شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. شي جينپيڭ 20 - قۇرىلتايدىڭ بايانداماسىندا مىنالاردى ورتاعا قويدى: حالىقتىڭ ىرىس - قۇتىن ارتتىرىپ، حالىقتىڭ تۇرمىس ساپاسىن جوعارىلاتۋ.
شي جينپيڭ بىلاي دەدى: مەملەكەت دەگەنىمىز حالىق، حالىق دەگەنىمىز مەملەكەت. جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا، حالىقتىڭ تىلەگىنە قۇرمەت ەتتى. مەملەكەتتى باسقارۋدا ولشەم بولۋ، ول حالىققا پايدالى بولۋ كەرەك. حالىققا باقىت جاراتۋ — جالپى ٴ ۇشىن پارتيا قۇرۋدىڭ، حالىق ٴ ۇشىن بيلىك جۇرگىزۋدىڭ ماندىك تالابى. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ٴ سوز جوق، تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك.
ٴ بىز بارشا حالىقتىڭ ٴ تۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتى يگەرىپ، بار كۇشىمىزدى سالىپ ٴ ىس تىندىرىپ، شامامىزعا قاراي ٴ ىس ىستەۋگە تاباندى بولىپ، بۇقارامەن ەتەنە بولىپ، نەگىزگى ساتىعا ىشكەرىلەي ارالاسىپ، حالىق تۇرمىسىنا تيىمدىلىك جاسايتىن، حالىقتىڭ كوڭىلىن تاباتىن اناعۇرلىم كوپ شارانى قولدانىپ، حالىق بۇقاراسىنىڭ شۇعىل، قيىن، الاڭداۋلى، ٴ زارۋ ماسەلەلەرىن كۇش سالا شەشىپ، نەگىزگى الەۋمەتتىك قىزمەت وتەۋ جۇيەسىن اقاۋسىزداندىرىپ، الەۋمەتتىك قىزمەت وتەۋ دەڭگەيىن جوعارىلاتىپ، ونىڭ بىركەلكىلىگى مەن قامتىمىن ارتتىرىپ، بىرگە بايۋدى تىڭعىلىقتى ىلگەرىلەتۋىمىز كەرەك.
1) ٴ بولىس ٴ تۇزىمىن كەمەلدەندىرۋ. ەڭبەگىنە قاراي ٴ بولۋدى نەگىزگى تۇلعا ەتۋگە، كوپ ٴ تۇرلى ٴ بولىس ٴ تاسىلى قاتار ٴ ومىر سۇرۋگە تاباندى بولىپ، العاشقى ٴ بولىس، قايتالاي ٴ بولىس، ٴ ۇشىنشى رەتكى ٴ بولىس سايكەسكەن، كەمەلدەنگەن ٴ تۇزىم جۇيەسىن ورناتۋ. تۇرعىندار كىرىسىنىڭ حالىقتىق كىرىس بولىسىندەگى ارا سالماعىن كۇش سالا جوعارىلاتىپ، ەڭبەكاقىنىڭ العاشقى بولىستەگى ارا سالماعىن جوعارىلاتۋ. كوپ ىستەگەن كوپ الۋعا تاباندى بولىپ، قاجىرلى ەڭبەگىمەن بايۋعا ىنتالاندىرىپ، ورايدىڭ ٴ ادىل بولۋىن جەبەپ، تومەن كىرىستىلەردىڭ كىرىسىن مولايتىپ، ورتاشا كىرىستى قاۋىمنىڭ قاتارىن ۇلعايتۋ. كىرىس ٴ بولىسى ٴ تارتىبىن جۇيەگە ٴ تۇسىرىپ، بايلىق توپتاۋ مەحانيزمىن جۇيەگە ٴ تۇسىرىپ، زاڭدى كىرىستى قورعاپ، كىرىسى تىم جوعارىلاردىڭ كىرىسىن رەتتەپ، زاڭسىز كىرىستى كۇشىنەن قالدىرۋ.
