شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. شي جينپيڭ 20 - قۇرىلتايدىڭ بايانداماسىندا مىنالاردى ورتاعا قويدى: جاڭا دامۋ ۇستانىمىن، ٴ سوز جوق، تولىق، ٴ دال، جالپى بەتتىك دايەكتىلەندىرىپ، سوتسياليستىك بازار ەكونوميكاسىنىڭ رەفورما بەتالىسىنان جازباي، جوعارى دەڭگەيدەگى سىرتقا ەسىك اشۋعا تاباندى بولىپ، ىشكى ۇلكەن اينالىمدى نەگىزگى تۇلعا ەتكەن، ەل ٴ ىشى جانە حالىقارا سىندى قوس اينالىم ٴ بىرىن - ٴ بىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك.
شي جينپيڭ مىنالاردى باسا دارىپتەدى: ٴ بىز جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋگە تاباندى بولىپ، ىشكى سۇرانىمدى ۇلعايتۋ ستراتەگياسىن اتقارۋدى ۇسىنىم جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ىشكى ۇلكەن اينالىمنىڭ ىشكى قوزعاۋشى كۇشى مەن سەنىمدىلىگىن ارتتىرىپ، حالىقارالىق اينالىمنىڭ ساپاسى مەن دەڭگەيىن جوعارىلاتىپ، وسىزاماندانعان ەكونوميكالىق جۇيەنى جەدەل ورناتىپ، تولىق فاكتورلى ٴ وندىرىس ونىمدىلىگىن كۇش سالا ارتتىرىپ، شارۋاشىلىق تىزبەگىنىڭ، ۇسىنىم تىزبەگىنىڭ سەرپىمدىلىك جانە حاۋىپسىزدىك دەڭگەيىن كۇش سالا جوعارىلاتىپ، قالا مەن اۋىلدىڭ توعىسا دامۋى مەن وڭىرلىك سايكەسە دامۋىن كۇش سالا ىلگەرىلەتىپ، ەكونوميكانىڭ ساپاسىنىڭ ٴ ونىمدى جوعارىلاۋىن جانە مولشەرىنىڭ ۇيلەسىمدى ارتۋىن جۇزەگە اسىرۋدى ىلگەرىلەتۋىمىز كەرەك.
1) جوعارى دەڭگەيدەگى سوتسياليستىك بازار ەكونوميكاسى ٴ تۇزىلىسىن ورناتۋ. سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداۋ كورسەتىپ، جەتەكشىلىك ەتىپ، بازاردىڭ بايلىقتى ىڭعايلاۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ.
2) وسىزاماندانعان شارۋاشىلىق جۇيەسىن ورناتۋ. ەكونوميكانى دامىتۋدىڭ كۇش سالۋ ٴ تۇيىنىن تۇلعالىق شارۋاشىلىققا قويۋعا تاباندى بولىپ، جاڭاشا ونەركاسىپتەندىرۋدى ىلگەرىلەتىپ، جاساۋ كاسىبى جاعىندا قۇدىرەتتى مەملەكەت قۇرۋدى، ساپا جاعىندا قۇدىرەتتى مەملەكەت قۇرۋدى، عارىشكەرلىك جاعىندا قۇدىرەتتى مەملەكەت قۇرۋدى، قاتىناس جاعىندا قۇدىرەتتى مەملەكەت قۇرۋدى، توراپ جاعىندا قۇدىرەتتى مەملەكەت قۇرۋدى، سيفرلى جۇڭگو قۇرۋدى جەدەلدەتۋ.
3) اۋىل - قىستاقتى كوركەيتۋدى جاپپاي ىلگەرىلەتۋ. اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، قالا مەن اۋىلدى توعىستىرا دامىتۋعا تاباندى بولىپ، قالا - اۋىل نەگىزگى فاكتورلارىنىڭ اۋىسۋىن ىركىلىسسىزدەندىرۋ. اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتۋ. استىق حاۋىپسىزدىگىنىڭ نەگىزىن جان - جاقتى بەكەمدەپ، ٴ بىر ميلليارد 800 ميلليون مۋ ەگىستىك جەر قىزىل سىزىعىن بەرىك ساقتاپ، اۋىل - قىستاق جەر ٴ تۇزىمى رەفورماسى تەرەڭدەتىپ، ديقاندارعا اناعۇرلىم تولىق مال - مۇلىك ۇقىق - مۇددەسىن بەرۋ. قالاعا كىرىپ قونىستانعان ديقانداردىڭ جەر جونىندەگى زاڭدى ۇقىق - مۇددەسىن قامتاماسىز ەتىپ، زاڭ بويىنشا ٴ وز ەركىمەن، اقىلى وتكەرمەلەۋىنە دەم بەرۋ.
4) وڭىرلىك سايكەستى دامۋدى جەبەۋ. وڭىرلىك سايكەستى دامۋ ستراتەگياسىن، وڭىرلىك كەلەلى ستراتەگيانى، نەگىزگى تۇلعالىق فۋنكتسيالىق ٴ وڭىر ستراتەگياسىن، جاڭاشا قالا-قالاشىقتاندىرۋ ستراتەگياسىن ىشكەرىلەي اتقارىپ، ماڭىزدى وندىرگىش كۇشتەردىڭ ورنالاسىمىن ساپالىلاندىرىپ، ٴ بىرىنىڭ ارتىقشىلىعىمەن ٴ بىرىن تولىقتايتىن، جوعارى ساپالى داميتىن وڭىرلىك ەكونوميكالىق ورنالاسىم مەن مەملەكەت جەر-كەڭىستىك جۇيەسىن ورناتۋ.
5) جوعارى دەڭگەيدەگى سىرتقا ەسىك اشۋدى ىلگەرىلەتۋ. ەرەجە، ەرەجە - ٴ تۇزىم، باسقارۋ، ولشەم سياقتى جاقتارداعى تۇزىمدىك ەسىك اشۋدى ورنىقتى كەڭەيتۋ. ساۋدا جاعىندا قۇدىرەتتى مەملەكەت قۇرۋدى جەدەلدەتۋ. بازارلانعان، زاڭمەن باسقارىلاتىن، حالىقارالانعان بىرەگەي تيجارات - ساۋدا ورتاسىن قالىپتاستىرۋ. ”ٴ بىر بەلدەۋ، ٴ بىر جولدى“ بىرگە گۇلدەندىرۋدىڭ جوعارى ساپالى دامۋىن ىلگەرىلەتۋ. حالىق اقشاسىنىڭ حالىقارالانۋىن تارتىپپەن ىلگەرىلەتۋ. الەمدىك شارۋاشىلىق جۇمىس ٴ بولىسى مەن سەلبەستىگىنە ىشكەرىلەي ات سالىسىپ، كوپ نەگىزدى، ورنىقتى حالىقارالىق ەكونوميكالىق جاعداي مەن ەكونوميكا - ساۋدا قاتىناسىن ساقتاۋ.
