شي جينپيڭ تۇڭعىش كەزەكتى جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىنە قاتىناستى ءارى ارقاۋ ءسوز سويلەدى

　　جەرگىلىكتى ۋاقىت 12 - ايدىڭ 9 - كۇنى تۇستەن كەيىن، تۇڭعىش كەزەكتى جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ءماجىلىسى ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ باسشىلار ماجىلىسىنە قاتىناستى ءارى «بۇرىنعىعا مۇراگەرلىك ەتىپ، بولاشاققا جول اشىپ، قول ۇستاسا ەكپىندەي ىلگەرىلەپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ تاماشا بولاشاعىن بىرگە جاراتايىق» دەگەن تاقىرىپتا ارقاۋ ءسوز سويلەدى.

　　□ سۋرەتتى شينحۋا اگەنتتىگى تاراتقان

　　جەرگىلىكتى ۋاقىت 12 - ايدىڭ 9 - كۇنى تۇستەن كەيىن، تۇڭعىش كەزەكتى جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ءماجىلىسى ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ جانە ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەد، كاتاردىڭ ءامىرى تاميم، باحرەيننىڭ پاتشاسى حاماد، كۆەيتتىڭ پاتشا مۇراگەرى ميشال، وماننىڭ ورىنباسار باس ءۋازىرى فاحد، اراب بىرىككەن امىرلىگىنىڭ فۇجايراح ءامىرى شاركي، شىعاناقتاعى اراب ەلدەرى سەلبەستىك كوميتەتىنىڭ باس حاتشىسى نايەۆ باسشىلار ماجىلىسىنە قاتىناستى. شي جينپيڭ «بۇرىنعىعا مۇراگەرلىك ەتىپ، بولاشاققا جول اشىپ، قول ۇستاسا ەكپىندەي ىلگەرىلەپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ تاماشا بولاشاعىن بىرگە جاراتايىق» دەگەن تاقىرىپتا ارقاۋ ءسوز سويلەدى.

　　□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 12 - ايدىڭ 9 - كۇنى ريادتان بەرگەن حابارى (تىلشىلەر جاڭ حاۋ، ليۋ حۋا). جەرگىلىكتى ۋاقىت 12 - ايدىڭ 9 - كۇنى تۇستەن كەيىن، تۇڭعىش كەزەكتى جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ءماجىلىسى ريادتاعى ابدۇل ازيز پاتشا حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ جانە ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەد، كاتاردىڭ ءامىرى تاميم، باحرەيننىڭ پاتشاسى حاماد، كۆەيتتىڭ پاتشا مۇراگەرى ميشال، وماننىڭ ورىنباسار باس ءۋازىرى فاحد، اراب بىرىككەن امىرلىگىنىڭ فۇجايراح ءامىرى شاركي، شىعاناقتاعى اراب ەلدەرى سەلبەستىك كوميتەتىنىڭ باس حاتشىسى نايەۆ باسشىلار ماجىلىسىنە قاتىناستى. باسشىلار ءماجىلىسى جۇڭگو - شىعاناقتاعى اراب ەلدەرى ستراتەگيالىق سەرىكتەستىك قارىم - قاتىناسىن ورناتۋدى ءارى كۇشەيتۋدى ۇيعاردى.

　　شي جينپيڭ «بۇرىنعىعا مۇراگەرلىك ەتىپ، بولاشاققا جول اشىپ، قول ۇستاسا ەكپىندەي ىلگەرىلەپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ تاماشا بولاشاعىن بىرگە جاراتايىق» دەگەن تاقىرىپتا ارقاۋ ءسوز سويلەدى.

