شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. شي جينپيڭ 20 - قۇرىلتايدىڭ بايانداماسىندا مىنالاردى ورتاعا قويدى: مادەنيەت جاعىندا وزىنە سەنۋدى، ٴ وزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ.
شي جينپيڭ مىنالاردى اتاپ كورسەتتى: جاپپاي سوتسياليستىك وسىزاماندانعان مەملەكەت قۇرۋدا، ٴ سوز جوق، جۇڭگوشا سوتسياليستىك مادەنيەتتى دامىتۋ جولىنا تاباندى بولىپ، مادەنيەت سەنىمىن كۇشەيتىپ، تۋدى بيىك ۇستاۋدى، حالىق تىلەگىن توعىستىرۋدى، جاڭا ادام تاربيەلەۋدى، مادەنيەتتى وركەندەتۋدى، وبرازدى ايگىلەۋدى ارقاۋ ەتە وتىرىپ، مادەنيەت جاعىندا قۇدىرەتتى سوتسياليستىك مەملەكەت قۇرىپ، وسىزاماندانۋعا بەت العان، دۇنيە جۇزىنە بەت العان، بولاشاققا بەت العان، ۇلتتىق، عىلىمي، بۇقارالىق سوتسياليستىك مادەنيەتتى دامىتىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن رۋحاني كۇشتى نىعايتۋ كەرەك.
ٴ بىز ماركسيزمنىڭ يدەولوگيا سالاسىنداعى جەتەكشىلىك ورنى سىندى ٴ تۇبىرلى تۇزىمگە تاباندى بولىپ، حالىق ٴ ۇشىن قىزمەت ىستەۋگە، سوتسياليزم ٴ ۇشىن قىزمەت ىستەۋگە تاباندى بولىپ، بارلىق گۇل شەشەك اتۋ، جالپى جارىسا ٴ ۇن قاتۋ باعىتىنا تاباندى بولىپ، جاسامپازدىق سيپاتتى بۇرىلىسقا، جاڭالىق اشا دامۋعا تاباندى بولىپ، سوتسياليستىك وزەكتى قۇن كوزقاراسىن جەتەكشى ەتىپ، سوتسياليستىك وزىق مادەنيەتتى دامىتىپ، توڭكەرىستىك مادەنيەتتى ساۋلەلەندىرىپ، جۇڭحۋانىڭ تاڭداۋلى ٴ داستۇرلى مادەنيەتىنە مۇراگەرلىك ەتىپ، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرىپ، بۇكىل پارتيانىڭ، بۇكىل ەلدەگى ٴ ار ۇلت حالقىنىڭ ىنتىماقتاسا كۇرەس جۇرگىزۋدەگى ورتاق يدەيالىق نەگىزىن بەكەمدەپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشىن نىعايتۋىمىز كەرەك.
1) قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتۋ. پارتيانىڭ يدەولوگيا قىزمەتىنە بولعان باسشىلىق ۇقىعىن مىقتاپ يگەرىپ، يدەولوگيا قىزمەتىنىڭ جاۋاپكەرشىلىك ٴ تۇزىمىن جاپپاي تياناقتاندىرىپ، جاڭا داۋىردە ەكپىندەي ىلگەرىلەۋ جونىندەگى نەگىزگى اعىمدىق يدەيالىق قوعامدىق پىكىردى بەكەمدەۋ جانە زورايتۋ. پارتيانىڭ جاڭالىق اشۋ نازارياسىمەن بۇكىل پارتيانى قارۋلاندىرىپ، حالىقتى تاربيەلەپ، امالياتقا جەتەكشىلىك ەتۋ قىزمەتى جۇيەسىن اقاۋسىزداندىرۋ. ماركسيزمدىك نازاريانى زەرتتەۋ مەن كەمەلدەندىرۋ ينجەنەرياسىن ىشكەرىلەي اتقارىپ، جۇڭگوشا فيلوسوفيالىق - قوعامدىق عىلىم ٴ پان جۇيەسىن، ٴ ىلىم جۇيەسىن، ٴ سوز بيلىگى جۇيەسىن جەدەل ورناتىپ، فيلوسوفيا - قوعامدىق عىلىم دارىندىلار قوسىنىن جەتىلدىرۋ جانە زورايتۋ. جالپىلىق مەديا تاراتىلىم جۇيەسى قۇرىلىسىن كۇشەيتىپ، نەگىزگى اعىمدىق قوعامدىق پىكىردىڭ جاڭا جاعدايىن قالىپتاستىرۋ. توراپتى جان - جاقتى باسقارۋ جۇيەسىن اقاۋسىزداندىرىپ، تاماشا توراپ ەكولوگياسىن قالىپتاستىرۋدى ىلگەرىلەتۋ.
