(جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا 2022 - جىلى 10 - ايدىڭ 22 - كۇنى ماقۇلداندى)
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى شي جينپيڭ جولداستىڭ 19 - كەزەكتى ورتالىق كوميتەت اتىنان جاساعان بايانداماسىن ماقۇلدادى. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، حالىقارا، ەل ءىشى جاعدايىنا تالداۋ جاسادى، پارتيا 20 - قۇرىلتايىنىڭ نەگىزگى تاقىرىبىن العا قويدى، وتكەن 5 جىلداعى قىزمەتتەرگە جانە جاڭا داۋىردەگى 10 جىلدىق ۇلى وزگەرىسكە قايىرىلا قارادى جانە ونى قورىتىندىلادى، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمدادى، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوبا جاسادى، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جونىندە جان - جاقتى ورنالاستىرۋ جاسادى، جاڭا ءداۋىردىڭ جاڭا جورىعىندا پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتتى، ارەكەت باعدارناماسىن تۇراقتاندىردى. قۇرىلتاي ماقۇلداعان 19 - كەزەكتى ورتالىق كوميتەتتىڭ بايانداماسى پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ جاڭا جەڭىسىنە قول جەتكىزۋىنىڭ ساياسي جارناماسى جانە ارەكەت تۇعىرناماسى، ماركسيزمدىك تۇعىرنامالىق حۇجات.
قۇرىلتاي بىلاي دەپ قارادى: باياندامادا ەگجەي - تەگجەيلى تۇسىندىرىلگەن قۇرىلتايدىڭ باستى تاقىرىبى − قۇرىلتايدىڭ رۋحى، پارتيا مەن مەملەكەت ىستەرى دامۋىنىڭ جالپى باعدارلاماسى. بۇكىل پارتيا جۇڭگوشا سوتسياليزم ۇلى تۋىن بيىك ۇستاپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، سەنىمدى، دەربەس بولىپ، ءتۇبىرلى پرينسيپتەن اينىماي، جاڭالىق اشىپ، جىگەرلەنە العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.
قۇرىلتاي مىنالاردى اتاپ كورسەتتى: پارتيامىز جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە كۇش سالادى، جاۋاپكەرشىلىك تەڭدەسسىز اۋىر، بورىش ەرەكشە داڭقتى. بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋ، ءسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋ، ءسوز جوق، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازۋ كەرەك.
قۇرىلتاي 19 - كەزەكتى ورتالىق كوميتەتتىڭ قىزمەتىنە جوعارى باعا بەردى. پارتيا 19 - قۇرىلتايىنان بەرگى 5 جىل اسا وزگەشە ءارى ايرىقشا 5 جىل بولدى. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاپپاي دوڭگەلەك داۋلەتتى قوعام ورناتۋ اياق الىسىن بار كۇشپەن ىلگەرىلەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جوعارى ساپالى دامۋدى كۇش سالا ىلگەرىلەتىپ، جاڭا دامۋ ارناسىن ىرىقتىلىقپەن قالىپتاستىرىپ، رەفورمانى جەدەل، ورنىقتى ىلگەرىلەتىپ، جالپى بارىستىق حالىق دەموكراتياسىن تىڭعىلىقتى ىلگەرىلەتىپ، مەملەكەتتى زاڭمەن باسقارۋدى جاپپاي ىلگەرىلەتىپ، سوتسياليستىك وزىق مادەنيەتتى بەلسەنە دامىتىپ، حالىق تۇرمىسىن قامتاماسىز ەتۋدى جانە جاقسارتۋدى كورنەكتىلەندىرىپ، كەدەيلىكتەن ارىلتۋدان قامال الۋ شايقاسىن كۇشتى شوعىرلاندىرا وتىرىپ جۇرگىزىپ، ەكولوگيالىق وركەنيەت قۇرىلىسىن زور كۇشپەن ىلگەرىلەتىپ، مەملەكەت