     شي جينپيڭ بىلاي دەپ اتاپ كورسەتتى: جۇڭگونىڭ شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن 2000 جىلعا تاياۋ دوستىق بارىس - كەلىس تاريحى بار. 1981 - جىلى شىعاناقتاعى اراب ەلدەرى سەلبەستىك كوميتەتى قۇرىلىسىمەن جۇڭگو دەرەۋ شىعاناقتاعى اراب ەلدەرى سەلبەستىك كوميتەتىمەن بايلانىس ورناتتى. 40 نەشە جىلدان بەرى، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر ەكى جاق ىنتىماقتى، قارايلاسىمدى بولۋدىڭ، سەلبەسىپ تەڭ يگىلىككە كەنەلۋدىڭ شۇعىلالى تاراۋىن جازدى. جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ قارىشتاپ دامۋدى جۇزەگە اسىرۋى، سايىپ كەلگەندە، تەرەڭ سەنىمدىلىكتىڭ ارقاسى، جۇڭگو مەن شىعاناقتاعى اراب ەلدەرى سەلبەستىك كوميتەتىنە مۇشە ەلدەر ءبىر - ءبىرىنىڭ يەلىك ۇقىعىنا، تاۋەلسىزدىگىنە باستان - اياق ءوزارا قولداۋ كورسەتتى، اركىمنىڭ دامۋ جولىنا قۇرمەت ەتىپ، ءىرى، شاعىن مەملەكەتتەر تۇگەلدەي تەرەزەسى تەپە - تەڭ دەگەنگە تاباندى بولىپ، كوپ جاقتىلىقتى باتىل قورعادى. سايىپ كەلگەندە، جوعارى دەڭگەيدە ءوزارا تولىقتاۋىنىڭ ارقاسى، جۇڭگونىڭ كەڭ تۇتىنۋ بازارى بار، ونەركاسىپ جۇيەسى كەمەلدى، شىعاناقتاعى اراب ەلدەرى سەلبەستىك كوميتەتى جاقتىڭ ەنەرگيا بايلىعى مول، ەكونوميكاسىنىڭ كوپ نەگىزدىك دامۋى ەندى عانا قانات جايىپ كەلە جاتىر، ەكى جاق − تابيعي سەلبەستىك سەرىكتەرى. سايىپ كەلگەندە، حالىق تىلەگىن توعىستىرۋدىڭ ارقاسى، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر بىردەي شىعىس وركەنيەتىنە ءتان، مادەنيەت قۇندىلىعى جاقىن، حالىقتارى سىرلاس دوس، ەتەنە بايلانىستا. سايىپ كەلگەندە، تار جول، تايعاق كەشۋلەردى بىرگە وتكەرۋىنىڭ ارقاسى، حالىقارالىق جانە وڭىرلىك اۋمالى - توكپەلى وزگەرىس جانە فينانس داعدارىسى، جاڭا تيپتى ايدارشا ۆيرۋس وكپە قابىنۋ ىندەتى، ەلەۋلى جاراتىلىستىق اپات سياقتىلاردىڭ سىن - سايىسى الدىندا ەكى جاق قيىندىقتى بىلەك بىرىكتىرە جەڭدى، ءبىر - بىرىنە قارايلاستى.

　　شي جينپيڭ بىلاي دەپ باسا دارىپتەدى: جۇڭگو جاق شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ ىنتىماقتاسىپ، ءوزىن الۋەتتەندىرىپ، شىعاناقتاعى اراب ەلدەرى سەلبەستىك كوميتەتىنىڭ ورتا شىعىس شىعاناعىنداعى ومىرشەڭدىك كۇشكە ەڭ باي وڭىرلىك ۇيىمعا اينالۋىن ىلگەرىلەتكەندىگىن ەرەكشە القايدى. تاريحتىڭ جول تۇيىلىسىندە تۇرعان بىزدەر جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ دوستىق ءداستۇرىن جالعاستىرىپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر ستراتەگيالىق سەرىكتەستىك قارىم - قاتىناسىن وراي ەتىپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ ستراتەگيالىق مازمۇنىن تولىقتىرۋىمىز كەرەك.

　　− ىنتىماقتى بىرگە جەبەيتىن سەرىكتەر بولىپ، ساياسي سەنىمدىلىكتى ۇزدىكسىز بەكەمدەپ، ءبىر - ءبىرىنىڭ وزەكتى مۇددەسىن باتىل قولداۋ. ىشكى ىسكە كيلىكپەۋ پرينسيبىن بىرگە قورعاپ، ناعىز كوپ جاقتىلىقتى قول ۇستاسا امالياتتا ايگىلەپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋ.

