(14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندە 2024 ـ جىلى 3 ـ ايدىڭ 11 ـ كۇنى ماقۇلداندى)
14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى ەڭ جوعارى حالىق سوتى مەكەمەسىنىڭ باستىعى جاڭ جۇن جاساعان قىزمەت بايانداماسىن تىڭدادى جانە قارادى. ٴماجىلىس ەڭ جوعارى حالىق سوتى مەكەمەسىنىڭ وتكەن ٴبىر جىلداعى قىزمەتىن تولىق تۇراقتاندىرىپ، باياندامادا العا قويىلعان 2024 ـ جىلعى قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.
ٴماجىلىس مىنالاردى تالاپ ەتتى: ەڭ جوعارى حالىق سوتى مەكەمەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ حالىق سوتى مەكەمەسىنىڭ قىزمەتىنە شارتسىز باسشىلىعىنا تاباندى بولىپ، جالپى بارىستىق حالىق دەموكراتياسىن امالياتتا ايگىلەپ، نەگىزگى زاڭدا جانە زاڭداردا جۇكتەلگەن مىندەت جاۋاپكەرشىلىگىن ادالدىقپەن اتقارىپ، ٴادىليا ٴتۇزىلىسىنىڭ كەشەندى، سايكەستى رەفورماسىن تەرەڭدەتىپ، زاڭمەن باسقارىلاتىن شارۋاشىلىق ـ ساۋدا ورتاسى قۇرىلىسىن كۇشەيتىپ، ادال، كىرشىكسىز، جاۋاپكەرشىلىك ارقالايتىن، ىسىلعان حالىق سوت مەكەمەسى قوسىنىن سومداپ، ٴادىليانى ادىلدىكپەن قاتاڭ اتقارىپ، سوت قىزمەتىنىڭ ساپاسىن، ونىمدىلىگىن جاپپاي جوعارىلاتىپ، مەملەكەتتىڭ ساياسي حاۋىپسىزدىگىن بار كۇشپەن قورعاپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتىپ، قوعامدىق ادىلدىك پەن تۋراشىلدىقتى جەبەپ، حالىقتىڭ تىنىش ٴومىر، شات ـ شادىمان تىرشىلىك كەشىرۋىن قامتاماسىز ەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى ٴادىليالىق قامتاماسىزدىق ازىرلەپ، جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن ۇزدىك ناتيجەلەرمەن قارسى الۋى كەرەك.
