«ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرايىق − باس شۋجي شي جينپيڭنىڭ ەكولوگيالىق وركەنيەت قۇرىلىسىنا جەتەكشىلىك ەتكەندىگى جونىندە ەستەلىك»

حالىق گازەتى اۆتورلى ماقالا جاريالايدى

«ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرايىق − باس شۋجي شي جينپيڭنىڭ ەكولوگيالىق وركەنيەت قۇرىلىسىنا جەتەكشىلىك ەتكەندىگى جونىندە ەستەلىك»

　　شينحۋا اگەنتتىگىنىڭ 7 - ايدىڭ 16 - كۇنى بەيجيڭنەن بەرگەن حابارى نەگىزىندە. حالىق گازەتى 7 - ايدىڭ 17 - كۇنى «ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇلشىنا قۇرايىق − باس شۋجي شي جينپيڭنىڭ ەكولوگيالىق وركەنيەت قۇرىلىسىنا جەتەكشىلىك ەتكەندىگى جونىندە ەستەلىك» اتتى اۆتورلى ماقالا جاريالايدى.

　　ماقالادا بىلاي دەلىندى: شىلىڭگىر شىلدە دە، كۇللى دۇنيە قۇلپىرىپ، كورىكتى جۇڭگونىڭ اسەم تابيعاتى كوز سۇرىندىرەدى.

　　يۇنناننىڭ ارحاي كولىنىڭ كەڭ ايدىنىندا كوگىلدىر تولقىن شىمىرلاپ، اۋدەم جەردە ساڭشان تاۋى ماساتىداي قۇلپىرىپ تۇر. 8 جىلدىڭ الدىندا ارحاي كولىنىڭ بويىندا باس شۋجي شي جينپيڭ ”وسىنى دالەل - ىسپات ەتەيىك“ دەگەن ۋادەنى قالدىرىپ، ”ارحايدى، ءسوزسىز، ويداعىداي قورعاپ، ’ساڭشان تاۋى بوياۋمەن سىزىلماسادا ەجەلگى سۋرەتتەي بولىپ تۇراتىن، ارحاي كولى ىشەگى بولماسادا تامىلجىعان كۇي توگەتىن‘ جاراتىلىستىق اسەم كورىنىستى ساقتاپ قالۋدى“ شىنايى تاپسىردى.

　　ەكولوگيالىق ورتانى جۇيەلى وڭاپ، تۇتاس اعار بويىنشا قورعاۋ، قالپىنا كەلتىرۋ كۇشەيتىلدى، بۇگىندەرى ساڭشاننىڭ، ارحايدىڭ كوركەم تابيعاتى ءتىپتى دە تۇرلەنە ءتۇستى.

　　شانشيدە چينليڭ تاۋلارى بوي سوزىپ، ءمولدىر بۇلاقتار سىڭعىرلاي اعىپ، ءوز كوركىن ساقتاپ كەلەدى. 3 جىلدىڭ الدىندا چينليڭ تاۋىنىڭ قويناۋىندا، باس شۋجي شي جينپيڭ تاۋدىڭ سۋىق جەلىن بەتكە الا الىسقا كوز تاستاپ، تەرەڭ تولعانىسپەن بىلاي دەگەن ەدى: ”ەكولوگيالىق وركەنيەت قۇرىلىسى قانشاما مال - دۇنيەگە يە بولۋ ەمەس، قايتا تاريح، ۇرپاق ءۇشىن جۇمىس ىستەۋ“.

　　تاپسىرمانى ەستە بەرىك ساقتاپ، چينليڭنىڭ ”ەكولوگيالىق قورعاۋشىسى“ بولۋ ويداعىداي ىستەلگەندىكتەن، چينليڭنىڭ شانشي بولىگىندە ”ۇزدىك“، ”جاقسى“ دەپ باعالانعان ەكولوگيالىق اۋماق تۇڭعىش رەت ％99تەن استى.

　　تاۋ اسىپ، سۋ كەشىپ، ”مەملەكەتتىڭ زور ىسىنە“ كوڭىل ءبولدى. شىعىس وڭتۇستىكتەگى تەڭىز جاعالاۋىنان سارى توپىراقتى ۇستىرتكە دەيىن، شىعىس - سولتۇستىك جازىعىنان چيڭحاي - شيزاڭ ۇستىرتىنە دەيىن، پارتيا 18 - قۇرىلتايىنان بەرى باس شۋجي شي جينپيڭ قاي جەرگە بارسا، ەكولوگيالىق وركەنيەت قۇرىلىسى ۇستانىمىن سول جەردە بايىمداپ، ەكولوگيالىق وركەنيەت قۇرىلىسىن جادىنان شىعارماي، بار زەيىن - زەردەسىن ارنادى.

