شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. شي جينپيڭ 20 - قۇرىلتايدىڭ بايانداماسىندا مىنالاردى باسا دارىپتەدى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ٴ ار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.
شي جينپيڭ باياندامادا مىنالاردى اتاپ كورسەتتى: جاڭا جۇڭگو قۇرىلعاننان، وتە-موتە، رەفورمالاۋ، ەسىك اشۋدان بەرى ۇزاق ۋاقىتتىق ىزدەنۋ جانە امالياتتان وتكىزۋ نەگىزىندە، پارتيا 18 - قۇرىلتايىنان بەرى نازاريا مەن اماليات جاعىندا جاڭالىق اشۋ، تابىسقا جەتۋ ارقىلى پارتيامىز جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى.
جۇڭگو ۇلگىسىندەگى وسىزاماندانۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزاماندانۋ، وندا ٴ ار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ٴ وز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك تە بار.
− جۇڭگو ۇلگىسىندەگى وسىزاماندانۋ ‐ حالىق سانى وراسان زور كولەمدەگى وسىزاماندانۋ.
− جۇڭگو ۇلگىسىندەگى وسىزاماندانۋ ‐ جالپى حالىق بىرگە باييتىن وسىزاماندانۋ.
− جۇڭگو ۇلگىسىندەگى وسىزاماندانۋ ‐ ماتەريالدىق وركەنيەت پەن رۋحاني وركەنيەتتى ٴ وزارا سايكەستىرەتىن وسىزاماندانۋ.
− جۇڭگو ۇلگىسىندەگى وسىزاماندانۋ ‐ ادام مەن تابيعات جاراسىمدى قاتار ٴ ومىر سۇرەتىن وسىزاماندانۋ.
− جۇڭگو ۇلگىسىندەگى وسىزاماندانۋ ‐ بەيبىت دامۋ جولىمەن جۇرەتىن وسىزاماندانۋ.
شي جينپيڭ مىنالاردى اتاپ كورسەتتى: جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزمگە تاباندى بولۋ، جوعارى ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني الەمىن بايىتۋ، جالپى حالىقتىڭ بىرگە بايۋىن جۇزەگە اسىرۋ، ادام مەن تابيعاتتىڭ جاراسىمدى قاتار ٴ ومىر ٴ سۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ.
شي جينپيڭ باياندامادا مىنالاردى اتاپ كورسەتتى: ەلىمىز دامۋىنىڭ 2035 - جىلعا بارعانداعى جالپى تۇلعالىق نىساناسى: ەكونوميكالىق قۋاتتى، عىلىم-تەحنيكالىق قۋاتتى، مەملەكەتتىڭ كەشەندى قۋاتىن بارىنشا كۇشەيتىپ، جان باسىندىق ىشكى ٴ وندىرىستىڭ جالپى قۇنىن تىڭ دا جوعارى ساتىعا كوتەرىپ، ورتاشا دامىعان ەلدەردىڭ دەڭگەيىنە جەتۋ؛ جوعارى دەڭگەيلى عىلىم-تەحنيكادا ٴ وز كۇشىنە سۇيەنۋ، ٴ وزىن الۋەتتەندىرۋدى جۇزەگە اسىرىپ، جاڭاشىل ەلدەردىڭ الدىڭعى قاتارىنا ٴوتۋ؛ وسىزاماندانعان ەكونوميكالىق جۇيەنى ورناتىپ، جاڭا دامۋ جاعدايىن قالىپتاستىرىپ، جاڭاشا ونەركاسىپتەنۋ، ينفورماتسيالانۋ، قالا-قالاشىقتانۋ، اۋىل شارۋاشىلىعىنىڭ وسىزاماندانۋىن نەگىزىنەن جۇزەگە اسىرۋ؛ مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، جالپى بارىستىق حالىق دەموكراتياسى ٴ تۇزىمىن اناعۇرلىم كەمەلدەندىرىپ، زاڭمەن باسقارىلاتىن مەملەكەتتى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى نەگىزىنەن قۇرىپ شىعۋ؛ وقۋ-اعارتۋ جاعىنداعى قۇدىرەتتى مەملەكەتتى، عىلىم-تەحنيكا جاعىنداعى قۇدىرەتتى مەملەكەتتى، دارىندىلار جاعىنداعى قۇدىرەتتى مەملەكەتتى، مادەنيەت جاعىنداعى قۇدىرەتتى مەملەكەتتى، دەنە تاربيە جاعىنداعى قۇدىرەتتى مەملەكەتتى، سالاماتتى جۇڭگونى قۇرىپ شىعىپ، مەملەكەتتىڭ مادەنيەت جۇمساق كۇشىن كورنەكتى نىعايتۋ؛ حالىقتى اناعۇرلىم باقىتتى، تاماشا تۇرمىسقا كەنەلتىپ، تۇرعىنداردىڭ جان باسىندىق مەڭگەرۋىندەگى ورتاشا كىرىسىن تاعى دا تىڭ ساتىعا كوتەرىپ، ورتاشا كىرىستەگى قاۋىمنىڭ سالىستىرماسىن كورنەكتى جوعارىلاتىپ، نەگىزگى الەۋمەتتىك قىزمەت وتەۋدىڭ بىركەلكىلىگىن جۇزەگە اسىرىپ، اۋىل-قىستاقتا وسىزامانعى تۇرمىس شارت-جاعدايىن نەگىزىنەن ازىرلەپ، قوعامنىڭ ۇزاق ۋاقىت ورنىقتىلىعىن ساقتاپ، ادامنىڭ جان-جاقتى جەتىلۋى، جالپى حالىقتىڭ بىرگە بايۋى جاعىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ؛ جاسىل ٴ وندىرىس، تۇرمىس ٴ تاسىلىن كەڭ كولەمدە قالىپتاستىرىپ، كومىر قىشقىل گازىن شىعارۋ مولشەرىن بەلگىلەنگەن وركەش مانىنە جەتكەننەن كەيىن ورنىقتىلىق بارىسىندا تومەندەتىپ، ەكولوگيالىق ورتانى تۇبىرىنەن جاقسارتىپ، كورىكتى جۇڭگو نىساناسىن نەگىزىنەن جۇزەگە اسىرۋ؛ مەملەكەت حاۋىپسىزدىگى جۇيەسى مەن قابىلەتىن جاپپاي كۇشەيتىپ، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋ.