2) سوتسياليستىك وزەكتى قۇن كوزقاراسىن امالياتتا كەڭىنەن ايگىلەۋ. پارتيا قۇرۋ ۇلى رۋحىن باستاۋ ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، قىزىل بايلىقتان ويداعىداي پايدالانىپ، سوتسياليستىك وزەكتى قۇن كوزقاراسى ۇگىت - تاربيەسىن ىشكەرىلەي ورىستەتىپ، وتانشىلدىق، كوللەكتيۆشىلدىك، سوتسياليستىك تاربيەنى تەرەڭدەتىپ، ۇلتتىڭ گۇلدەنۋى سىندى ۇلى مىندەتتى ارقالايتىن ٴ داۋىردىڭ جاڭا ۇرپاقتارىن كۇش سالا جەتىلدىرۋ. مۇرات - سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، پارتيا تاريحى، جاڭا جۇڭگو تاريحى، رەفورمالاۋ، ەسىك اشۋ تاريحى، سوتسياليزمنىڭ دامۋ تاريحى جونىندەگى ۇگىت - تاربيەنى ۇزدىكسىز مىقتى يگەرىپ، حالىقتى تاريحتى ٴ بىلىپ، پارتيانى سۇيۋگە، تاريحتى ٴ بىلىپ، وتاندى سۇيۋگە جەتەكتەپ، جۇڭگوشا سوتسياليزم ورتاق مۇراتىن ۇزدىكسىز بەكەمدەۋ.
3) بۇكىل قوعامنىڭ وركەنيەت دەڭگەيىن جوعارىلاتۋ. ازاماتتىق ٴ مورال قۇرىلىسى ينجەنەرياسىن اتقارىپ، جۇڭحۋانىڭ ٴ داستۇرلى تاماشا ٴ مورالىن ساۋلەلەندىرىپ، وتباسى، وتباسى تاربيەسى، وتباسى ستيلى قۇرىلىسىن كۇشەيتىپ، كامەلەتكە تولماعانداردىڭ يدەيا - ٴ مورال قۇرىلىسىن كۇشەيتىپ جانە جاقسارتىپ، اسقاق ٴ مورالدى ايگىلەۋدى، الەۋمەتتىك ٴ مورالدى ساقتاۋدى، جەكە ٴ مورالدى قاتايتۋدى ىلگەرىلەتىپ، حالىقتىڭ ٴ مورالدىق دەڭگەيى مەن وركەنيەت ساپاسىن جوعارىلاتۋ. وركەنيەتتى جەتىلدىرۋدى، وركەنيەتتى امالياتتا ايگىلەۋدى، وركەنيەتتى جارىققا شىعارۋدى ٴ بىرتۇتاس جوسپارلاپ ىلگەرىلەتىپ، قالا - اۋىل رۋحاني وركەنيەت قۇرىلىسىنىڭ توعىسا دامۋىن ىلگەرىلەتىپ، تۇتاس قوعامدا ەڭبەكشىلدىك رۋحىن، كۇرەسكەرلىك رۋحىن، ۇلەس قوسۋ رۋحىن، جاسامپازدىق رۋحىن، ۇنەمشىل، ۇقىپتى بولۋ رۋحىن ساۋلەلەندىرىپ، ٴ داۋىردىڭ جاڭا ستيلىن، جاڭا بەينەسىن قالىپتاستىرۋ.