2) جۇمىستاندىرۋدى الدىمەن ويلاستىرۋ ستراتەگياسىن اتقارۋ. جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىستانۋدى جەبەۋ مەحانيزمىن اقاۋسىزداندىرىپ، جوعارى ساپالى، تولىق جۇمىستانۋدى جەبەۋ. جۇمىستانۋعا الەۋمەتتىك قىزمەت وتەۋ جۇيەسىن اقاۋسىزداندىرىپ، ٴ تۇيىندى قاۋىمنىڭ جۇمىستانۋىن قولداۋ جۇيەسىن كەمەلدەندىرىپ، تۇرمىسىندا قيىنشىلىعى بار قاۋىمدى جۇمىستاندىرۋ جاعىندا ەڭ تومەنگى شەكتەن تۇسىرمەي سۇيەمەلدەۋدى كۇشەيتۋ. قالا مەن اۋىلدىڭ جۇمىستاندىرۋ ساياساتى جۇيەسىن ٴ بىرتۇتاس جوسپارلاپ، ەڭبەككۇشتەردىڭ، دارىندىلاردىڭ اۋىسۋىنا كەدەرگى بولاتىن تۇزىلىستىك جانە ساياساتتىق كىناراتتاردى الاستاپ، تەڭ جۇمىستانۋعا ىقپال جاسايتىن ۇيلەسىمسىز شەكتەمەلەر مەن جۇمىستانۋداعى كەمسىتۋشىلىكتەردى جويىپ، بارلىق ادامنىڭ قاجىرلى ەڭبەگى ارقىلى وزىندىك دامۋدى جۇزەگە اسىرۋىنا وراي جاراتۋ. عۇمىرلىق كاسىپتىك ونەرگە باۋلۋ ٴ تۇزىمىن اقاۋسىزداندىرىپ، جۇمىستاندىرۋداعى قۇرىلىمدىق قايشىلىقتى شەشۋدى ىلگەرىلەتۋ. شارۋاشىلىق قۇرۋ ارقىلى جۇمىستانۋعا باستاماشىلدىق ەتۋدى قامتاماسىزداندىرۋ ٴ تۇزىمىن كەمەلدەندىرىپ، جاڭا جۇمىستاندىرۋ فورماتسياسىن دامىتۋعا قولداۋ كورسەتۋ جانە ونى جۇيەگە ٴ تۇسىرۋ. ەڭبەك تۋرالى زاڭدار مەن زاڭدىق ەرەجەلەردى اقاۋسىزداندىرىپ، ەڭبەك قاتىناسى تۋرالى كەڭەسۋ، سايكەستىرۋ مەحانيزمىن كەمەلدەندىرىپ، ەڭبەكشىلەردىڭ ۇقىق - مۇددەسىن قامتاماسىز ەتۋ ٴ تۇزىمىن كەمەلدەندىرىپ، يكەمدى جۇمىستاندىرۋ مەن جاڭا جۇمىستاندىرۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتۋ.
3) قوعامدىق قامتاماسىزداندىرۋ جۇيەسىن اقاۋسىزداندىرۋ. جالپى حالىقتى تۇتاس قامتيتىن، قالا مەن اۋىل ٴ بىرتۇتاس جوسپارلانعان، ٴ ادىل، ٴ بىرتۇتاس، حاۋىپسىز، جۇيەلى، باياندى كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرۋ. نەگىزگى زەينەتكەرلىك قامسىزداندىرۋىن مەملەكەت بويىنشا ٴ بىرتۇتاس جوسپارلاۋ ٴ تۇزىمىن كەمەلدەندىرىپ، كوپ ساتىلى، كوپ تىرەكتىك زەينەتكەرلىك قامسىزداندىرۋ جۇيەسىن دامىتۋ. زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋدى جۇزەگە اسىرۋ. قوعامدىق قامسىزداندىرۋدىڭ قامتۋ كولەمىن كەڭەيتىپ، نەگىزگى زەينەتكەرلىك، نەگىزگى ەمدەلۋدى قامسىزداندىرۋعا قارجى توپتاۋ جانە مامىلەسىن رەتتەۋ مەحانيزمىن اقاۋسىزداندىرىپ، نەگىزگى ەمدەلۋدى قامسىزداندىرۋدى، جۇمىسسىزدىقتى قامسىزداندىرۋدى، جۇمىس ۇستىندە جارالانۋدى قامسىزداندىرۋدى ولكە دارەجەلى ٴ بىرتۇتاس جوسپارلاۋدى ىلگەرىلەتۋ. كوپ ساتىلى ەمدەلۋدى قامتاماسىز ەتۋدىڭ ٴ تارتىپتى ۇشتاسۋىن جەبەپ، سالماقتى ناۋقاستاردى قامسىزداندىرۋ جانە ەمدەۋ، قۇتقارۋ ٴ تۇزىمىن كەمەلدەندىرىپ، باسقا جەردە ەمدەلۋ ەسەبىن جابۋدى تياناقتاندىرىپ، ۇزاق ۋاقىت كۇتىمدەۋدى قامسىزداندىرۋ ٴ تۇزىمىن ورناتىپ، ساۋدالىق ەمدەلۋ قامسىزداندىرۋىن بەلسەنە دامىتۋ. قوعامدىق قامسىزداندىرۋدىڭ بۇكىل ەل بويىنشا بىرلىككە كەلگەن الەۋمەتتىك قىزمەت وتەۋ تەكشەسىن جەدەل كەمەلدەندىرۋ. قوعامدىق قامسىزداندىرۋ قورىنىڭ قۇنىن ساقتاۋ، قۇنىن ارتتىرۋ جانە حاۋىپسىزدىگىن باقىلاۋ - باسقارۋ جۇيەسىن اقاۋسىزداندىرۋ. ساتىعا، تۇرگە بولىنگەن قوعامدىق قۇتقارۋ جۇيەسىن اقاۋسىزداندىرۋ. مەملەكەتتىڭ ەر - ايەل تەڭدىگى جونىندەگى نەگىزگى ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قامتاماسىز ەتۋ. مۇگەدەكتەردى قوعامدىق قامتاماسىزداندىرۋ ٴ تۇزىمى مەن ولارعا قامقورلىق جاساۋ، قىزمەت وتەۋ جۇيەسىن كەمەلدەندىرىپ، مۇگەدەكتەر ٴ ىسىنىڭ جاپپاي دامۋىن جەبەۋ. ٴ ۇي ساۋدالاۋعا ەمەس، تۇرۋعا ارنالعان دەگەن ۇستانىمعا تاباندى بولىپ، كوپ سۋبيەكت ارقىلى ۇسىنىلاتىن، كوپ ارنامەن قامتاماسىز ەتىلەتىن، جالعا الۋ مەن ساتىپ الۋ قاتار اتقارىلاتىن تۇرعىن ٴ ۇي ٴ تۇزىمىن جەدەل ورناتۋ.
