شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. 3 - ايدىڭ 10 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسىنىڭ شي جينپيڭدى جۇڭحۋا حالىق رەسپۋبليكاسىنىڭ ءتوراعالىعىنا سايلاعاندىعى جونىندەگى حابار جاريالانعاننان كەيىن، ءىشىنارا ەلدەردىڭ باسشىلارى ءتوراعا شي جينپيڭگە سول مەزەتتە ىركەس - تىركەس تەلەگرامما جولداپ نەمەسە حات جولداپ، قىزۋ قۇتتىقتايتىندىقتارىن ءبىلدىردى.
كامبودجانىڭ پاتشاسى سيحاموني مىنالاردى ءبىلدىردى: ءسىزدىڭ مەملەكەت ءتوراعالىعىنا تاعى سايلانعاندىعىڭىزدى قىزۋ قۇتتىقتايمىن. ءسىزدىڭ دانىشپان باسشىلىعىڭىزدا، جۇڭگو رەفورمانى ۇزدىكسىز تەرەڭدەتىپ، جاڭا تيپتى ايدارشا ۆيرۋس ىندەتىن ءساتتى تىزگىندەپ، ەكونوميكانىڭ دامۋىن جۇزەگە اسىردى.ءسىزدىڭ كەمەڭگەر دانىشپاندىعىڭىزدا جانە پارمەندى باسشىلىعىڭىزدا، جۇڭگونىڭ، ءسوز جوق، ۋاعىندا سوتسياليستىك وسىزاماندانعان قۇدىرەتتى ەل قۇرىپ شىعاتىندىعىنا سەنەمىن. مەن پاتشا اكەسى سىحانوك پەن جۇڭگونىڭ اعا بۋىن باسشىلارى ءوز قولدارىمەن نەگىزىن قالاعان جانە دەن قويا جەتىلدىرگەن كامبودجا مەن جۇڭگونىڭ مىزعىماس دوستىعىنىڭ جاڭا داۋىردە سۇبەلى تابىستارعا قول جەتكىزەتىندىگىنە كامىل سەنەمىن. ءسىزدىڭ جۇڭگو حالقىن باستاپ، اناعۇرلىم شۇعىلالى بولاشاققا بەت الۋىڭىزدى تىلەيمىن.
يتاليانىڭ زۇڭتۇڭى ماتتارەللا مىنالاردى ءبىلدىردى: ءسىزدىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىڭىزدى قىزۋ قۇتتىقتايمىن. يتاليا مەن جۇڭگو ەكى ەلدىڭ بارىس - كەلىسى جيىلەپ، حالقىنىڭ دوستىعى بەرىك بولىپ، ءوزارا تيىمدىلىك جاساپ، سەلبەستىك ورناتۋ جانە تىلدەسۋدى تەرەڭدەتۋ ورتاق تىلەگىن ايگىلەدى. ەكى جاق كەزەكتەگى ورايدى مىقتى يگەرىپ، يتاليا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋى كەرەك.
سەربيانىڭ زۇڭتۇڭى ۆۋچيچ بىلاي دەدى: ءسىزدىڭ جۇڭگونىڭ مەملەكەت ءتوراعالىعىنا تاعى دا سايلانۋىڭىز ءسىزدىڭ بۇكىل ىنتا - پەيىلىڭىزبەن حالىق ءۇشىن قىزمەت ىستەۋدەن مىزعىماي، جۇڭگونىڭ ورنىن، رولىن جانە بەدەلىن جوعارىلاتۋعا كورنەكتى ۇلەس قوسقاندىعىڭىزدى پارمەندى دالەلدەدى. ءبىز ءسىزدىڭ قاجىرلى، پاراساتتى جانە كورەگەن باسشىلىعىڭىزدا، جۇڭگونىڭ ءارقايسى سالادا ادامعا تەرەڭ اسەر قالدىراتىن تىڭ تابىستارعا قول جەتكىزەتىندىگىنە كامىل سەنەمىز. سەربيا حالقى ءسىز جانە جۇڭگو حالقى سياقتى ناعىز دوسىنىڭ بولعاندىعىن ماقتانىش تۇتادى جانە قۋانادى. سەربيا جاق ءبىر جۇڭگو پرينسيبىن جانە ”ءبىر ەل، ەكى ءتۇزىم“ باعىتىن تاباندىلىقپەن قولدايدى. مەن سىزبەن بىرگە ۇزدىكسىز قۇلشىنىپ، سەربيا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسى مەن ەكى ەل حالقى اراسىنداعى قۇرىشتاي بەرىك دوستىقتى اناعۇرلىم كۇشەيتۋدى قالايمىن.
