سايىن ارتۋىنا ىلەسە، شەكارا وتكەلدەرى مەن وتكەل قۇرىلىسى دا ۇزدىكسىز ىلگەرىلەتىلدى. 2020 ـ جىلدان بەرى الاتاۋ ساعاسى، قورعاس تەمىر جول شەكارا وتكەلى قۋاتتى كەڭەيتىپ جاڭالاۋدى جەدەل اتقاردى، قورعاس الاڭ ـ ۆوگزالى ٴبىر جۇپ زات اۋىستىرۋ جەلىسىن تىڭنان ارتتىرىپ، 10 قابىلداۋ ـ اتتانۋ جەلىسىن تىڭنان ارتتىرىپ، ۇزارتىپ، كەزەكشى پويەزدىڭ تاسىمال ۇيىمداستىرۋ قۋاتىن %30تەن استام جوعارىلاتتى. 2023 ـ جىلى 11 ـ ايدا لانجوۋ _ شينجياڭ تەمىر جولىنىڭ جىڭ _ الاتاۋ ساعاسى بولىگىندە ەكىنشى جەلى ينجەنەرياسى كوبەيتىپ سالىنىپ، قوس جەلى ينجەنەرياسىن ەلەكترلەندىرە اشۋدى، ىسكە قوسۋدى جۇزەگە اسىرىپ، كەزەكشى پويەزدەردىڭ تاسىمال ۋاقىتىن 40 مينۋت قىسقارتتى.
بۇگىنگى تاڭدا الاتاۋ ساعاسى شەكارا وتكەلىنەن قاتىنايتىن كەزەكشى پويەز جەلىسى 115كە جەتىپ، 25 مەملەكەت پەن وڭىرگە قاتىنادى؛ قورعاس تەمىر جول شەكارا وتكەلىنەن قاتىنايتىن كەزەكشى پويەز جەلىسى 80 بولىپ، شەكارا سىرتىنداعى 18 مەملەكەتتى شارپىپ، 45 قالا مەن وڭىرگە قاتىنادى. ەكى شەكارا وتكەلىنەن وتەتىن زاتتاردىڭ تۇرلەرى تۇگەلدەي 200 تۇردەن استى.
قاشقار ايماعىندا، توقتاۋسىز قاتىناعان اۆتوكولىكتەر قاشقار كەشەندى قورعامالى باجى اۋماعى ىشىندە وشىرەتكە تۇرىپ كەدەننەن ٴوتۋدى كۇتۋدە. ”قاشقار كەشەندى قورعامالى باجى اۋماعىنىڭ زەردەلى زات اينالىم باسقارۋ جۇيەسىنىڭ ۋيشين شاعىن باعدارلاماسىنا سۇيەنىپ زاتتاردىڭ كەدەننەن ٴوتۋ ونىمدىلىگى ۇزدىكسىز جوعارىلاتىلدى. ٴبىر جۇك اۆتوكولىگىنىڭ اۋماقتان شىعىپ وتكىزىلۋىنە دەيىنگى تۇتاس بارىس ٴبىر مينۋتتان اسپادى، ٴاربىر اۆتوكولىكتىڭ جۇمىس بىتىرۋىندە 0.5 ساعاتتىڭ ۇستىندە ۋاقىت ۇنەمدەلدى.
بيىل جىل باسىنان بەرى، قاشقار رەسەيدىڭ ماسكەۋى، انگليانىڭ بوۋرنەموۋسى سياقتىلارعا دەيىنگى كوپتەگەن حالىقارالىق زات تاسىمال جاڭا اۆياتسيا جەلىسىن ىركەس ـ تىركەس اشتى، قاشقاردىڭ دۇنيە جۇزىمەن ارالىعى اناعۇرلىم قىسقاردى، توڭىرەكتەگى ەلدەرمەن سەلبەستىگى اناعۇرلىم قولايلى بولدى. الدىڭعى 2 ايدا قاشقار ايماعىنىڭ اۆياتسيا تاسىمال يمپورت ـ ەكسپورت جالپى قۇنى %119.6 ارتتى.
