الەمنىڭ داڭعىل جولىمەن قول ۇستاسا بىرگە ءجۇردى
− جۇڭگو مەملەكەت باسشىسىنىڭ 2023 - جىلعى كوكتەم ماۋسىمىنداعى ديپلوماتياسى جونىندە ەستەلىك
□ شينحۋا اگەنتتىگىنىڭ تىلشىلەرى
4 - ايداعى بەيجيڭ، قوڭىر سامال ەسىپ، كوكتەمنىڭ جىلى لەبى بەتتى وبەدى.
4 - ايدىڭ 24 - كۇنى تۇستەن كەيىن حالىق سارايىنداعى «تاۋ - وزەن نەتكەن كورىكتى» اتتى ۇلكەن قابىرعا سۋرەتتىڭ الدىندا، ءتوراعا شي جينپيڭ جۇڭگودا تۇراتىن 70 باس ەلشىنىڭ مەملەكەت حاتىن جەكە - جەكە قابىلدادى ءارى ولارمەن ءبىر - بىرلەپ سۋرەتكە ءتۇستى.
ەلشىلەر الدىندا ءتوراعا شي جينپيڭ بىلاي دەپ اتاپ كورسەتتى: جۇڭگو جاق حالىقارالىق قوعاممەن بىرگە الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن تياناقتاندىرۋدى ىلگەرىلەتىپ، بۇكىل ادامزاتتىڭ ورتاق قۇندىلىعىن دارىپتەپ، ءار ەل حالقىنىڭ ءوزارا ءتۇسىنىسۋىن، دوستاسۋىن جەبەپ، الەمدىك ءتۇرلى سايىستارعا بىرگە توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋ بەتالىسىنا قاراي ۇزدىكسىز ارشىندى قادام تاستاۋدى قالايدى.
ۇسىنىس بويىنشا رەسەيدە مەملەكەت ىستەرى ساپارىندا بولدى، ازيا، ەۆروپا، لاتىن امەريكاسى، افريكا سياقتى قۇرلىقتاردان جۇڭگوعا ساپارلاي كەلگەن كوپتەگەن ساياسي قايراتكەرلەرمەن كەڭەس وتكىزدى، كەزدەستى، الەمدىك وركەنيەت دارىپتەمەسىن تۇڭعىش رەت العا قويىپ، حالىقارالىق جانە وڭىرلىك قولامتالى ماسەلەلەردىڭ شەشىلۋىن ىلگەرىلەتتى... 2023 - جىلى كوكتەم ماۋسىمىندا تولاسسىز بيىك بەلەسكە كوتەرىلگەن جۇڭگو باسشىسىنىڭ ديپلوماتياسى دۇنيە ءجۇزىنىڭ نازارىن ۇزدىكسىز اۋداردى. ءتوراعا شي جينپيڭنىڭ جەتەكشىلىگىندە، جۇڭگوشا ءىرى ەلدىك ديپلوماتيا جاڭا جورىقتا جەلكەن جايىپ، ۇدەرە العا تارتىپ، جۇڭگونىڭ دۇنيە جۇزىمەن بارىس - كەلىسىنىڭ، ىقپالداستىعىنىڭ جاڭا بيىگىن ايگىلەدى.
جوعارى جىكتەگىلەردىڭ ىقپالداستىعىن تەرەڭدەتتى
سەرىكتەستىك قارىم - قاتىناستىڭ جاڭا كارتيناسىن سالدى
2023 - جىلدىڭ كوكتەمى راسىندا وزگەشە بولدى.
3 - ايدىڭ 20 - كۇنى مەملەكەتتىك ەكى ءماجىلىس جابىلىپ ءبىر اپتادان كەيىن، ءتوراعا شي جينپيڭ پۋتين زۇڭتۇڭنىڭ ۇسىنىسىنا ساي، رەسەيدە مەملەكەتتىك ساپاردا بولدى. بۇل ءتوراعا شي جينپيڭنىڭ جۇڭگونىڭ مەملەكەت ءتوراعاسى بولىپ قايتا سايلانعاننان كەيىنگى تۇڭعىش ساپارى، سونداي - اق ونىڭ 9 - رەت مەملەكەت ءتوراعاسى سالاۋاتىمەن رەسەيگە ساپارلاي بارۋى.
دۇنيە جۇزىندە 100 جىلدا بولماعان زور وزگەرىستەر جەدەل دامىدى. جۇڭگونىڭ مەملەكەت باسشىسىنىڭ وسى كەزدە رەسەيدە ساپاردا بولۋى حالىقارالىق قوعامنىڭ نازارىن اۋداردى.
ساپار كەزىندە ءتوراعا شي جينپيڭ پۋتين زۇڭتۇڭمەن ۇزاق ۋاقىت ىشكەرىلەي اۋىس - كۇيىس جاسادى. 2 كۇن بويى پۋتين زۇڭتۇڭ ءتوراعا شي جينپيڭدى كولىككە شىعارىپ سالعان ساتتەردە، اسپاندا جۇلدىز جامىراپ كەش بولىپ كەتكەن ەدى.
”دوستىق ساپارى، سەلبەستىك ساپارى، بەيبىتشىلىك ساپارى“ − بۇل ءتوراعا شي جينپيڭنىڭ وسى رەتكى ماسكەۋ ساپارىنا بەرگەن تۇراقتاندىرۋى.
”اۆتوكولىك اترەتىمىز باسىپ وتكەن جەرلەردە كوپتەگەن رەسەي حالقى وزدىكتەرىنەن قول بۇلعاپ، قۇرمەت ءبىلدىرىپ، ماعان جۇڭگو − رەسەي قارىم - قاتىناسىنىڭ تەرەڭ حالىق رايى نەگىزىنە يە ەكەندىگىن شىنايى سەزىندىردى“، - دەدى ءتوراعا شي جينپيڭ تەبىرەنە.
وسى رەتكى ساپار كەزىندە جۇڭگو مەن رەسەي ەكى جاق جاڭا داۋىردەگى جالپى بەتتىك ستراتەگيالىق ىستەستىك سەرىكتەستىك قارىم - قاتىناستى تەرەڭدەتۋگە ءبىر اۋىزدان قوسىلدى. ەكى ەل باسشىلارى ۋكراينا داعدارىسى جونىندە بۇكپەسىز، ىشكەرىلەي اۋىس - كۇيىس جاسادى. جۇڭگو جاقتىڭ بەيبىتشىلىككە ناسيحاتتاپ، كەلىسسوزدى جەبەگەن قۇلشىنىسى رەسەي جاقتىڭ بەلسەندى اڭىسىنا يە بولدى.
تيان - انمىن الدىندا، مىنانداي كورىنىستەر ادامدارعا تەرەڭ اسەر قالدىردى −
3 - ايدىڭ 31 - كۇنى، كوكتەمنىڭ قوڭىر سامالى ەسىپ تۇر. يسپانيا، مالايزيا، سينگاپۋر سىندى 3 ەلدىڭ مەملەكەت تۋى بەس جۇلدىزدى قىزىل تۋمەن قاتار ءىلىنىپ، جەلمەن بىرگە جەلبىرەدى.