　　2018 - جىلى 5 - ايدا پارتيا ورتالىق كوميتەتى مەملەكەتتىك ەكولوگيالىق ورتانى قورعاۋ جينالىسىن اشىپ، شي جينپيڭنىڭ ەكولوگيالىق وركەنيەت يدەياسىن رەسمي تۇراقتاندىرىپ، ادام مەن تابيعات، قورعاۋ مەن دامۋ، قورشاعان ورتا مەن حالىق تۇرمىسى، ەل ءىشى مەن حالىقارا سياقتىلاردىڭ قاتىناسىن جۇيەلى بايىمدادى، بۇل پارتيامىزدىڭ سوتسياليستىك ەكولوگيالىق وركەنيەت قۇرىلىسىنىڭ زاڭدىلىعى جونىندەگى تانىمىنىڭ تىڭ بيىككە كوتەرىلگەندىگىن ايگىلەيدى.

　　ماقالادا بىلاي دەپ اتاپ كورسەتىلدى: يدەيانىڭ نۇر - شۇعىلاسى العا باسۋ جولىن نۇرلاندىردى. جاڭا ءداۋىردىڭ 10 جىلىنان بەرى ەلىمىزدىڭ ەكولوگيالىق وركەنيەت قۇرىلىسىندا تاريحي سيپاتتى، بۇرىلىس سيپاتتى، جالپى جاعداي سيپاتتى وزگەرىس تۋىلدى، كۇللى جۇرتتى جالت قاراتقان ەكولوگيالىق كەرەمەت پەن جاسىل دامۋ كەرەمەتى جاراتىلدى. جاڭا جورىققا ارشىندى قادام تاستاعاندا، پارتيا 20 - قۇرىلتايى بايانداماسىنداعى سوزدەر جۇرتتى جىگەرلەندىرە ءتۇستى: ”جۇڭگو ۇلگىسىندەگى وسىزامانداندىرۋ − ادام مەن تابيعات جاراسىمدى قاتار ءومىر سۇرەتىن وسىزامانداندىرۋ“، ”تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، ادام مەن تابيعات جاراسىمدى قاتار ءومىر ءسۇرۋ بيىگىنەن دامۋدى جوسپارلاۋ كەرەك“.

　　جۇڭگونىڭ بايتاق دالاسىندا شي جينپيڭنىڭ ەكولوگيالىق وركەنيەت يدەياسى جۇرت جۇرەگىنە تەرەڭ ۇيالاپ، جۇڭگو ۇلگىسىندەگى وسىزامانداندىرۋدىڭ ەكولوگيالىق تاعانىن بەكەمدەپ، حالىق بۇقاراسىنىڭ تۇنىق سۋ، جاسىل تاۋ جاراتۋ بارىسىندا تابيعات كوركەمدىگىنەن، تىرشىلىك كوركەمدىگىنەن، ءومىر كوركەمدىگىنەن بىرگە يگىلىكتەنۋىنە مۇمكىندىك جاسادى.

　　ماقالا 3 بولىككە بولىنگەن: يدەيالىق جەتەكشىلىك − ”ەكولوگيالىق وركەنيەت قۇرىلىسى جۇڭحۋا ۇلتىنىڭ ماڭگى ۇزدىكسىز دامۋىنا ساياتىن مىڭ جىلدىق ۇلى جوسپار“؛ امالياتتىڭ ۇلى كۇشى − ”ەكولوگيالىق ورتانى كوز قاراشىعىمىزدى قورعاعانداي قورعاپ، ەكولوگيالىق ورتاعا ومىرىمىزگە ءمان بەرگەندەي ءمان بەرەيىك“؛ ۇزدىكسىز كۇرەسۋ − ”تۇنىق سۋ، جاسىل تاۋ − باعالى بايلىق، قورشاعان ورتانى قورعاۋدىڭ ءوزى وندىرگىش كۇشتى قورعاعاندىق، قورشاعان ورتانى جاقسارتۋدىڭ ءوزى وندىرگىش كۇشتى دامىتقاندىق“.

　　ماقالادا بىلاي دەلىندى: جۇڭگو دامىعان ەلدەردىڭ نەشە ءجۇز جىلدا باسقان ونەركاسىپتەنۋ بارىسىن نەشە ون جىلدا ورىندادى، سونداي - اق قىرۋار ەكولوگيالىق ورتا ماسەلەسى جينالىپ قالدى. جاڭا داۋىرگە قادام تاستاعاندا، بىزگە قانداي دامۋ قاجەت، وسىزامانداندىرۋ جولىمەن قالاي جۇرەمىز؟

　　جۇڭگو سۇراۋىنا، دۇنيە ءجۇزى سۇراۋىنا، حالىق سۇراۋىنا، ءداۋىر سۇراۋىنا بەتپە - بەت كەلگەن شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن بۇرىن بولىپ كورىلمەگەن بيىككە كوتەرىپ، ”جاسىل جاۋاپنامانى“ تاتىمدى جازدى.