حاۋىپسىزدىگىن باتىل قورعاپ، اۋىر حاۋىپ - قاتەرلەردەن ساقتانىپ جانە ونى جويىپ، قوعامدىق كەلەلى جاعدايدىڭ ورنىقتىلىعىن ساقتاپ، مەملەكەت قورعانىسى مەن ارميانى وسىزامانداندىرۋ قۇرىلىسىن زور كۇشپەن ىلگەرىلەتىپ، شياڭگاڭ جاعدايىندا بىلىقپالىقتان تىنىشتالۋعا دەيىنگى كەلەلى بۇرىلىستى جۇزەگە اسىرىپ، بولشەكتەۋشىلىككە قارسى، كيلىگۋگە قارسى كەلەلى كۇرەستى باتىل ورىستەتىپ، جۇڭگوشا ءىرى ەلدىك ديپلوماتيانى جان - جاقتى ورىستەتىپ، پارتيا قۇرىلىسىنىڭ تىڭ دا ۇلى ينجەنەرياسىن جاپپاي ىلگەرىلەتىپ، كەدەيلىكتەن ارىلتۋدان قامال الۋ شايقاسىندا ۋاعىندا جەڭىسكە جەتىپ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا قاراي جورىق جاسادى. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باعامداپ، ءتۇبىرلى پرينسيپتەن اينىماي، جاڭالىق اشىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، اۋىر دا كۇردەلى حالىقارالىق جاعدايعا جانە ءبىر - بىرىنە ۇلاسقان وراسان زور حاۋىپ - قاتەر مەن سىن - سايىسقا ۇتىمدى توتەپ بەرىپ، جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرى باستىرىپ، ۇزاق ۋاقىتتان بەرى شەشىلمەي كەلگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى تىندىرىپ، پارتيا مەن مەملەكەت ىستەرىنىڭ دۇنيەنى جالت قاراتقان كەلەلى تابىستارعا قول جەتكىزۋىن ىلگەرىلەتتى.
قۇرىلتاي مىنالاردى باسا دارىپتەدى: پارتيا 18 - قۇرىلتايى اشىلعان 10 جىلدان بەرى، ءبىز پارتيا مەن حالىقتىڭ ىستەرى جونىنەن كەلەلى رەال ماڭىزعا جانە تەرەڭ تاريحي ماڭىزعا يە ءۇش ءىرى ءىستى باستان وتكەردىك: ءبىرىنشى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الدىق، ەكىنشى، جۇڭگوشا سوتسياليزم جاڭا داۋىرگە ءوتتى، ءۇشىنشى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردىق. بۇل − جۇڭگو كوممۋنيستىك پارتياسى مەن جۇڭگو حالقىنىڭ ىنتىماقتاسا كۇرەس جاساۋ ارقىلى قول جەتكىزگەن تاريحي جەڭىسى، جۇڭحۋا ۇلتىنىڭ دامۋ تاريحىنداعى ماڭگى وشپەيتىن تاريحي جەڭىس ءارى دۇنيە جۇزىنە تەرەڭ ىقپال جاسايتىن تاريحي جەڭىس. 10 جىلدان بەرى، ءبىز پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، ءبىر قىدىرۋ ستراتەگيالىق سيپاتتى شارا قولدانىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ شەشۋشى سيپاتتى ىلگەرىلەۋشىلىكتى جۇزەگە اسىرىپ، ءبىر قىدىرۋ بەلگى سيپاتتى جەتىستىككە قول جەتكىزىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن - سايىستىڭ سىناعىنان سۇرىنبەي ءوتىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاساپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن جەدەلدەتتىك. جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. جۇڭگو كوممۋنيستىك پارتياسى توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولدى، جۇڭگو حالقى اناعۇرلىم كۇشتى تاريحي سانالىلىق جانە ىرىقتىلىق رۋحىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋى بوگەۋ بەرمەس تاريحي ۇردىسكە قادام تاستادى، عىلمي سوتسياليزم 21 - عاسىرداعى جۇڭگودا قاۋلاعان تىڭ تىرشىلىك تىنىسىن تاسقىنداتتى.
