بەلسەنە ۇكىمەت ىسىنە ارالاسىپ اقىل ـ كەڭەس بەرىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا دەم بەرۋ كەرەك

شي جينپيڭ ساياسي كەڭەس ماجىلىسىنە قاتىناسىپ جاتقان جۇڭگو گومينداڭ توڭكەرىستىك كوميتەتىندەگى، عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى مۇشەلەرگە امانداسا بارعاندا بىلاي دەپ باسا دارىپتەدى

　　　　بەلسەنە ۇكىمەت ىسىنە ارالاسىپ اقىل ـ كەڭەس بەرىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا دەم بەرۋ كەرەك

　　　　ۋاڭ حۋنيڭ، ساي چي امانداسۋعا جانە تالقىعا قاتىناستى

　　3 ـ ايدىڭ 6 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسىپ جاتقان جۇڭگو گومينداڭ توڭكەرىستىك كوميتەتىندەگى، عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى مۇشەلەرگە امانداسا باردى ٴارى بىرىككەن گرۋپپا جيىنىنا قاتىناسىپ، پىكىر جانە ۇسىنىس تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي امانداسۋعا جانە تالقىعا قاتىناستى.

□ سۋرەتتى شينحۋا اگەنتتىگىنىڭ ٴتىلشىسى جاي جيانلان تۇسىرگەن

　　شينحۋا اگەنتتىگىنىڭ 3 ـ ايدىڭ 6 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 3 ـ ايدىڭ 6 ـ كۇنى تۇستەن كەيىن مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسىپ جاتقان جۇڭگو گومينداڭ توڭكەرىستىك كوميتەتىندەگى، عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى مۇشەلەرگە امانداسا باردى ٴارى بىرىككەن گرۋپپا جيىنىنا قاتىناسىپ، پىكىر جانە ۇسىنىس تىڭدادى. ول بىلاي دەپ باسا دارىپتەدى: حالىق ساياسي كەڭەسىندەگى پارتيا ـ توپتار، ۇيىمدار، ٴار ۇلت، ٴار سالا، ٴار جاقتاعى قايراتكەرلەر جۇڭگو كوممۋنيستىك پارتياسى 20 ـ قۇرىلتايىندا العا قويىلعان كەلەلى ستراتەگيالىق مىندەتتەردى جانە ورتالىقتىڭ ەكونوميكالىق قىزمەت ماجىلىسىندەگى ورنالاستىرۋلاردى ارقاۋ ەتە وتىرىپ ىشكەرىلەي تەكسەرۋ ـ زەرتتەۋ جۇرگىزىپ، بەلسەنە ۇكىمەت ىسىنە ارالاسىپ اقىل ـ كەڭەس بەرىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا دەم بەرۋى كەرەك.

　　”8 ـ ناۋرىز“ حالىقارالىق ەڭبەكشى ايەلدەر مەرەكەسى قارساڭىندا شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان مەملەكەتتىك ەكى ماجىلىسكە قاتىناسىپ جاتقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ٴار ۇلت، ٴار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل چياۋباۋلارعا مەرەكە بايلانىسىمەن قۇتتى بولسىن ايتتى جانە تاماشا تىلەك تىلەدى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي امانداسۋعا جانە تالقىعا قاتىناستى.

　　بىرىككەن گرۋپپا جيىنىندا شيا شيانپىڭ، تيان حۇڭچي، ۋ جيانپيڭ، جاۋ يۇيلياڭ، حۋاڭ ميانسۇڭ، حۋ سۇڭچين قاتارلى 6 مۇشە ەكى جاعالاۋدىڭ كاسىپ سالاسى تىزبەگى، قامداۋ تىزبەگى سەلبەستىگىن كۇشەيتۋ، وتاننىڭ بۇكىلدەي بىرلىككە كەلۋىن بۇلجىماي ىلگەرىلەتۋ، ينتەرنەت وزەكتى تەحنيكاسى ارقىلى ينتەرنەتتە قۋاتتى ەل قۇرىلىسىنا جانە جوعارى ساپالى دامۋعا تىرەك بولۋ، عىلىم ـ تەحنيكادا جاڭالىق اشۋ جەتىستىكتەرىن كاسىپ سالالاندىرۋدى ىلگەرىلەتۋ، ەكولوگيالىق ورتانى قورعاۋ كاسىپ سالاسىنىڭ جوعارى ساپالى دامۋىن ىلگەرىلەتۋ، جاڭا لاستاۋشى زاتتاردى جونگە سالۋدى كۇشەيتۋ سياقتىلاردى ارقاۋ ەتىپ لەبىز ٴبىلدىردى.