ارنانىڭ ىركىلىسسىزدەنۋى كاسىپ سالاسىنىڭ گۇلدەنۋىن جەبەدى
ارنانىڭ ىركىلىسسىزدەنۋى كاسىپ سالاسىنىڭ كوركەيۋىنە دەم بەردى. تەمىر جول ارناۋلى جەلىسىن بويلاپ، قازاقستان ٴبيدايىن تاسىمالدايتىن زات تاسىمال كەزەكشى پويەزى الاتاۋ ساعاسى كەشەندى قورعامالى باجى اۋماعىنا تىكە تارتىپ، جينشاحى ۇن كاسىبى شەكتى سەرىكتەستىگىنىڭ ٴوندىرىس جەلىسىنە جەتكىزدى. ” ’ٴبىر بەلدەۋ، ٴبىر جولدى‘ بىرگە قۇرۋدىڭ ارقاسىندا كەشەندى قورعامالى باجى اۋماعىنىڭ زات اينالىم تاسىمالى اناعۇرلىم قولايلى بولىپ، ٴبيداي يمپورتى كەدەن باجى نورما شەكتەمەسىنە ۇشىرامادى، شيكىزاتتار تەمىر جول ارناۋلى جەلىسى ارقىلى كاسىپورىنعا تىكە جەتكىزىلىپ، ۋاقىت قىسقارىپ، وزىندىك قۇن تومەندەدى“، ـ دەدى سەرىكتەستىكتىڭ جاۋاپتىسى يىن فيحۇڭ.
الاتاۋ ساعاسىندا، وسى تەكتەس يمپورت استىق، ماي وڭدەيتىن باستاماشى كاسىپورىنداردان 14ى، تاعى 100دەن استام يمپورت ـ ەكسپورت ساۋدا كاسىپورنى بار. يمپورت استىقتارى بەلگىلەنگەن شەكارا وتكەلى تولىمدىلىعىنان پايدالانعان الاتاۋ ساعاسى استىق، ماي زاپاس ساقتاۋ جانە وڭدەۋ كاسىپ سالاسىن بەلسەنە دامىتىپ، ٴوندىرۋ، قامداۋ، ساتۋ ٴبىر تۇلعالانعان تولىق كاسىپ سالاسى تىزبەگىن جەدەل قالىپتاستىردى. الاتاۋ ساعاسى كەشەندى قورعامالى باجى اۋماعىندا 813 كاسىپورىن ىرگە تەۋىپ، يمپورت استىقتى وڭدەۋ، اعاش ماتەريالدارىن وڭدەۋ، ەكسپورتتىق جابدىقتاردى جاساۋ، مەديتسيناعا پايدالاناتىن ماتەريالدار، شەكارا اتتاعان ەلەكتروندى ساۋدا سياقتى بەس ۇلكەن ەرەكشە، باسىمدىققا يە كاسىپ سالاسى شوعىرىن قالىپتاستىردى.
قورعاس ازيا _ ەۆروپا حالىقارالىق قامداۋ تىزبەگى شەكتى سەرىكتەستىگىنىڭ تۇتاس اۆتوكولىك ەكسپورت ەتۋ بازاسى قاربالاس كۇيدە بولدى. ول 2023 ـ جىلى 5 ـ ايدا تيجارات باستاعان جاڭا سەرىكتەستىك، ايلىق تاپسىرىس مولشەرى قىسقا عانا بىرنەشە ايدا 10 نەشەدەن 1000 نەشەگە ارتتى.
”جۇڭگو اۆتوكولىكتەرى، اسىرەسە، جاڭا ەنەرگيالى اۆتوكولىكتەر شەتەلدە كۇسەت ساتىلدى، بازارداعى بولاشاعى جارقىن“. سەرىكتەستىكتىڭ باس ديرەكتورى گۋ حايفىڭ قورعاستىڭ بولاشاق دامۋىنان ۇلكەن ٴۇمىت كۇتۋدە.
قورعاستان ٴۇمىت كۇتىپ وتىرعان تەك گۋ حايفىڭ عانا ەمەس. 2023 ـ جىلى قورعاس ”ٴبىر اۋماق، ٴۇش باقشا“ ساۋداگەر شاقىرىپ قارجى ەنگىزۋ نىسانىنان جالپى 175ىن اتقاردى، جالپى قوسىلعان قارجى 99 ميلليارد 406 ميلليون يۋاندى شارپىپ، تياناقتانعان قارجى 58 ميلليارد 528 ميلليون يۋان بولىپ، سايكەس مەزگىلدەگىدەن %17.43 ارتتى. كەزەكتە، جەرگىلىكتى ورىن جاڭا ەنەرگيا، جاڭا ماتەريال، ەلەكتروندى ينفورماتسيا، ماشينا ـ ەلەكتر جابدىقتارى، اۋىل شارۋاشىلىق ونىمدەرى جانە ازىق ـ تۇلىك وڭدەۋ، كيىم ـ كەشەك وڭدەۋ، بيولوگيالىق ەمدەۋ، ٴدارى ـ دارمەك سياقتى كاسىپ سالاسى ورنالاسىمىن نەگىزىنەن قالىپتاستىردى.