الداعى بەس جىل جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل.
شي جينپيڭ باياندامادا مىنالاردى اتاپ كورسەتتى: ەلىمىزدىڭ دامۋى ستراتەگيالىق وراي مەن حاۋىپ-قاتەر، سىن-سايىستار قاتار ٴ ومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى، ٴ تۇرلى ”قاراقۋ“، ”سۇرى ٴ مۇيىزتۇمسىق“ ۋاقيعالارى كەز كەلگەن ۋاقىتتا تۋىلۋى مۇمكىن. ٴ بىز، ٴ سوز جوق، تاۋقىمەت تانىمىن كۇشەيتىپ، سوڭعى شەكتىك وي جۇگىرتۋگە تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، اساۋ تولقىنداردىڭ، ٴ تىپتى، داۋىلدى تولقىنداردىڭ اۋىر سىناعىنان وتۋگە ٴ ازىر تۇرۋىمىز كەرەك. العا باسۋ جولىندا مىناداي كەلەلى پرينسيپتەردى، ٴ سوز جوق، مىقتى يگەرۋىمىز كەرەك.
− پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ. پارتيا ورتالىق كوميتەتىنىڭ بەدەلى مەن ورتالىقتانعان ٴ بىرتۇتاس باسشىلىعىن باتىل قورعاپ، پارتيا باسشىلىعىن پارتيا مەن مەملەكەت ىستەرىنىڭ ٴ ارقايسى سالاسىندا، ٴ ارقايسى جاعىندا، ٴ ارقايسى بۋىنىندا تياناقتاندىرىپ، پارتيانى باستان-اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالدىرۋ.
− جۇڭگوشا سوتسياليزم جولىنا تاباندى بولۋ. تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا ٴ وز كۇشىمىزدى تياناق ەتۋگە تاباندى بولىپ، جۇڭگونىڭ دامۋ، العا باسۋ تاعدىرىن ٴ وز قولىمىزدا مىقتاپ ۇستاۋعا تاباندى بولۋ.
− حالىقتى وزەك ەتكەن دامۋ يدەياسىنا تاباندى بولۋ. حالىق ٴ ۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى تەڭ يگىلىكتەندىرۋدى ۇزدىكسىز جۇزەگە اسىرىپ، جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ٴ ادىل يگىلىكتەندىرۋ.
− رەفورمالاۋ، ەسىك اشۋدى تەرەڭدەتۋگە تاباندى بولۋ. جۇڭگوشا سوتسياليستىك ٴ تۇزىمنىڭ ابزالدىلىعىن ۇزدىكسىز ايگىلەپ، سوتسياليستىك وسىزامانداندىرۋ قۇرىلىسىنىڭ قوزعاۋشى كۇشى مەن ومىرشەڭدىگىن ۇزدىكسىز نىعايتىپ، ەلىمىزدىڭ ٴ تۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋ.
− كۇرەسكەرلىك رۋحتى ساۋلەلەندىرۋگە تاباندى بولۋ. بۇكىل پارتيانىڭ، بۇكىل ەلدەگى ٴ ار ۇلت حالقىنىڭ جىگەرىن، نامىسىن، قايراتىن نىعايتىپ، زۇلىم كۇشكە سەنبەي، سۇرقيا كۇشتەن قورىقپاي، قىسىمنان جاسقانباي، قيىندىقتارعا قارسى اتتانىپ، قيىنشىلىقتاردان تايسالماي، دامۋ مەن حاۋىپسىزدىكتى ٴ بىرتۇتاس ەسكەرىپ، العا باسۋ جولىنداعى ٴ تۇرلى قيىنشىلىق پەن سىن-سايىستى كۇش سالا جەڭىپ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا تىڭ ٴ ورىس اشۋ.
