_ باس شۋجي شي جينپيڭنىڭ ماڭىزدى ٴسوزى ەكى جاعالاۋداعى باۋىرلاستاردى ٴبىر نيەتپەن نۇرلى بولاشاقتى بىرگە جاراتۋعا جىگەرلەندىردى
□ شينحۋا اگەنتتىگىنىڭ تىلشىلەرى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ 4 ـ ايدىڭ 10 ـ كۇنى بەيجيڭدە ما يىڭجيۋمەن جانە ونىڭ ساپارلاستارىمەن كەزدەستى ٴارى ماڭىزدى ٴسوز سويلەدى، بۇل ەل ٴىشى ـ سىرتىنىڭ نازارىن ايرىقشا اۋدارىپ، ەكى جاعالاۋدا قىزۋ اڭىس قوزعادى. ەكى جاعالاۋداعى ٴار سالا قايراتكەرلەرى، مامان ـ وقىمىستىلار جابال مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزى جۇڭحۋا ۇلتىنىڭ جالپى تۇلعالىق مۇددەسى مەن ۇزاق بولاشاقتىق دامۋىن كوزدە ۇستاپ، قويۋ ۇلت، وتان سۇيىسپەنشىلىگىن ايگىلەپ، تايۋاندىق باۋىرلاستار جونىندەگى شىن پەيىلدى قامتىپ، كەزەكتەگى كۇردەلى دە قاتاڭ تايۋان بۇعازى اۋقىمىنا ورنىقتىلىق جانە وڭ ەنەرگيا ۇستەپ، ەكى جاعالاۋ قارىم ـ قاتىناسىن دامىتۋعا ايقىن العا باسۋ بەتالىسىن كورسەتتى، ول جاڭا داۋىردەگى تايۋان قىزمەتىن ويداعىداي ىستەۋدىڭ ٴتۇبىرلى بويسۇنۋ ولشەمى جانە ارەكەت باعدارناماسى، ٴسوز جوق، ەكى جاعالاۋداعى باۋىرلاستاردى وتاندى بىرلىككە كەلتىرۋدىڭ، ۇلتتى گۇلدەندىرۋدىڭ نۇرلى بولاشاعىن ٴبىر نيەتپەن بىرگە جاراتۋعا شابىتتاندىرادى.
جۇڭحۋا ۇلتىنىڭ ورتاق مەكەنىن تاباندىلىقپەن قورعايمىز
”ەكى جاعالاۋداعى باۋىرلاستار بىردەي جۇڭحۋا ۇلتىنا ٴتان. جۇڭحۋا ۇلتى _ دۇنيە جۇزىندەگى ۇلى ۇلت، تاريحى ۇزاق، شۇعىلالى، دۇنيەدە تەڭدەسسىز جۇڭحۋا وركەنيەتىن جاراتقان، ٴاربىر جۇڭحۋا پەرزەنتى مۇنى ماقتانىش ەتەدى جانە داڭق سانايدى“. كەزدەسۋدە باس شۋجي شي جينپيڭ جۇڭحۋا ۇلتىنىڭ تاريحي بيىگىندە تۇرىپ، قالىڭ تايۋاندىق باۋىرلاستاردى كوزدەي وتىرىپ، فيلوسوفيالىق قاعيداعا باي، مەيىرگە تولى ماڭىزدى سوزدەردى شەشىلە سويلەدى، بۇل ەكى جاعالاۋداعى باۋىرلاستاردىڭ كۇشتى ۇندەستىگىن قوزعادى.
”وسى رەتكى تاريحي كەزدەسۋگە كۋا بولعاندىعىمدى ەرەكشە ماقتانىش سەزىنەمىن“. ما يىڭجيۋ بۇل رەتكى ساپارىندا باستاي كەلگەن جاستاردىڭ ٴبىر مۇشەسى رەتىندە، تايۋان ياڭميڭ قاتىناس داشۋەسىنىڭ وقۋشىسى لي لياڭي ماڭىزدى ٴسوزدى سول جەردىڭ وزىندە تىڭداعاندا، كوڭىلى كوپكە دەيىن تولقىپ تۇردى.