حالىق سارايىنىڭ شىعىس زالىندا 3 رەتكى ماڭىزدى سىرتقى ىستەر قيمىلى ىركەس - تىركەس وتكىزىلدى. ءتوراعا شي جينپيڭ ىلگەرىندى - كەيىندى جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن، مالايزيانىڭ زۇڭليى انۋارمەن، سينگاپۋردىڭ زۇڭليى لي شيانلۇڭمەن كەزدەستى.
بيىل جۇڭگو مەن يسپانيانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى، سوڭعى جارتى جىلدا يسپانيا ەۆروپا وداعىنىڭ كەزەكتى ءتوراعا ەلى مىندەتىن وتەيدى، باس ءۋازىر سانچەستىڭ وسى كەزدە جۇڭگوعا ساپارلاي كەلۋى جۇڭگو مەن يسپانيانىڭ سەلبەستىگىن ىلگەرىلەتۋدى، سونداي - اق جۇڭگو − ەۆروپا وداعى قارىم - قاتىناسىنىڭ دامۋىن كوزدە ۇستاعاندىعىن بىلدىرەدى؛ ءانۋار زۇڭليدىڭ وسى رەتكى ساپارى كەزىندە ەكى جاق جۇڭگو − مالايزيا تاعدىرلاس ورتاق تۇلعاسىن بىرگە قۇرۋ جونىندە ماڭىزدى ورتاق تانىمعا كەلىپ، ەكى ەل قارىم - قاتىناسىندا جاڭا تاريحي پاراق اشىلدى؛ لي شيانلۇڭ زۇڭليدىڭ وسى رەتكى ساپارىندا ەكى جاق جۇڭگو − سينگاپۋر قارىم - قاتىناسىن جان - جاقتى، جوعارى ساپالى، كورەگەندىك سەرىكتەستىك قارىم - قاتىناس دەڭگەيىنە كوتەرىپ، ەكى ەل قارىم - قاتىناسىنىڭ بولاشاقتاعى دامۋىنا ايقىن بەتالىس كورسەتتى...
گۋاڭجوۋداعى سۇڭيۋان باقشاسى جۇڭگو − فرانسيا قارىم - قاتىناسى تاريحىنداعى ماڭىزدى ءبىر ساتكە كۋا بولدى −
4 - ايدىڭ 7 - كۇنى ءتوراعا شي جينپيڭ فرانسيانىڭ زۇڭتۇڭى ماكروندى ليڭنان باۋ - باقشاسىندا سەيىلدەۋگە ۇسىنىس ەتىپ، سۋ جاعاسىندا وتىرىپ، كورىنىستى تاماشالاپ، شايدان اۋىز ءتيدى، ەجەلگى زاماننان قازىرگە دەيىنگى ىستەر جونىندە اقتارىلا اڭگىمەلەستى. ەجەلگى اسپاپپەن «اسقار تاۋ، اعىندى سۋ» كۇيى تامىلجىتا ورىندالدى، ەكى ەل مەملەكەت باسشىسىنىڭ بىرگە تاماشالاۋى تەرەڭ مانگە يە بولدى.
بەيجيڭدە مەملەكەت ىستەرى قيمىلىن شوعىرلى ورىستەتۋدەن گۋاڭجوۋدا گالستۋك تاقپاي، تىڭ تىنىسقا تولى بەيرەسمي كەزدەسۋ وتكىزگەنگە دەيىن جۇڭگو مەن فرانسيا ەكى ەل مەملەكەت باسشىلارى جۇڭگو − فرانسيا، جۇڭگو − ەۆروپا وداعى قارىم - قاتىناسى، سونداي - اق كوپتەگەن حالىقارالىق جانە وڭىرلىك ماسەلەلەر جونىندە ىشكەرىلەي اۋىس - كۇيىس جاسادى.
قوشتاسار ساتتە ءتۇن رايى بىرتىندەپ قويۋلاي ءتۇستى. ءتوراعا شي جينپيڭ ماكرون زۇڭتۇڭعا بىلاي دەدى: ءبىزدىڭ جۇڭگو − فرانسيا، جۇڭگو − ەۆروپا وداعى قارىم - قاتىناسىندا، سونداي - اق قىرۋار حالىقارالىق جانە وڭىرلىك ماسەلەلەردە كوپتەگەن ۇقساس نەمەسە قارايلاس كوزقاراستا بولعاندىعىمىزعا وتە قۋانىشتىمىن، بۇل جۇڭگو − فرانسيا قارىم - قاتىناسىنىڭ جوعارى دەڭگەيى مەن ستراتەگيالىق سيپاتىن ايگىلەيدى. ماكرون زۇڭتۇڭ مىنالاردى ءبىلدىردى: وسى رەتكى ساپارىم توتەنشە ءساتتى بولدى، ءتوراعا شي جينپيڭنىڭ كەلەر جىلى فرانسياعا تاعى ساپارلاي كەلۋىن ءۇمىت ەتەمىن ءارى قارسى الامىن.
ەۆروپا وداعى كوميتەتىنىڭ ءتوراعاسى ۆوندەرلەيەن مەن ماكرون زۇڭتۇڭ جۇڭگودا ءبىر ۋاقىتتا ساپاردا بولدى. جۇڭگو − فرانسيا، جۇڭگو − فرانسيا − ەۆروپا وداعى، جۇڭگو − ەۆروپا وداعى ءوزارا ىقپالداستىعىندا ”دەربەس، ءوز - وزىنە قوجايىن بولۋ“، ”سەلبەسۋ“ دەگەندەردىڭ بارلىعى اۋىزدان تۇسپەيتىن سوزگە اينالدى. جۇڭگو − فرانسيا ەكى ەلدىڭ مەملەكەت باسشىلارى دەربەس، ءوز - وزىنە قوجايىن بولۋ ديپلوماتياسىن اتقارۋدى باسا دارىپتەدى، ۆوندەرلەيەن دە: ”جۇڭگودان ’الشاقتاۋ‘ ەۆروپا وداعى جاقتىڭ مۇددەسىنە ۇيلەسپەيدى“، ”ەۆروپا وداعى جۇڭگوعا قاراتقان ساياساتىن دەربەس، ءوز - وزىنە قوجايىن بولا وتىرىپ بەلگىلەيدى“، - دەدى. جۇڭگو مەن فرانسيانىڭ، جۇڭگو مەن ەۆروپا وداعىنىڭ ەكى جاقتى قارىم - قاتىناس جانە حالىقارالىق كەڭەس تاقىرىبى جاعىنداعى ورتاق تانىمى ۇزدىكسىز تەرەڭدەدى.
حالىق سارايىنىڭ شىعىس قاقپاسىنىڭ سىرتىنداعى الاڭدا كوپتەن بەرى وتكىزىلمەگەن، جاڭاشا جوسىن ايگىلەنگەن سىرتتا قارسى الۋ سالتى وتكىزىلدى −
4 - ايدىڭ 14 - كۇنى ءتوراعا شي جينپيڭ جۇڭگوعا مەملەكەت ىستەرى ساپارىمەن كەلگەن برازيليانىڭ زۇڭتۇڭى لۋلاعا ارناپ وتكىزگەن قارسى الۋ سالتىندا اسكەري وركەستر «جاڭا ءداۋىر» اتتى برازيليا مۋزيكاسىن ارنايى ورىندادى. سالتاناتتى سالت، دەن قويا ورنالاستىرۋ برازيليا ۋاكىلدەر ۇيىرمەسىندەگى ءىشىنارا مۇشەلەردىڭ جانارلارىنا جاس الدىردى.
