شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى. «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» اراب تىلىندەگى، پورتۋگال تىلىندەگى، نەمىس تىلىندەگى، سۋاحيلي تىلىندەگى، وردو تىلىندەگى جانە ۆيەتنام تىلىندەگى نۇسقاسى تاياۋدا شەتەل تىلدەرى باسپاسى جاعىنان باسپادان شىعىپ تاراتىلدى.
«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردى» جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجات زەرتتەۋ ورنى قۇراستىرعان، 9 ارناۋلى تاقىرىپقا ءبولىپ، شي جينپيڭ جولداستىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارىن جۇيەلى تۇردە ەنگىزگەن. بۇل رەت اراب ءتىلى قاتارلى 6 تىلدەگى نۇسقاسىنىڭ باسىپادان شىعىپ تاراتىلۋى شەتەل وقىرماندارىنىڭ شي جينپيڭنىڭ قاتىستى ماڭىزدى بايىمداۋلارىنىڭ باي مازمۇنىن تەرەڭ تۇسىنۋىندە، جۇڭگونىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ ۇلى امالياتىن جانە دۇنيە ءجۇزىنىڭ ادامدىق ۇقىقتى باسقارۋىنا قوسقان جۇڭگو جوباسىن ىشكەرىلەي تۇسىنۋدە، زامانىمىزداعى جۇڭگونىڭ ادامدىق ۇقىق كوزقاراسىنىڭ باۋرامدىلىعىن، تارتىمدىلىعىن، ىقپالىن ارتتىرۋدا كەلەلى مانگە يە.
بۇل كىتاپتىڭ اعىلشىنشا − حانزۋشا، فرانسۋزشا − حانزۋشا، ورىسشا − حانزۋشا، يسپانشا − حانزۋشا، جاپونشا − حانزۋشا سالىستىرما نۇسقاسى 2022 - جىلى ورتالىق قۇراستىرۋ - اۋدارۋ باسپاسى جاعىنان باسىپ تاراتىلعان.