11 كۇندىك ۇلى قۇرلىق ساپارىندا لي لياڭيدى قامتىعان تايۋاندىق 20 جاس گۋاڭدۇڭ، شانشي، بەيجيڭدەردى ارالاپ، ەكى جاعالاۋدىڭ تاريحىن، رەالدىعىن جانە كەلەشەگىن ىشكەرىلەي بايلانىستىردى. ”ٴبىز جۇڭحۋا ۇلتىنىڭ كۇرەس تاريحىن ونان ارى تۇسىندىك، ۇلتتىڭ ۇلىلىعىن سەزىندىك، بۇل كەشىرمەلەر، ٴسوز جوق، ٴومىر بويى ەستەن كەتپەيدى“، ـ دەدى ول.
بۇل باس شۋجي شي جينپيڭنىڭ پارتيا 20 ـ قۇرىلتايىنان كەيىن تايۋاندىق باۋىرلاستارمەن تۇڭعىش رەت كەزدەسۋى ٴارى ماڭىزدى ٴسوز سويلەۋى بولىپ، تايۋان ارالىنداعى ٴار سالانىڭ نازارىن ايرىقشا اۋداردى.
”تەرەڭ سۇيىسپەنشىلىككە، ادال نيەتكە، تايۋاندىق باۋىرلاستار جونىنەن ىزگى نيەتكە تولى بولدى“. تايۋان ەڭبەك پارتياسىنىڭ ٴتوراعاسى ۋ رۇڭيۋان بىلاي دەدى: باس شۋجي شي جينپيڭ ەكى جاعالاۋداعى باۋىرلاستارعا باعىتتاي وتىرىپ ”ٴتورت تاباندىلىقتى“ العا قويىپ، ەكى جاعالاۋداعى باۋىرلاستاردىڭ بەيبىت بىرلىككە كەلۋدى جۇزەگە اسىرۋ، وتباسىنىڭ باس قوسۋى، وتاننىڭ بىرلىككە كەلۋى بەتالىسىنا قاراي بىرگە ەكپىندەي ىلگەرىلەۋگە جەتەكشىلىك ەتتى.
تايۋان ”جۇڭگو مادەنيەت داشۋەسى“ ۇلى قۇرلىق زەرتتەۋ ورنىنىڭ باستىعى جاۋ جيانمين بىلاي دەدى: باس شۋجي شي جينپيڭنىڭ ”ٴتورت تاباندىلىقتى“ العا قويۋى تۇگەلدەي جۇڭحۋا ۇلتىنىڭ تاريحي مادەنيەتىن ارقاۋ ەتە ايتىلدى، بۇل توتەنشە ماڭىزدى، تايۋان بۇعازىنىڭ قازىرگى شۇعىل جاعدايىن باسەڭدەتۋدە ماڭىزدى رولعا يە.
”باس شۋجي شي جينپيڭ تالاس جۇرمەيتىن تاريحي شىندىق ارقىلى تايۋاننىڭ جۇڭگونىڭ ٴبىر بولىگى ەكەندىگىن، تايۋان تاريحىنىڭ جۇڭگو تاريحىنىڭ، جۇڭحۋا ۇلتى دامۋ تاريحىنىڭ ٴبىر بولىگى ەكەندىگىن كورسەتتى. قىرۋار بايىرعى كىتاپتاردا جازىلعان تاريح تولىق، پارمەندى دالەل ازىرلەدى“، ـ دەدى جۇڭگو مەملەكەتتىك باسىلىم سارايىنىڭ باستىعى ليۋ چىڭيۇڭ.
ما يىڭجيۋ جانە ونىڭ ساپارلاستارى وسى رەت جۇڭگو مەملەكەتتىك باسىلىم سارايىنىڭ شي ـ ان بولىمشە سارايىن ەكسكۋرسيالادى، ارالادى، ليۋ چىڭيۇڭ سول جەرگە ارنايى بارىپ تۇسىنىك جاسادى. ول بىلاي دەدى: ما يىڭجيۋ مەن ونىڭ ساپارلاستارىنىڭ ”كلاسسيكالىق شىعارمالاردىڭ نۇسقاسىمەن كۇشتى ۇندەستىك تابۋى ەكى جاعالاۋداعى باۋىرلاستاردىڭ ٴون ـ بويىندا جۇڭحۋا ۇلتىنىڭ قانى اعىپ جاتقاندىعىن، جان دۇنيەسىنە جۇڭحۋا مادەنيەتىنىڭ دەمى سىڭگەنىن تۇسىندىرەدى“.