لۋلا زۇڭتۇڭ ءاسىلى 3 - ايدىڭ اياعىندا جۇڭگوعا ساپارلاي كەلمەكشى بولعان ەدى، دەنساۋلىعىنا بايلانىستى ساپار ۋاقىتىن كەشەۋىلدەتكەن بولاتىن. وسى جولى ساۋىعا سالىسىمەن كولەمدى ۋاكىلدەر ۇيىرمەسىن باستاپ جۇڭگوعا ساپارلاي كەلدى. ءتوراعا شي جينپيڭ كونە دوسىنا ىقىلاسپەن مىنالاردى ءبىلدىردى: ”ءسىزدىڭ ساۋىعىپ كەتكەنىڭىزدى كورىپ، مەن قاتتى قۋاندىم. ءسىزدىڭ ساۋىققانىڭىزعا ۇزاق بولماي جاتىپ، ات ارىتىپ الىستان كەلۋىڭىز ەكى ەلدىڭ قارىم - قاتىناسىنا ايرىقشا ءمان بەرەتىندىگىڭىزدى ايگىلەيدى“.
كەڭەستەن كەيىن جۇڭگو − برازيليا ەكى ەل 49 ءتۇرلى مازمۇندى قامتىعان بىرلەسكەن مالىمدەمە جاريالاپ، اشىق تا سيىسىمدى بولۋدى، سەلبەستىك جاساپ، بىرگە يگىلىككە كەنەلۋدى ەرەكشەلىك ەتكەن جۇڭگو − برازيليا جاپپاي ستراتەگيالىق سەرىكتەستىك قارىم - قاتىناسىن بىرگە تەرەڭدەتۋگە ءبىر اۋىزدان قوسىلدى.
دۇنيە ءجۇزى جاڭا جورىقتاعى جۇڭگو ديپلوماتياسىنىڭ نىق قادامىن سەزىندى.
كامبودجانىڭ باس ءۋازىرى حۇڭسىننان تارتىپ گابون زۇڭتۇڭى بوگونىڭ كەلۋىنە دەيىن، كوكتەم باسىنان ۇركەر جەرگە تۇسكەن مەزگىلگە دەيىن... 2 ايدان استام ۋاقىت ىشىندە ازيا، ەۆروپا، امەريكا، افريكا قۇرلىقتارىنان كەلگەن شەتەل باسشىلارى جۇڭگودا ارت - ارتىنان ساپاردا بولدى. 3 - ايدىڭ سوڭىنان باستاپ، ءار اپتا سايىن شەتەل باسشىلارى نەمەسە حالىقارالىق ۇيىمداردىڭ جاۋاپتىلارى جۇڭگوعا ساپارلاي كەلدى.
ءتوراعا شي جينپيڭنىڭ تىكەلەي كوڭىل بولۋىندە، 3 - ايدىڭ 26 - كۇنى جۇڭگو گوندۋراسپەن «جۇڭحۋا حالىق رەسپۋبليكاسى مەن گوندۋراس رەسپۋبليكاسىنىڭ ديپلوماتيالىق قارىم - قاتىناس ورناتۋى جونىندەگى بىرلەسكەن مازمۇنداماسىنا» قول قويىپ، مازمۇنداماعا قول قويىلعان كۇننەن باستاپ باس ەلشى دارەجەلى ديپلوماتيالىق قارىم - قاتىناستى ءوزارا مويىنداۋدى جانە ورناتۋدى ۇيعاردى. سونان باستاپ جۇڭگو دۇنيە جۇزىندەگى 182 مەملەكەتپەن ديپلوماتيالىق قارىم - قاتىناس ورناتتى، دوستار شەڭبەرى تاعى دا كەڭەيە ءتۇستى.
4 - ايدىڭ 19 - كۇنى زۇڭتۇڭ بونگو جۇڭگودا ساپاردا بولعان كەزدە، ەكى جاق بىرلەسكەن مالىمدەمە جاريالاپ، جۇڭگو − گابون قارىم - قاتىناسىن جاپپاي ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەردى، بۇل جۇڭگو − گابون ەكى ەلدىڭ ورتاق جانە ۇزاق بولاشاقتىق مۇددەسىنە ۇيلەسىپ قويماي، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە دە ناقتى ماڭىزدى ۇلگىلىك رول اتقارادى.
ءىرى ەلدەردىڭ سايكەسۋىن، سەلبەسۋىن ىلگەرىلەتۋ، توڭىرەكتەگىلەرمەن تاعدىرلاس ورتاق تۇلعا قۇرۋ، وركەندەپ كەلە جاتقان ەلدەرمەن ىنتىماقتى، سەلبەستىكتى كۇشەيتۋ... مەملەكەت باسشىسىنىڭ ديپلوماتيالىق ستراتەگياسىنىڭ جەتەكشىلىگىندە، جۇڭگونىڭ جان - جاقتى، كوپ ساتىلى، ستەرەولدى ديپلوماتيالىق ورنالاستىرۋى ۇزدىكسىز تەرەڭدەدى. جاڭا دوستار بارعان سايىن كوبەيدى، كونە دوستار ءتىپتى دە ەتەنە بولدى، ”ءبىزدىڭ دوستارىمىز الەمنىڭ بارلىق جەرىنە تارالدى“.
ەسىك اشۋدى، سەلبەسۋدى ىلگەرىلەتتى
ءوزارا پايدا جەتكىزىپ، تەڭ يگىلىككە كەنەلۋدىڭ تىڭ تاراۋىن جازدى
جاڭا سەرىگى دە بار، كونە دوسى دا بار. ولار نە ءۇشىن ارت - ارتىنان كەلدى؟
ءتوراعا شي جينپيڭ ءبىر سوزىندە جۇڭگونىڭ دۇنيە جۇزىندە كۇشتى باۋراۋ قۋاتىن تۋدىرۋىنداعى سەبەپتى اۋىزعا الدى: ”جۇڭگو جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، جوعارى ساپالى دامۋ مەن جوعارى دەڭگەيدەگى ەسىك اشۋدى تاباندىلىقپەن ىلگەرىلەتىپ، تاباندىلىقپەن دۇنيە ءجۇزىنىڭ بەيبىتشىلىگىن قورعاپ، بىرگە دامۋدى جەبەپ وتىر“.
تۇراقسىزدىق جايلاعان دۇنيە جۇزىندە جۇڭگو ءوزىنىڭ دامۋى مەن ىشكى - سىرتقى ساياساتىنىڭ تۇراقتىلىعى ارقىلى ادامزاتتىڭ بەيبىتشىلىگى مەن دامۋ ىستەرىندەگى نەگىزگى تىرەككە اينالدى.
