شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. شي جينپيڭ 20 - قۇرىلتاي بايانداماسىندا مىنالاردى باسا دارىپتەدى: ماركسيزمنىڭ جۇڭگوشالانۋىنىڭ، زامانالانۋىنىڭ تىڭ داستانىن ۇزدىكسىز جازۋ − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى.
ول بىلاي دەدى: اماليات بىزگە جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا ەكەندىگىن ۇعىندىردى. ماركسيزمدىك عىلىمي نازاريانىڭ جەتەكشىلىگىنە يە بولۋ ‐ پارتيامىزدىڭ سەنىمدى، ۇستانىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ٴ تۇبىرلى تياناعى.
شي جينپيڭ باياندامادا مىنالاردى اتاپ كورسەتتى: پارتيا 18 - قۇرىلتايىنان بەرى، ىشكى - سىرتقى جاعدايداعى جاڭا وزگەرىستەر مەن جاڭا امالياتتىق تالاپتار ٴ بىزدىڭ پارتيا مەن مەملەكەت ىستەرىنىڭ دامۋىنا، پارتيانىڭ ەل باسقارۋىنا قاتىستى ٴ بىرقىدىرۋ كەلەلى داۋىرلىك تاقىرىپقا نازاريا مەن امالياتتى ۇشتاستىرۋ تۇرعىسىنان ىشكەرىلەي جاۋاپ بەرۋىمىزدى شۇعىل قاجەت ەتتى. پارتيامىز نازاريالىق ىزدەنىس جاساۋعا جانە وندا جاڭالىق اشۋعا باتىل بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن جاڭاشا كوز ايامەن تەرەڭدەتىپ، كەلەلى نازاريالىق جاڭا جەتىستىكتەرگە قول جەتكىزىپ، ونى جاڭا ٴ داۋىر جۇڭگوشا سوتسياليزم يدەياسىندا شوعىرلى بەينەلەدى. پارتيا 19 - قۇرىلتايىندا، پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە ورتاعا قويىلعان ”وندى ايقىنداۋ“، ”ون تورتكە تاباندى بولۋ“، ”ون ٴ ۇش جاقتاعى تابىس“ وسى يدەيانىڭ باستى مازمۇندارىن جيناقتادى، وعان، ٴ سوز جوق، ۇزاق ۋاقىت تاباندى بولۋ ٴ ارى ونى ۇزدىكسىز بايىتۋ، دامىتۋ كەرەك.
ماركسيزمگە تاباندى بولۋدى جانە ونى دامىتۋدى، ٴ سوز جوق، جۇڭگونىڭ ناقتى ٴ ىس جۇزىندىگىمەن ۇشتاستىرۋ كەرەك. بارلىق ىستە ٴ ىس جۇزىندىكتى شىعار ٴ تۇيىن ەتىپ، جاڭا داۋىردەگى رەفورمالاۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ٴ ىس جۇزىندىك ماسەلەلەرىن شەشۋدى كوزدە ۇستاپ، جۇڭگونىڭ سۇراعىنا، دۇنيە ٴ جۇزىنىڭ سۇراعىنا، حالىقتىڭ سۇراعىنا، ٴ داۋىردىڭ سۇراعىنا ۇزبەي جاۋاپ بەرىپ، جۇڭگونىڭ ٴ ىس جۇزىندىگىنە جانە ٴ داۋىر تالابىنا ۇيلەسىمدى دۇرىس جاۋاپ بەرىپ، وبيەكتيۆ زاڭدىلىققا ۇيلەسەتىن عىلىمي تانىم ورناتىپ، داۋىرمەن بىرگە العا باساتىن نازاريالىق جەتىستىكتەردى قالىپتاستىرىپ، جۇڭگونىڭ امالياتىنا اناعۇرلىم ويداعىداي جەتەكشىلىك ەتۋىمىز كەرەك.
