شينحۋا اگەنتتىگىنىڭ 11 - ايدىڭ 19 - كۇنى بانگكوگتان بەرگەن حابارى (تىلشىلەر جاڭ چۇڭفاڭ، ۋاڭ ياگۋاڭ). جەرگىلىكتى ۋاقىت 11 - ايدىڭ 19 - كۇنى، مەملەكەت ءتوراعاسى شي جينپيڭ بانگكوگتا ازيا - تىنىق مۇحيت ەكونوميكالىق سەلبەستىك ۇيىمى باسشىلار بەيرەسمي ماجىلىسىنە قاتىناسۋ كەزىندە، ۇسىنىس بويىنشا امەريكانىڭ ورىنباسار زۇڭتۇڭى حارريسپەن قىسقاشا سويلەستى.
شي جينپيڭ مىنالاردى ءبىلدىردى: بايدەن زۇڭتۇڭ ەكەۋىمىزدىڭ يندونەزيانىڭ بالي ارالىنداعى ديدارلاسۋىمىز ستراتەگيالىق سيپاتقا جانە سىندارلى سيپاتقا تولى بولدى، بۇل كەلەسى كەزەڭدەگى جۇڭگو - امەريكا قارىم - قاتىناسى جونىندە ماڭىزدى جەتەكشىلىك مانگە يە. ەكى جاقتىڭ ءوزارا تۇسىنىستىكتى ونان ارى تەرەڭدەتىپ، جاڭساق تۇسىنىكتەر مەن اعات تۇجىرىمداردى ازايتىپ، جۇڭگو - امەريكا قارىم - قاتىناسىنىڭ قايتادان اقاۋسىز، ورنىقتى ارناعا ورالۋىن بىرگە ىلگەرىلەتۋىن ءۇمىت ەتەمىن. ورىنباسار زۇڭتۇڭ حانىمنىڭ وسى جاعىندا بەلسەندى رول اتقارۋىن ءۇمىت ەتەمىن.
حارريس مىنالاردى ءبىلدىردى: ەكى ەلدىڭ مەملەكەت باسشىلارى جاڭا عانا تابىستى ديدارلاسۋ وتكىزدى. امەريكا جاق جۇڭگو جاقپەن قارسىلاسۋدى نەمەسە قاقتىعىسۋدى كوزدەمەيدى، ەكى جاق الەمدىك ماسەلەلەردە سەلبەستىك ورىستەتۋگە، تىلدەسۋ ارناسىنىڭ ىركىلىسسىزدىگىن ساقتاۋعا ءتيىس.
