«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
حالىقتى بارىنەن جوعارى قويۋعا تاباندى بولايىق
شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. 10 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 20 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «حالىقتى بارىنەن جوعارى قويۋعا تاباندى بولايىق» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: جۇڭگو كوممۋنيستىك پارتياسىنىڭ ءتۇبىرلى نەگىزى حالىقتا، تامىرى حالىقتا. حالىقتى وزەك ەتكەن دامۋ يدەياسىنا تاباندى بولۋ پارتيانىڭ مۇرات سەنىمىن، سيپاتى مەن باس ماقساتىن، اۋەلگى ماقساتى مەن بورىشىن ايگىلەدى، سونداي - اق پارتيانىڭ كۇرەس جاساۋ بارىسى مەن ءىس جۇزىندىك تاجىريبەسىن تەرەڭدەي قورىتىندىلادى. قۇرىلعاننان بەرى، پارتيامىزدىڭ حالىقتى ىنتىماقتاستىرىپ جانە باستاپ، توڭكەرىس، قۇرىلىس، رەفورما جۇرگىزۋىندەگى ءتۇبىرلى ماقساتى حالىقتى تاماشا تۇرمىسقا كەنەلتۋ ءۇشىن، مەيلى قانشاما زور سىن - سايىس پەن قىسىمعا ءدوپ كەلسە دە، مەيلى قانشاما زور قۇرباندىق پەن بوداۋ بەرسە دە، وسىدان باستان - اياق اينىمادى، ەشقانداي مىزعىمادى. حالىقتى وزەك ەتكەن دامۋ يدەياسىنا تاباندى بولۋ ءۇشىن، ءسوزسىز، حالىقتى بارىنەن جوعارى قويۋعا تاباندى بولىپ، حالىققا تىعىز سۇيەنىپ، حالىقتى ۇزدىكسىز باقىتقا كەنەلتىپ، حالىققا بەرىك تامىر تارتۋ ءارى ءتۇرلى شەشىمدەردە، ورنالاستىرۋلاردا جانە ءىس جۇزىندىك قىزمەت بارىسىندا تياناقتاندىرۋ كەرەك.
ماقالادا مىنالار اتاپ كورسەتىلدى: پارتيامىزدىڭ وزىندىك ەرەكشە مۇددەسى بولمايدى، پارتيا ءارقانداي جاعدايدا بۇقارانىڭ مۇددەسىن ءبىرىنشى ورىنعا قويادى. بۇل پارتيامىزدىڭ ماركسيزمدىك ساياسي پارتيا رەتىندە، باسقا ساياسي پارتيالاردان پارىقتالاتىن كورنەكتى بەلگىسى. ەلەۋلى ىندەت الدىندا، ءبىز تۋ باستان - اق حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى اشىق ورتاعا قويدىق. حالىقتى بارىنەن جوعارى قويىپ، ءومىردى بارىنەن جوعارى قويىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋدا بارلىق بوداۋ بەرۋدەن تايىنباۋعا بولادى.
ماقالادا مىنالار باسا دارىپتەلدى: حالىق − پارتيامىزدىڭ بيلىك جۇرگىزۋدەگى ەڭ ۇلكەن تىرەگى. ەلىمىزدىڭ سوتسياليستىك دەموكراتياسى − حالىقتىڭ ءتۇبىرلى مۇددەسىن قورعايتىن ەڭ كولەمدى، ەڭ شىنايى، ەڭ ءونىمدى دەموكراتيا. ءبىز حالىق دەموكراتياسىنا تاباندى بولىپ، حالىقتىڭ اقىل - پاراساتى مەن كۇش - قۋاتىن پارتيا مەن حالىق ىستەرىنە اناعۇرلىم ويداعىداي ۇيىستىرۋىمىز كەرەك. ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدە، حالىققا تىعىز سۇيەنىپ، بەلسەندى تۇردە ىرىقتىلىقپەن ىسكەرلىك كورسەتىپ، داعدارىسقا توتەپ بەرۋ بارىسىندا قىزمەتتىڭ ىرىقتىلىق ۇقىعىن يگەرىپ، دامۋدىڭ ىرىقتى شايقاسىن ويداعىداي جۇرگىزۋ كەرەك.