قۇرىلتاي مىنالاردى باسا دارىپتەدى: جاڭا ءداۋىردىڭ 10 جىلىنداعى ۇلى وزگەرىسكە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل پارتيا، بۇكىل ەلدەگى ءار ۇلت حالقى ىنتىماقتاسا كۇرەس جۇرگىزە وتىرىپ قول جەتكىزدى. پارتيا شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە. جاڭا داۋىردەگى جاڭا جورىقتا جۇڭگوشا سوتسياليزم ىستەرىن العا ىلگەرىلەتۋدە، ەڭ ماڭىزدىسى، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
قۇرىلتاي مىنالاردى باسا دارىپتەدى: ماركسيزم ءبىزدىڭ پارتيا قۇرۋداعى، مەملەكەت قۇرۋداعى، پارتيانى گۇلدەندىرۋدەگى، مەملەكەتتى گۇلدەندىرۋدەگى ءتۇبىرلى جەتەكشى يدەيامىز. اماليات بىزگە مىنانى ۇعىندىردى: جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا. پارتيا 18 - قۇرىلتايىنان بەرى، پارتيامىز جۇرەكتىلىكپەن نازاريادا ىزدەنىس جاساپ جانە جاڭالىق اشىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوز ايامەن تەرەڭدەتىپ، كەلەلى نازاريالىق جاسامپازدىق جەتىستىكتەرگە قول جەتكىزىپ، ونى شي جينپيڭ جاڭا ءداۋىر جۇڭگوشا سوتسياليزم يدەياسى رەتىندە شوعىرلى بەينەلەدى. پارتيا 19 - قۇرىلتايىندا، 19 - كەزەكتى ورتالىق كوميتەتتىڭ التىنشى جالپى ماجىلىسىندە ورتاعا قويىلعان ”وندى ايقىنداۋ“، ”ون تورتكە تاباندى بولۋ“، ”ون ءۇش جاقتاعى تابىس“ وسى يدەيانىڭ باستى مازمۇنىن جيناقتادى، وعان، ءسوزسىز، ۇزاق ۋاقىت تاباندى بولۋ جانە ونى ۇزدىكسىز دامىتۋ كەرەك. تەك ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، ديالەكتيكالىق ماتەرياليزم مەن تاريحي ماتەرياليزمدى قولدانۋعا تاباندى بولعاندا عانا، ءداۋىر مەن اماليات العا قويعان كەلەلى ماسەلەلەرگە دۇرىس جاۋاپ بەرۋگە، سوندا عانا ماركسيزمنىڭ جالىندى تىرشىلىك تىنىسى مەن تاسقىنداعان ومىرشەڭدىگىن باستان - اياق ساقتاۋعا بولادى. اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، حالىقتى بارىنەن جوعارى قويۋعا تاباندى بولىپ، سەنىمدى، دەربەس بولۋعا تاباندى بولىپ، ءتۇبىرلى پرينسيپتەن اينىماي، جاڭالىق اشۋعا تاباندى بولىپ، ماسەلەنى باعدار ەتۋگە تاباندى بولىپ، جۇيە كوزقاراسىنا تاباندى بولىپ، دۇنيەگە كەڭ پەيىل بولۋعا تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ كەرەك.
قۇرىلتاي مىنالاردى العا قويدى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.
قۇرىلتاي مىنالاردى اتاپ كورسەتتى: جاڭا جۇڭگو قۇرىلعاننان، وتە - موتە، رەفورمالاۋ، ەسىك اشۋدان بەرى ۇزاق ۋاقىتتىق ىزدەنۋ جانە امالياتتان وتكىزۋ نەگىزىندە، پارتيا 18 - قۇرىلتايىنان بەرى نازاريا مەن اماليات جاعىندا جاڭالىق اشۋ، تابىسقا جەتۋ ارقىلى پارتيامىز جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك تە بار. جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ. جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزمگە تاباندى بولۋ، جوعارى ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني الەمىن بايىتۋ، جالپى حالىقتىڭ بىرگە بايۋىن جۇزەگە اسىرۋ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ.