　　2012 - جىلى 11 - ايدا پارتيانىڭ 18 - قۇرىلتايى ەكولوگيالىق وركەنيەت قۇرىلىسىن جۇڭگوشا سوتسياليزم ىستەرىنىڭ ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنا ەنگىزىپ، پارتيانىڭ ۋستاۆىنا ”جۇڭگو كوممۋنيستىك پارتياسى حالىقتىڭ سوتسياليستىك ەكولوگيالىق وركەنيەت قۇرۋىنا باسشىلىق ەتەدى“ دەپ جازدى.

　　2022 - جىلى 10 - ايدا پارتيانىڭ 20 - قۇرىلتايى ادام مەن تابيعاتتىڭ جاراسىمدى قاتار ءومىر ءسۇرۋى − جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىنىڭ ءبىرى، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ − جۇڭگو ۇلگىسىندەگى وسىزامانداندىرۋدىڭ ماندىك تالابىنىڭ ءبىرى ەكەندىگىن تەرەڭ بايىمدادى ءارى ”جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ“ سىندى كەلەلى ورنالاستىرۋ جاسادى.

　　جاڭا ءداۋىردىڭ 10 جىلىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ماڭگى ۇزدىكسىز دامۋى سىندى بيىكتى شىعار ءتۇيىن ەتىپ، ەكولوگيالىق وركەنيەت قۇرىلىسىنىڭ جاڭا ءداۋىر جۇڭگوشا سوتسياليزم ىستەرىندەگى ماڭىزدى ورنى مەن ستراتەگيالىق ءمانىن تەرەڭ يگەرىپ، ”نە ءۇشىن ەكولوگيالىق وركەنيەت قۇرۋ، قانداي ەكولوگيالىق وركەنيەت قۇرۋ، ەكولوگيالىق وركەنيەتتى قالاي قۇرۋ“ قاتارلى كەلەلى نازاريالىق جانە امالياتتىق ماسەلەلەرگە جۇيەلى جاۋاپ بەرىپ، شي جينپيڭنىڭ ەكولوگيالىق وركەنيەت يدەياسىن قالىپتاستىردى، بۇل جاڭا داۋىردەگى ەلىمىزدىڭ ەكولوگيالىق وركەنيەت قۇرىلىسىنىڭ ءتۇبىرلى بويسۇنۋ ولشەمى مەن ارەكەت باعدارناماسىنا اينالدى.

　　جاڭا ءداۋىردىڭ 10 جىلىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىر قىدىرۋ ءتۇبىرلى سيپاتتى، جاسامپازدىق سيپاتتى، ۇزاق بولاشاقتىق سيپاتتى قىزمەتتەر جاپپاي ورىستەتىلىپ، ەكولوگيالىق وركەنيەت قۇرىلىسىن ىلگەرىلەتۋ بەكىمىنىڭ زور بولۋى، سەرپىنىنىڭ زور بولۋى، ناتيجەسىنىڭ زور بولۋى بۇرىن بولىپ كورىلمەگەن دەڭگەيگە جەتتى.

　　يدەيانى ۇيرەنىپ، پارتيالىلىقتى كۇشەيتىپ، امالياتقا ءمان بەرىپ، جاڭا ۇلەس قوستى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ورىستەتىلگەننەن بەرى وڭىرلەر، تاراۋلار شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، نازاريالىق ۇيرەنۋدى كۇشەيتۋ ارقىلى دامۋ امالياتىنا جەتەكشىلىك ەتىپ، ىشكەرىلەي تەكسەرۋ - زەرتتەۋ ارقىلى دامۋداعى قيىن ماسەلەلەردى شەشىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى تىڭعىلىقتى قۇردى.

　　ماقالادا بىلاي دەپ اتاپ كورسەتىلدى: بۇگىنگى تاڭداعى جۇڭگودا جاسىل دامۋ ۇزدىكسىز جەدەلدەتىلىپ، جاسىل الاپ ۇزدىكسىز كەڭەيىپ، جاسىل ۇلەس ۇزدىكسىز مولايىپ، جاڭا داۋىردەگى «مىڭ شاقىرىمدىق تاۋ - وزەن كارتيناسىنىڭ» ايبىنى اسقاق بولدى.

　　كوك زەڭگىر اسپاندا اقشا بۇلتى قالىقتاعان، سۋى تۇنىق، جاعالاۋى جاسىل كورىنىستەن دۇنيە ءجۇزى گۇلدەنىپ - كوركەيگەن جۇڭگونى كوردى؛ قامال الىپ، قيىندىقتاردى جەڭىپ، كەزەڭنەن اسىپ، قىساڭنان وتكەن كورىنىستەن دۇنيە ءجۇزى ۇدەرە العا تارتقان جۇڭگونى كوردى.

　　جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوستى. ادام مەن تابيعات جاراسىمدى قاتار ءومىر سۇرگەن وسىزامانداندىرۋ ءۇردىسى جۇڭگونى تەرەڭدەي وزگەرتۋدە، دۇنيە جۇزىنە تەرەڭ ىقپال جاساۋدا.