ماركسيزمگە تاباندى بولۋدى جانە ونى دامىتۋدى، ٴ سوز جوق، جۇڭحۋانىڭ تاڭداۋلى ٴ داستۇرلى مادەنيەتىمەن ۇشتاستىرۋ كەرەك. تەك ٴ وز وتانىنىڭ، ٴ وز ۇلتىنىڭ تاريحي مادەنيەتىنىڭ قۇنارلى القابىنا تەرەڭ تامىر تارتقاندا عانا، ماركسيزمدىك اقيقاتتىڭ الىپ بايتەرەگى تەرەڭگە تامىر تارتىپ، جاپىراق جايادى. تاريح سەنىمىن، مادەنيەت سەنىمىن، ٴ سوز جوق، بەكەمدەپ، ەرتەدەگىنى بۇگىنگىگە پايدالانۋعا، كونەنى تاستاپ، جاڭانى جارىققا شىعارۋعا تاباندى بولىپ، ماركسيزم يدەياسىنىڭ جاۋھارىن جۇڭحۋانىڭ تاڭداۋلى ٴ داستۇرلى مادەنيەتىنىڭ جاۋھارىمەن ۇشتاستىرىپ، حالىق بۇقاراسىنىڭ كۇندەلىكتى تۇرمىستا قولدانعانىمەن سەزىنە بەرمەيتىن ورتاق قۇن كوزقاراسىمەن توعىستىرىپ، عىلىمي نازارياعا ۇزدىكسىز ايقىن جۇڭگوشا ەرەكشەلىك ۇستەپ، ماركسيزمنىڭ جۇڭگوشالانۋىنىڭ، زامانالانۋىنىڭ تاريحي نەگىزى مەن بۇقارالىق نەگىزىن ۇزدىكسىز بەكەمدەپ، ماركسيزمدى جۇڭگودا مىقتاپ تامىر تارتتىرۋىمىز كەرەك.
شي جينپيڭ مىنالاردى باسا دارىپتەدى: ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋ − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى. اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، جاڭا ٴ داۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋ جانە ودان ويداعىداي پايدالانۋ كەرەك.
− حالىقتى بارىنەن جوعارى قويۋعا، ٴ سوز جوق، تاباندى بولۋ كەرەك. حالىقتان قول ۇزگەن نازاريا اتاۋلىنىڭ ٴ بارى قاۋقارسىز، حالىق ٴ ۇشىن باقىت جاراتپاعان نازاريا اتاۋلىنىڭ بارىندە ومىرشەڭدىك بولمايدى. ٴ بىز حالىقتىق تۇرعىدا بەرىك تۇرىپ، حالىقتىڭ تىلەگىن يگەرىپ، حالىقتىڭ جاسامپازدىعىنا قۇرمەت ەتىپ، حالىقتىڭ اقىل - پاراساتىن شوعىرلاندىرىپ، حالىق ۇناتاتىن، مويىندايتىن، قولداناتىن نازاريانى قالىپتاستىرۋىمىز كەرەك.
− سەنىمدى، دەربەس بولۋعا، ٴ سوز جوق، تاباندى بولۋ كەرەك. جۇڭگو حالقى مەن جۇڭحۋا ۇلتى تاياۋ زاماننان كەيىنگى اۋىر ازاپتى كۇندەردەن ۇلى گۇلدەنۋدىڭ نۇرلى بولاشاعىنا قادام تاستادى، ول جونىندە ەشقاشان وقۋلىق بولعان ەمەس، دايىن جاۋاپ ٴ تىپتى دە بولعان جوق. پارتيانىڭ 100 جىلدىق كۇرەسىنىڭ تابىستى جولىن پارتيا حالىققا باسشىلىق ەتىپ، دەربەس، وزىنە - ٴ وزى قوجايىن بولا وتىرىپ ىزدەنۋ ارقىلى اشقان، ماركسيزمنىڭ جۇڭگو تاراۋىن جۇڭگو كوممۋنيستەرى ٴ وز كۇشىنە سۇيەنىپ امالياتتان وتكىزگەن، وعان سىڭىرىلگەن ٴ بىر نەگىزگى ٴ تۇيىن ‐ جۇڭگونىڭ ماسەلەسىن، ٴ سوز جوق، جۇڭگونىڭ نەگىزگى مەملەكەت جاعدايىن نەگىز ەتە وتىرىپ، جۇڭگولىقتاردىڭ ٴ وزى شەشۋى كەرەك.