شىعىس وڭتۇستىك ازياداعى مەملەكەتتەر اراسىندا سينگاپۋردىڭ جۇڭگونىڭ رەفورما جاساۋىنا، ەسىك اشۋىنا قاتىسۋ دەڭگەيى ەڭ تەرەڭ، جۇڭگومەن مۇددەلىك توعىسۋى ەڭ تىعىز. اراعا 4 جىلعا تاياۋ ۋاقىت سالىپ، جۇڭگوعا تاعى ساپارلاي كەلگەن زۇڭلي لي شيانلۇڭ ءتوراعا شي جينپيڭگە بىلاي دەدى: جۇڭگونىڭ جەر - جەرىندە ەكونوميكالىق ومىرشەڭدىك قۋاتتىڭ جەدەل قالپىنا كەلگەنىن كورگەنىمە قاتتى قۋانىشتامىن. ”مەن جۇڭگو ەكونوميكاسىنىڭ سەرپىمدىلىگىنە كامىل سەنەمىن، جۇڭگو ەكونوميكاسىنىڭ ءۇرتىس جاقسى بەتالىسقا قاراي داميتىندىعىنا سەنەمىن، سينگاپۋر سياقتى توڭىرەكتەگى مەملەكەتتەردىڭ ءبارى جۇڭگو جاقپەن ەكونوميكالىق سەلبەستىكتى ونان ارى تەرەڭدەتۋدى ءۇمىت ەتۋدە“.
جۇڭگو ۇلگىسىندەگى وسىزامانداندىرۋ دۇنيە جۇزىنە الاساپىراندىق ەمەس، بەيبىتشىلىك الا كەلدى، حاۋىپ ەمەس، وراي الا كەلدى، تەك جۇڭگو حالقىنا عانا باقىت جاراتىپ قانا قالماستان، دۇنيە ءجۇزى حالقىنا دا باقىت جاراتادى. مۇنى جاڭا دوستار، الدە كونە دوستار بولسىن، الىستاعى تۋىستار، الدە جاقىن كورشىلەر بولسىن، وركەندەپ كەلە جاتقان ەلدەر، الدە دامىعان ەلدەر بولسىن، بارلىعى دا ءوز كوزدەرىمەن كورىپ وتىر.
جوعارى ساپالى دامۋدى ىلگەرىلەتكەن، جوعارى دەڭگەيدە ەسىك اشۋعا تاباندى بولعان جۇڭگو دۇنيە ءجۇزى ەكونوميكاسىنىڭ دامۋىنا قۋاتتى قوزعاۋشى كۇش ۇستەدى −
بىلىقپالىق ارالاسقان جاعدايدا، ىندەتتەن كەيىنگى دۇنيە ءجۇزى ەكونوميكاسى جالپى تۇلعالىق جاقتان السىرەدى. دۇنيە بانكەسىنىڭ باستىعى مارپاس: ”جۇڭگو مۇنىڭ سىرتىندا“، - دەدى. تاياۋدا دۇنيە بانكەسى شىعىس ازيا مەن تىنىق مۇحيت ءوڭىرىنىڭ ەكونوميكالىق جاعدايى مالىمەتىن جاريالاپ، 2023 - جىلعى جۇڭگو ەكونوميكاسىنىڭ ارتۋ قارقىنىن ％1. 5كە كوتەردى. 1 - ايدا مەجەلەنگەن ％3. 4تەن زور كولەمدە جوعارى بولدى. جۇڭگو ەكونوميكاسىنىڭ ارتۋ جاعدايى قۋاتتى بولىپ، دۇنيە جۇزىندەگى ەلدەردى سەلبەسىپ دامۋعا ۇمتىلۋعا باۋرايتىن ”قۋاتتى ماگنيت ءورىسىن“ قالىپتاستىردى.
گۋاڭجوۋ − جۇڭگونىڭ جوعارى ساپالى دامۋىنداعى ”سەركە جانە پاراۆوز“. ءتوراعا شي جينپيڭ وسى ارادا ماكرونعا جۇڭگو ۇلگىسىندەگى وسىزامانداندىرۋدىڭ ماندىك ەرەكشەلىگى مەن وزەكتى ماڭىزىن تانىستىرىپ: ”ءبىزدىڭ جۇڭگونىڭ دامۋ بولاشاعىنا سەنىمىمىز مىعىم“، - دەپ باسا دارىپتەدى.
”جۇڭگو ۇلگىسىندەگى وسىزامانداندىرۋ جان سۇيىندىرەدى“. بىلتىر 11 - ايدا يندونەزيانىڭ بالي ارالىنداعى 20 ەل توبىنىڭ باسشىلار ماجىلىسىندە ماكرون زۇڭتۇڭ ءتوراعا شي جينپيڭگە جۇڭگونى قۇرمەتتەيتىندىگىن ءبىلدىردى. ايربۋس سەرىكتەستىگى، فرانسيا ەلەكتر قۋاتى توبى... وسى رەت ماكرونمەن بىرگە جۇڭگوعا ساپارلاي كەلگەن ساۋدا سالاسىنداعى ۋاكىلدەر توبىنان - اق فرانسيانىڭ ءار سالاسىنىڭ جۇڭگونىڭ دامۋى مەن فرانسيا − جۇڭگو سەلبەستىگىنىڭ بولاشاعىنا تولىق ءۇمىتتى جانە سەنىمدى ەكەندىگىن كورە الامىز.
”جۇڭگو مەن فرانسيانىڭ ەكونوميكا - ساۋدا سەلبەستىگى ەكى ەلدىڭ ەكونوميكالىق دامۋىنا، حالىق تۇرمىسىنىڭ قۇت - ىرىسىن ارتتىرۋعا دەم بەرىپ قانا قويماي، دۇنيە ءجۇزى ەكونوميكاسىنىڭ قالپىنا كەلۋ سەنىمىن ارتتىرىپ، مەجەنى ورنىقتىردى“، ”قازىر جۇڭگونىڭ ەكونوميكالىق، قوعامدىق ومىرشەڭدىك كۇشى تولىق ايگىلەنىپ، جۇڭگو مەن فرانسيانىڭ، جۇڭگو مەن ەۆروپا وداعىنىڭ ءار سالاداعى تىلدەسۋى، سەلبەستىگى جاپپاي جاندانۋدا، ءبىز ورايدى مىقتى يگەرىپ، سەلبەستىكتى كۇشەيتىپ، تاماشا بولاشاقتى بىرگە جاراتۋىمىز كەرەك“، ”فرانسيانىڭ 2024 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى جانە 7 - كەزەكتى جۇڭگو حالىقارالىق يمپورت كورمەسىنىڭ نەگىزگى قوناق ەلى بولۋىن قارسى الامىز“...
جۇڭگو − فرانسيا مەملەكەت باسشىلارىنىڭ كەڭەسىندە، جۇڭگو − فرانسيا كاسىپورىنشىلار كوميتەتى 5 - رەتكى ءماجىلىسىنىڭ جابىلۋ سالتىندا ءتوراعا شي جينپيڭ فرانسيا جاقتى قارسى الاتىندىعىن ءبىلدىرىپ، ىقىلاسپەن ۇسىنىس ەتتى.