　　− دامۋدى بىرگە كوزدەيتىن سەرىكتەستەر بولىپ، دامۋ ستراتەگيالارىن ۇشتاستىرۋدى كۇشەيتىپ، ءوزارا تولىقتايتىن ابزالدىلىقتاردى ساۋلەلەندىرىپ، دامۋ قوزعالىس قۋاتىن جەتىلدىرۋ. جۇڭگو جاق تاراپتارمەن بىرگە الەمدىك دامۋ باستاماسىن تياناقتاندىرۋدى، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋدى ىلگەرىلەتىپ، وڭىرلەردىڭ دامۋىن، گۇلدەنۋىن جەبەۋدى كۇتەدى.

　　− حاۋىپسىزدىكتى بىرگە تۇلعالايتىن سەرىكتەستەر بولۋ. جۇڭگو الداعى جەردە شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ ءوز حاۋىپسىزدىگىن قورعاۋىن ۇزدىكسىز باتىل قولدايدى، وڭىردەگى ەلدەردىڭ تىلدەسۋ، كەڭەسۋ ارقىلى الاۋىزدىقتى جويىپ، شىعاناقتىڭ كوللەكتيۆ حاۋىپسىزدىك جۇلگەسىن قۇرۋىن قولدايدى. شىعاناقتاعى اراب ەلدەرى سەلبەستىك كوميتەتىندەگى ەلدەردىڭ الەمدىك حاۋىپسىزدىك باستاماسىنا ات سالىسىپ، وڭىرلەردىڭ بەيبىتشىلىگىن، ورنىقتىلىعىن بىرگە قورعاۋىن قارسى الادى.

　　− وركەنيەتتى بىرگە گۇلدەندىرەتىن سەرىكتەستەر بولىپ، حالىق تىلەگىن توعىستىرۋدى نىعايتىپ، گۋمانيتارلىق اۋىس - كۇيىستى بايىتىپ، ءبىر - ءبىرىنىڭ تاڭداۋلى مادەنيەت جەتىستىكتەرىنەن ۇلگى الىپ، شىعىس وركەنيەتىنىڭ تەرەڭ قاتپارلى جاۋھارىن اسقاقتاتىپ، ادامزات وركەنيەتىنىڭ دامۋىنا، العا اسۋىنا بەلسەنە ۇلەس قوسۋ.

　　شي جينپيڭ بىلاي دەپ باسا دارىپتەدى: بولاشاقتاعى 3 تە 5 جىلدا جۇڭگو شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن مىناداي ءتۇيىندى سەلبەستىك سالاسىندا قۇلشىنىس جاساۋدى قالايدى:

　　ءبىرىنشى، ەنەرگيا ستەرەولدى سەلبەستىگىنىڭ جاڭا ارناسىن قالىپتاستىرۋ. جۇڭگو الداعى جەردە شىعاناقتاعى اراب ەلدەرى سەلبەستىك كوميتەتىنە مۇشە ەلدەردەن شيكى مۇناي، سۇيىلتىلعان تابيعي گاز يمپورت ەتۋدى ۇزدىكسىز كەڭەيتىپ، مۇناي - تابيعي گازدى اشۋ، تازا، تومەن كومىر قىشقىل گازدى ەنەرگيا تەحنيكاسى سەلبەستىگىن كۇشەيتىپ، مۇناي - تابيعي گاز ساۋداسىندا حالىق اقشاسىمەن ەسەپ جابۋ جۇرگىزەدى. جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ يادرو تەحنيكاسىنان بەيبىت پايدالانۋ تالقى مىنبەرىن قۇرىپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ يادرو حاۋىپسىزدىگىن قامتاماسىز ەتۋدەن ۇلگى كورسەتۋ ورتالىعىن بىرگە قۇرىپ، شىعاناقتاعى اراب ەلدەرى سەلبەستىك كوميتەتىنە مۇشە ەلدەرگە يادرو ەنەرگياسى مەن يادرو تەحنيكاسىنان بەيبىت پايدالاناتىن دارىندىلاردى جەتىلدىرىپ بەرەدى.