ارگەنتينانىڭ زۇڭتۇڭى فەرناندەس مىنالاردى ءبىلدىردى: ءسىزدىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىڭىزدى شىن جۇرەكتەن قۇتتىقتايمىن. جۇڭگونىڭ ءسىزدىڭ جاڭا مىندەت وتەۋ مەرزىمىندەگى باسشىلىعىڭىزدا، ۇزدىكسىز تاباندىلىقپەن العا ىلگەرىلەپ، مەملەكەتتىڭ گۇلدەنۋى مەن حالىقتىڭ باقىتىن جۇزەگە اسىرۋىن تىلەيمىن.
ۆەنەسۋەلانىڭ زۇڭتۇڭى مادۋرو مىنالاردى ءبىلدىردى: ءتوراعا شي جينپيڭنىڭ تاعى دا سايلانعاندىعىن قىزۋ قۇتتىقتايمىن. ءتوراعا شي جينپيڭ ۇلى كوسەم جانە ۆەنەسۋەلا حالقىنىڭ دوسى. ۆەنەسۋەلا جۇڭگومەن ەكى ەلدىڭ سەلبەستىگىن تەرەڭدەتۋ، حالىقتىڭ قۇت - ىرىسىن ارتتىرۋ جولىندا تىزە قوسا العا ىلگەرىلەپ، ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرۋدى قالايدى.
ورتا افريكانىڭ زۇڭتۇڭى تۋادەرا مىنالاردى ءبىلدىردى: جۇڭگونىڭ مەملەكەتتىك ەكى ءماجىلىسىنىڭ جەڭىسپەن اشىلۋى جۇڭگونىڭ ءىرى ءىسى، قۋانىشتى ءىسى، سونداي - اق ورتا افريكا حالقىنىڭ ءىرى ءىسى، قۋانىشتى ءىسى. ءسىزدىڭ جالعاستى تۇردە مىندەت وتەۋىڭىز بۇكىل جۇڭگو حالقىنىڭ عانا ەمەس، مەنىڭ جانە ورتا افريكا حالقىنىڭ دا تىلەگى، بۇكىل دۇنيە جۇزىندەگى بەيبىتشىلىك پەن دامۋ سىندى وسكەلەڭ ىسكە كۇش سالعان بارلىق حالىقتىڭ تىلەگى. ءسىزدىڭ پارمەندى باسشىلىعىڭىزدا، جۇڭگو حالقىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جاڭا جورىعىندا، ءسوز جوق، تاريحتا ماڭگى وشپەيتىن ۇلى جەڭىستەرگە قول جەتكىزەتىندىگىنە سەنەمىن.
كومورونىڭ زۇڭتۇڭى ازالي بىلاي دەدى: ءسىزدىڭ سايلانۋىڭىز جۇڭگو حالقىنىڭ ءسىزدىڭ مەملەكەتكە ءساتتى باسشىلىق ەتەتىندىگىڭىزگە كامىل سەنەتىندىگىن جانە سەنىم ارتاتىندىعىن تاعى ءبىر رەت دالەلدەدى. ءسىزدىڭ جاڭا مىندەت وتەۋ مەرزىمىندە جۇڭگو حالقىنا باسشىلىق ەتىپ، اناعۇرلىم زور دامۋدى، العا باسۋدى جانە گۇلدەنۋدى جۇزەگە اسىرۋىڭىزدى شىن جۇرەكتەن تىلەيمىن. جۇڭگونىڭ اناعۇرلىم قۋاتتى كوپ جاقتىلىقتى، دۇنيە ءجۇزىنىڭ، اسىرەسە، افريكانىڭ بەيبىتشىلىگىن، حاۋىپسىزدىگىن جانە العا باسۋىن جەبەۋدە اناعۇرلىم زور باسشىلىق رول اتقارۋىن ءۇمىت ەتەمىن.
