شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. شي جينپيڭ 20 - قۇرىلتايدىڭ بايانداماسىندا مىنالاردى ورتاعا قويدى: جالپى بارىستىق حالىق دەموكراتياسى − سوتسياليستىك دەموكراتيالىق ساياسيدىڭ ماندىك قاسيەتى، ەڭ كەڭ، ەڭ شىنايى، ەڭ جارامدى دەموكراتيا. جۇڭگوشا سوتسياليستىك ساياسي دامۋ جولىمەن، ٴ سوز جوق، اۋىتقىماي ٴ جۇرىپ، پارتيا باسشىلىعىنىڭ، حالىقتىڭ وزىنە - ٴ وزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋ.
ول مىنالاردى باسا دارىپتەدى: ٴ بىز حالىقتىڭ وزىنە - ٴ وزى قوجايىن بولۋ ٴ تۇزىمى جۇيەسىن اقاۋسىزداندىرىپ، حالىقتىڭ ساياسيعا تارتىپپەن ارالاسۋىن كەڭەيتىپ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق كەڭەسۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرىپ، جاندى دا جالىندى، تىنىش تا ىنتىماقتى ساياسي جاعدايدى بەكەمدەۋىمىز جانە دامىتۋىمىز كەرەك.
1) حالىقتىڭ وزىنە - ٴ وزى قوجايىن بولۋ ٴ تۇزىمىن قامتاماسىز ەتۋدى كۇشەيتۋ. دەموكراتيا ارناسىن كەڭەيتىپ، دەموكراتيا فورماسىن بايىتىپ، حالىقتىڭ ٴ تۇرلى جولمەن جانە فورمامەن زاڭ بويىنشا مەملەكەت ىستەرىن باسقارۋىنا، ەكونوميكا جانە مادەنيەت ىستەرىن باسقارۋىنا، قوعامدىق ىستەردى باسقارۋىنا شىنايى كەپىلدىك ەتۋ. حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداپ جانە وعان كەپىلدىك ەتىپ، حالىقتىڭ اڭىسىن قابىلداپ، حالىقتىڭ اقىل - پاراساتىن شوعىرلاندىرۋ قىزمەت مەحانيزمىن اقاۋسىزداندىرىپ، نەگىزگى ساتىداعى زاڭ شىعارۋ بايلانىس تۇيىندەرىن ويداعىداي قۇرۋ. جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمداردىڭ رەفورماسىن جانە قۇرىلىسىن تەرەڭدەتىپ، كوپىرلىك، دانەكەرلىك رولىن ٴ ونىمدى ساۋلەلەندىرۋ. جۇڭگونىڭ ادامدىق ۇقىق دامۋ جولىمەن جۇرۋگە تاباندى بولىپ، الەمدىك ادامدىق ۇقىق باسقارۋعا بەلسەنە ارالاسىپ، ادامدىق ۇقىق ىستەرىنىڭ جاپپاي دامۋىن ىلگەرىلەتۋ.
2) ٴ ماسليحاتتىق دەموكراتيانى جاپپاي دامىتۋ. ساياسي پارتيالار كەڭەسىن، حالىق قۇرىلتايى كەڭەسىن، ۇكىمەت كەڭەسىن، ساياسي كەڭەستى، حالىقتىق توپتار كەڭەسىن، نەگىزگى ساتى كەڭەسىن، سونداي - اق قوعامدىق ۇيىمدار كەڭەسىن ٴ بىرتۇتاس جوسپارلاپ ىلگەرىلەتىپ، تۇزىمدەنگەن ٴ تۇرلى كەڭەس تەكشەسىن اقاۋسىزداندىرىپ، ٴ ماسليحاتتىق دەموكراتيانىڭ كەڭ كولەمدى، كوپ ساتىلى، تۇزىمدەنە دامۋىن ىلگەرىلەتۋ. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، حالىق ساياسي كەڭەسىنىڭ دەموكراتيالىق باقىلاۋ جانە مۇشەلەردىڭ سالالار بويىنشا بۇقارامەن بايلانىس جاساۋ ٴ تۇزىمى مەحانيزمىن كەمەلدەندىرۋ.
3) نەگىزگى ساتى دەموكراتياسىن بەلسەنە دامىتۋ. نەگىزگى ساتىنىڭ تىكەلەي دەموكراتيالىق ٴ تۇزىمى جۇيەسى مەن قىزمەت جۇيەسىن كەمەلدەندىرۋ. ٴ ىستى جاريا ىستەۋ ٴ تۇزىمىن كەمەلدەندىرىپ، نەگىزگى ساتىداعى ٴ تۇرلى قاۋىمنىڭ نەگىزگى ساتىنى باسقارۋعا تارتىپپەن ات سالىسۋ ارناسىن كەڭەيتىپ، حالىقتىڭ نەگىزگى ساتىنىڭ الەۋمەتتىك ىستەرى مەن الەۋمەتتىك يگىلىك ىستەرىن زاڭ بويىنشا باسقارۋىن قامتاماسىز ەتۋ. كاسىپورىن، ٴ ىسورىنداردىڭ جۇمىسشى - قىزمەتكەرلەر قۇرىلتايىن نەگىزگى فورما ەتكەن دەموكراتيالىق باسقارۋ ٴ تۇزىمىن اقاۋسىزداندىرىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن قورعاۋ.
4) ەڭ كەڭ وتانشىلدىق بىرلىكساپتى بەكەمدەۋ جانە دامىتۋ. زور بىرلىكساپ قىزمەتى جۇيەسىن كەمەلدەندىرىپ، ۇلى ىنتىماققا، زور بىرلەسۋگە تاباندى بولىپ، بارشا جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ارقاۋ ەتىپ، بىرگە وي جۇگىرتۋگە، بىرگە جۇمىس ىستەۋگە جۇمىلدىرۋ. ەلىمىزدىڭ سوتسياليستىك جاڭاشا ساياسي پارتيا ٴ تۇزىمى ابزالدىلىعىن ساۋلەلەندىرىپ، دەموكراتيالىق پارتيا - توپتارمەن جانە پارتيا - توپتا جوق قايراتكەرلەرمەن ىنتىماقتاستىقتى، سەلبەستىكتى كۇشەيتۋ. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، پارتيانىڭ ۇلت قىزمەتىن كۇشەيتۋ جانە جاقسارتۋ. ەلىمىزدەگى دىندەردى جۇڭگوشالاندىرۋ باعىتىنا تاباندى بولىپ، ٴ دىندى سوتسياليستىك قوعامعا ۇيلەسۋگە بەلسەنە جەتەلەۋ. جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەردىڭ اقاۋسىز جەتىلۋىن جەبەۋ. چياۋمين ىستەرى قىزمەتىن كۇشەيتىپ جانە جاقسارتىپ، ۇلتتىڭ گۇلدەنۋىنە بىرگە كۇش سالاتىن قۇدىرەتتى كۇش قالىپتاستىرۋ.