ساۋدا سالاسىنداعى قالىڭ كوشباسشىلاردىڭ ۋاكىلدەر ۇيىرمەسىن ەرتىپ، جۇڭگوعا ساپارلاي كەلگەندەردەن تاعى وڭتۇستىك جارتى شاردان ۇزاق جول باسىپ كەلگەن برازيليانىڭ زۇڭتۇڭى لۋلا بار. مەديالاردىڭ حابارىنا قاراعاندا، بىرگە ساپارلاي كەلگەن ساۋدا سالاسىنداعى ۋاكىلدەر 200 ادامنان اسقان. ال لۋلا جۇڭگوعا ساپارلاي كەلۋدەن بۇرىن، برازيليانىڭ ساۋدا سالاسىنداعى كوپتەگەن ۋاكىلدەرى ”جۇڭگوعا ءتۇپ قوتارىلا كەلۋدى“ اسىعا كۇتكەن ەدى.
بەيجيڭگە جەتۋدەن بۇرىن، لۋلا زۇڭتۇڭ شاڭحايدىڭ پۋدۇڭىنا ورنالاسقان جاڭا وركەندەتۋ بانكەسىنىڭ باس شتابىندا جاڭادان تاعايىندالعان بانكە باستىعى رۋسەفتىڭ مىندەتكە وتىرۋ سالتىنا قاتىناستى. ول تاعى حۋاۋيدىڭ شاڭحايداعى زەرتتەۋ ورنىن ەكسكۋرسيالاپ، ەكى ەلدىڭ 5G سياقتى سالالارداعى سەلبەستىگىن كەڭەيتۋدى قالايتىندىعىن ءبىلدىردى.
ءتوراعا شي جينپيڭ لۋلا زۇڭتۇڭمەن كەڭەسكەننەن كەيىن، ەكى ەلدىڭ مەملەكەت باسشىلارى ساۋداعا قارجى قوسۋ، سيفرلى ەكونوميكا، عىلىم - تەحنيكادا جاڭالىق اشۋ، ينفورماتسيا جانە حابارلاسۋ، كەدەيلىكتى ازايتۋ، كارانتيندەۋ، عارىش سياقتى سالالارداعى كوپتەگەن ەكى جاقتى سەلبەستىك حۇجاتتارىنا قول قويىسۋعا بىرگە كۋا بولدى.
مەيلى حالىقارالىق جاعداي قالاي قۇبىلسىن، تاريحتىڭ دۇرىس جاعىندا تاباندى تۇرعان جۇڭگو ءار ەلدىڭ ىنتىماعىنا، سەلبەستىگىنە قۋاتتى سەنىم ۇستەدى −
جۇڭگو جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، دۇنيە جۇزىندەگى ەلدەردى جۇڭگونىڭ دامۋ ورايى مەن پايداسىنان بىرگە يگىلىكتەندىردى، بۇل كەيبىر ەلدەردىڭ ءوز مۇددەسىن عانا ويلاپ ”الشاقتاپ بايلانىستى ءۇزۋدى“ كۇشپەن جۇرگىزۋ ارەكەتىمەن ايقىن سالىستىرما قالىپتاستىردى.
ءتوراعا شي جينپيڭ بىلاي دەپ باسا دارىپتەدى: دامۋ از ساندى ەلدەردىڭ پاتەنتى ەمەس، يدەولوگيالىق جاقتا قارسىلاسۋ، ەكونوميكا - ساۋدا، عىلىم - تەحنيكا اۋىس - كۇيىسىن ساياسيلاندىرۋ، قارۋعا اينالدىرۋ، ”الشاقتاپ بايلانىستى ءۇزۋدى“ كۇشپەن جۇرگىزۋ، وزگە ەلدەردىڭ دامۋىن شاۋجايلاۋ، قىسپاققا الۋ، وڭىردەگى ەلدەردەن ءبىر تاراپتى تاڭداپ، سول جاقتا تۇرۋدى تالاپ ەتۋ − وكتەمدىك، زورەكەرلىك ارەكەت، جۇرت كوڭىلى قۇپ كورمەيدى.
ايقىن جۇڭگو پوزيتسياسى كۇشتى حالىقارالىق ۇندەستىك تۋدىردى.
سانچەس مىنانى ءبىلدىردى: يسپانيا بيىلعى جىلدىڭ سوڭعى جارتىسىندا ەۆروپا وداعىنىڭ كەزەكتى ءتوراعا ەلى مىندەتىن وتەيدى، يسپانيا ەۆروپا وداعىنىڭ جۇڭگومەن كەڭەس، سەلبەستىك ورىستەتۋىن ىلگەرىلەتۋگە كۇش سالادى؛ لي شيانلۇڭ مىنانى ءبىلدىردى: باسەكەلەسۋ بار بولسا دا، ءوزارا قۇرمەت پەن سەنىمدى تياناق ەتۋ قاجەت، قارا بولماسا، اق بولادى دەپ بولۋگە، ءبىر تاراپتى تاڭداپ، سول جاقتا تۇرۋعا بولمايدى؛ ۆوندەرلەيەن مىنانى ءبىلدىردى: ەۆروپا وداعى مەن جۇڭگو − ءبىر - ءبىرىنىڭ ماڭىزدى ساۋدا سەرىكتەرى، ءبىر - ءبىرىنىڭ ەكونوميكاسى تىعىز بايلانىسقان، جۇڭگودان ”قول ءۇزۋ“ ەۆروپا وداعى جاقتىڭ مۇددەسىنە ۇيلەسپەيدى، ەۆروپا وداعىنىڭ ستراتەگيالىق تالعامى ەمەس؛ ماكرون مىنانى ءبىلدىردى: فرانسيا جاق ”الشاقتاپ بايلانىستى ۇزۋگە“ قارسى تۇرادى، اناعۇرلىم ورنىقتى، اشىق قامداۋ تىزبەگىن تۇلعالاۋدى ءۇمىت ەتەدى؛ بونگو مىنانى ءبىلدىردى: جۇڭگو جاقتىڭ ۇزاق ۋاقىتتان بەرى گابونعا كورسەتكەن قىمباتتى كومەگىنە، گابوننىڭ ەكونوميكاسىنىڭ كوپ نەگىزدى دامۋىن جانە ونەركاسىپتەنۋ اياق الىسىن جەبەۋ ءۇشىن ماڭىزدى رول اتقارعاندىعىنا العىس ايتامىز، جۇڭگو جاقتىڭ كاسىپورىندارىنىڭ گابونعا كەلىپ ونەركاسىپ باقشاسى قۇرىلىسىنا قاتىناسۋىن قارسى الامىز، جۇڭگو جاقتىڭ كاسىپورىندارىنا تاماشا ورتا ازىرلەۋدى قالايمىز.
بيىل جۇڭگو 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك باسشىلار تالقى مىنبەرىن وتكىزەدى. جۇڭگونىڭ اشىلعان قاقپاسى ايقارا اشىلا بەرەدى.