قۇرىلتاي مىنالاردى اتاپ كورسەتتى: جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ جالپى ستراتەگيالىق ورنالاستىرۋى مىناداي ەكى باسقىشقا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. الداعى 5 جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل، نەگىزگى نىسانا - مىندەتتەر مىنالار: ەكونوميكانى جوعارى ساپالى دامىتۋدا جاڭا جەتىستىككە قول جەتكىزۋ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ قابىلەتىن كورنەكتى جوعارىلاتۋ، جاڭا دامۋ جاعدايىن قالىپتاستىرۋدا جانە وسىزاماندانعان ەكونوميكالىق جۇيە قۇرۋدا كەلەلى ىلگەرىلەۋشىلىككە قول جەتكىزۋ؛ رەفورما جاساپ، ەسىك اشۋدا جاڭا قادام تاستاۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىشكەرىلەي ىلگەرىلەتۋ، سوتسياليستىك بازار شارۋاشىلىعى ءتۇزىلىسىن اناعۇرلىم كەمەلدەندىرىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىستى نەگىزىنەن قالىپتاستىرۋ؛ جالپى بارىستىق حالىق دەموكراتياسىن تۇزىمدەندىرۋ، جۇيەلىلەندىرۋ، تارتىپتەندىرۋ دەڭگەيىن اناعۇرلىم جوعارىلاتىپ، جۇڭگوشا سوتسياليستىك زاڭمەن باسقارۋ جۇيەسىن اناعۇرلىم كەمەلدەندىرۋ؛ حالىقتىڭ رۋحاني مادەني تۇرمىسىن اناعۇرلىم بايىتىپ، جۇڭحۋا ۇلتىنىڭ ۇيىسۋ كۇشى مەن جۇڭحۋا مادەنيەتىنىڭ ىقپال كۇشىن ۇزدىكسىز كۇشەيتۋ؛ تۇرعىندار كىرىسىنىڭ ارتۋى مەن ەكونوميكانىڭ ارتۋى، نەگىزىنەن، تەڭ قادامدا بولۋ، ەڭبەكاقىنىڭ جوعارىلاۋى مەن ەڭبەك ءوندىرىس مولشەرىنىڭ جوعارىلاۋى، نەگىزىنەن، تەڭ قادامدا بولۋ، نەگىزگى الەۋمەتتىك قىزمەت وتەۋدىڭ بىركەلكىلەنۋ دەڭگەيىن كورنەكتى جوعارىلاتۋ، كوپ ساتىلى قوعامدىق قامتاماسىزداندىرۋ جۇيەسىن اناعۇرلىم اقاۋسىزداندىرۋ؛ قالا مەن اۋىلدىڭ قونىستانۋ ورتاسىن كورنەكتى جاقسارتۋ، كورىكتى جۇڭگو قۇرىلىسىنىڭ ونىمدىلىگى كورنەكتى بولۋ؛ مەملەكەت حاۋىپسىزدىگىن اناعۇرلىم بەكەمدەپ، ارميا قۇرۋدىڭ 100 جىلدىق كۇرەس نىساناسىن ۋاعىندا جۇزەگە اسىرىپ، تىنىش جۇڭگو قۇرىلىسىن تىڭعىلىقتى ىلگەرىلەتۋ؛ جۇڭگونىڭ حالىقاراداعى ورنى مەن ىقپالى اناعۇرلىم جوعارىلاپ، الەمدىك جونگە سالۋدا اناعۇرلىم زور رول اتقارۋ.
قۇرىلتاي مىنالاردى باسا دارىپتەدى: جاپپاي سوتسياليستىك وسىزاماندانعان مەملەكەت قۇرۋ − ۇلى دا اسا ماشاقاتتى ءىس، بولاشاعى نۇرلى، مىندەت اۋىر، جولى ۇزاق. العا باسۋ جولىندا، ءسوز جوق، مىناداي كەلەلى پرينسيپتەردى مىقتى يگەرۋ كەرەك: پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، جۇڭگوشا سوتسياليزم جولىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، رەفورما جاساپ، ەسىك اشۋدى تەرەڭدەتۋگە تاباندى بولۋ، كۇرەسكەرلىك رۋحتى ساۋلەلەندىرۋگە تاباندى بولۋ. بۇكىل پارتيا، ءسوز جوق، سەنىمدى بەكەمدەپ، قايراتتانا العا ۇمتىلىپ، ىرىقتىلىقپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، حاۋىپ - قاتەردەن ىرىقتىلىقپەن ساقتانىپ جانە ونى جويىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋ كەرەك.
قۇرىلتاي باياندامانىڭ الداعى ءبىر مەزگىلدەگى پارتيا مەن مەملەكەت ىستەرىنىڭ دامۋى جونىندە جاساعان ستراتەگيالىق ورنالاستىرۋىنا قوسىلىپ، مىنالاردى باسا دارىپتەدى: جاڭا دامۋ ۇستانىمىن، ءسوز جوق، تولىق، ءدال، جالپى بەتتىك دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، سوتسياليستىك بازار شارۋاشىلىعىنىڭ رەفورما بەتالىسىنان جازباي، جوعارى دەڭگەيدەگى سىرتقا ەسىك اشۋعا تاباندى بولىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ كەرەك، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ، وسىزاماندانعان شارۋاشىلىق جۇيەسىن ورناتۋ، اۋىل - قىستاقتى كوركەيتۋدى جاپپاي ىلگەرىلەتۋ، وڭىرلىك سايكەستى دامۋدى جەبەۋ، جوعارى دەڭگەيدەگى سىرتقا ەسىك اشۋدى ىلگەرىلەتۋ كەرەك. مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن اتقارىپ، وسىزامانداندىرۋ قۇرىلىسىنىڭ دارىندىلار تىرەگىن كۇشەيتۋ، وقۋ - اعارتۋدى الدىمەن دامىتۋعا، عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە، دارىندىلار ارقىلى قوزعاۋشى كۇشكە جەتەكشىلىك ەتۋگە تاباندى بولىپ، وقۋ - اعارتۋدى حالىق رازى بولاتىنداي جاقسى باسقارۋ، عىلىم - تەحنيكادا جاڭالىق اشۋ جۇيەسىن كەمەلدەندىرۋ، جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارۋ، مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارۋ، وقۋ - اعارتۋ جاعىندا قۇدىرەتتى مەملەكەت قۇرۋدى، عىلىم - تەحنيكا جاعىندا قۇدىرەتتى مەملەكەت قۇرۋدى، دارىندىلار جاعىندا قۇدىرەتتى مەملەكەت قۇرۋدى جەدەلدەتۋ كەرەك. جالپى بارىستىق حالىق دەموكراتياسىن دامىتىپ، حالىقتىڭ وزىنە - ءوزى قوجايىن بولۋىن قامتاماسىز ەتۋ، جۇڭگوشا سوتسياليستىك ساياسي دامۋ جولىمەن اۋىتقىماي ءجۇرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋ، حالىقتىڭ تۇلعالىق ورنىنا تاباندى بولۋ، حالىقتىڭ ەرىك - جىگەرىن تولىق بەينەلەپ، حالىقتىڭ ۇقىق - مۇددەسىن قامتاماسىز ەتىپ، حالىقتىڭ جاسامپازدىق ومىرشەڭدىگىن تاسقىنداتۋ، حالىقتىڭ وزىنە - ءوزى قوجايىن بولۋ ءتۇزىمىن قامتاماسىز ەتۋدى كۇشەيتۋ، ەلىمىزدىڭ ءتۇبىرلى ساياسي تۇزىمىنە، نەگىزگى ساياسي تۇزىمىنە، كەلەلى ساياسي تۇزىمىنە تاباندى بولۋ جانە ونى كەمەلدەندىرۋ، ءماسليحاتتىق دەموكراتيانى جاپپاي دامىتۋ، نەگىزگى ساتى دەموكراتياسىن بەلسەنە دامىتۋ، ەڭ كەڭ وتانشىلدىق بىرلىكساپتى بەكەمدەۋ جانە دامىتۋ كەرەك. مەملەكەتتى جاپپاي زاڭمەن باسقارۋعا تاباندى بولىپ، زاڭمەن باسقارىلاتىن جۇڭگو قۇرىلىسىن ىلگەرىلەتۋ، قوعامدىق ادىلدىك پەن تۋراشىلدىقتى قامتاماسىز ەتۋدى جانە جەبەۋدى ارقاۋ ەتىپ، مەملەكەتتى زاڭمەن باسقارۋدى، بيلىكتى زاڭ بويىنشا جۇرگىزۋدى، اكىمشىلىكتى زاڭ بويىنشا جۇرگىزۋدى بىرگە ىلگەرىلەتۋگە تاباندى بولۋ، مەملەكەتتى زاڭمەن باسقارۋدى، ۇكىمەتتى زاڭمەن باسقارۋدى، قوعامدى زاڭمەن باسقارۋدى ءبىر تۇلعالاندىرۋ قۇرىلىسىنا تاباندى بولۋ، نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرىپ، اكىمشىلىكتى زاڭ بويىنشا جۇرگىزۋدى تىڭعىلىقتى ىلگەرىلەتىپ، ءادىليانى قاتاڭ، ءادىل جۇرگىزىپ، زاڭمەن باسقارىلاتىن قوعامدى جەدەل ورناتۋ كەرەك. مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن رۋحاني كۇشتى نىعايتۋ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋدەگى ورتاق يدەيالىق نەگىزىن بەكەمدەۋ، قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتۋ، سوتسياليستىك وزەكتى قۇن كوزقاراسىن امالياتتا كەڭىنەن ايگىلەۋ، بۇكىل قوعامنىڭ وركەنيەت دەڭگەيىن جوعارىلاتۋ، مادەنيەت ىستەرى مەن مادەنيەت شارۋاشىلىعىن گۇلدەندىرۋ جانە دامىتۋ، جۇڭحۋا وركەنيەتىن تاراتۋ قۋاتىن، ىقپال كۇشىن نىعايتۋ كەرەك. حالىقتىڭ ىرىس - قۇتىن ارتتىرىپ، حالىقتىڭ تۇرمىس ساپاسىن جوعارىلاتۋ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، بىرگە بايۋدى تىڭعىلىقتى ىلگەرىلەتۋ، ءبولىس ءتۇزىمىن كەمەلدەندىرۋ، جۇمىستاندىرۋدى الدىمەن ويلاستىرۋ ستراتەگياسىن اتقارۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، سالاماتتى جۇڭگو قۇرىلىسىن ىلگەرىلەتۋ كەرەك. جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، دامۋدى ادام مەن تابيعاتتىڭ جاراسىمدى قاتار ءومىر سۇرەتىن تۇرعىسىندا تۇرىپ جوسپارلاۋ، تاۋ، سۋ، ورمان، ەگىنجاي، كول، جايلىم، قۇمدىقتى ءبىر تۇلعالاندىرىپ قورعاۋعا جانە جۇيەلى وڭاۋعا تاباندى بولىپ، شارۋاشىلىق قۇرىلىمىن رەتتەۋدى، لاستانۋدى وڭاۋدى، ەكولوگيانى قورعاۋدى، كليمات وزگەرىسىنە توتەپ بەرۋدى ءبىر تۇتاس جوسپارلاۋ، دامۋ تاسىلىندە جاسىلعا بۇرىلىس جاساۋدى جەدەلدەتۋ، ورتانىڭ لاستانۋىنىڭ الدىن الۋدى جانە وڭاۋدى ىشكەرىلەي ىلگەرىلەتۋ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ارتتىرۋ، كومىر قىشقىل گازىن شىعارۋدى بەلگىلەنگەن وركەش مانىنە جەتكىزۋدى، كومىر قىشقىل گازىن بەيتاراپتاۋدى بەلسەنە، ورنىقتى ىلگەرىلەتۋ كەرەك.
قۇرىلتاي مىنالاردى باسا دارىپتەدى: مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى. جالپى تۇلعالىق مەملەكەت حاۋىپسىزدىگى كوزقاراسىن، ءسوز جوق، بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرىپ، مەملەكەت حاۋىپسىزدىگى جۇيەسىن كەمەلدەندىرۋ، مەملەكەت حاۋىپسىزدىگىن قورعاۋ قۋاتىن كۇشەيتۋ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتۋ، قوعامدىق باسقارۋ جۇيەسىن كەمەلدەندىرۋ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتۋ كەرەك.
قۇرىلتاي مىنالاردى باسا دارىپتەدى: ارميا قۇرىلعاندىعىنىڭ 100 جىلدىق كۇرەس نىساناسىن مەرزىمىندە جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. شي جينپيڭنىڭ ارميانى قۇدىرەتتەندىرۋ يدەياسىن، ءسوز جوق، دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولۋ، ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن باسقارۋعا تاباندى بولىپ، ءبىر جاعىنان، كۇرەس جاساۋعا، ءبىر جاعىنان، سوعىسقا دايىندالۋعا، ءبىر جاعىنان، كوركەيتۋگە تاباندى بولۋ، ماشينالانۋدىڭ، ينفورماتسيالانۋدىڭ، زەردەلىلەنۋدىڭ توعىسا دامۋىنا تاباندى بولىپ، اسكەري ىستەر نازارياسىنىڭ وسىزاماندانۋىن، ارميانىڭ ۇيىمدىق فورماسىنىڭ وسىزاماندانۋىن، اسكەري قىزمەتكەرلەردىڭ وسىزاماندانۋىن، قارۋ - جاراقتىڭ وسىزاماندانۋىن جەدەلدەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قۋاتىن جوعارىلاتىپ، جاڭا داۋىردەگى حالىق ارمياسىنىڭ بورىشىن، مىندەتىن ۇتىمدى اتقارۋ كەرەك.