قاشقار كەشەندى قورعامالى باجى اۋماعىندا، قاشقار جيابو عىلىم ـ تەحنيكا شەكتى سەرىكتەستىگىنىڭ قىزمەتكەرلەرى سەحتا LED جارىق كوزدەرى بولشەكتەرى چيپىن وندىرسە، قاشقار ٴاندى جارىق ەلەكتر عىلىم ـ تەحنيكا شەكتى سەرىكتەستىگىنىڭ جۇمىسشىلارى ەكسپورت ەتىلەتىن وپتيكالىق اپپارات كوزىن قۇراستىرىپ جاتتى.
تاياۋ جىلداردان بەرى، قاشقار كەشەندى قورعامالى باجى اۋماعىندا يمپورت ـ ەكسپورت ساۋدا سوماسىنىڭ ارتۋ جىلدامدىعى زور مولشەردە جوعارىلاپ، ساۋدا ـ زات اينالىمىن نەگىز ەتكەن، ەلەكتروندى ٴۇي ەلەكتر جابدىقتارىن نەگىز، ازىق ـ تۇلىك وڭدەۋدى، توقىماشىلىقتى، كيىم ـ كەشەكتى، باعالى مەتال وڭدەۋدى قوسالقى ەتكەن سىرتقا باعىتتالعان ٴوندىرۋ، وڭدەۋ جۇيەسىنىڭ قالىپتاسۋىن ىلگەرىلەتتى.
”ارنا ارقىلى زات اينالىمىنا دەم بەرگەن، زات اينالىمى ارقىلى كاسىپ سالاسىن ۇيىستىرعان قاشقار كاسىپ سالاسى دامۋىنىڭ قوزعاۋشى كۇشى ٴونىمدى ’جانداندىرىلدى‘ “. قاشقار كەدەنى كەشەندى كاسىپ ىستەرى باسقارماسىنىڭ باستىعى ۋاڭ شيپيڭ بىلاي دەپ تانىستىردى: ”الدىڭعى 2 ايدا قاشقار ايماعىنىڭ ليتي ـ يوندى باتارەيانى، فوتوۆولتتىق ونىمدەردى، ەلەكترلى اۆتوكولىكتەردى ۋاكىل ەتكەن جاڭا ونىمدەر ەكسپورتى %396.7 ارتتى؛ ٴۇي ەلەكتر جابدىقتارىن، ساندى مالىمەتتى اۆتوماتتى تۇردە ٴبىر جاقتى ەتۋ اسپابى، قول تەلەفوندى ۋاكىل ەتكەن ٴداستۇرلى ونىمدەر ەكسپورتى %80.9 ارتتى. جاڭا ونىمدەردى ەكسپورت ەتۋ كولەمىنىڭ جىلدام ارتۋى، شەتەلدە ٴوتىمدى بولۋى قاشقار ايماعىنىڭ سىرتقى ساۋدادا قارقىنىن ارتتىرىپ، ساپاسىن جوعارىلاتىپ، دارەجەسىن ٴوسىرۋىنىڭ جاندى ايعاعى.
جاڭا كاسىپ كۇيى، جاڭا ۇلگى جارىققا شىقتى
ەسىك اشۋ شينجياڭدى وزگەرتۋدە. ٴشول دالادا جاڭا كاسىپ سالاسى، جاڭا كاسىپ كۇيى، جاڭا ۇلگى اۋقىمعا قاراي جارىققا شىقتى.