4) مادەنيەت ىستەرى مەن مادەنيەت شارۋاشىلىعىن گۇلدەندىرۋ جانە دامىتۋ. حالىقتى وزەك ەتكەن جاسامپازدىق باعداردان جازباي، حالىقتىڭ رۋحاني كۇش - قۋاتىن ارتتىراتىن اناعۇرلىم كوپ تاڭداۋلى تۋىندىنى جارىققا شىعارىپ، ٴ مورالدى دا ونەرلى ادەبيەت - كوركەمونەرشىلەردەن ٴ بىر توبىن جانە زور كولەمدەگى مادەنيەت، ادەبيەت - كوركەمونەر دارىندىلارى قوسىنىن باۋلۋ، جەتىلدىرۋ. وسىزامانعى الەۋمەتتىك مادەنيەتتىك قىزمەت وتەۋ جۇيەسىن اقاۋسىزداندىرىپ، مادەنيەتتەن حالىقتى يگىلىكتەندىرۋ ينجەنەرياسىن جاڭالىق اشا اتقارۋ. وسىزامانعى مادەنيەت شارۋاشىلىعى جۇيەسى مەن بازار جۇيەسىن اقاۋسىزداندىرىپ، كەلەلى مادەنيەت شارۋاشىلىعى نىساندارى ارقىلى جەتەكتەۋ ستراتەگياسىن اتقارۋ. مادەني مۇرالار مەن مادەني مۇراعاتتاردى قورعاۋ تەبىنىن ارتتىرىپ، قالا - اۋىل قۇرىلىسىندا تاريحي مادەنيەتتى قورعاۋدى، وعان مۇراگەرلىك ەتۋدى كۇشەيتىپ، مەملەكەتتىك مادەنيەت باقشالارىن ويداعىداي سالۋ جانە ودان ويداعىداي پايدالانۋ. جاستار مەن جاسوسپىرىمدەردىڭ دەنە تاربيە قىزمەتىن كۇشەيتىپ، بۇقارالىق دەنە تاربيە مەن باسەكەلىك سپورتتىڭ جاپپاي دامۋىن جەبەپ، دەنە تاربيە جاعىندا قۇدىرەتتى مەملەكەت قۇرۋدى جەدەلدەتۋ.
5) جۇڭحۋا وركەنيەتىن تاراتۋ قۋاتىن، ىقپال كۇشىن نىعايتۋ. جۇڭحۋا مادەنيەتى تۇرعىسىنا تاباندى بولىپ، جۇڭحۋا وركەنيەتىنىڭ رۋحاني بەلگىسى مەن مادەنيەت جاۋھارىن سۇرىپتاپ، ايگىلەپ، جۇڭگونىڭ ٴ سوز بيلىگى جۇيەسى مەن جۇڭگونىڭ بايانداۋ جۇيەسىن جەدەل ورناتىپ، جۇڭگو حيكاياسىن ويداعىداي بايانداپ، جۇڭگو ٴ ۇنىن جاقسى تاراتىپ، سەنىمدى، ۇنامدى، قۇرمەتتى جۇڭگو وبرازىن ايگىلەۋ. حالىقارالىق تاراتۋ قۋاتى قۇرىلىسىن كۇشەيتىپ، حالىقارالىق تاراتۋ ونىمدىلىگىن جاپپاي جوعارىلاتىپ، ەلىمىزدىڭ كەشەندى قۋاتىنا جانە حالىقارالىق ورنىنا ساي كەلەتىن حالىقارالىق ٴ سوز بيلىگىن قالىپتاستىرۋ. وركەنيەتتەردىڭ اۋىس - ٴ تۇيىسىن، ٴ وزارا ۇلگى الۋىن تەرەڭدەتىپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىنا دەم بەرۋ.