　　ەكىنشى، فينانستىق قارجى قوسۋ سەلبەستىگىنىڭ جاڭا اياق الىسىن ىلگەرىلەتۋ. جۇڭگو جاق شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن فينانستىق باقىلاۋ - باسقارۋ سەلبەستىگىن ورىستەتىپ، بىرگە قارجى قوسۋ بىرلەستىگىن قۇرىپ، ەكى جاقتىڭ يەلىك ۇقىقتى بايلىق قورىنىڭ كوپ ءتۇرلى تاسىلدەرمەن سەلبەستىك ورىستەتۋىن قولداپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر كاسىپ سالاسى مەن قارجى قوسۋ سەلبەستىگى تالقى مىنبەرىن اقىلداسىپ وتكىزىپ، سيفرلى ەكونوميكا جانە جاسىل دامۋ سياقتى سالالارداعى قارجى قوسۋ سەلبەستىگىن كۇشەيتىپ، ەكى جاقتىڭ قارجى قوسۋ جانە ەكونوميكا سەلبەستىگى قىزمەت مەحانيزمىن ورناتىپ، سيفرلى اقشا سەلبەستىگىن تەرەڭدەتۋدى قالايدى.

　　ءۇشىنشى، جاسامپاز عىلىم - تەحنيكا سەلبەستىگىنىڭ تىڭ سالاسىن كەڭەيتۋ. جۇڭگو جاق شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن ۇلكەن ساندى مالىمەت جانە بۇلتتىق ەسەپتەۋ ورتالىعىن بىرگە قۇرىپ، 5G جانە 6G تەحنيكاسى سەلبەستىگىن كۇشەيتىپ، ءبىر توپ جاڭالىق اشۋ، شارۋاشىلىق قۇرۋ جەتىلدىرگىشىن بىرگە قۇرىپ، شەكارا اتتاعان ەلەكتروندى ساۋدا سەلبەستىگى جانە حابارلاسۋ، ينتەرنەت قۇرىلىسى سياقتى سالالاردى ارقاۋ ەتىپ 10 سيفرلى ەكونوميكا نىسانىن اتقارىپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر اۋا رايى عىلىم - تەحنيكا سەلبەستىگى مەحانيزمىن ورناتىپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ كليمات وزگەرىسىنە توتەپ بەرەتىن زەرتتەۋ - تالقى ءماجىلىسىن وتكىزۋدى قالايدى.

　　ءتورتىنشى، عارىش الەمى كەڭىستىگى سەلبەستىگىندە تىڭ قامال الۋدى جۇزەگە اسىرۋ. جۇڭگو جاق شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن الىستان اڭعارۋ جانە حابارلاسۋ سەرىگى، كەڭىستىكتەن پايدالانۋ، عارىش نەگىزدىك قۇرىلعىسى، عارىشكەرلەردى سارالاۋ، جاتتىقتىرۋ سياقتى سالالاردا سەلبەستىك ورىستەتۋدى قالايدى، شىعاناقتاعى اراب ەلدەرى سەلبەستىك كوميتەتىنە مۇشە ەلدەر عارىشكەرلەرىنىڭ جۇڭگو كەڭىستىك پۋنكتىنە كىرىپ، جۇڭگونىڭ عارىشكەرلەرىمەن بىرلەسىپ ۇشۋىن ءارى كەڭىستىك عىلىم تاجىريبەسىن ورىستەتۋىن قارسى الادى. شىعاناقتاعى اراب ەلدەرى سەلبەستىك كوميتەتى جاقتىڭ جۇڭگونىڭ عارىش مىندەتىمەن جەتكىزۋ سەلبەستىگىنە ات سالىسىپ، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ بىرلەسىپ ايدى جانە تەرەڭ كەڭىستىكتى بارلاۋ - ولشەۋ ورتالىعىن قۇرۋدى اقىلداسۋىن قارسى الادى.

　　بەسىنشى، ءتىل مادەنيەتى سەلبەستىگىنىڭ جارقىن تۇيىندەرىن قالىپتاستىرۋ. جۇڭگو الداعى جەردە شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ 300 داشۋە، ورتا، باستاۋىش مەكتەبىمەن سەلبەسىپ، جۇڭگو ءتىلى وقۋ - اعارتۋىن ورىستەتەدى، شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن سەلبەسىپ 300 جۇڭگو ءتىلى زەردەلى كلاسىن اشىپ، 3000 ”حانزۋ ءتىلى كوپىرى“ جازعى (قىسقى) لاگەر سانىن ازىرلەپ، جۇڭگو ءتىلىن ۇيرەنۋ سىناق ورتالىعى مەن ينتەرنەتتەگى جۇڭگو ءتىلى ساباقحاناسىن قۇرىپ، جۇڭگو − شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ ءتىل مادەنيەتى تالقى مىنبەرىن وتكىزىپ، جۇڭگو − شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ گۋمانيتارلىق اۋىس - كۇيىسى مەن ءوزارا ۇلگى الاتىن قوس ءتىل قويماسىن بىرگە قۇرادى.