”ەكى جاعالاۋداعى باۋىرلاستار تۇگەلدەي جۇڭگو ٴتىلىن سويلەيدى، جۇڭگو جازۋىن جازادى، ورتاق قان تامىرى، مادەنيەتى جانە تاريحى بار“. بەيجيڭ ليانحى داشۋەسى تايۋان زەرتتەۋ ورنىنىڭ پروفەسسورى جۋ سۇڭليڭ بىلاي دەدى: باس شۋجي شي جينپيڭنىڭ ماڭىزدى ٴسوزى ”تايۋاندى دەربەستەندىرۋدى“ كوزدەيتىن قيسىنسىز قاتە تاريحي كوزقاراسقا توتەنشە پارمەندى تويتارىس بەردى، سونداي ـ اق تايۋاندىق باۋىرلاستارعا توركىنىن تۇزەپ، قاينارىن تازالايتىن ”جۇڭگو تاريحى ساباعىن“ تولىقتاپ ٴوتتى. باس شۋجي شي جينپيڭ ”جۇڭحۋا ۇلتىنىڭ ورتاق مەكەنىن تاباندىلىقپەن قورعاۋدى“ باسا دارىپتەپ، ۇلى قۇرلىقتىڭ ”دەربەستەندىرۋگە“ قارسى تۇرىپ، بىرلىككە كەلۋدى جەبەۋدەگى بەرىك ەركى مەن بەكىمىن ايگىلەدى.
تايۋان تاريح وقىمىستىسى، بىرلىككە كەلۋ وداعى پارتياسىنىڭ ٴتوراعاسى چي جيالين باس شۋجي شي جينپيڭنىڭ جۇڭحۋا ۇلتىنىڭ تاريحى جونىندەگى ماڭىزدى بايىمداۋلارىنىڭ ٴوزىن ايرىقشا تەبىرەنتكەندىگىن ايتتى. ول مىنالاردى ٴبىلدىردى: ەكى جاعالاۋدىڭ بولىنبەس تاريحى قۇرىشتان قۇيىلعان فاكتىمەن جازىلعان، ول ٴارقانداي كۇشتىڭ ٴبىزدى ٴبولىپ تاستاۋىنىڭ مۇمكىن ەمەس ەكەندىگىن، ەكى جاعالاۋدىڭ ٴبىر مەملەكەتكە، ٴبىر ۇلتقا ٴتان ەكەندىگى سىندى وبيەكتيۆ شىندىقتى دا وزگەرتە المايتىندىعىن، ٴبىزدىڭ تۇبىندە وتباسىنداعىلاردىڭ باس قوسۋىن، مەملەكەتتىڭ بىرلىككە كەلۋىن جۇزەگە اسىرۋ سىندى تاريحي ۇلكەن اۋقىمىمىزدى توسا المايتىندىعىن دالەلدەدى.
جۇڭحۋا ۇلتىنىڭ باياندى قۇت ـ ىرىسىن تاباندىلىقپەن بىرگە جاراتامىز
”باس شۋجي شي جينپيڭ ەكى جاعالاۋداعى باۋىرلاستاردىڭ قۇت ـ ىرىسىن كوزدەۋ ٴبىزدىڭ ەكى جاعالاۋ قارىم ـ قاتىناسىن دامىتۋداعى شىعار ٴتۇيىنىمىز جانە تابان تىرەر تياناعىمىز دەپ باسا دارىپتەپ، جۇڭحۋا ۇلتىنىڭ باياندى قۇت ـ ىرىسىن بىرگە جاراتۋ سىندى ۇلى نىساناسىن العا قويىپ، ۇلى قۇرلىق جاقتىڭ تايۋاندىق باۋىرلاستاردى ىنتىماقتاستىرعان، تايۋان حالقىنىڭ قولداۋىنا يە بولعان ىزگى نيەتىن ايگىلەدى“، ـ دەدى بەيجيڭ داشۋەسى تايۋان زەرتتەۋ ورنىنىڭ باستىعى لي يحۋ.
