شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى. 9 - ايدىڭ 25 - كۇنى مەملەكەت ءتوراعاسى شي جينپيڭ الەمدىك باياندى قاتىناس جوعارى دارەجەلىلەر تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: حاۋىپسىز، قولايلى، جوعارى ءونىمدى، جاسىل، ۇنەمدى، باۋىرمال، سەرپىمدى باياندى قاتىناس جۇيەسىن ورناتۋ − ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋگە، ”ادامدار ساپار بارىسىنان يگىلىكتەنۋ، زاتتار ىركىلىسسز اينالىمعا ءتۇسۋ“ تاماشا ارمانىن ورىنداۋعا تىرەك بولاتىن ماڭىزدى شارا. جۇڭگو قاتىناستا قۋاتتى ەل قۇرۋدى جەدەلدەتۋدە ۇزدىكسىز تاباندىلىقپەن دۇنيە جۇزىمەن توعىسىپ، داۋىرمەن تۇتاسىپ، الەمدىك قاتىناس سەلبەستىگىن كۇش سالا ىلگەرىلەتىپ، وزىندىك دامۋ ارقىلى دۇنيە ءجۇزىن جاڭا ورايمەن قامدايدى. جۇڭگو دۇنيە جۇزىندەگى ءار ەلمەن بىرگە، بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىنان جازباي، باياندى قاتىناستى دامىتۋ جەتىستىكتەرىنىڭ دۇنيە جۇزىندەگى ءار ەل حالىقتارىنا اناعۇرلىم ويداعىداي باقىت جاراتۋىنا مۇمكىندىك جاساپ، الەمدىك دامۋ باستاماسىن تياناقتاندىرۋعا، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ نىساناسىن جۇزەگە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋدى قالايدى.
الەمدىك باياندى قاتىناس جوعارى دارەجەلىلەر تالقى مىنبەرىنىڭ نەگىزگى تاقىرىبى ”باياندى قاتىناس: قول ۇستاسا سەلبەسىپ، الەمدىك دامۋعا كۇش ۇستەۋ“، قاتىناس - تاسىمال مينيسترلىگىنىڭ ۇيىمداستىرۋىمەن، 9 - ايدىڭ 25 - كۇنى بەيجيڭدە اشىلدى.
