لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن
تەلەگرامما جولداپ، شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قۇتتىقتادى
شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. 3 - ايدىڭ 10 - كۇنى لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭگە قۇتتىقتاۋ تەلەگرامماسىن جولداپ، شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قىزۋ قۇتتىقتادى.
تۇڭلۇن مىنالاردى ءبىلدىردى: ءسىز ماركسيزمدىك ساياساتكەرگە، ويشىلعا، ستراتەككە ءتان ساياسي اقىل - پاراساتپەن جانە كەمەڭگەرلىكپەن جۇڭگو پارتياسى مەن مەملەكەتىن باستاپ جۇڭگوشا سوتسياليزم جولىمەن ءجۇرىپ، شۇعىلالى تابىستارعا قول جەتكىزدىڭىز. ءسىزدىڭ تولىق داۋىسپەن سايلانۋىڭىز حالىقتىڭ تىلەگى، جۇرتتىڭ قالاۋى، بۇل جۇڭگو بۇكىل پارتياسىنىڭ، بۇكىل ارمياسىنىڭ، بۇكىل ەلدەگى ءار ۇلت حالقىنىڭ ادالدىقپەن قولدايتىندىعىن جانە بۇكىلدەي سەنەتىندىگىن تولىق ايگىلەدى. مەن ءسىزدى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگو حالقىنىڭ، ءسوزسىز، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋ، جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى جۇزەگە اسىرۋ ۇردىسىندە ۇزدىكسىز جاڭا تابىستارعا قول جەتكىزەتىندىگىنە، جۇڭگوشا سوتسياليزم ىستەرىنىڭ جەڭىستەن - جەڭىسكە جەتە بەرۋىن ىلگەرىلەتەتىندىگىنە، ەكىنشى 100 جىلدىق كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ۋاعىندا جۇزەگە اسىراتىندىعىنا كامىل سەنەمىن. ۇزاق ۋاقىتتان بەرى ورنىقتى بولىپ كەلگەن لاوس − جۇڭگو جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ جانە تاعدىرلاس ورتاق تۇلعا قۇرىلىسىنىڭ ۇزدىكسىز تابىسقا جەتۋىن شىن جۇرەكتەن تىلەيمىن.
