شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى. 9 - ايدىڭ 12 - كۇنى مەملەكەت ءتوراعاسى شي جينپيڭ امەريكا − جۇڭگو اۆياتسيا مۇرالارى قور قوعامىنىڭ ءتوراعاسى گرين مەن جولبارىس اترەتىنىڭ ساقا جاۋىنگەرلەرى مويە، مايكميۋللەندەرگە جاۋاپ حات جازدى.
شي جينپيڭ بىلاي دەپ اتاپ كورسەتتى: امەريكا − جۇڭگو اۆياتسيا مۇرالارى قور قوعامىنىڭ جانە جولبارىس اترەتىندەگى ساقا جاۋىنگەرلەردىڭ ۇزاق ۋاقىتتان بەرى قاجىماي - تالماي جۇڭگو − امەريكا ەكى ەلدە جولبارىس اترەتىنىڭ اڭگىمەسىن تاراتىپ، امەريكاداعى كوپتەگەن جاستار مەن ورەندەر ”جولبارىس اترەتى دوستىق مەكتەبى جانە جاستار - ورەندەر كوسەمى جوسپارىنا“ قاتىناسقانىن، قازىرگە دەيىن 500گە جۋىق جولبارىس اترەتىنىڭ ساقا جاۋىنگەرى مەن نەشە ءجۇز ساقا جاۋىنگەر وتباسىنداعىلاردىڭ جۇڭگوعا ساپارلاي كەلگەندىگىن ەستىپ قاتتى قۋاندىم ءارى سىزدەرگە قۇرمەت بىلدىرەمىن.
شي جينپيڭ بىلاي دەپ باسا دارىپتەدى: وتكەندى ەسكە العاندا، جۇڭگو − امەريكا ەكى ەل حالقى جاپون فاشيستەرىنە قارسى كۇرەس بارىسىندا جاۋعا بىرگە كەكتەنىپ، قان مەن وتتىڭ سىنىنان ءوتىپ، تەرەڭ دوستىق ورناتتى. بولاشاققا كوز جىبەرسەك، جۇڭگو مەن امەريكا ەكى ءىرى ەل رەتىندە، دۇنيە ءجۇزىنىڭ بەيبىتشىلىگى، ورنىقتىلىعى جانە دامۋى جونىنەن اناعۇرلىم ماڭىزدى جاۋاپكەرشىلىك ارقالايدى، ءوزارا قۇرمەت ەتۋدى، بەيبىت قاتار تۇرۋدى، سەلبەسىپ تەڭ يگىلىككە كەنەلۋدى، ءسوز جوق، جۇزەگە اسىرۋ كەرەك. جۇڭگو − امەريكا قارىم - قاتىناسىنىڭ ءۇمىتى حالىقتا، نەگىزى حالىق اراسىندا، بولاشاعى جاستاردا. جاڭا داۋىردە جۇڭگو − امەريكا قارىم - قاتىناسىنىڭ اقاۋسىز، ورنىقتى دامۋى جاڭا داۋىردەگى جولبارىس اترەتى مۇشەلەرىنىڭ قاتىناسۋى مەن قولداۋىنا مۇقتاج، جولبارىس اترەتى رۋحىنىڭ ەكى ەل حالقى اراسىندا ۇرپاقتان - ۇرپاققا جالعاسۋىن ءۇمىت ەتەمىن.
امەريكا − جۇڭگو اۆياتسيا مۇرالارى قور قوعامى 1998 - جىلى قۇرىلعان، جۇڭگو − امەريكا اۆياتسيا تاريحي وقيعالارىن زەرتتەۋدى جانە ەسكە ءتۇسىرۋدى جەبەۋ ماقساتىمەن قۇرىلعان امەريكانىڭ حالىقتىق دوستىق ۇيىمى. تاياۋدا قور قوعامىنىڭ ءتوراعاسى گرين مەن جولبارىس اترەتىنىڭ ساقا اسكەرلەرى مويە، مايكميۋللەندەر ءتوراعا شي جينپيڭگە بىرگە حات جولداپ، قور قوعامى مەن جولبارىس اترەتىندەگى ساقا جاۋىنگەرلەردىڭ جۇڭگو مەن امەريكانىڭ دوستىق بارىس - كەلىسىن قولداۋ، ىلگەرىلەتۋ جاعدايىن تانىستىرىپ، جۇڭگو − امەريكا سەلبەستىگىنىڭ قىمباتتى رۋحاني بايلىعىن جالعاستىراتىندىقتارىن جانە اسقاقتاتاتىندىقتارىن بىلدىرگەن.
