شي جينپيڭ ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى
بورىش ارقالاۋدى كۇشەيتىپ، رەفورما جاساۋدى، جاڭالىق اشۋدى تەرەڭدەتىپ، جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتۋ كەرەك
3 ـ ايدىڭ 7 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندەگى ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن
شينحۋا اگەنتتىگىنىڭ 3 ـ ايدىڭ 7 ـ كۇنى بەيجيڭنەن بەرگەن حابارى. (تىلشىلەر جاڭ ميمي، مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 3 ـ ايدىڭ 7 ـ كۇنى تۇستەن كەيىن 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندەگى ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: جاڭادان گۇلدەنگەن سالالاردىڭ ستراتەگيالىق قابىلەتى _ مەملەكەتتىڭ ستراتەگيالىق جۇيەسى مەن قابىلەتىنىڭ ماڭىزدى قۇرامداس ٴبولىمى، ول ەلىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىنا سايادى، مەملەكەت حاۋىپسىزدىگى مەن اسكەري كۇرەستەگى ىرىقتىلىققا سايادى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جونىنەن كەلەلى ماڭىز الادى. بورىش ارقالاۋدى كۇشەيتىپ، رەفورما جاساۋدى، جاڭالىق اشۋدى تەرەڭدەتىپ، جاڭادان گۇلدەنگەن سالالاردىڭ ستراتەگيالىق قابىلەتىن جاپپاي جوعارىلاتۋ كەرەك.
جيىندا تەڭىز ارمياسىنان كەلگەن ۋاكىل اي يىڭچۇن، ستراتەگيالىق كومەك اسكەري بولىمىنەن كەلگەن ۋاكىل ۋ شىڭيان، وڭتۇستىك سوعىس رايونىنان كەلگەن ۋاكىل چياۋ شاشا، ستراتەگيالىق كومەك اسكەري بولىمىنەن كەلگەن ۋاكىل حى يۇيفان، اسكەري ىستەر عىلىم اكادەمياسىنان كەلگەن ۋاكىل ياۋ داڭناي، قۇرلىق ارمياسىنان كەلگەن ۋاكىل جىڭ جين رەت بويىنشا ٴسوز سويلەپ، تەڭىز ـ مۇحيت جاعدايىن سەزۋ قابىلەتى قۇرىلىسىن ىلگەرىلەتۋ، ينتەرنەت كەڭىستىگى قورعانۋ قابىلەتىن جوعارىلاتۋ، جاساندى زەردەنىڭ قولدانىلۋىن ىلگەرىلەتۋ، الەم كەڭىستىگى بايلىعىن ٴبىر تۇتاس جوسپارلاپ باسقارۋدى، پايدالانۋدى كۇشەيتۋ، جاڭادان گۇلدەنگەن سالالارداعى ولشەمدى امبەباپتاندىرۋ قۇرىلىسىن كۇشەيتۋ، ادامسىز سوعىس كۇشتەرى قۇرىلىسى جانە ونى قولدانۋدا جاڭالىق اشۋ سياقتى جاقتارداعى ماسەلەلەر جونىندە پىكىر جانە ۇسىنىس بەردى.
شي جينپيڭ ٴاربىر ۋاكىلدىڭ ٴسوزىن مۇقيات تىڭداپ، ولارمەن ٴالسىن ـ ٴالى پىكىر اۋىستىرىپ وتىردى. 6 ۋاكىل ٴسوز سويلەگەننەن كەيىن، شي جينپيڭ ماڭىزدى ٴسوز سويلەپ، جاڭادان گۇلدەنگەن سالالاردىڭ ستراتەگيالىق قابىلەتىن جوعارىلاتۋدى ٴتۇيىندى تۇردە ارقاۋ ەتە وتىرىپ تالاپتاردى العا قويدى. ول بىلاي دەپ اتاپ كورسەتتى: پارتيانىڭ 18 ـ قۇرىلتايىنان بەرى ٴبىز ستراتەگيالىق جاڭادان گۇلدەنگەن كاسىپ سالالارى مەن جاڭاشا سوعىس جۇرگىزۋ كۇشتەرىنىڭ دامۋىن ٴبىر تۇتاس جوسپارلاپ ىلگەرىلەتىپ، ٴبىر قىدىرۋ كەلەلى جەتىستىكتەرگە قول جەتكىزدىك. پارتيانىڭ 20 ـ قۇرىلتايىنان كەيىن، پارتيا ورتالىق كوميتەتى جوعارى ساپالى دامۋدى ىلگەرىلەتۋ جالپى جاعدايىن شىعار ٴتۇيىن ەتىپ، جاڭا ساپالى وندىرگىش كۇشتەردى جەدەل دامىتۋدى ايقىن العا قويدى. بۇل جاڭادان گۇلدەنگەن سالالاردىڭ ستراتەگيالىق قابىلەتى قۇرىلىسىنا تاپتىرماس وراي ازىرلەدى. قولايلى ساتتەن ۇتىمدى پايدالانىپ العا ۇمتىلىپ، جاڭادان گۇلدەنگەن سالالاردىڭ دامۋ ەرەكشەلىگى مەن زاڭدىلىعىن يگەرىپ، جاڭا ساپالى وندىرگىش كۇشتەردىڭ جاڭا ساپالى جاۋىنگەرلىك قۋاتپەن جوعارى ٴونىمدى توعىسۋىن، قوس باعىتتا جەبەۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: دامۋ تۇيىندەرىن كورنەكتىلەندىرىپ، جاڭادان گۇلدەنگەن سالالاردىڭ ستراتەگيالىق قابىلەت قۇرىلىسىنا قاتىستى ستراتەگيالار مەن جوبالاردىڭ تياناقتانۋىن ويداعىداي يگەرۋ كەرەك. تەڭىزدەگى اسكەري كۇرەس دايىندىعىن، تەڭىز ـ مۇحيت ۇقىق ـ مۇددەسىن قورعاۋ مەن تەڭىز ـ مۇحيت ەكونوميكاسىنىڭ دامۋىن ٴبىر تۇتاس جوسپارلاپ، تەڭىز ـ مۇحيتتى مەڭگەرۋ قابىلەتىن جوعارىلاتۋ كەرەك. عارىش ىستەرىنىڭ ورنالاسىمىن ساپالىلاندىرىپ، ەلىمىزدىڭ عارىش جۇيەسى قۇرىلىسىن ىلگەرىلەتۋ كەرەك. ينتەرنەت كەڭىستىگى قورعانۋ جۇيەسىن ورناتىپ، مەملەكەتتىڭ ينتەرنەت حاۋىپسىزدىگىن قورعاۋ قابىلەتىن جوعارىلاتۋ كەرەك. زەردەلى عىلىم ـ تەحنيكا كەلەلى نىساندارىن ٴبىر تۇتاس جوسپارلاپ اتقارۋدى كۇشەيتىپ، وزىق جەتىستىكتەردەن پايدالانۋ سەرپىنىن ارتتىرۋ كەرەك.