4) سالاماتتى جۇڭگو قۇرىلىسىن ىلگەرىلەتۋ. حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، حالىقتىڭ سالاماتتىعىن جەبەۋ ساياساتىن كەمەلدەندىرۋ. حالىق سانىنىڭ دامۋ ستراتەگياسىن ساپالىلاندىرىپ، تۋىتقا قولداۋ كورسەتۋ ساياساتى جۇيەسىن ورناتىپ، بالالى بولۋ، باعىپ - قاعۋ، تاربيەلەۋ وزىندىك قۇنىن تومەندەتۋ. حالىقتىڭ قارتتانۋىنا بەلسەنە توتەپ بەرۋدىڭ مەملەكەتتىك ستراتەگياسىن اتقارىپ، زەينەتكەرلىك ىستەرى مەن زەينەتكەرلىك شارۋاشىلىعىن دامىتىپ، سۇيەنىشسىز قارتتارعا قىزمەت وتەۋدى ساپالىلاندىرىپ، بارلىق قارتتىڭ نەگىزگى زەينەتكەرلىككە قىزمەت وتەۋدەن يگىلىكتەنۋىنىڭ جۇزەگە اسۋىن ىلگەرىلەتۋ. ەمدەۋ، ٴ دارى - دارمەك، دەنساۋلىق ساقتاۋ ٴ تۇزىلىسى رەفورماسىن تەرەڭدەتىپ، ەمدەلۋدى قامسىزداندىرۋ، ەمدەۋ، ٴ دارى - دارمەك ىستەرىن سايكەستى دامىتۋ مەن باسقارۋدى جەبەۋ. ساپالى ەمدەۋ بايلىعىنىڭ كولەمىن كەڭەيتۋ مەن وڭىرلىك بىركەلكى ورنالاسىمىن جەبەپ، الدىن الۋدى نەگىز ەتۋگە تاباندى بولىپ، سالماقتى سوزىلمالى اۋرۋلار جونىندەگى سالاماتتىقتى باسقارۋدى كۇشەيتىپ، نەگىزگى ساتىلاردىڭ اۋرۋدان ساقتانۋ، اۋرۋدى ەمدەۋ جانە سالاماتتىقتى باسقارۋ قۋاتىن جوعارىلاتۋ. الەۋمەتتىك يگىلىك سيپاتىن باعدار ەتكەن ۇكىمەتتىك شيپاحانالار رەفورماسىن تەرەڭدەتىپ، حالىق باسقارۋىنداۋعى شيپاحانالاردىڭ دامۋىن ارناعا ٴ تۇسىرۋ. ەمدەۋ، دەنساۋلىق ساقتاۋ قوسىنىن دامىتىپ جانە ۇلعايتىپ، قىزمەت ٴ تۇيىنىن اۋىل - قىستاقتار مەن الەۋمەتتىك اۋماقتارعا اۋدارۋ. پسيحيكالىق اقاۋسىزدىق پەن رۋحاني ساۋلىققا ٴ مان بەرۋ. جۇڭگوشا دارىگەرلىك، ٴ دارى - دارمەك ىستەرىن جالعاستىرۋدى، وندا جاڭالىق اشۋدى، دامىتۋدى جەبەۋ. ەمدەۋ قىزمەتى مەن اۋرۋدىڭ الدىن الۋ جانە ونى تىزگىندەۋ قىزمەتىن سايكەستىرۋ، ەمدەۋ قىزمەتى مەن اۋرۋدىڭ الدىن الۋ جانە ونى تىزگىندەۋ قىزمەتىن توعىستىرۋ مەحانيزمىندە جاڭالىق اشىپ، الەۋمەتتىك دەنساۋلىق ساقتاۋ جۇيەسىن اقاۋسىزداندىرىپ، اۋىر ىندەتتى ەرتە بايقاۋ قابىلەتىن جوعارىلاتىپ، اۋىر ىندەتتەن ساقتانۋ - تىزگىندەۋ جانە قۇتقارۋ - ەمدەۋ جۇيەسى مەن شۇعىل توتەپ بەرۋ قۋاتى قۇرىلىسىن كۇشەيتىپ، اۋىر جۇعىمتال اۋرۋلاردىڭ تارالۋىن ۇتىمدى تەجەۋ. سالاماتتى جۇڭگو ارەكەتى مەن وتانشىلدىق تازالىق قيمىلىن ىشكەرىلەي ورىستەتىپ، وركەنيەتتى، اقاۋسىز تۇرمىس ٴ تاسىلىن دارىپتەۋ.
