شي جينپيڭ بانگكوگقا باردى
ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە قاتىناسادى ءارى تايلاندتا ساپاردا بولادى
جەرگىلىكتى ۋاقىت 11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن تايلاندتىڭ بانگكوگىنا باردى، ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە قاتىناسادى ءارى تايلاندتا ساپاردا بولادى. سۋرەتتە: شي جينپيڭ مەن حانىمى پىڭ لييۋان وتىرعان ارناۋلى ۇشاق بانگكوگ سۋۋانناپۋ حالىقارالىق اۋەجايىنا جەتكەندە تايلاندتىڭ زۇڭليى بايۇي مەن حانىمى، ورىنباسار زۇڭليى، قوسىمشا سىرتقى ىستەر مينيسترى دون مەن حانىمى، مادەنيەت مينيسترى يتيپىڭ مەن حانىمى قاتارلىلار ىستىق ىقىلاسپەن قارسى الدى.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 11 - ايدىڭ 17 - كۇنى بانگكوگتان بەرگەن حابارى (تىلشىلەر ليۋ حۋا، لين حاۋ). جەرگىلىكتى ۋاقىت 11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن تايلاندتىڭ بانگكوگىنا باردى، ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە قاتىناسادى ءارى تايلاندتا ساپاردا بولادى.
شي جينپيڭ مەن حانىمى پىڭ لييۋان وتىرعان ارناۋلى ۇشاق بانگكوگ سۋۋانناپۋ حالىقارالىق اۋەجايىنا جەتكەندە تايلاندتىڭ زۇڭليى بايۇي مەن حانىمى، ورىنباسار زۇڭليى، قوسىمشا سىرتقى ىستەر مينيسترى دون مەن حانىمى، مادەنيەت مينيسترى يتيپىڭ مەن حانىمى قاتارلىلار ىستىق ىقىلاسپەن قارسى الدى. قۇرمەت قاراۋىلى قىزىل كىلەمنىڭ ەكى جاعىندا قاتار تۇزەپ تۇردى، ءساندى ۇلتتىق كيىم كيگەن جەرگىلىكتى جاستار جولدىڭ ەكى جاعىنا جارىلا تۇرىپ، ەكى الاقانىن جۇپتاپ قۇرمەت ءبىلدىرىپ قارسى الدى، تايلاندتاعى حۋاچياۋلار، حۋارىندار ۋاكىلدەرى جۇڭگو، تايلاند ەكى ەلدىڭ مەملەكەت تۋىن بۇلعاپ، شي جينپيڭ مەن حانىمىن قىزۋ قارسى الاتىندىقتارىن ءبىلدىردى.
شي جينپيڭ وتىرعان اۆتوكولىك توبى اۋەجايدان اتتانىپ، تۇسەتىن قوناق ۇيگە بارا جاتقان جول بويلارىنداعى الىپ ەلەكتروندىق ەكراندا ”جۇڭگو قىزىلى“ كورىنىس بەرىپ، جۇڭگو، تايلاند ەكى ەل تىلىندە ”جۇڭحۋا حالىق رەسپۋبليكاسىنىڭ ءتوراعاسى شي جينپيڭ مىرزا مەن حانىمى پىڭ لييۋان پروفەسسوردى قىزۋ قارسى الامىز“، ”جۇڭگو مەن تايلاند ءبىر وتباسىنىڭ ادامدارىنداي تاتۋ“ دەگەن سوزدەر جازىلىپ، بارلىق جەردەن قىزۋ دوستىق سۇيىسپەنشىلىك مۇندالادى. حۋاچياۋلار، حۋارىندار جانە جۇڭگودان وقۋعا بارعان وقۋشىلار كوشەنىڭ ەكى جاعىنا جينالىپ، ”ءتوراعا شي جينپيڭنىڭ تايلاندقا كەلگەنىن قىزۋ قارسى الامىز!“، ”تايلاندتاعى چياۋباۋلار ءتوراعا شي جينپيڭدى قىزۋ قارسى الادى!“ دەگەن قىزىل كەرمە تۋلاردى كوتەرىپ، ”ءتوراعا شي جينپيڭ، سالەمەتسىز!“، ”ءتوراعا شي جينپيڭدى قارسى الامىز!“ دەپ الاقايلاپ، شي جينپيڭنىڭ ساپارلاي كەلگەنىن قىزۋ قارسى الاتىندىقتارىن جانە شىنايى قۋانىشتارىن ءبىلدىردى.
ديڭ شۋەشياڭ، ۋاڭ ي، حى ليفىڭ قاتارلى ساپارلاستارى وسى ۇشاقپەن بىرگە باردى.
الدىن الا بارعان شياڭگاڭ ەرەكشە اكىمشىلىك رايونىنىڭ اكىمى لي جياچاۋ، جۇڭگونىڭ تايلاندتاعى باس ەلشىسى حان جىچياڭ دا اۋەجايعا بارىپ قارسى الدى.
شي جينپيڭ 20 ەل توبى باسشىلارىنىڭ 17 - رەتكى باسشىلار ماجىلىسىنە قاتىناسقاننان كەيىن بانگكوگقا جەتكەن. بالي ارالىنان اتتاناردا يندونەزيانىڭ جۇڭگومەن سەلبەستىگىنىڭ باستاۋشىسى، تەڭىز - مۇحيت جانە قارجى قوسۋدى ءبىر تۇتاس جوسپارلاۋ مينيسترلىگىنىڭ مينيسترى لۇحۇت قاتارلىلار اۋەجايعا بارىپ اتتاندىرىپ سالدى، اۋەجايدا دۋماندى دوستىق اتتاندىرۋ سالتى ءوتتى. اۋەجايعا بارار جولدا جەرگىلىكتى جۇرتشىلىق جول بويىندا تۇرىپ اتتاندىرىپ سالدى.