　　شي جينپيڭ بىلاي دەپ باسا دارىپتەدى: جۇڭگو مەن شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ بارلىعى ۇلتتى دامىتۋ، گۇلدەندىرۋ داڭقتى بورىشىن ارقالاپ وتىر، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسى بۇرىننان جالعاسقان ءارى وركەن جايىپ كەلە جاتقان قارىم - قاتىناس. جۇڭگو الداعى جەردە شىعاناقتاعى اراب ەلدەرى سەلبەستىك كوميتەتىنىڭ ىنتىماعىن، ءوزىن الۋەتتەندىرۋىن بۇرىنعىداي قولداپ، ەكونوميكانىڭ كوپ نەگىزدى دامۋىن جۇزەگە اسىرىپ، حالىقارالىق جانە وڭىرلىك ىستەردە اناعۇرلىم زور رول اتقارادى. جۇڭگو جاق شىعاناقتاعى اراب ەلدەرى سەلبەستىك كوميتەتى جاقپەن بىرگە وسى كەزەكتى باسشىلار ءماجىلىسىن وراي ەتىپ، جۇڭگو − شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ اناعۇرلىم تاماشا جاڭا ءداۋىرىن اشۋدى قالايدى.

　　مۇحاممەد ساۋد ارابياسىنىڭ پاتشاسى سالمان اتىنان باسشىلار ءماجىلىسىن باسقارىپ، مىنالاردى ءبىلدىردى: كەزەكتە دۇنيە ءجۇزى كوپتەگەن حاۋىپ - قاتەر مەن سىن - سايىسقا ءدوپ كەلىپ وتىر، بۇل تاراپتاردىڭ ىنتىماقتاسا توتەپ بەرۋىن قاجەت ەتەدى. ءتوراعا شي جينپيڭنىڭ كەمەڭگەر باسشىلىعىندا، جۇڭگو وراسان زور دامۋ تابىسىنا قول جەتكىزىپ، الەمدىك باسقارۋعا جەتەكشىلىك ەتەتىن ماڭىزدى وزىق كۇشكە اينالدى. شىعاناقتاعى اراب ەلدەرى سەلبەستىك كوميتەتى جاق شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگونىڭ ءار سالاداعى سەلبەستىگى قول جەتكىزگەن سۇبەلى جەتىستىكتەردى جوعارى باعالايدى، جۇڭگو جاقتىڭ الەمدىك دامۋ باستاماسىن العا قويعاندىعىن ءارى وڭىرلىك ماسەلەلەردى ساياسي جولمەن شەشۋدى ىلگەرىلەتۋگە ماڭىزدى ۇلەس قوسقاندىعىن بارىنشا القايدى. شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ بارلىعى جۇڭگومەن سەلبەستىكتى كۇشەيتۋدى ءۇمىت ەتەدى، وسى رەتكى باسشىلار ءماجىلىسى ارقىلى بولاشاقتاعى شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگو سەلبەستىگىنىڭ ءتۇيىندى سالالارىن جوبالاپ، شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگو قارىم - قاتىناسىنىڭ جاڭا تاراۋىن اشۋدى ءۇمىت ەتەدى. شىعاناقتاعى اراب ەلدەرى سەلبەستىك كوميتەتى جاق جۇڭگومەن تاجىريبە اۋىس - كۇيىسى مەن تەحنيكالىق سەلبەستىكتى كۇشەيتىپ، ەكى جاقتىڭ نەگىزدىك قۇرىلعى، دەنساۋلىق ساقتاۋ، ەنەرگيا سياقتى سالالاردا اناعۇرلىم كوپ جەتىستىككە قول جەتكىزۋىن ىلگەرىلەتىپ، استىق داعدارىسى، ەنەرگيا داعدارىسى سياقتى الەمدىك سىن - سايىستارعا اناعۇرلىم ويداعىداي توتەپ بەرۋگە كۇش سالادى.