باس شۋجي شي جينپيڭنىڭ ماڭىزدى ٴسوزى تايۋان جاستارىنىڭ ۇلى قۇرلىقتا ارمان قۋۋ سەنىمىن اناعۇرلىم بەكەمدەدى. ”ۇلى قۇرلىق بازارىنىڭ كولەمى وراسان زور، تايۋاندىق باۋىرلاستارعا ەرەكشە كوڭىل بولەدى، بۇل ارادا اناعۇرلىم كەڭ دۇنيەنى كورىپ، اناعۇرلىم جوعارى مۇرات تالپىنىسىن جۇزەگە اسىرۋعا بولادى“. گۋاڭدۇڭ جۇڭشان داشۋەسىندەگى تايۋاندىق وقۋشى شۇي مينشان وسى رەت ”قوجايىن“ رەتىندە ما يىڭجيۋ جانە ونىڭ ساپارلاستارىمەن بىرگە مەكتەپكە بارىپ اۋىس ـ كۇيىس جاساۋ قيمىلىنا قاتىناسىپ، ارالداعى جاستارمەن كەشىرمەلەرىمەن، اسەرلەرىمەن ورتاقتاستى. ۇلى قۇرلىقتا 3 جىل ٴبىلىم العان ول اسپيرانتتىققا ەمتيحان بەرىپ، ٴبىلىم اسىرىپ، وسىندا جالعاستى قالىپ، ارمانعا قۇلاش سەرمەۋدى جوسپارلاۋدا.
وسى رەتكى ساپاردا ما يىڭجيۋ جانە ونىڭ ساپارلاستارى داجياڭ، تىڭشۇن، بييادي سياقتى الەمدىك ماڭداي الدى كاسىپورىنداردى ەكسكۋرسيالاپ، ”عاسىر ينجەنەرياسى“ شياڭگاڭ _ جۋحاي _ اۋمىن ۇلكەن كوپىرىن كورىپ، ۇلى قۇرلىقتىڭ ەكونوميكالىق، قوعامدىق دامۋ ريتىمىن جاقىننان سەزىندى.
ۇشقىشسىز ۇشاق، جاڭا ەنەرگيالى اۆتوكولىك قاتارلىلار تايبەي داشۋەسىنىڭ وقۋشىسى لين شينيۋەگە تەرەڭ اسەر قالدىردى. ”قۇلاقپەن ەستىگەن وتىرىك، كوزبەن كورگەن شىندىق. ۇلى قۇرلىق عىلىم ـ تەحنيكاسىنىڭ قارىشتاپ دامىعاندىعىن ٴوز كوزىممەن كوردىم، تىكەلەي سەزىندىم، وتكەندەگى تانىمىما مۇلدە ۇقسامايدى“. ول مىنالاردى ٴبىلدىردى: تايۋانعا قايتىپ بارعاننان كەيىن ساباقتاستارىممەن بىرگە كورگەن ـ بىلگەندەرىمدى ورتاقتاسامىن، ارالداعى ٴتىپتى دە كوپ جاستاردىڭ بۇعازدان ٴوتىپ، شىنايى ۇلى قۇرلىقتى ارالاپ كورۋىن ٴۇمىت ەتەمىن.
”وسى رەتكى ساپار ارقىلى ۇلى قۇرلىقتىڭ ۇشقان قۇستاي دامىعاندىعىن سەزىندىم، وتە تالەيلى ەكەنمىن“. كينو رەجيسسەرى بولۋعا بەل بايلاعان تايۋان شىشين داشۋەسىنىڭ وقۋشىسى سۋ ۋي ـ ىن بىلاي دەدى: ”ۇلى قۇرلىقتىڭ كينو كاسىبى قارىشتاپ دامۋدا، بولاشاقتا وسىندا كەلىپ ٴوزىمدى دامىتقىم كەلەدى، بۇل ٴداۋىردىڭ جۇڭگو ارمانى ٴداۋىرى بولاتىندىعىنا سەنەمىن“.
