جەرگىلىكتى ۋاقىت 11 - ايدىڭ 16 - كۇنى، 20 ەل توبى باسشىلارىنىڭ 17 - رەتكى باسشىلار ءماجىلىسى يندونەزيانىڭ بالي ارالىندا جالعاستى وتكىزىلدى. مەملەكەت ءتوراعاسى شي جينپيڭ قاتىناستى ءارى ءسوز سويلەدى.
□ شينحۋا اگەنتتىگى تاراتقان
شينحۋا اگەنتتىگىنىڭ 11 - ايدىڭ 16 - كۇنى يندونەزيانىڭ بالي ارالىنان بەرگەن حابارى (تىلشىلەر باي لين، ليۋ حۋا). جەرگىلىكتى ۋاقىت 11 - ايدىڭ 16 - كۇنى، 20 ەل توبى باسشىلارىنىڭ 17 - رەتكى باسشىلار ءماجىلىسى يندونەزيانىڭ بالي ارالىندا جالعاستى وتكىزىلدى. مەملەكەت ءتوراعاسى شي جينپيڭ قاتىناستى ءارى ءسوز سويلەدى.
سيفرلانۋعا ويىسۋ ماسەلەسىن تالقىلاعاندا، شي جينپيڭ بىلاي دەپ اتاپ كورسەتتى: قازىر سيفرلى ەكونوميكانىڭ كولەمى كەڭەيىپ، الەمدە سيفرلانۋعا ويىسۋ قارقىنى جەدەلدەپ، دۇنيە ءجۇزىنىڭ ەكونوميكالىق جاعدايىنا ىقپال جاسايتىن ماڭىزدى فاكتورعا اينالدى. جۇڭگو 20 ەل توبىنىڭ حاڭجوۋ باسشىلار ءماجىلىسىن ۇيىمداستىرىپ وتكىزگەن كەزدە، سيفرلى ەكونوميكانى تۇڭعىش رەت 20 ەل توبىنىڭ كەڭەس تارتىبىنە ەنگىزىپ، دامۋ تاسىلىندە جاڭالىق اشۋدى، ارتۋدىڭ قوزعاۋشى قۋاتىن اشۋدى العا قويعان بولاتىن. سوڭعى جىلداردا، 20 ەل توبى سيفرلانۋعا ويىسۋعا ۇيلەسۋ، سيفرلى ەكونوميكانى دامىتۋ جاعىندا اناعۇرلىم كوپ ورتاق تانىم ۇيىستىرىپ، اناعۇرلىم كوپ سەلبەستىكتى ىلگەرىلەتتى. ءار جاقتىڭ سيفرلى سەلبەستىكتىڭ ومىرشەڭدىك كۇشىن قاۋلاتىپ، سيفرلى ەكونوميكانىڭ دامۋ جەتىستىكتەرىمەن ءار ەل حالقىن باقىتقا كەنەلتۋىن ءۇمىت ەتەمىن.
ءبىرىنشى، كوپ جاقتىلىققا تاباندى بولىپ، حالىقارالىق سەلبەستىكتى كۇشەيتۋ كەرەك. اشىق، سيىسىمدى، ءادىل، تۋراشىل، كەمسىتپەيتىن سيفرلى ەكونوميكانىڭ دامۋ ورتاسىن كۇش بىرىكتىرە قالىپتاستىرىپ، سيفردى كاسىپ سالالاندىرۋ، كاسىپ سالاسىن سيفرلاندىرۋ جاعىندا حالىقارالىق سەلبەستىكتى ىلگەرىلەتىپ، سيفرلى ەكونوميكانىڭ الەمدىك ارتۋدى ىلگەرىلەتۋدەگى كومەسكى كۇشىن جارىققا شىعارۋ كەرەك. ”شاعىن اۋلاسىنا بيىك داۋال“ سوعىپ، عىلىم - تەحنيكا سەلبەستىگىن شەكتەپ نەمەسە وعان كەدەرگىلىك جاساپ، وزگەگە دە، وزىنە دە زيان جەتكىزۋ حالىقارالىق قوعامنىڭ ورتاق مۇددەسىنە ۇيلەسپەيدى. ەكىنشى، دامۋدى الدىڭعى ورىنعا قويۋعا تاباندى بولىپ، سيفر جىلعاسىن تولتىرۋ كەرەك. ءار ەل سيفرلى داۋىردەگى ۇلاستىرۋ - تۇتاستىرۋدى قول ۇستاسا ىلگەرىلەتىپ، ءونىمدى شارالار قولدانىپ، جالپى حالىقتىڭ سيفر شەبەرلىگى مەن ساپاسىن جوعارىلاتۋى، اسىرەسە، وركەندەپ كەلە جاتقان ەلدەر مەن ءالسىز قاۋىمنىڭ سيفرلاندىرۋ تولقىنىمەن توعىسۋىنا كومەكتەسىپ، سيفر جىلعاسىن قۇلشىنا جويۋ كەرەك. جۇڭگو جاق سيفرلى جىبەك جولىن قۇرۋ باستاماسىن كوتەردى ءارى سيفرلى ەكونوميكانى الەمدىك دامۋ باستاماسىنىڭ ءتۇيىندى سەلبەستىك سالاسى ەتىپ، وسى جونىندە ءار جاقپەن سەلبەستىك ورىستەتۋدى ءۇمىت ەتەدى. ءۇشىنشى، جاڭالىق اشۋ ارقىلى دەم بەرۋگە تاباندى بولىپ، ىندەتتەن كەيىنگى جاندانۋعا كۇش قوسۋ كەرەك. جۇڭگو جاق «20 ەل توبى سيفرلى جاڭالىق اشۋ سەلبەستىك ارەكەتى جوسپارىن» العا قويدى، مۇنداعى ماقسات سيفرلى تەحنيكادا جاڭالىق اشۋدى، قولدانۋدى ىلگەرىلەتىپ، جاڭالىق اشۋ جەتىستىكتەرىنەن جالپىنىڭ بىرگە يگىلىكتەنۋىن جۇزەگە اسىرۋ، ءار جاقتىڭ بەلسەنە ات سالىسۋىن قارسى الۋ. جۇڭگو جاق 20 ەل توبىنا مۇشە ەلدەرمەن ۇزدىكسىز سەلبەسىپ، جالپىعا ءتيىمدى، تەپە - تەڭ، سايكەستى، سيىسىمدى، سەلبەسەتىن، تەڭ يگىلىككە كەنەلەتىن، بىرگە گۇلدەنىپ - كوركەيەتىن الەمدىك سيفرلى ەكونوميكا ارناسىن قول ۇستاسا ورناتۋدى قالايدى.
باسشىلار ماجىلىسىندە «20 ەل توبى باسشىلارىنىڭ بالي ارالى باسشىلار ءماجىلىسى جارناماسى» ماقۇلداندى.
جەرگىلىكتى ۋاقىت 11 - ايدىڭ 15 - كۇنى كەشتە شي جينپيڭ مەن حانىمى پىڭ لييۋان يندونەزيانىڭ زۇڭتۇڭى جوكو مەن حانىمى يليانانىڭ بالي ارالىنداعى شىنيىڭ الاڭىندا وتكىزگەن 20 ەل توبى باسشىلارىنىڭ باسشىلار ءماجىلىسىن قارسى الۋ كەشكى قوناعاسىنا قاتىناستى.
ۋاڭ ي، حى ليفىڭ قاتارلىلار قاتىستى قيمىلدارعا قاتىناستى.
