شينحۋا اگەنتتىگىنىڭ 8 - ايدىڭ 26 - كۇنى يوحاننەسبۋرگتەن بەرگەن حابارى. 8 - ايدىڭ 27 - كۇنى باسپادان شىعاتىن حالىق گازەتىندە «داڭعىل جولمەن ءجۇرۋ، دۇنيە كوپكە ورتاق بولۋ − ءتوراعا شي جينپيڭنىڭ وڭتۇستىك افريكا ساپارىنداعى بىرنەشە تاريحي سيپاتتى كورىنىس جونىندە» اتتى ماقالا جاريالانادى.
ماقالادا بىلاي دەلىنگەن: وڭتۇستىك جارتى شاردىڭ كوكتەمىندە سالقىن سامال بەتتى وبەدى. 100 جىلدىق وراسان وزگەرىستى باستان كەشكەن وڭتۇستىك افريكانىڭ پرەتورياسىنداعى زۇڭتۇڭ سارايىندا ءتوراعا شي جينپيڭ رامافوسا زۇڭتۇڭمەن يىق سۇيەسە قاتار تۇرىپ گۇلدەنىپ - كوركەيگەن قالاعا كوز جىبەردى.
”شىنىمەن دە ءبارى انىق كورىنەدى ەكەن! بيىكتە تۇرساڭ، كوشپەلى بۇلتتىڭ كوزىڭدى توسۋىنان قورىقپايسىڭ دەگەن وسى ەكەن“.ءتوراعا شي جينپيڭنىڭ تەبىرەنىسى وسى رەتكى ساپارىنىڭ جاندى بەينەسى ىسپەتتى.
ماقالادا مىنالار اتاپ كورسەتىلدى: 8 - ايدىڭ 21 - كۇنىنەن 24 - كۇنىنە دەيىن، وڭتۇستىك افريكا.
ءۇش كىندىك ءسوز: جۇڭگو - وڭتۇستىك افريكا، بريكس، جۇڭگو - افريكا. ءتوراعا شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناستى ءارى وڭتۇستىك افريكادا مەملەكەتتىك ساپاردا بولدى. وڭتۇستىك افريكا مەن بريكستى تياناق ەتىپ، افريكا مەن دۇنيە جۇزىنە كوز جىبەردى.
ماقالا ءۇش بولىككە بولىنگەن: 25 جىلدىق قول ۇستاسۋ: ”التىن ءداۋىر“؛ 10 جىلدىق قۇنتتى ەڭبەك ەتۋ: ”تاعدىرلاس بولۋ“؛ 2 ميلليارد 800 ميلليون حالىقتىڭ تاڭداۋى: ”بورىشتى بىرگە ارقالاۋ“.
ماقالادا مىنالار اتاپ كورسەتىلدى: تاريح دامۋىنىڭ قاشاندا بۇراندا ءتارىزدى جوعارى ورلەيتىندىگى، تولقىن ءتارىزدى العا ىلگەرىلەيتىندىگى سياقتى، الدىڭعى جاقتىڭ دا داڭعىل بولا قويۋى ەكىتالاي. وسى رەتكى بريكس ەلدەرى باسشىلارىنىڭ ديدارلاسۋىندا، ءتوراعا شي جينپيڭنىڭ مىناداي ارناۋ ءسوزى كەڭ كولەمدە ۇندەستىك تاپتى:
”بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ كوبى وتارشىلدىقتىڭ تاريحي قۇي - باتپاعىنان شىققان. ءبىز سان الۋان جاپا - ماشاقاتتاردى باستان كەشىرىپ، وراسان زور قۇرباندىق بەرىپ، ۇلت تاۋەلسىزدىگىنە قول جەتكىزىپ، ءوز ەلدەرىمىزدىڭ مەملەكەت جاعدايىنا ۇيلەسەتىن دامۋ جولىن ۇزدىكسىز قاراستىردىق. ءبىزدىڭ بارلىق ىستەگەندەرىمىز، تۇپتەپ كەلگەندە، حالىقتى باقىتتى تۇرمىسقا كەنەلتۋ ءۇشىن. الايدا ءىشىنارا مەملەكەتتەر زورەكەرلىك ورنىنان ايرىلعىسى كەلمەي، بازارى جاڭادان گۇلدەنگەن مەملەكەتتەر مەن وركەندەپ كەلە جاتقان ەلدەردى قيسىنسىز قورشاپ توسقاۋىلداپ، قىسپاققا الدى. كىم جاقسى دامىسا، سونى تەجەدى؛ كىم ۇزەڭگى سوعىستىرسا، سونىڭ اياعىنان شالدى. مەن باسقانىڭ شامىن سوندىرگەننىڭ ءوزى دە جارىقتان يگىلىكتەنە المايدى دەگەندى تالاي ايتقانمىن“.
”وركەندەپ كەلە جاتقان ەل، ’الەمدىك وڭتۇستىكتىڭ‘ ءبىر مۇشەسى رەتىندە، ءبىز باستان - اياق باسقا دا وركەندەپ كەلە جاتقان ەلدەرمەن تىنىستاس، تاعدىرلاس بولىپ، وركەندەپ كەلە جاتقان ەلدەردىڭ ورتاق مۇددەسىن باتىل قورعاپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ الەمدىك ىستەردەگى ۋاكىلدىك سيپاتى مەن ءسوز سويلەۋ ۇقىعىنىڭ كۇشەيۋىن ىلگەرىلەتەمىز. جۇڭگودا ءامىر جۇرگىزىپ، زورەكەرلىك ىستەيتىن گەن جوق، ءىرى ەلدىك بەلدەسۋ قىزبالىعى جوق، باتىلدىقپەن تاريحتىڭ دۇرىس جاعىندا بۇلجىماي تۇرىپ، ’داڭعىل جولمەن ءجۇرۋ، دۇنيە كوپكە ورتاق بولۋ‘ دەگەندى باتىل اتقارادى“.