قاشقار كەشەندى قورعامالى باجى اۋماعى ٴشول ـ ٴجازيرادا سالىنعان وسىزاماندانعان باقشا اۋماعى. باقشا اۋماعى ىشىندە جۇڭشۇن ەلەكتروندى ساۋدا ىستەرى (شينجياڭ) شەكتى سەرىكتەستىگىنىڭ جۇمىسشىلارى جۇك تيەپ قاربالاستانۋدا، وسى زاتتار قورعامالى باجى اۋماعىنان شىعارىلىپ، ەركەشتام شەكارا وتكەلى ارقىلى شەكارادان شىعىپ، 3 كۇننەن كەيىن قىرعىزستاننىڭ وش وبلىسىنا جەتكىزىلەدى.
”مەن 2020 ـ جىلى قاشقارعا كەلىپ شارۋاشىلىق قۇردىم، ماعان ۇناعانى قاشقاردىڭ وڭىرلىك باسىمدىعى جانە ەسىك اشۋ باسىمدىعى بولدى“، ـ دەدى جۇڭشۇن ەلەكتروندى ساۋدا ىستەرى (شينجياڭ) شەكتى سەرىكتەستىگىنىڭ باس ديرەكتورى جاڭ چي. شينجياڭنىڭ ەسىك اشۋ شىعىس جەلىنىڭ دەم بەرۋىمەن ونىڭ كاسىپورنى دا قارىشتاپ دامۋدى قارسى الدى. كەزەكتە كاسىپورىننىڭ كۇندەلىكتى ٴبىر جاقتى ەتەتىن ەلەكتروندى ساۋدا ىستەرى تاپسىرىسى 120 مىڭعا جەتتى، 8000 شارشى مەترلىك قۇرلىق پەن اۋەنى ٴبىر تۇلعالاندىرعان ايىرۋ ورتالىعى ىسكە قوسىلدى.
”شەكارا اتتاعان تۇڭعىش ەلەكتروندى ساۋدا كاسىبىنىڭ قاشقار كەشەندى قورعامالى باجى اۋماعىندا ىرگە تەبۋىنەن وڭتۇستىك شينجياڭداعى تۇڭعىش شەكارا اتتاعان ەلەكتروندى ساۋدا ەكسپورت ارناۋلى پويەزىنىڭ قاتىناۋىنا دەيىن قاشقاردىڭ ’زات جيناۋ‘ قۋاتى ۇزدىكسىز جوعارىلادى“. ۋاڭ شيپيڭ بىلاي دەپ تانىستىردى: شەكارا اتتاعان ەلەكتروندى ساۋدا كاسىبىنىڭ جوعارى ساپالى دامۋىن ىلگەرىلەتۋ ٴۇشىن قاشقار كەدەنى اڭگىمە ٴماجىلىسى، كاسىپتىك باۋلۋ، جاڭا مەديا ۇگىتى سياقتى تاسىلدەردى قولدانىپ سىرتقى ساۋدا تۇلعالارىن باۋلۋ ـ تاربيەلەۋدى بەلسەنە ويداعىداي ىستەپ، ٴداستۇرلى وندىرىستىك كاسىپورىنداردىڭ ادەتتەگى ساۋدادان شەكارا اتتاعان ەلەكتروندى ساۋدا B2B ەكسپورتىنا قاراي بۇرىلىس جاساۋىندا قارقىن اۋىستىرىپ، دارەجەسىن ٴوسىردى.
شەكارا اتتاعان ەلەكتروندى ساۋدانىڭ دامۋىن قولداپ، شەكارا وتكەلى جانە كەشەندى قورعامالى باجى اۋماعىنىڭ وڭىرلىك ورىن جانە ساياسات ابزالدىلىعىن ويداعىداي ساۋلەلەندىرۋ ٴۇشىن، الاتاۋ ساعاسى كوپ كۇش جۇمساپ 28 مىڭ شارشى مەترلىك شەكارا اتتاعان ەلەكتروندى ساۋدا بويىنشا ايىرىپ كەدەن راسىمياتتارىن ٴبىتىرۋ ورتالىعىن سالىپ، جالپى بارىستىق جوعارى ٴونىمدى، جىلدام كەدەننەن ٴوتۋ ۇلگىسىن ورناتىپ، شەكارا اتتاعان ەلەكتروندى ساۋدا زاتتارىن الدىمەن قابىلداپ، مالىمدەپ، الدىمەن پەشەتتەپ، الدىمەن تەكسەردى.