　　شي جينپيڭ كوپشىلىكتىڭ ٴسوزىن مۇقيات تىڭداعاننان كەيىن ماڭىزدى ٴسوز سويلەدى. ول كوپشىلىكپەن بىرگە تالقى جۇرگىزىپ، پىكىر اۋىستىرىپ، پىكىر جانە ۇسىنىس تىڭداعاندىعىنا توتەنشە قۋاناتىندىعىن ٴبىلدىردى. ول جۇڭگو كوممۋنيستىك پارتياسى ورتالىق كوميتەتى اتىنان وسىندا وتىرعان مۇشەلەرگە، سونداي ـ اق قالىڭ جۇڭگو گومينداڭ توڭكەرىستىك كوميتەتىنىڭ مۇشەلەرىنە جانە عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى قايراتكەرلەرگە، قالىڭ ساياسي كەڭەس مۇشەلەرىنە شىنايى سالەم جولدادى.

　　شي جينپيڭ بىلاي دەپ باسا دارىپتەدى: 2023 ـ جىل _ جۇڭگو كوممۋنيستىك پارتياسى 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋدىڭ جاڭا كەزەڭگە ٴوتۋىن باتىل جۇزەگە اسىرىپ، ەكونوميكانىڭ قالپىنا كەلۋىن، دامۋىن بار كۇشپەن ىلگەرىلەتىپ، جۇڭگو ۇلگىسىندەگى وسىزامانداندىرۋدى باتىل ىلگەرىلەتىپ، ەكونوميكالىق، قوعامدىق دامۋدىڭ باستى مەجەلى نىساناسىن تولىق تابىسپەن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدا مىعىم قادام تاستادى. ناتيجەلەر وڭاي ـ وسپاق كەلگەن جوق، بۇل بۇكىل ەلدەگى ٴار ۇلت حالقىنىڭ ٴبىر نيەتپەن ىنتىماقتاسىپ، قايسارلىقپەن كۇرەس جۇرگىزۋىنىڭ ناتيجەسى ٴارى بۇعان قالىڭ ساياسي كەڭەس مۇشەلەرىنىڭ قان ـ تەرى مەن اقىل ـ پاراساتى توپتالعان.

　　شي جينپيڭ بىلاي دەپ اتاپ كورسەتتى: وتكەن ٴبىر جىلدا جۇڭگو گومينداڭ توڭكەرىستىك كوميتەتى ”زەيىن ـ زەردەنى ۇيىستىرىپ، رۋحتى سومداپ، نەگىزدى كۇشەيتۋ، جاڭا جورىقتا ىنتىماقتاسا ەكپىندەي ىلگەرىلەۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، ساياسي كەڭەسۋدى، ۇكىمەت ىسىنە ارالاسۋدى، ۇكىمەت ٴىسىن كەڭەسۋدى تىڭعىلىقتى ىلگەرىلەتىپ، چاڭجياڭ وزەنىنىڭ ەكولوگيالىق ورتاسىن قورعاۋدى دەموكراتيالىق باقىلاۋعا ٴۇرتىس ات سالىسىپ، بۇعازدىڭ ەكى جاعالاۋىنىڭ ەكونوميكا، مادەنيەت اۋىس ـ كۇيىسىن بەلسەنە ىلگەرىلەتتى. قالىڭ عىلىم ـ تەحنيكا سالاسىنداعى قايراتكەرلەر عىلىم ـ تەحنيكا ٴتۇزىلىسى رەفورماسىنا بەلسەنە قولداۋ كورسەتىپ جانە ات سالىسىپ، عىلىم ـ تەحنيكادا جاڭالىق اشۋعا كۇش سالا كىرىستى. قالىڭ قورشاعان ورتا، بايلىق سالاسىنداعى قايراتكەرلەر كاسىپ سالاسى باسىمدىعىن ساۋلەلەندىرىپ، دامۋ ٴتاسىلىنىڭ جاسىل تيپ جاڭالاۋىن ىلگەرىلەتۋدە بەلسەندى رول اتقاردى.

　　شي جينپيڭ بىلاي دەپ باسا دارىپتەدى: جۇڭگو گومينداڭ توڭكەرىستىك كوميتەتى تايۋان جونىندەگى قىزمەت كەلەلى جاعدايىندا ورنىن ٴداپ باسىپ تاۋىپ، باسىمدىعىن ساۋلەلەندىرىپ، بەلسەنە ىسكەرلىك كورسەتىپ، ەل ٴىشى ـ سىرتىنداعى، ارالدىڭ ٴىشى ـ سىرتىنداعى ىنتىماقتاسۋعا بولاتىن بارلىق وتانشىل كۇشتەرمەن اناعۇرلىم ويداعىداي ىنتىماقتاسىپ، ”دەربەستەندىرۋگە“ قارسى تۇرىپ، بىرلىككە كەلۋدى جەبەيتىن كۇشتەردى ۇزدىكسىز زورايتىپ، وتاندى بەيبىت بىرلىككە كەلتىرۋ اياق الىسىن بىرگە ىلگەرىلەتۋى كەرەك. ەكى جاعالاۋدىڭ عىلىم ـ تەحنيكا، اۋىل شارۋاشىلىعى، گۋمانيتارلىق ىستەر، جاستار دامۋى سياقتى سالالارداعى اۋىس ـ كۇيىسىن، سەلبەستىگىن بەلسەنە ىلگەرىلەتىپ، ەكى جاعالاۋدىڭ ٴتۇرلى سالاسىنىڭ توعىسپالى دامۋىن تەرەڭدەتۋ كەرەك.