− ٴ تۇبىرلى پرينسيپتەن اينىماي، جاڭالىق اشۋعا، ٴ سوز جوق، تاباندى بولۋ كەرەك. ٴ بىز عىلىمعا عىلىمي پوزيتسيامەن قاراپ، اقيقاتقا اقيقاتشىل رۋحپەن تالپىنىپ، جاڭا دۇنيە اتاۋلىعا قىزۋ ىنتامەن مامىلە جاساپ، تانىمدى ۇزدىكسىز ٴ ورىس اشا كەڭەيتىپ جانە تەرەڭدەتىپ، بۇرىنعىلار ايتىپ كورمەگەن جاڭا سوزدەردى ايتۋعا باتىل بولىپ، بۇرىنعىلار ىستەپ كورمەگەن ىستەردى ىستەۋگە باتىل بولىپ، جاڭا نازاريا ارقىلى جاڭا امالياتقا جەتەكشىلىك ەتۋىمىز كەرەك.
− ماسەلەنى باعدار ەتۋگە، ٴ سوز جوق، تاباندى بولۋ كەرەك. نازاردى اماليات بارىسىندا كەزدەسكەن جاڭا ماسەلەلەرگە، رەفورما، دامۋ، ورنىقتىلىق بارىسىندا ساقتالىپ وتىرعان تەرەڭ قاتپارلى ماسەلەلەرگە، حالىق بۇقاراسىنىڭ شۇعىل، قيىن، الاڭداۋلى، ٴ زارۋ ماسەلەلەرىنە، حالىقارالىق وزگەرىس بارىسىنداعى ٴ ىرى ماسەلەلەرگە، پارتيا قۇرىلىسىندا ٴ دوپ كەلگەن كورنەكتى ماسەلەلەرگە شوعىرلاندىرىپ، ماسەلەنى شىنايى شەشەتىن جاڭا ۇستانىمدى، جاڭا يدەيانى، جاڭا ٴ ادىستى ۇزدىكسىز العا قويۋىمىز كەرەك.
− جۇيە كوزقاراسىنا، ٴ سوز جوق، تاباندى بولۋ كەرەك. ستراتەگيالىق وي جۇگىرتۋ، تاريحي وي جۇگىرتۋ، ديالەكتيكالىق وي جۇگىرتۋ، جۇيەلىك وي جۇگىرتۋ، جاڭالىق اشا وي جۇگىرتۋ، زاڭدىق وي جۇگىرتۋ، سوڭعى شەكتىك وي جۇگىرتۋ قابىلەتىن ۇزدىكسىز جوعارىلاتىپ، پارتيا مەن مەملەكەتتىڭ ٴ تۇرلى ىستەرىن كورەگەندىكپەن وي ەلەگىنەن وتكىزۋگە، جالپى جاعدايلىق تۇرعىدان جوسپارلاۋعا، تۇتاس تۇلعالىق جاقتان ىلگەرىلەتۋگە عىلىمي يدەيالىق ٴ ادىس ازىرلەۋىمىز كەرەك.
− دۇنيەگە كەڭ پەيىل بولۋعا، ٴ سوز جوق، تاباندى بولۋ كەرەك. ٴ بىز الەمدىك كوز ايامىزدى كەڭەيتىپ، ادامزاتتىڭ دامۋ، العا باسۋ اۋقىمىنا كورەگەندىكپەن كوز جەتكىزىپ، ٴ ار ەل حالقى جاپپاي كوڭىل ٴ بولىپ وتىرعان ماسەلەلەرگە بەلسەنە جاۋاپ قايتارىپ، ادامزات ٴ دوپ كەلگەن ورتاق ماسەلەلەردى شەشۋگە ۇلەس قوسىپ، ادامزاتتىڭ بارلىق تاڭداۋلى وركەنيەت جەتىستىكتەرىن دارقان كوڭىلدى باۋىرمالدىقپەن، كەڭ پەيىلدىلىكپەن اينا ەتىپ جانە ونى قابىلداپ، اناعۇرلىم كوركەم دۇنيە قۇرۋدى ىلگەرىلەتۋىمىز كەرەك.