ماقالادا مىنالار باسا دارىپتەلدى: ءبىزدىڭ ەكونوميكالىق، قوعامدىق دامۋدى ىلگەرىلەتۋىمىز، سايىپ كەلگەندە، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ ءۇشىن. باستان - اياق حالىقتىڭ تىنىش ءومىر، شات - شادىمان تىرشىلىك كەشىرۋىن، حال - جاعدايىن كوكەيدە ساقتاپ، بۇقارا كوڭىل ءبولىپ وتىرعان جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، قوعام اماندىعى سياقتى ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ءبىر - بىردەن تياناقتاندىرۋدى مىقتى يگەرىپ، جىلدى - جىلعا جالعاپ ىستەپ، بۇقاراعا وزگەرىستى كورسەتۋگە، تيىمدىلىككە كەنەلدىرۋگە قۇلشىنۋ كەرەك. جۇڭگو كوممۋنيستىك پارتياسى حالىق ءۇشىن ءىس تىندىرۋدى، حالىقتى يگىلىككە كەنەلدىرۋدى ەڭ ماڭىزدى قىزمەت ناتيجەسى سانايدى، بۇقارا ءۇشىن قانشا يگى ءىس، ناقتى ءىس ىستەگەنىن قىزمەت ناتيجەسىن سىننان وتكىزۋدىڭ ماڭىزدى ولشەمى ەتەدى. ءار دارەجەلى باسشى كادرلار دۇرىس بيلىك كوزقاراسىن، ناتيجە كوزقاراسىن، ءىس كوزقاراسىن ورناتىپ، جالعان اتاق - ابىرويعا قۇمارتپاي، جالعان ەڭبەككە ۇرىنباي، قۇر اتاققا ۇمتىلماي، ءمانساپتى بولعان ەكەن، حالىق ءۇشىن ىستەپ، ولارعا باقىت جاراتۋدى شىن مانىندە ورىنداۋى كەرەك.
ماقالادا مىنالار اتاپ كورسەتىلدى: پارتيامىز ۇزاق ۋاقىت بيلىك جۇرگىزۋدى ورىنداۋ ءۇشىن، ءسوزسىز، حالىق بۇقاراسىمەن ەتەنە بايلانىستى ماڭگى ساقتاپ، باستان - اياق حالىق بۇقاراسىنىڭ ويلاعانىن ويلاپ، بىرگە ىستەپ، قيىندىقتى بىلەك بىرىكتىرە جەڭىپ، حالىقپەن بەينەت پەن زەينەتتە بىرگە بولۋى كەرەك. پارتيا 18 - قۇرىلتايىنان بەرى، ءبىزدىڭ باستان - اياق پارتيانى جاپپاي قاتاڭ باسقارۋدان جازباي، ءىرىپ - شىرۋگە بۇلجىماستان قارسى تۇرىپ جانە ونى جازالاپ، ”ءتورت بۇرىس ستيلدى“ تاباندىلىقپەن بۇلجىماي رەتتەپ - جونگە سالىپ، پارتيانىڭ بۇقارالىق لۋشيان تاربيەسى امالياتتىق قيمىلىن، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن جۇرگىزۋىمىزدىڭ ءوزى قالىڭ پارتيا مۇشەلەرىن، كادرلاردى باستان - اياق حالىق بۇقاراسىمەن تىنىستاس، تاعدىرلاس، جۇرەكتەس بولۋعا تاربيەلەۋ، جەتەكتەۋ ءۇشىن. ءىرىپ - شىرۋگە بۇلجىماستان قارسى تۇرىپ، فورماشىلدىققا، تورەشىلدىككە تاباندىلىقپەن قارسى تۇرۋ جانە ونى جويۋ كەرەك.
