شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى. 3 ـ ايدىڭ 10 ـ كۇنى مەملەكەت ٴتوراعاسى شي جينپيڭ اسيف زارداريعا تەلەگرامما جولداپ، ونىڭ پاكيستاننىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن پاكيستان جاقسى كورشى، جاقسى دوس، جاقسى سەرىك، جاقسى باۋىرلاس، ەكى ەلدىڭ ”مىزعىماس“ دوستىعى تاريحتىڭ تالعامى، ەكى ەل حالقىنا ٴتان باعالى بايلىق. سوڭعى جىلدارى ەكى ەل جوعارى جىكتەگىلەردىڭ ٴجيى بارىس ـ كەلىسىن ساقتاپ، ەكى جاق ٴبىر ـ بىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴبىرىن ـ ٴبىرى قولداپ، جۇڭگو _ پاكيستان ەكونوميكالىق ٴدالىزى قۇرىلىسىندا سۇبەلى جەتىستىكتەرگە قول جەتكىزىپ، ەكى ەل قاتىناسى جوعارى دەڭگەيدە دامۋدى ساقتادى.
شي جينپيڭ بىلاي دەپ باسا دارىپتەدى: كەزەكتە دۇنيە ٴجۇزىنىڭ 100 جىلدىق وزگەرىس جاعدايى جەدەل قۇبىلۋدا، جۇڭگو _ پاكيستان قارىم ـ قاتىناسىنىڭ ستراتەگيالىق ماڭىزى اناعۇرلىم كورنەكتىلەندى. مەن جۇڭگو _ پاكيستان قارىم ـ قاتىناسىنىڭ دامۋىنا ايرىقشا ٴمان بەرەمىن، زارداري زۇڭتۇڭمەن بىرگە قۇلشىنىپ، جۇڭگو مەن پاكيستاننىڭ ٴداستۇرلى دوستىعىن ساۋلەلەندىرىپ، ٴار سالاداعى ناقتى سەلبەستىكتى ىلگەرىلەتىپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم ـ قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، جاڭا داۋىردەگى اناعۇرلىم بەرىك جۇڭگو _ پاكيستان تاعدىرلاس ورتاق تۇلعاسىن قۇرۋدى جەدەلدەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