لي يحۋ بىلاي دەدى: پارتيا 20 ـ قۇرىلتايى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى جوباسىن جاسادى، ۇلى قۇرلىقتىڭ ٴتۇزىم ابزالدىلىعى كورنەكتى، بازار ٴورىسى كەڭ، جاڭاشا وندىرگىش كۇشتەردىڭ دەڭگەيى ۇزدىكسىز جوعارىلاپ كەلەدى، وسىنىڭ بارلىعى تايۋاندىق باۋىرلاستاردىڭ، تايۋان كاسىپورىندارىنىڭ، اسىرەسە، تايۋان جاستارىنىڭ ۇلى قۇرلىقتا دامۋىنا اناعۇرلىم كوپ وراي جاراتادى. ۇلى قۇرلىق ەكى جاعالاۋدىڭ توعىسپالى دامۋىن ۇزدىكسىز تەرەڭدەتتى، تايۋاندىق باۋىرلاستاردىڭ ۇلى قۇرلىقتىڭ قۇتتى توپىراعىندا ٴىرى ىستەر ىستەپ، كەسەك تابىستارعا قول جەتكىزۋىنە بولادى.
تايۋاندىق جاس ليۋ تيانتيڭنىڭ شىنجىندا شارۋاشىلىق قۇرعانىنا تالاي جىل بولدى، ونىڭ بولكا ٴمۇسىن تۋىندىلارى دۇنيە جۇزىلىك جارىستا سيلىق العان، قازىر ىستەرى كۇن سايىن دامىپ كەلەدى. وسى رەت ما يىڭجيۋ مەن ونىڭ ساپارلاستارى شىنجىن پيڭان فينانس ورتالىعىن ەكسكۋرسيالاعاندا، ارالاعاندا، ول ٴتۇسىندىرۋشى بولىپ، ٴوز تۋىندىلارىن تانىستىرىپ، شارۋاشىلىق قۇرۋ اسەرىن ٴبولىستى.
”ٴبىز ۇلى قۇرلىقتا قىزمەت ىستەپ، شارۋاشىلىق قۇرىپ، كوپتەگەن قامقورلىققا جانە سۇيەمەلدەۋگە يە بولدىق“. ول بىلاي دەدى: اۋىس ـ كۇيىس بارىسىندا ەكسكۋرسيالاي، ارالاي كەلگەن تايۋاندىق جاستاردىڭ ۇلى قۇرلىققا كەلىپ دامىعىسى كەلەتىن قىزۋ ىنتاسىن سەزىندىم، ارالداعى ٴتىپتى دە كوپ جاستاردىڭ ”ەكى جاعالاۋداعى ارمانشىلداردىڭ“ قاتارىنا قوسىلۋىن قارسى الامىن.
جۇڭحۋا ۇلتى ورتاق تۇلعا تانىمىن تاباندىلىقپەن بەرىك ورناتامىز
”باس شۋجي شي جينپيڭنىڭ ’جۇڭحۋا ۇلتى ورتاق تۇلعا تانىمىن تاباندىلىقپەن بەرىك ورناتۋدى‘ باسا دارىپتەۋى جۇڭحۋا ۇلتىنىڭ ۇلى ىنتىماعى جونىندەگى تالپىنىسىن ايگىلەدى، ’ەكى جاعالاۋدىڭ ارالاسۋىن، ىشتەسۋىن، توعىسۋىن ىلگەرىلەتۋدى‘، ’ەكى جاعالاۋداعى باۋىرلاستاردىڭ جۇڭحۋا مادەنيەتى سەنىمىن بەكەمدەۋىن‘ العا قويىپ، ەكى جاعالاۋداعى باۋىرلاستاردىڭ ٴوزارا سەنىمدىلىگىن، ٴوزارا كومەكتەسۋىن جانە مادەنيەتتى شىنايى مويىنداۋدى كۇشەيتۋدىڭ ماڭىزدىلىعىن ايگىلەدى، بۇل بەلسەندى دە تەرەڭ مانگە يە“، ـ دەدى جۋ سۇڭليڭ.