قاتىستى ەلدەرمەن كوپ ءتۇرلى ەكى جاقتى سەلبەستىك حۇجاتىنا قول قويىسىپ، جاڭادان گۇلدەنگەن سالالارداعى سەلبەستىك ۇزدىكسىز كەڭەيدى؛ ”ءبىر بەلدەۋ، ءبىر جولدى“ جوعارى ساپالى بىرگە قۇرۋ جاپپاي قولداۋعا جانە كەڭ كولەمدى ۇندەستىككە يە بولدى؛ تۇرلىشە وڭىردەگى ەلدەرمەن دامۋ ستراتەگياسىن ءتۇيىلىستىرۋدى تەرەڭدەتتى؛ جۇڭگو دامۋ جوعارى دارەجەلىلەر تالقى مىنبەرىنە، بو - اۋ ازيا تالقى مىنبەرىنە، جۇڭگو حالىقارالىق تۇتىنۋ بۇيىمدارى كورمەسىنە، جۇڭگو يمپورت - ەكسپورت تاۋارلار جارمەڭكەسىنە حالىقارالىق قوناقتار ىركەس - تىركەس كەلدى...
مەملەكەت باسشىسى ديپلوماتياسىنىڭ جەتەكشىلىگىندە، جۇڭگونىڭ دۇنيە جۇزىمەن جوعارى جيىلىكتەگى ىقپالداستىعى تۇيىندەردى ۇلاستىرىپ، جاپپاي ورىستەتىلىپ، سەلبەستىك جاساسىپ تەڭ يگىلىككە كەنەلۋدىڭ شەڭبەرلى، ساتىلى مايدا تولقىنىن قوزعاپ، جەر شارىندىق دامۋعا سارقىلماس تىرشىلىك تىنىسىن جانە ومىرشەڭدىك كۇش سيلادى.
3 - ايدىڭ 20 - كۇنى، ماسكەۋدەگى كرەمل سارايى. ءتوراعا شي جينپيڭمەن كەزدەسكەندە پۋتين زۇڭتۇڭ شىن جۇرەكتەن مىنالاردى ءبىلدىردى: جۇڭگو وراسان زور دامۋ قارىشتاۋىن جۇزەگە اسىردى، بۇكىل دۇنيە ءجۇزى بۇعان ايرىقشا قىزىقتى، ”ءبىز، اۋەلى، سىزدەرگە تامسانىپ قالدىق “.
ءتوراعا شي جينپيڭ كۇلىمسىرەي: ”مەن زۇڭتۇڭ مىرزانىڭ ەجەلدەن بەرى جۇڭگونىڭ دامۋ قۇرىلىسىن تۇراقتاندىرىپ، القاپ جانە قولداپ كەلگەندىگىنە ايرىقشا العىس ايتامىن، بۇل ءبىز جونىنەن دە ىنتالاندىرۋ“، - دەپ جاۋاپ قايتاردى.
ءوز جۇمىسىن جاقسى ىستەۋدىڭ ءوزى دۇنيە جۇزىنە ۇلەس قوسقاندىق سانالادى. ۇزدىكسىز ىلگەرىلەتىلگەن جانە كەڭەيتىلگەن جۇڭگو ۇلگىسىندەگى وسىزامانداندىرۋ ”ادامزاتقا جاڭا اناعۇرلىم زور ۇلەس قوساتىن“ جۇڭگو جاۋاپكەرشىلىگىن ايگىلەدى.
جۇڭگو اقىل - پاراساتىن ارنادى
جاڭا جورىقتاعى ءىرى ەلدىك جاۋاپكەرشىلىگىن كورسەتتى
”بۇگىنگى دۇنيە ءجۇزى 100 جىلدا بولماعان زور وزگەرىسكە ءدوپ كەلدى، ادامزات ءدوپ كەلگەن كورنەكتى قايشىلىقتار مەن ماسەلەلەردى شەشۋ ماتەريالدىق ءتاسىل ارقىلى قيىندىقتاردى جەڭىپ، قامال الۋدى، سونداي - اق رۋحاني كۇشكە سۇيەنىپ شىنايى، تۋراشىل بولۋدى قاجەت ەتەدى“.
2 - ايدا افينا داشۋەسىندەگى ۆيرۆيداكيس پروفەسسور قاتارلى گرەتسيالىق 5 وقىمىستى ءتوراعا شي جينپيڭنىڭ بەيجيڭنەن جولداعان جاۋاپ حاتىن تاپسىرىپ الدى. حاتتا ءتوراعا شي جينپيڭ جۇڭگو − گرەتسيا وركەنيەتتە ءوزارا ۇلگى الۋ ورتالىعىنىڭ قۇرىلعاندىعىن قۇتتىقتاپ، ”وركەنيەت اتاۋلىنىڭ جاۋھارىنىڭ بۇگىنگى زامانعا يگىلىك جاراتۋىنا، ادامزاتقا يگىلىك جاراتۋىنا مۇمكىندىك جاساۋىمىز كەرەك“، ”ادامزاتتىڭ داۋىرلىك قيىن ماسەلەلەردى شەشۋىنە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ماڭىزدى رۋحاني جەتەكشىلىك ازىرلەۋى كەرەك“، - دەپ باسا دارىپتەدى.
3 - ايدىڭ 15 - كۇنى كەشتە، جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسى وتكىزىلدى، باس شۋجي شي جينپيڭ الەمدىك وركەنيەت باستاماسىن سالتاناتپەن العا قويدى.
دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەدى، بۇكىل ادامزاتقا ورتاق قۇندىلىقتى اسقاقتاتۋدى بىرگە دارىپتەدى، وركەنيەتتى جالعاستىرۋعا جانە وندا جاڭالىق اشۋعا باسا ءمان بەرۋدى بىرگە دارىپتەدى، حالىقارالىق گۋمانيتارلىق اۋىس - كۇيىستى، سەلبەستىكتى كۇشەيتۋدى بىرگە دارىپتەدى − تاريحى ۇزاق شىعىستاعى وركەنيەتتى ءىرى ەل ادامزاتتىڭ دۇرىس بەتالىسقا قاراي العا باسۋىن ىلگەرىلەتۋ، اناعۇرلىم تاماشا دۇنيە ءجۇزىن قۇرۋ ءۇشىن تاعى ءبىر جۇڭگو جوباسىن ۇسىندى.
الەمدىك دامۋ باستاماسىنان، الەمدىك حاۋىپسىزدىك باستاماسىنان تارتىپ الەمدىك وركەنيەت باستاماسىنا دەيىن، مەملەكەت باسشىسى ديپلوماتياسىنىڭ جەتەكشىلىگىندە جاڭا داۋىردەگى جۇڭگو قاي - قاشان دا كۇللى الەمدى كوكەيگە ساقتاپ، ادامزاتتىڭ بولاشاعىن، تاعدىرىن جادىنان شىعارماي، داۋىرلىك قيىن ماسەلەلەردى شەشۋگە جۇڭگو اقىل - پاراساتىن تولاسسىز ارناپ، ”ادامزاتتىڭ العا باسۋىن كوزدەيتىن، دۇنيە ءجۇزىنىڭ ۇلى بىرلىگىن كوزدەيتىن“ بورىشىن، جاۋاپكەرشىلىگىن كورسەتتى.
