شينحۋا اگەنتتىگىنىڭ 11 - ايدىڭ 19 - كۇنى بەيجيڭنەن بەرگەن حابارى. 11 - ايدىڭ 19 - كۇنى مەملەكەت ءتوراعاسى شي جينپيڭ 6 - كەزەكتى جۇڭگو - وڭتۇستىك ازيا كورمەسىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: جۇڭگو مەن وڭتۇستىك ازيا ەلدەرى ءوزارا دوس كورشىلەس ەلدەر جانە دامۋ سەرىكتەستەرى، بەينەت پەن زەينەتتى بىرگە وتكەرەتىن تاعدىرلاس ورتاق تۇلعا. جاقىنعى جىلداردان بەرى ەكى جاق ءار سالاداعى ناقتى سەلبەستىكتى تەرەڭدەتىپ، ەكونوميكا - ساۋدا بارىسى - كەلىسى تاماشا دامۋ بەتالىسىن ساقتاپ، جەتىستىكتەر ءار ەل حالقىنا پايدا جەتكىزدى. جۇڭگو ءار ەلمەن بىرگە جۇڭگو - وڭتۇستىك ازيا كورمەسىن تۇعىر ەتىپ، ىنتىماقتاسا سايكەسەتىن، بىرگە دامۋعا ۇمتىلاتىن ورتاق تانىم ۇيىستىرىپ، سەلبەستىكتىڭ جاڭا ارتۋ تۇيىندەرىن ۇزدىكسىز تۇلعالاپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، الەمدىك دامۋ باستاماسىنىڭ تىڭعىلىقتى تياناقتانۋىنا دەم بەرىپ، اناعۇرلىم گۇلدەنگەن، جارقىن بولاشاققا بىرگە جول اشۋدى قالايدى.
6 - كەزەكتى جۇڭگو - وڭتۇستىك ازيا كورمەسى سول كۇنى يۇننان ولكەسىنىڭ كۇنميڭ قالاسىندا اشىلدى، نەگىزگى تاقىرىبى: ”جاڭا ورايدان بىرگە يگىلىكتەنۋ، تىڭ دامۋعا بىرگە تالپىنۋ“، كورمەنى ساۋدا مينيسترلىگى مەن يۇننان ولكەلىك حالىق ۇكىمەتى بىرلەسىپ وتكىزدى.
