شينحۋا اگەنتتىگىنىڭ 8 - ايدىڭ 25 - كۇنى بەيجيڭنەن بەرگەن حابارى. جەرگىلىكتى ۋاقىت 8 - ايدىڭ 24 - كۇنى كەشتە مەملەكەت ءتوراعاسى شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتقاننان كەيىن، ەلگە قايتىپ كەلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلى ساپارلاستارى دا سول ۇشاقپەن قايتىپ كەلدى.
يوحاننەسبۋرگتەن اتتاناردا وڭتۇستىك افريكانىڭ سىرتقى ىستەر مينيسترى پاندور قاتارلى ۇكىمەتتىڭ جوعارى دارەجەلى ءمانساپتىلارى اۋەجايعا بارىپ شىعارىپ سالدى.