باس شۋجي شي جينپيڭ بىلاي دەپ اتاپ كورسەتتى: ەكى جاعالاۋداعى باۋىرلاستار ەجەلدەن ٴبىر ٴۇيلى جاندار، ۇنەمى بارىس ـ كەلىس جاساپ تۇرۋعا، بارعان سايىن ىشتەسىپ، ەتەنە بولا تۇسۋگە ٴتيىس. ۇستەل دوپ وليمپيادا سپورت جارىسىنىڭ اعا جۇلدەگەرى، بەيجيڭ داشۋەسى دەنە تاربيە وقىتۋ ـ زەرتتەۋ ٴبولىمىنىڭ لەكتورى ديڭ نيڭ بۇل جونىندە تەرەڭ اسەر الدى.
ديڭ نيڭ بىلتىر ۇلى قۇرلىقتاعى جوعارى مەكتەپ وقىتۋشى ـ وقۋشىلار ۇيىرمەسىنىڭ ٴبىر مۇشەسى رەتىندە تايۋانعا بارىپ اۋىس ـ كۇيىس جاساپ، ەكسكۋرسيادا، ساپاردا بولعان، وسى رەت بەيجيڭ داشۋەسىندە تانىس تايۋاندىق ساباقتاستارمەن كەزدەسىپ، قۋانىشى قوينىنا سيمادى. ”ەكى جاعالاۋداعى جاستار ٴبىرىن ـ ٴبىرى ٴتۇسىندى، دوستىقتى كۇشەيتتى، سەلبەستىكتى كەڭەيتتى، جۇرەك ٴۇنىن بىرگە جەتكىزدى، مۇنداي اۋىس ـ كۇيىس اسا باعالى، ٴبىز ايىرىلماس ٴبىر ٴۇيلى جاندارمىز“، ـ دەدى ول.
چيڭميڭدە شۋانيۋان حۋاڭديعا ازا ٴبىلدىرۋ سالتىنا قاتىناسىپ، چين شىحۋاڭ پاتشا قابىرى مۇراجايىن، باداليڭ ۇلى قورعانىن، گۋگۇڭ مۇراجايىن ەكسكۋرسيالادى... وسى رەتكى ۇلى قۇرلىققا ساپار ساپارلاي كەلگەن تايۋاندىق جاستار جونىنەن العاندا، ٴبىر رەتكى تەرەڭ جۇڭحۋا مادەنيەتى ساپارى. باس شۋجي شي جينپيڭنىڭ تەرەڭ ماعىنالى، ىقىلاسقا تولى سوزدەرى ولاردىڭ جول بويى كورگەن ـ بىلگەندەرىن اناعۇرلىم تەرەڭ تۇسىنۋىنە مۇمكىندىك جاسادى.
”ۇلى قۇرلىقتىڭ جاعراپياسىن، مادەنيەتىن، سالت ـ ساناسىن، تاريحىن ٴوز كوزىمىزبەن كوردىك، جۇڭحۋا مادەنيەتى ساپارى ٴبىزدى تاڭ قالدىردى جانە اسەرلەندىردى“. تايۋان چىڭگۇڭ داشۋەسىنەن كەلگەن ليۋ بيڭرۇي يانحۋاڭنىڭ ۇرپاعى رەتىندە، جۇڭحۋا مادەنيەتىن ويداعىداي جالعاستىرۋ ٴبىزدىڭ بورىشىمىز دەدى.
”ەكى جاعالاۋداعى جاستار ارەكەت ارقىلى جۇڭحۋا ۇلتى ورتاق تۇلعا تانىمىن بەرىك ورناتۋى كەرەك“. بىلتىر تايۋانعا بارىپ اۋىس ـ كۇيىس جاساۋعا قاتىناسقان بەيجيڭ داشۋەسىنىڭ دوكتورانتى ياڭ چىن بىلاي دەدى: تايۋاندىق ساباقتاستارمەن بىرگە ون مىڭ تومدىق كىتاپ وقىپ، ون مىڭ شاقىرىمدىق جول باسىپ، تاريحي مادەنيەت ۇندەستىگىن كۇشەيتىپ، ەكى جاعالاۋدىڭ سۇيىسپەنشىلىگىن تىعىز بايلانىستىرۋدى ٴۇمىت ەتەمىن.
