شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى. 3 - ايدىڭ 1 - كۇنى مەملەكەت ءتوراعاسى شي جينپيڭ نيكوس حريستودۋليديسكە تەلەگرامما جولداپ، ونىڭ كيپر رەسپۋبليكاسىنىڭ زۇڭتۇڭى بولعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: كەزەكتە، جۇڭگو مەن كيپردىڭ ستراتەگيالىق سەرىكتەستىك قارىم - قاتىناسى جوعارى دەڭگەيدە دامۋدى ساقتاپ، ەكى ەلدىڭ دوستىعى ۋاقىت وتكەن سايىن بەكەمدەلدى، ساياسي ءوزارا سەنىمدىلىگى ۇزدىكسىز تەرەڭدەپ، ءار سالاداعى اۋىس - كۇيىس، سەلبەستىك كۇن سايىن جيىلەدى. مەن جۇڭگو − كيپر قارىم - قاتىناسىنىڭ دامۋىنا توتەنشە ءمان بەرەمىن، حريستودۋليديس زۇڭتۇڭمەن بىرگە قۇلشىنىپ، جۇڭگو − كيپر ستراتەگيالىق سەرىكتەستىك قارىم - قاتىناسىنىڭ اناعۇرلىم مول جەتىستىكتەرگە جەتۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