شي جينپيڭ بىلاي دەپ اتاپ كورسەتتى: جاڭادان گۇلدەنگەن سالالاردىڭ دامۋى، تۇپتەپ كەلگەندە، عىلىم ـ تەحنيكادا جاڭالىق اشۋدان جانە قولدانۋدان باستاۋ الادى. جاڭالىق اشۋ سەنىمىن كۇشەيتىپ، ٴوزىمىزدى نەگىز ەتۋگە، ٴىس جۇزىندىكتى شىعار ٴتۇيىن ەتۋگە تاباندى بولىپ، دەربەس جاڭالىق اشۋدى، ٴتول جاسامپازدىقتى كۇش سالا ىلگەرىلەتىپ، جاڭا ساپالى وندىرگىش كۇش پەن جاڭا ساپالى جاۋىنگەرلىك قۋاتتىڭ ارتۋ ۇيەگىن قالىپتاستىرۋ كەرەك. جاڭادان گۇلدەنگەن سالالاردىڭ ارالاسپالى، توعىسپالى دامۋ ەرەكشەلىگىن يگەرىپ، شوعىرلى جاڭالىق اشۋدى جانە جالپىلىق قولدانۋدى كۇشەيتىپ، كوپ تۇيىندە قامال الاتىن، شوعىرلى وركەندەيتىن جاندى جاعدايدىڭ قالىپتاسۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: جاڭادان گۇلدەنگەن سالالارداعى رەفورمانى رەفورمانى اناعۇرلىم جاپپاي تەرەڭدەتۋدىڭ ٴتۇيىنى رەتىندە كورنەكتىلەندىرىپ، دەربەس، ٴوزىن الۋەتتەندىرەتىن، اشىق، توعىسقان، ومىرشەڭدىك كۇشكە تولى جاڭالىق اشۋ ەكولوگياسىن قالىپتاستىرىپ، جاڭادان گۇلدەنگەن سالالاردىڭ ستراتەگيالىق قابىلەت قۇرىلىسىن اناعۇرلىم ويداعىداي ىلگەرىلەتۋ كەرەك. سۇرانىستى ٴتۇيىلىستىرۋ، جوبانى ۇشتاستىرۋ، بايلىقتان بىرگە يگىلىكتەنۋ سياقتى جاقتارداعى ٴتۇزىم ـ مەحانيزمدەردى اقاۋسىزداندىرىپ، كەمەلدەندىرىپ، ولشەمدى امبەباپتاندىرۋ جولىمەن ويداعىداي ٴجۇرىپ، جاڭادان گۇلدەنگەن سالالار دامۋىنىڭ جالپى تۇلعالىق ونىمدىلىگىن جوعارىلاتۋ كەرەك. جاڭا ساپالى جاۋىنگەرلىك قۋاتپەن قامداۋدى جەدەلدەتۋدى جەتەكشى ەتىپ، مەملەكەت قورعانىسى عىلىم ـ تەحنيكا ونەركاسىبى ٴتۇزىلىسى رەفورماسىن تەرەڭدەتىپ، مەملەكەت قورعانىسى عىلىم ـ تەحنيكاسى ونەركاسىبىنىڭ ورنالاسىمىن ساپالىلاندىرىپ، وزىق تەحنيكاعا سەزىمتالدىقپەن ٴۇن قوسۋ، جەدەل كادەگە جاراتۋ مەحانيزمىن اقاۋسىزداندىرىپ، جاڭادان گۇلدەنگەن سالالاردىڭ دامۋىنا ۇيلەسەتىن جاڭالىق اشۋ تىزبەگىن، كاسىپ سالاسى تىزبەگىن، قۇن تىزبەگىن قالىپتاستىرۋ كەرەك. يدەيالىق كوزقاراستى جاڭالاپ، جاڭاشا سوعىستىق كۇشتەر قۇرىلىسى مەن ونى قولدانۋ ۇلگىسىندە باتىلدىقپەن جاڭالىق اشىپ جانە ىزدەنىس جاساپ، جاڭا ساپالى جاۋىنگەرلىك قۋاتتى تولىق ازات ەتۋ جانە دامىتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ يوۋشيا جيىندى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى حى ۋيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين جيىنعا قاتىناستى.