مۇنداي جۇڭگو اقىل - پاراساتى مەن بورىش ارقالاۋى ءارقايسى جاقپەن قويۋ تىلدەسۋدى ساقتاۋمەن، ۋكراينا داعدارىسىنىڭ بەيبىت جولمەن شەشىلۋىن ىلگەرىلەتۋدەگى بەلسەندى قۇلشىنىسپەن ساباقتاسقان −
جۇڭگو ۋكراينا داعدارىسىنا قاتىسۋشى جاق ەمەس، ايتسە دە ەشقاشان قول قۋسىرىپ قاراپ وتىرمادى، قايتا وبيەكتيۆ، ءادىل تۇرعىدان جازباي، ىزگى نيەتپەن ەلدەسۋگە ءناسيحاتتاپ، كەلىسسوزدى جەبەدى. داعدارىس جاپپاي ۋشىققاننان بەرى، ءتوراعا شي جينپيڭ قاتىستى جاقتاردىڭ باسشىلارىمەن بەينە ەكران ارقىلى نەمەسە بەتپە - بەت ديدارلاسىپ، داعدارىستى شەشۋدى ارقاۋ ەتە وتىرىپ ”ءتورت ءتيىستى“، ”ءتورت ورتاقتى“، ”ءۇش ءتۇيىندى تولعانىستى“ العا قويدى، بۇل جۇڭگو جاقتىڭ ۋكراينا ماسەلەسىن شەشۋدەگى ءتۇبىرلى بويسۇنۋ ولشەمىنە اينالدى.
2 - ايدىڭ 21 - كۇنى، 24 - كۇنى، ۋكراينا داعدارىسىنىڭ جاپپاي ۋشىققاندىعىنا ءبىر جىل بولعان ساتتە، جۇڭگو جاق ىلگەرىندى - كەيىندى «الەمدىك حاۋىپسىزدىك باستاماسىنىڭ ۇعىمدىق حۇجاتى»، «ۋكراينا داعدارىسىن ساياسي جولمەن شەشۋ جونىندەگى جۇڭگو تۇرعىسى» سىندى 2 ماڭىزدى حۇجاتتى جاريالادى.
3 - اي، ماسكەۋدە پۋتين زۇڭتۇڭمەن ديدارلاسقاندا ءتوراعا شي جينپيڭ مىنالاردى ءبىلدىردى: ”ۋكراينا ماسەلەسىندە بەيبىتشىلىك، بايىپتىلىق جونىندەگى ۇندەر ۇزدىكسىز جينالىپ، كوپ ساندى ەلدەر شۇعىل جاعدايدى باسەيتۋدى قولداپ، بەيبىتشىلىككە ءناسيحاتتاپ، كەلىسسوز وتكىزۋگە جەبەۋدى قۋاتتادى، وت ۇستىنە ماي قۇيۋعا قارسى تۇردى“. ”تاريحتان قاراساق، قاقتىعىس ەڭ سوڭىندا تۇگەلدەي تىلدەسۋ جانە كەلىسسوز وتكىزۋ ارقىلى شەشۋدى قاجەت ەتىپ كەلگەن“. ”قيىنشىلىق قانشالىق كوپ بولعان سايىن، بەيبىتشىلىككە سولعۇرلىم مۇمكىندىك قالدىرۋ؛ قايشىلىق قانشالىقتى شيەلەنىسكەن سايىن، تىلدەسۋ قۇلشىنىسىنان سولعۇرلىم كەشپەۋ كەرەك“.
پۋتين زۇڭتۇڭ جۇڭگونىڭ قاتىستى تۇرعى حۇجاتتارىن ىرىقتىلىقپەن اۋىزعا الدى. ول ءتوراعا شي جينپيڭگە: ”ءبىز جۇڭگو جاقتىڭ ۇستانعان تۇرعىسىنا ايرىقشا قۇرمەت ەتەمىز، جۇڭگو جاقتىڭ ۋكراينا ماسەلەسىن ساياسي جولمەن شەشۋ جونىندەگى تۇرعى حۇجاتىن مۇقيات زەرتتەدىك، بەيبىتشىلىك كەلىسسوزىنە اشىق پوزيتسيا ۇستانامىز، جۇڭگو جاقتىڭ مۇندا سىندارلى رول اتقارۋىن قارسى الامىز“، - دەدى.
4 - اي، بەيجيڭدە جۇڭگو − فرانسيا، جۇڭگو − فرانسيا − ەۆروپا وداعى باسشىلارىنىڭ ديدارلاسۋىندا ءتوراعا شي جينپيڭ ماكرونمەن، ۆوندەرلەيەنمەن ۋكراينا داعدارىسى جونىندە ىشكەرىلەي پىكىر اۋىستىردى.
ولار ءتوراعا شي جينپيڭگە مىنالاردى ءبىلدىردى: جۇڭگو جاق ۋكراينا داعدارىسىن تۋدىرۋشى ەمەس، ەۆروپا وداعى جاق جۇڭگو جاقتىڭ ۋكراينا داعدارىسىن ساياسي جولمەن شەشۋدى ىلگەرىلەتۋ قۇلشىنىستارىن القايدى، جۇڭگو جاقتىڭ اناعۇرلىم ماڭىزدى رول ساۋلەلەندىرۋىن كۇتەدى، جۇڭگو جاقپەن سەلبەسىپ، بەيبىتشىلىككە ءناسيحاتتاپ، كەلىسسوزدى جەبەۋدىڭ ءادىسىن تابۋدى قالايدى.
مۇنداي جۇڭگو اقىل - پاراساتى مەن بورىش ارقالاۋى جاۋاپكەرشىلىك ارقالايتىن ءىرى ەلدىك رولىن ساۋلەلەندىرۋدە، ساۋد ارابياسى مەن يراننىڭ بەيجيڭ كەڭەسىندە تاريحي جەتىستىككە قول جەتكىزۋىن ىلگەرىلەتۋدە ايگىلەندى −
بىلتىر 12 - ايدا، ءتوراعا شي جينپيڭ ساۋد ارابياسىندا مەملەكەتتىك ساپاردا بولىپ، جۇڭگو − اراب ەلدەرى، جۇڭگو − شىعاناقتاعى اراب ەلدەرى، جۇڭگو − ساۋد ارابياسى باسشىلارىنىڭ ”ءۇش اينالىمدى باسشىلار ماجىلىسىنە“ قاتىناستى. بۇل جاڭا جۇڭگو قۇرىلعاننان بەرى جۇڭگونىڭ اراب دۇنيەسىنە باعىتتالعان كولەمى ەڭ زور، دەڭگەيى ەڭ جوعارى ديپلوماتيالىق ارەكەتى سانالادى.
بيىل 2 - ايدا، يراننىڭ زۇڭتۇڭى رايسي ءتوراعا شي جينپيڭنىڭ ۇسىنىسىنا ساي، جۇڭگودا مەملەكەتتىك ساپاردا بولدى. كەڭەس كەزىندە ءتوراعا شي جينپيڭ مىنالاردى ءبىلدىردى: جۇڭگو جاق يران جاقتىڭ توڭىرەكتەگى كورشى ەلدەرمەن قارىم - قاتىناستى بەلسەنە جاقسارتۋدى قالايتىندىعىن القايدى، وڭىردەگى ەلدەردىڭ تىلدەسۋ، كەڭەسۋ ارقىلى قايشىلىقتى جويىپ، تاتۋ كورشىلىك دوستىقتى جۇزەگە اسىرۋىن قولدايدى.