جۇڭحۋا ۇلتىنىڭ ۇلى گۇلدەنۋىن تاباندىلىقپەن جۇزەگە اسىرامىز
”جاستار _ مەملەكەتتىڭ ٴۇمىتى، ۇلتتىڭ بولاشاعى. ەكى جاعالاۋداعى جاستار جاقسى بولسا، ەكى جاعالاۋدىڭ بولاشاعى دا جاقسى بولادى. ەكى جاعالاۋداعى جاستار جۇڭگولىقتاردىڭ جىگەرىن، قايسارلىعىن، سەنىمىن كۇشەيتىپ، جۇڭحۋا ۇلتىنىڭ باياندى قۇت ـ ىرىسىن بىرگە جاراتىپ، جۇڭحۋا ۇلتىنىڭ تاريحي تىڭ شۇعىلالى تاراۋىن ۇزدىكسىز جازۋى كەرەك“. باس شۋجي شي جينپيڭنىڭ كوڭىل ٴبولىپ، قامقورلىق جاساۋى مەن ىقىلاستى تىلەگى ەكى جاعالاۋداعى جاستاردى ەرەكشە جىگەرلەندىرىپ، ايرىقشا شابىتتاندىردى.
”ساباقتاستار بۇل جولعى ساپار اسەرىن بولىسكەندە، باس شۋجي شي جينپيڭ ٴالسىن ـ ٴالى ريزاشىلىق ٴبىلدىردى ٴارى كۇلىمسىرەپ قۇرمەت ٴبىلدىردى، مەن مۇنان ەرەكشە شىنايىلىقتى، مەيىردى سەزىندىم“، ـ دەدى تايۋان ساياسات داشۋەسىنىڭ وقۋشىسى شياۋ سىيۋان.
”باس شۋجي شي جينپيڭ ەكى جاعالاۋداعى جاستاردى كوبىرەك ٴبىر ـ بىرىنە قارايلاسىپ، كوبىرەك سەلبەستىك جاساسۋعا ىنتالاندىردى“. لي لياڭ ـ ي بىلاي دەدى: ”بۇگىن جۇڭحۋا ۇلتى كۇللى الەمدى جالت قاراتقان تابىسقا قول جەتكىزدى، ەكى جاعالاۋداعى جاستار الدىڭعىلاردىڭ نەگىزىنە سۇيەنىپ، جۇڭحۋا ۇلتىنىڭ دۇنيە ٴجۇزى ۇلتتارى اراسىندا قاسقايىپ تۇرۋىنا اناعۇرلىم كوپ كۇش ـ قۋات ارناۋعا بىرگە قۇلشىنۋى كەرەك.
تايۋاننىڭ شينجۋىنان كەلگەن حۋاڭ يۇيزى بەيجيڭ داشۋەسىندە ماگيسترلىك وقىپ جاتقان بولاتىن، ما يىڭجيۋدىڭ جانە ونىڭ ساپارلاستارىنىڭ بەيجيڭ داشۋەسىندەگى اۋىس ـ كۇيىس قيمىلىنا قاتىناستى. ”ەكى جاعالاۋ جاستارىنىڭ ’قول ۇستاسا قۇلشىنۋى‘ اركىمنىڭ جەكە قۇلشىنىسىمەن سالىستىرعاندا جۇڭحۋا ۇلتىنىڭ قۇدىرەتتەنۋىنىڭ، دامۋىنىڭ كومەسكى كۇشىن اناعۇرلىم قاۋلاتا الادى“، ـ دەدى ول.
جاستار گۇلدەنسە مەملەكەت گۇلدەنەدى، جاستار قۇدىرەتتەنسە مەملەكەت قۇدىرەتتەنەدى. بولاشاققا نازار سالا وتىرىپ ەكى جاعالاۋداعى جاستار ٴۇمىت ـ تىلەكتەرىن جابال ٴبىلدىردى.