     باسشىلار ماجىلىسىنە قاتىناسقان باسقا دا شىعاناقتاعى اراب ەلدەرى سەلبەستىك كوميتەتى جاقتىڭ باسشىلارى شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگو قارىم - قاتىناسىنا جانە تۇڭعىش كەزەكتى شىعاناقتاعى اراب ەلدەرى سەلبەستىك كوميتەتى - جۇڭگو باسشىلار ماجىلىسىنە جوعارى باعا بەرىپ، بىلاي دەپ قارادى: تۇڭعىش كەزەكتى شىعاناقتاعى اراب ەلدەرى سەلبەستىك كوميتەتى - جۇڭگو باسشىلار ءماجىلىسى - شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگو قارىم - قاتىناسى تاريحىنداعى ءبىر رەتكى سالتاناتتى جينالىس سانالادى، ماڭىزدى ەسكەرتكىشتىك ءمان الادى. شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ جۇڭگومەن ۇستانىمى ۇقساس، كوزقاراسى قارايلاس، ءبىر - بىرىمەن قارىم - قاتىناسى ءوزارا ءتۇسىنۋدى، ءوزارا سەنۋدى، سەلبەسىپ تەڭ يگىلىككە كەنەلۋدى تولىق ايگىلەدى. شىعاناقتاعى اراب ەلدەرى سەلبەستىك كوميتەتى جاق جۇڭگونىڭ باياندى گۇلدەنۋىنىڭ، دامۋىنىڭ دۇنيە جۇزىنە اناعۇرلىم كوپ وراي جاراتاتىندىعىنا، شىعاناقتاعى اراب ەلدەرى سەلبەستىك كوميتەتىنە مۇشە ەلدەر - جۇڭگونىڭ سەلبەستىكتى كۇشەيتۋى اناعۇرلىم ءادىل، ۇيلەسىمدى حالىقارالىق ءتارتىپ ورناتۋدى ىلگەرىلەتۋگە پايدالى ەكەندىگىنە، وڭىرلەردىڭ بەيبىتشىلىگى مەن دامۋىن جەبەۋگە بەلسەندى ۇلەس قوساتىندىعىنا كامىل سەنەدى. شىعاناقتاعى اراب ەلدەرى سەلبەستىك كوميتەتى جاق ءبىر جۇڭگو پرينسيبىندە بەرىك تۇرادى، جۇڭگو جاقپەن وسى رەتكى باسشىلار ءماجىلىسى جەتىستىگىن ويداعىداي تياناقتاندىرىپ، شىعاناقتاعى اراب ەلدەرى سەلبەستىك كوميتەتى مەن جۇڭگونىڭ ءتۇيىندى سالالارداعى سەلبەستىگىن ءۇرتىس تەرەڭدەتىپ، ەكى جاق حالقىن ونان ارى باقىتقا كەنەلتۋدى قالايدى.

　　باسشىلار ءماجىلىسى «جۇڭحۋا حالىق رەسپۋبليكاسى مەن شىعاناقتاعى اراب ەلدەرى سەلبەستىك كوميتەتى باسشىلار ءماجىلىسىنىڭ بىرلەسكەن مالىمدەمەسىن» جاريالادى، «جۇڭحۋا حالىق رەسپۋبليكاسىى مەن شىعاناقتاعى اراب ەلدەرى سەلبەستىك كوميتەتىنىڭ ستراتەگيالىق تىلدەسۋ بويىنشا 2023 - جىلدان 2027 - جىلعا دەيىنگى ارەكەت جوسپارىن» ماقۇلدادى، جۇڭگونىڭ شىعاناقتاعى اراب ەلدەرى سەلبەستىك كوميتەتىنە مۇشە ەلدەرمەن ءار سالاداعى سەلبەستىگى جونىندە جوبا جاسادى.

　　ديڭ شۋەشياڭ، ۋاڭ ي، حى ليفىڭ قاتارلىلار ماجىلىسكە قاتىناستى.