　　شي جينپيڭ بىلاي دەپ اتاپ كورسەتتى: عىلىم ـ تەحنيكا سالاسىنداعى مۇشەلەر مەن قالىڭ عىلىم ـ تەحنيكا قىزمەتكەرلەرى عىلىم، وقۋ ـ اعارتۋ ارقىلى مەملەكەتتى گۇلدەندىرۋ، مەملەكەتتى قۇدىرەتتەندىرۋ مۇراتىن اناعۇرلىم كۇشەيتىپ، عىلىم ـ تەحنيكادا جاڭالىق اشۋ اۋىر مىندەتىن ارقالاپ، نەگىزدىك زەرتتەۋ مەن قولدانىلمالى نەگىزدىك زەرتتەۋدى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، جاڭا ساپالى وندىرگىش كۇشتەردى دامىتاتىن جاڭا قوزعاۋشى قۋاتتاردى جەتىلدىرۋى كەرەك. ناقتى اقىل ـ كەڭەس بەرىپ، عىلىم ـ تەحنيكا ٴتۇزىلىسى رەفورماسى مەن دارىندىلاردى دامىتۋ ٴتۇزىلىس ـ مەحانيزمى رەفورماسىن تەرەڭدەتۋگە دەم بەرىپ، عىلىم ـ تەحنيكا باعالاۋ جۇيەسى مەن ىنتالاندىرۋ مەحانيزمىن اقاۋسىزداندىرىپ، ٴتۇرلى دارىندىلاردىڭ جاڭالىق اشۋ ومىرشەڭدىك كۇشى مەن كومەسكى كۇشىن اناعۇرلىم قاۋلاتۋ كەرەك.

　　شي جينپيڭ بىلاي دەپ باسا دارىپتەدى: قالىڭ قورشاعان ورتا، بايلىق سالاسىنداعى مۇشەلەر ەكولوگيالىق ورتانى قورعاۋدى كۇشەيتۋ، جوعارى ساپالى دامۋدى جوعارى دەڭگەيدە قورعاۋ، وعان دەم بەرۋ جاعىندا جاڭا ۇلەس قوسۋى كەرەك. مەملەكەت جەرى كەڭىستىگىن اشۋ ـ قورعاۋدىڭ تومەنگى شەگىن بەرىك ساقتاپ، ەكولوگيالىق ورتانى وڭىرلەر بويىنشا باسقارۋ ـ مەڭگەرۋ جۇيەسىن كەمەلدەندىرىپ، جوعارى ساپالى دامۋدىڭ ەكولوگيالىق نەگىزىن بەكەمدەۋ كەرەك. لاستانۋدى دالمە ـ ٴدال وڭاۋ، لاستانۋدى عىلمي وڭاۋ، لاستانۋدى زاڭ بويىنشا وڭاۋ باعىتىن جاپپاي، دالمە ـ ٴدال تياناقتاندىرىپ، ەكونوميكالىق، قوعامدىق دامۋدىڭ جاسىل، تومەن كومىر قىشقىل گازدى بولۋىن ىلگەرىلەتىپ، بايلىقتان ۇنەمدى، شوعىرلى، اينالمالى پايدالانۋدى كۇشەيتىپ، ەكولوگيالىق ونىمدەردىڭ قۇنىن جۇزەگە اسىرۋ جولىن كەڭەيتىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتىپ، جوعارى ساپالى دامۋعا جاڭا قوزعاۋشى قۋات ۇستەپ، جاڭا باسىمدىق قالىپتاستىرۋ كەرەك.

　　شي جينپيڭ بىلاي دەپ اتاپ كورسەتتى: بيىل _ حالىق ساياسي كەڭەسى قۇرىلعاندىعىنىڭ 75 جىلدىعى. حالىق ساياسي كەڭەسى تاڭداۋلى ٴداستۇردى ساۋلەلەندىرىپ، ساياسي جاۋاپكەرشىلىكتى ەستە بەرىك ساقتاپ، يدەيالىق ـ ساياسي جەتەكشىلىكتى كۇشەيتىپ، ارناۋلى كەڭەس قۇرىلىمىنىڭ ٴتۇزىم قۇرىلىسىن كۇشەيتىپ، ٴوز قۇرىلىسىن كۇشەيتۋى، ساياسي كەڭەس مۇشەلەرى ٴوز ساپاسى مەن مىندەت وتەۋ قابىلەتىن جوعارىلاتىپ، جاڭا داۋىردەگى ساياسي كەڭەس قىزمەتىنىڭ جانە كوپ پارتيا سەلبەستىگى ىستەرىنىڭ جاڭا جاعدايىن ۇزدىكسىز اشۋى كەرەك.

　　شى تايفىڭ، جىڭ جيانباڭ، حۋ چۇنحۋا، ۋاڭ دۇڭفىڭ، حى باۋشياڭ قاتارلىلار بىرىككەن گرۋپپا جيىنىنا قاتىناستى.