1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ يامايكانىڭ گۋبەرناتورى اللەنمەن جۇڭگو مەن يامايكانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

日期:2022年11月23日
来源:新疆日报
【字体:

شي جينپيڭ يامايكانىڭ گۋبەرناتورى اللەنمەن جۇڭگو مەن يامايكانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  لي كىچياڭ يامايكانىڭ زۇڭليى حولنەسپەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى. 11 - ايدىڭ 21 - كۇنى مەملەكەت ءتوراعاسى شي جينپيڭ يامايكانىڭ گۋبەرناتورى اللەنمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: يامايكا كارايب وڭىرىندەگى اعىلشىن ءتىلىن قولداناتىن ەلدەردە جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى. ديپلوماتيالىق قارىم - قاتىناس ورناتقان 50 جىلدان بەرى، جۇڭگو - يامايكا قارىم - قاتىناسى باستان - اياق تاماشا دامۋ ارىنىن ساقتاپ، ەكى جاقتىڭ ساياسي ءوزارا سەنىمدىلىگى تەرەڭدەدى، ناقتى ىستەر سەلبەستىگى سۇبەلى جەتىستىكتەرگە قول جەتكىزدى، حالىقتارىنىڭ دوستىعى بارعان سايىن نىعايدى. جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو مەن يامايكا ءبىر - بىرىنە قارايلاسىپ، ىندەتكە قول ۇستاسا قارسى اتتانىپ، ەكى ەلدىڭ دوستىق سەلبەستىگىنە جاڭا قوزعاۋشى كۇش ۇستەدى. مەن جۇڭگو - يامايكا قارىم - قاتىناسىنىڭ دامۋىنا ايرىقشا ءمان بەرەمىن، اللەن گۋبەرناتورمەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىمىزدىڭ 50 جىلدىعىن جاڭا باستاما ەتىپ، ءارقايسى سالاداعى سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، جۇڭگو مەن يامايكانىڭ ستراتەگيالىق سەرىكتەستىك قارىم - قاتىناسىنىڭ تىڭ ساتىعا قادام تاستاۋىنا بىرگە جەتەكشىلىك ەتىپ، جاڭا داۋىردەگى جۇڭگو مەن يامايكانىڭ تاعدىرلاس ورتاق تۇلعاسىن قول ۇستاسا قۇرۋدى قالايمىن.

  اللەن مىنالاردى ءبىلدىردى: ديپلوماتيالىق قارىم - قاتىناس ورناتقاننان بەرى، يامايكا مەن جۇڭگونىڭ دوستىق قارىم - قاتىناسى ۇزدىكسىز دامىپ، ءارقايسى سالاداعى سەلبەستىگى كورنەكتى تابىستارعا قول جەتكىزدى، بۇل ادامدى شاتتاندىرادى. يامايكا جاق جۇڭگو جاقپەن سەلبەستىكتى ۇزدىكسىز كۇشەيتىپ، ەكى ەلدىڭ ستراتەگيالىق سەرىكتەستىك قارىم - قاتىناسىن ونان ارى تەرەڭدەتۋدى قالايدى.

  سول كۇنى مەملەكەتتىك كەڭەستىڭ زۇڭليى لي كىچياڭ يامايكانىڭ زۇڭليى حولنەسپەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: يامايكا جۇڭگونىڭ كارايب وڭىرىندەگى ماڭىزدى سەلبەستىك سەرىگى. جۇڭگو جاق يامايكا جاقپەن بىرگە قۇلشىنىپ، جۇڭگو مەن يامايكانىڭ ستراتەگيالىق سەرىكتەستىك قارىم - قاتىناسىنىڭ ونان ارى تەرەڭدەۋىن، ناقتىلانۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.

  حولنەس مىنالاردى ءبىلدىردى: يامايكا جاق جۇڭگو جاقتىڭ يامايكانىڭ ەكونوميكالىق ارتۋىنا جانە قوعامدىق دامۋىنا قىمباتتى قولداۋ كورسەتكەندىگىن ايرىقشا القايدى، ەكى جاقتىڭ سەلبەستىگىن كۇشەيتۋگە ۇزدىكسىز كۇش سالىپ، يامايكا مەن جۇڭگونىڭ ستراتەگيالىق سەرىكتەستىك قارىم - قاتىناسىنىڭ ەكى ەل حالقىن باقىتقا كەنەلتۋىنە شىنايى كەپىلدىك ەتۋدى قالايدى.