”ەكى جاعالاۋداعى جاستاردىڭ اۋىس ـ كۇيىستى تەرەڭدەتىپ، سەلبەستىك جاڭا ۇلگىسىن قاراستىرىپ، ەكى جاعالاۋ قارىم ـ قاتىناسىنىڭ دامۋىنا جاڭا ومىرشەڭدىك كۇش قوسۋىن ٴۇمىت ەتەمىن“، ـ دەدى ديڭ نيڭ.
”ەكى جاعالاۋداعى جاستاردىڭ ارالاسۋىنا، ىشتەسۋىنە ەشكىم دە بوگەت بولا المايدى، مۇزدى ەرىتىپ، كوپىر سالىپ، سەلبەستىك گۇلىنىڭ اڭقىعان حوش ٴيىسىن بىرگە قارسى الۋدى ٴۇمىت ەتەمىن“، ـ دەدى ليۋ بيڭرۇي.
”ەكى جاعالاۋداعى جاستار باس شۋجي شي جينپيڭنىڭ ۇندەۋىنە بەلسەنە ٴۇن قاتىپ، بورىشتى باتىلدىقپەن ارقالاپ، قول ۇستاسا العا ىلگەرىلەپ، مەملەكەتتىڭ بىرلىككە كەلۋى مەن ۇلتتىڭ گۇلدەنۋىن جۇزەگە اسىرۋ جولىندا ۇزدىكسىز كۇرەس جۇرگىزۋى كەرەك“، ـ دەدى ياڭ چىن.
بۇل جولى ما يىڭجيۋ جانە ونىڭ ساپارلاستارى جۇڭشان قالاسىنا بارىپ سۇن جۇڭشاننىڭ بايىرعى تۇراعى ەسكەرتكىش سارايىن ەكىسكۋرسيالادى، ارالادى. كۇتىپ الۋعا قاتىناسقان ەسكەرتكىش سارايى ۇگىت ـ تاربيە ٴبولىمىنىڭ ورىنباسار مەڭگەرۋشىسى جين شين بىلاي دەدى: ”سۇن جۇڭشان مىرزا تايۋاندىق باۋىرلاستاردى قاشاندا كوڭىلىنەن شىعارماي، ٴومىر بويى مەملەكەتتى بىرلىككە كەلتىرۋگە، جۇڭحۋانى گۇلدەندىرۋگە كۇش سالدى، ەكى جاعالاۋداعى باۋىرلاستار ٴبىر نيەت، ٴبىر تىلەكتە بولىپ، ىنتىماقتاسا كۇرەس جۇرگىزىپ، وتاننىڭ بىرلىككە كەلۋى مەن ۇلتتىڭ گۇلدەنۋىن جۇزەگە اسىرۋدىڭ تەلەگەي ۇلى كۇشىن توپتاۋى كەرەك.
شيامىن داشۋەسى تايۋان زەرتتەۋ ورنىنىڭ باستىعى لي پىڭ مىنالاردى ٴبىلدىردى: باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى ۇردىسىندە تايۋان ماسەلەسىن شەشىپ، وتاننىڭ بۇكىلدەي بىرلىككە كەلۋىن جۇزەگە اسىرۋ جونىندە قالاي وي جۇگىرتۋدى تەرەڭ ٴتۇسىندىردى، بۇل ەكى جاعالاۋداعى جۇڭگولىقتاردىڭ نانىمىن، سەنىمىن اناعۇرلىم بەكەمدەدى، ۇلتتىڭ گۇلدەنۋى كەرى قايتارۋعا كەلمەيتىن تاريحي ۇردىسكە اينالدى، ەكى جاعالاۋداعى باۋىرلاستار ٴبىر نيەتپەن كۇرەس جۇرگىزىپ، بىرگە ويلاپ، بىرگە ىستەگەندە عانا، ٴسوز جوق، ۇلى ارماندى جۇزەگە اسىرىپ، ۇلى داڭقتى بىرگە بولىسە الادى.