مەديالاردىڭ شولۋىندا جۇڭگونىڭ ساۋد ارابياسى − يران ەكى جاقپەن ءبىر ۋاقىتتا دوستىق قارىم - قاتىناستى ساقتاۋىنىڭ ءوزى جۇرتتىڭ القاۋىنا بولەنەرلىك ءىس دەلىندى. ال ادامداردى تىپتەن سۇيىندىرگەنى 3 - ايدىڭ 10 - كۇنى جۇڭگو، ساۋد ارابياسى، يران ءۇش جاق بەيجيڭدە بىرلەسكەن مالىمدەمەگە قول قويىپ ءارى جاريالاپ، ساۋد ارابياسى − يران ەكى جاقتىڭ ديپلوماتيالىق قارىم - قاتىناستى قالپىنا كەلتىرۋگە قوسىلعاندىعىن، ءار سالادا سەلبەستىك ورىستەتەتىندىگىن جاريالادى. 4 - ايدىڭ 6 - كۇنى جۇڭگو جاقتىڭ كۋا بولۋىندا ساۋد ارابياسى − يران ەكى جاق بەيجيڭدە بىرلەسكەن مالىمدەمەگە قول قويىپ، وسى كۇننەن باستاپ ديپلوماتيالىق قارىم - قاتىناستى قالپىنا كەلتىرگەندىگىن جاريالادى.
”جۇڭگو جاقتىڭ ساۋد ارابياسى مەن يراننىڭ بەيجيڭ كەڭەسىنىڭ تاريحي جەتىستىككە قول جەتكىزۋىن تابىستى ىلگەرىلەتكەندىگىن قۇتتىقتايمىز، بۇل جۇڭگونىڭ الەمدىك ءىرى ەل ساناتىنداعى ماڭىزدى ورنى مەن بەلسەندى ىقپالىن تولىق كورسەتتى“، ”جۇڭگو تاريحتا وزگە ەلدەرگە ەجەلدەن سۇعاناقتىق جاساپ كورگەن ەمەس، تاياۋدا جۇڭگو جاق ساۋد ارابياسى − يران بەيجيڭ كەڭەسىن ءساتتى وتكىزىپ، جۇڭگو جاقتىڭ بەيبىتشىلىكتى جەبەۋدە ساۋلەلەندىرگەن سىندارلى رولىن تاعى ءبىر مارتە ايگىلەدى“، ”ساۋد ارابياسى مەن يراننىڭ ديپلوماتيالىق قارىم - قاتىناستى قالپىنا كەلتىرۋى سىندى وسى ءبىر ايرىقشا ديپلوماتيالىق كەلەلى ءىس جۇڭگونىڭ جاۋاپكەرشىلىك ارقالايتىن ءىرى ەل رەتىندەگى رولىن بەينەلەدى، بۇل ءتوراعا شي جينپيڭ دارىپتەگەن الەمدىك حاۋىپسىزدىك باستاماسىنىڭ جاندى امالياتى“... دۇنيە ءجۇزى جابال القاۋ ايتتى.
10 جىلدىڭ الدى، تاعى دا بار الاپ گۇلدەر شەشەك اتقان كوكتەم مەزگىلى، ءتوراعا شي جينپيڭ جۇڭگونىڭ ەڭ جوعارى باسشىسى رەتىندە تۇڭعىش رەتكى ساپارى كەزىندە لەكسيا جاساپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن جاسامپازدىقپەن العا قويىپ، الەمدىك سىن - سايىسقا بىرگە توتەپ بەرۋگە، ادامزاتتىڭ تاماشا بولاشاعىن بىرگە جاراتۋعا جۇڭگو جوباسىن ۇسىندى.
10 جىلدان بەرى، ادامزاتتىڭ تاعدىرلاس ورتاق تۇلعاسىن قۇرۋ امالياتى ۇزدىكسىز تەرەڭدەپ، ءتىپتى دە كەڭ كولەمدى الەمدىك شىنايى مويىنداۋعا قول جەتكىزىپ، كورىكتى دۇنيە ءجۇزىن بىرگە قۇرۋدىڭ قۋاتتى بىرىككەن كۇشىن بارعان سايىن ۇيىستىرىپ، ءداۋىر اعىمى مەن ادامزاتتىڭ العا باسۋ بەتالىسىنا جەتەكشىلىك ەتەتىن ايقىن تۋعا اينالدى.
”جۇڭگو دۇنيە ءجۇزىنىڭ بەيبىتىشىلىگىن قورعايتىن بەرىك تىرەك. بەلورۋسسيا جاق جۇڭگو جاقپەن كەلەلى حالىقارالىق، وڭىرلىك ماسەلەلەر جونىندە ىستەستىكتى كۇشەيتىپ، حالىقارانىڭ، ءوڭىردىڭ حاۋىپسىزدىگىن، ورنىقتىلىعىن قورعاۋعا ورتاق كۇش سالۋدى قالايدى“، - دەدى بەلورۋسسيانىڭ زۇڭتۇڭى لۋكاشەنكو.
”ءتوراعا شي جينپيڭ دۇنيە جۇزىلىك ىقپالعا يە ۇلى ساياساتشى، جۇڭگونىڭ تاريحي دامۋ ءۇردىسىن وزگەرتىپ عانا قويماي، دۇنيە ءجۇزىنىڭ بەيبىتشىلىگى مەن دامۋىنا دا ءۇمىت الا كەلدى“، - دەدى مالايزيانىڭ زۇڭليى ءانۋار سۇيىنە.
تاعى ءبىر كوكتەم، دۇنيە ءجۇزىنىڭ جاعدايى مەن جۇڭگونىڭ جاۋاپكەرشىلىگىن تىلگە العاندا ءتوراعا شي جينپيڭ بىلاي دەپ تەرەڭ اتاپ كورسەتتى:
”قازىر ادامزات قوعامى بۇرىن بولماعان ورتاق سايىستارعا ءدوپ كەلۋدە، ىنتىماقتاسا سەلبەسۋدى كۇشەيتۋ − بىردەن - ءبىر شىعار جول. مەنىڭ ادامزاتتىڭ تاعدىرلاس ورتاق تۇلعاسىن قۇرۋ باستاماسىن، ’ءبىر بەلدەۋ، ءبىر جولدى‘ بىرگە قۇرۋ باستاماسىن، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن العا قويۋدا كۇتكەن ءۇمىتىم − بولشەكتەنۋدىڭ ورنىن ىنتىماقتاسۋعا، قارسىلاسۋدىڭ ورنىن سەلبەسۋگە، قاقپايلاۋدىڭ ورنىن سيىسىمدىلىققا باستىرىپ، باياندى بەيبىتشىلىك ورناعان، جاپپاي حاۋىپسىز بولعان، بىرگە گۇلدەنىپ - كوركەيگەن، اشىق، سيىسىمدى، تازا، كورىكتى دۇنيە ءجۇزىن بىرگە قۇرۋ“.
