چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن
تەلەگرامما جولداپ، شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قۇتتىقتادى
شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. 3 - ايدىڭ 10 - كۇنى چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭگە قۇتتىقتاۋ تەلەگرامماسىن جولداپ، شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قىزۋ قۇتتىقتادى.
جين جىڭىن مىنالاردى ءبىلدىردى: باس شۋجي جولداس، جۇڭحۋا حالىق رەسپۋبليكاسىنىڭ ءتوراعاسى سىندى ماڭىزدى مىندەتتى تاعى ارقالاۋىڭىز جۇڭگو پارتياسىنىڭ، ۇكىمەتىنىڭ جانە حالقىنىڭ سىزگە وسكەلەڭ سەنىم ارتاتىندىعىن جانە قولدايتىندىعىن ايگىلەدى. جۇڭگو 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جەڭىسپەن اشىلۋى جاڭا داۋىردەگى جۇڭگوشا سوتسياليزم ىستەرىن پارمەندى ىلگەرىلەتتى. چاۋشيان پارتياسى، ۇكىمەتى جانە حالقى سوڭعى جىلدارى جۇڭگو پارتياسىنىڭ، ۇكىمەتىنىڭ جانە حالقىنىڭ باس شۋجي جولداستىڭ توڭىرەگىنە تىعىز ىنتىماقتاسىپ، سوتسياليستىك وسىزاماندانعان مەملەكەت قۇرۋ كۇرەسىندە قول جەتكىزگەن ەلەۋلى تابىستارىنا قۋانادى. جۇڭگو حالقىنىڭ باس شۋجي جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، ءسوزسىز، پارتيا 20 - قۇرىلتايىنىڭ شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا جاڭا جەڭىستەرگە قول جەتكىزەتىندىگىنە سەنەمىن. چاۋشيان − جۇڭگو ءداستۇرلى دوستىق سەلبەستىك قارىم - قاتىناسىنىڭ، ءسوز جوق، ەكى پارتيانىڭ، ەكى ەل حالقىنىڭ ورتاق تىلەگى جانە جاڭا ءداۋىر تالابى بويىنشا ۇزدىكسىز تەرەڭدەي داميتىندىعىنا سەنەمىن.
