مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى مامانى:
”قايتالاي بولىمدى“ بولىپ شىعۋدىڭ جۇعىمتالدىعى وتە تومەن، ”ەكىنشى رەت جۇعىمدالۋمەن“ ۇقسامايدى
شينحۋا اگەنتتىگىنىڭ 12 - ايدىڭ 20 - كۇنى بەيجيڭنەن بەرگەن حابارى (تىلشىلەر لي حىڭ، جاڭ چۋان). بەيجيڭ داشۋەسى 1 - شيپاحاناسى جۇقپالى اۋرۋلار ءبولىمىنىڭ مەڭگەرۋشىسى ۋاڭ گۇيچياڭ 12 - ايدىڭ 20 - كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ماجىلىسىندە بىلاي دەپ تانىستىردى: ”قايتالاي بولىمدى“ بولۋدى قايتا شىعۋ دەپ اتاۋ كەرەك، ءىس جۇزىندە ۆيرۋس حىسۋانى ءالى ۇزدىكسىز ساقتالعان، تەك تەكسەرۋ ءتاسىلى مەن سىناما ۇلگىسىن الۋ ءتاسىلى جانە ۆيرۋستىڭ ءبىر جولاتا ىعىستىرىلىپ شىقپاۋى سەبەبىنەن ”كەيدە بولىمدى، كەيدە بولىمسىز“ بولۋ جاعدايى تۋىلىپ وتىر. انتيگەن تەكسەرۋدىڭ سەزىمتالدىعى حىسۋان تەكسەرۋىنەن تومەن، ”قايتالاي بولىمدى“ بولعان - بولماعاندىعىن تۇراقتاندىرۋدا حىسۋان تەكسەرۋىن ولشەم ەتۋ كەرەك.
ۋاڭ گۇيچياڭ بىلاي دەپ ءتۇسىندىردى: ”قايتالاي بولىمدى“ بولۋدىڭ سەبەبى كوپ، تەكسەرۋ ۇلگىسىن العان كەزدە، ۇلگى الۋ، بالكىم، ولشەمدى بولماي، جالعان بولىمسىزدىققا اپارىپ سوققان بولۋى مۇمكىن؛ ناۋقاس قالپىنا كەلۋ مەزگىلىندە كەيبىر حىسۋان بولىگىنىڭ قالدىعى قالعان بولسا دا، تەكسەرۋدە بولىمدى بولىپ شىعۋى مۇمكىن. قازىر انتيگەن تەكسەرگەندە بولىمسىز بولىپ، ودان حىسۋان تەكسەرۋدە بولىمدى بولسا، مۇنداي جاعداي ”قايتالاي بولىمدى“ بولۋعا جاتپايدى.
ۋاڭ گۇيچياڭ بىلاي دەدى: جۇعىمتالدىعىنان الىپ قاراعاندا، بۇرىنعى قىرۋار زەرتتەۋلەردە ”قايتالاي بولىمدى“ بولعان ناۋقاستاردىڭ دەنەسىنەن ۆيرۋستى ايىرىپ شىعا الماعان، ونىڭ ۆيرۋستى ىشكەرىلەي تاراتاتىندىعىن دا بايقاماعان. زيانى جونىنەن الىپ قاراعاندا، ”قايتالاي بولىمدى“ بولعان ادامداردا، نەگىزىنەن، اۋرۋ بەلگىسى جوق، تەك حىسۋانى بولىمدى بولعان، ءىشىنارا ناۋقاستاردا جوتەلۋ سياقتى سارقىندى بەلگى بايقالادى. جالپى جاقتان الىپ قاراعاندا، ”قايتالاي بولىمدى“ بولۋ − جاڭا تيپتى ايدارشا ۆيرۋسپەن جۇعىمدالعانداردا ءبىرشاما ۇنەمى كەزدەسەتىن جاعداي، جۇعىمتالدىعى وتە تومەن، ۇرەيلەنۋدىڭ قاجەتى جوق.
ۋاڭ گۇيچياڭ بىلاي دەدى: جاڭا تيپتى ايدارشا ۆيرۋس ۆاكسيناسىن ەكتىرۋ سالماقتى ناۋقاس جانە ءولىم - ءجىتىم حاۋىپ - قاتەرىن ءونىمدى تومەندەتەدى. شەتەلدەگى ءبىر زەرتتەۋدىڭ بايقاۋىنا قاراعاندا، ۆاكسينا ەكتىرۋ ”ەكىنشى رەت جۇعىمدالۋدى“ تومەندەتەدى ەكەن، جۇعىمدالعاننان كەيىن دە شيپاحاناعا جاتۋ ىقتيمالدىعىن تومەندەتەدى. سوندىقتان قارتتار مەن نەگىزدىك ناۋقاسى بار ادامدار ۆاكسينا ەكتىرۋدى كۇشەيتۋى كەرەك.
