شي جينپيڭ جاۋاپ حات قايتارىپ ”بۇركىت ەكپىندىلەر قوسىنىنىڭ“ بارلىق مۇشەلەرىن شابىتتاندىردى
دۇنيە ٴجۇزى بويىنشا ماڭداي الدى لاڭكەستىككە قارسى تۇرۋ ەرەكشە شايقاس جاۋىنگەر قوسىنىن سومداۋعا قۇلشىنىپ، پارتيا مەن حالىق ٴۇشىن تاعى دا جاڭا ۇلەس قوسۋعا قاي ـ قاشان دا دايىن تۇرىڭىزدار
شينحۋا اگەنتتىگىنىڭ 4 ـ ايدىڭ 9 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا ”بۇركىت ەكپىندىلەر قوسىنىنىڭ“ بارلىق مۇشەلەرىنە جاۋاپ حات قايتارىپ، ولاردى شىن ىقىلاسپەن شابىتتاندىردى.
شي جينپيڭ جاۋاپ حاتىندا مىنالاردى ٴبىلدىردى: 10 جىلدىڭ الدىندا سىزدەرگە تۋ بەرگەن كەزدەگى كورىنىس كۇنى بۇگىنگە دەيىن انىق ەسىمدە. 10 جىلدان بەرى سىزدەردىڭ تۋ ۇستاپ، رۋحتى سومداپ، ەرەكشە شايقاس ونەرىنە قاجىرلىلىقپەن جاتتىعىپ، ارقالاعان مىندەتتەرىڭىزدى وتە جاقسى ورىنداعاندارىڭىزدى ەستىپ قاتتى قۋاندىم.
شي جينپيڭ بىلاي دەپ باسا دارىپتەدى: ەرەكشە شايقاس اسكەري ٴبولىمى ەرەكشە بورىش ارقالاپ وتىر، ٴسوز جوق، ساياسيدا جانە اسكەري ىستەردە ەرەكشە ىسىلۋى كەرەك. سىزدەردىڭ كۇش ۇستىنە كۇش قوسىپ، ادالدىق قاسيەتتەرىڭىزدى ۇزدىكسىز شىڭداپ، ناقتى شايقاستىق باعىتتامالى جاتتىعۋدى كۇشەيتىپ، بىرىنشىدەن، جاپا ـ ماشاقاتتان قورىقپايتىن، ەكىنشىدەن، ولىمنەن قورىقپايتىن كۇرەسكەرلىك رۋحتى ساۋلەلەندىرىپ، دۇنيە ٴجۇزى بويىنشا ماڭداي الدى لاڭكەستىككە قارسى تۇرۋ ەرەكشە شايقاس جاۋىنگەر قوسىنىن سومداۋعا قۇلشىنىپ، پارتيا مەن حالىق ٴۇشىن تاعى دا جاڭا ۇلەس قوسۋعا قاي ـ قاشان دا دايىن تۇرۋلارىڭىزدى ٴۇمىت ەتەمىن.
”بۇركىت ەكپىندىلەر قوسىنى“ _ لاڭكەستىككە قارسى تۇرۋداعى مەملەكەت دارەجەلى تەگەۋىرىندى اسكەري ٴبولىم. 2014 ـ جىلى 4 ـ ايدا شي جينپيڭ وسى اسكەري بولىمگە ٴوز قولىمەن تۋ تاپسىردى ٴارى ماڭىزدى نۇسقاۋ بەردى. 10 جىلدان بەرى وسى اسكەري ٴبولىم باس قولباسشىنىڭ تاپسىرماسىن ەستە بەرىك ساقتاپ، ادالدىقپەن مىندەت اتقارىپ، جاۋاپكەرشىلىكتى ادا ەتىپ، لاڭكەستىككە قارسى تۇرىپ، ورنىقتىلىقتى قورعاۋ، بىرلەسكەن مانەۆر، بىرلەسكەن جاتتىعۋ، كەلەلى قيمىلدارداعى حاۋىپسىزدىكتى قورعاۋ سياقتى ٴبىر قىدىرۋ مىندەتتەردى تابىسپەن ورىنداپ، حالىقارالىق ەرەكشە اسكەرلەردىڭ سايىسكەرلىك جارىسىندا 20 نەشە تۇردە اعا جۇلدەگەر بولىپ، ورتالىق اسكەري ىستەر كوميتەتى جاعىنان ”بۇكىل ارمياداعى سوعىس دايىندىعىنداعى ۇلگىلى ورىن“ بولىپ ماراپاتتالدى، ىلگەرىندى ـ كەيىندى 7 ادام (رەت) بۇكىل ەلدە، بۇكىل ارميادا ماداقتالىپ ـ سيلاندى، 10 ادامعا (رەت) 1 ـ دارەجەلى ەڭبەك، 17 ادامعا (رەت) 2 ـ دارەجەلى ەڭبەك جازىلدى. تاياۋدا ”بۇركىت ەكپىندىلەر قوسىنىنىڭ“ بارلىق مۇشەلەرى ٴتوراعا شي جينپيڭگە حات جازىپ، اسكەري ٴبولىم قۇرىلىسى جانە مىندەتتى ورىنداۋ جاعدايىنان مالىمەت بەرىپ، لاڭكەستىككە قارسى تۇرۋدا تەگەۋرىندى اتويشى بولىپ، بورىشتى باتىل اتقارۋ سەنىمدەرى مەن بەكىمدەرىن ٴبىلدىردى.