قۇرىلتاي مىنالاردى باسا دارىپتەدى: ”ءبىر ەل، ەكى ءتۇزىم“ − جۇڭگوشا سوتسياليزمنىڭ ۇلى جاسامپازدىعى، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋداعى ەڭ ۇتىمدى تۇزىمدىك ورنالاستىرۋ، وعان، ءسوز جوق، ۇزاق ۋاقىت تاباندى بولۋ كەرەك. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جان - جاقتى، دۇرىس، بۇلجىتپاي دايەكتىلەندىرىپ، شياڭگاڭدى، اۋمىندى زاڭ بويىنشا باسقارۋعا تاباندى بولىپ، ەرەكشە اكىمشىلىك رايونىنىڭ نەگىزگى زاڭ مەن ءتۇبىرلى زاڭدا بەلگىلەنگەن نەگىزگى زاڭدىق ەرەجە - ءتارتىبىن قورعاۋ، ”وتانشىلداردىڭ شياڭگاڭدى باسقارۋى“، ”وتانشىلداردىڭ اۋمىندى باسقارۋى“ پرينسيبىن تياناقتاندىرۋ كەرەك. ءبىر جۇڭگو پرينسيبى مەن ”1992 - جىلعى ورتاق تانىمعا“ تاباندى بولىپ، پارتيانىڭ جاڭا داۋىردە تايۋان ماسەلەسىن شەشۋدەگى جالپى تۇلعالىق جالپى جوباسىن دايەكتىلەندىرۋگە تاباندى بولىپ، ”دەربەستەندىرۋگە“ باتىل قارسى تۇرىپ، بىرلىككە كەلۋدى جەبەپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەرىپ، وتاننىڭ بىرلىككە كەلۋ ۇلى ءىسىن بۇلجىتپاي ىلگەرىلەتۋ كەرەك.
قۇرىلتاي باياندامانىڭ حالىقارالىق جاعداي جونىندە جاساعان تالداۋىنا جانە ديپلوماتيالىق قىزمەت ورنالاستىرۋىنا قوسىلىپ، بىلاي دەپ باسا دارىپتەدى: جۇڭگو دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ ديپلوماتيالىق ساياساتىنىڭ تۇپكى ماقساتىنا باستان - اياق تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە كۇش سالادى، دەربەس، وزىنە - ءوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارىپ، تۇرعىمىز بەن ساياساتىمىزدى باستان - اياق ءىستىڭ ءوزىنىڭ دۇرىس - بۇرىستىعى مەن ورىندى - ورىنسىزدىعى نەگىزىندە بەلگىلەپ، بەيبىت قاتار تۇرۋدىڭ بەس پرينسيبى نەگىزىندە ءار ەلمەن دوستىق سەلبەستىكتى دامىتۋعا تاباندى بولىپ، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، دۇنيە جۇزىندەگى مەملەكەتتەرمەن بىرگە بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى ساۋلەلەندىرىپ، ءتۇرلى الەمدىك سىن - سايىسقا بىرگە توتەپ بەرۋدى قالايدى.
قۇرىلتاي مىنالاردى باسا دارىپتەدى: جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك. پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، جاڭا داۋىردەگى پارتيا قۇرىلىسىنىڭ باستى تالابىن تياناقتاندىرىپ، پارتيانى جاپپاي قاتاڭ باسقارۋ جۇيەسىن كەمەلدەندىرىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوز دەڭگەيىن جوعارىلاتۋىن جان - جاقتى ىلگەرىلەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى جۇرت تىلەگىن ۇيىستىرىپ، رۋحتى سومداۋعا تاباندى بولۋ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ، ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرۋ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ، ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولۋ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ كەرەك.
قۇرىلتاي بىلاي دەپ ۇندەۋ تاستادى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!