”ٴبىز الاتاۋ ساعاسىندا ’باياۋ اۋە تاسىمالى‘ ۇلگىسىن اشتىق، ەكسپورت ەتىلگەن زاتتار 18 _ 12 كۇندە ەۆروپاعا جەتكىزىلەدى، اقىسى اۋە تاسىمالىنىڭ بەستەن بىرىندەي، ۋاقىتى تەڭىز تاسىمالىنىڭ التىدان بىرىندەي“، ـ دەدى الاتاۋ ساعاسى كەشەندى قورعامالى باجى اۋماعىن باسقارۋ كوميتەتىنىڭ ورىنباسار مەڭگەرۋشىسى جوۋ چيۇڭ. كەزەكتە الاتاۋ ساعاسى الدەقاشان 508 مىڭ ەلەكتروندى ساۋدا كاسىپورنىنا قىزمەت وتەدى.
قورعاستا قىرۋار شەكارا اتتاعان ەلەكتروندى ساۋدا كاسىپورىندارىنان سىرت، تاعى ساتىپ الۋ قاۋىرت ىرىستى جەر _ جۇڭگو _ قازاقستان قورعاس حالىقارالىق شەكارالىق سەلبەستىك ورتالىعى بار. مۇندا جۇڭگو جاقتاعى اۋماعى 3.43 شارشى كيلومەتر، قازاقستان جاق اۋماعى 2.17 شارشى كيلومەتر. جۇڭگو جاق وڭىرىندە 3000عا تاياۋ دۇكەن بار. ساياحاتشىلار 30 كۇن ۆيزاسىز شەكارا اتتاپ ەركىن ارالاپ، شەكارا اتتاپ ەرەكشەساياحاتتاۋدى سەزىنە الادى، وسى ورتالىقتان قازاقستان جاق شەكاراسى ىشىنە كىرگەندە ٴاربىر ادامنىڭ كۇنىنە ٴبىر رەتتە 8000 يۋان حالىق اقشاسى تۇراتىن، باجىسى كەشىرىم ەتىلگەن تاۋارلاردى الىپ جۇرۋىنە بولادى. قورعاس حالىقارالىق شەكارالىق سەلبەستىك ورتالىعى كەدەنىنىڭ ورىنباسار كەدەن باستىعى ٴجۇرات شوھرات: ”2023 ـ جىلى ٴبىز جالپى تەكسەرىپ وتكىزگەن شەكارادان كىرىپ ـ شىققان ساياحاتشى 4 ميلليون 180 مىڭ ادام (رەت) بولىپ، سايكەس مەزگىلدەگىدەن 4.27 ەسە ارتتى“، ـ دەدى. ”بۇل اراعا كەلىپ زات ساتىپ الاتىن قازاقستاندىق ساۋداگەرلەردىڭ ٴار كۇنى اياعى ۇزىلمەيدى“، ـ دەدى سەلبەستىك ورتالىعى بۇركىت ورتالىق الاڭىنىڭ باس ديرەكتورى جي گاڭ.
”شينجياڭ شەكارا وتكەلى ەكونوميكالىق بەلدەۋى سىرتقا ەسىك اشۋدىڭ ۇزدىكسىز تەرەڭدەۋىنە ىلەسە جالىندى ومىرشەڭدىك كۇشىن ايگىلەپ، سىرتقى ساۋدادا ٴۇرتىس جوعارى دەڭگەيدە ارتۋدى ساقتاپ، ’ ٴبىر بەلدەۋ، ٴبىر جول‘ وزەكتى رايونى قۇرىلىسىنا ماڭىزدى تىرەك ازىرلەدى“. ٴۇرىمجى كەدەنىنىڭ كەدەن باستىعى حاۋ ۋيميڭ بىلاي دەدى: ”ەركىن ساۋدا سىناق رايونى قۇرىلىسىن وراي ەتكەن شينجياڭ نازاردى رەفورمانى تەرەڭدەتىپ، ەسىك اشۋدى كەڭەيتىپ، دامۋ ٴىس جۇزىندىگىنە شوعىرلاندىرىپ، ەركىن ساۋدا سىناق رايونى ساياساتىنان جەتكىلىكتى، ويداعىداي پايدالانىپ، كاسىپورىندارعا قىزمەت وتەۋ، جاڭا دامۋ ارناسىن قالىپتاستىرۋ ٴۇشىن ’جول قاراستىرادى‘ “.
