پارتيا 20 - قۇرىلتايى دايىندىق ءماجىلىسىن جانە ءتوراعالار القاسىنىڭ 1 - جيىنىن وتكىزدى
شي جينپيڭ جولداس دايىندىق ءماجىلىستى باسقاردى، ۋاكىلدەردىڭ تولىمدىلىعىن تەكسەرۋ كوميسسياسىنداعىلار، قۇرىلتايدىڭ ءتوراعالار القاسىنداعىلار جانە قۇرىلتايدىڭ كەڭەس ءتارتىبى سياقتىلار ماقۇلداندى
شي جينپيڭ جولداس ءتوراعالار القاسىنىڭ جيىنىنا قاتىناستى ءارى ماڭىزدى ءسوز سويلەدى، جيىندا ءتوراعالار القاسى تۇراقتى كوميتەتىنىڭ قۇرامىنداعىلار، ۋاكىلدەردىڭ تولىمدىلىعىن تەكسەرۋ بايانداماسى جانە قۇرىلتايدىڭ كۇن ءتارتىبى سياقتىلار ماقۇلداندى
شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى مەملەكەتتىك 20 - قۇرىلتايى 10 - ايدىڭ 15 - كۇنى تۇستەن كەيىن حالىق سارايىندا دايىندىق ءماجىلىسىن وتكىزدى.
شي جينپيڭ جولداس ءماجىلىستى باسقاردى.
پارتيانىڭ 20 - قۇرىلتايىنا قاتىناسۋعا ءتيىستى ۋاكىل جانە ۇسىنىس ەتىلگەن ۋاكىل 2379.
دايىندىق ماجىلىسىنە قاتىناسقان ۋاكىل، ۇسىنىس ەتىلگەن ۋاكىل 2310.
ءماجىلىس قول كوتەرىپ داۋىسقا سالۋ تاسىلىمەن 22 ادامنان قۇرالعان ۋاكىلدەردىڭ تولىمدىلىعىن تەكسەرۋ كوميسسياسىنداعىلاردى، 243 ادامنان قۇرالعان قۇرىلتاي ءتوراعالار القاسىنداعىلاردى ماقۇلدادى، ۋاڭ حۋنيڭنىڭ قۇرىلتايدىڭ باس حاتشىسى بولۋىن ماقۇلدادى. ءماجىلىس تاعى قۇرىلتاي حاتشىلار باسقارماسىنىڭ قۇرىلىم ورنالاسۋى مەن قىزمەت مىندەتىن ماقۇلدادى.
ءماجىلىس 20 - قۇرىلتايدىڭ كەڭەس ءتارتىبىن دە ماقۇلدادى. قۇرىلتايدىڭ كەڭەس ءتارتىبى: پارتيا 19 - كەزەكتى ورتالىق كوميتەتىنىڭ بايانداماسىن تىڭداۋ جانە تەكسەرۋ؛ پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسىن تەكسەرۋ؛ «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن نۇسقا)» قاراپ ماقۇلداۋ؛ پارتيا 20 - كەزەكتى ورتالىق كوميتەتىن سايلاۋ؛ پارتيا 20 - كەزەكتى ورتالىق ءتارتىپ تەكسەرۋ كوميتەتىن سايلاۋ.
شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى 10 - ايدىڭ 15 - كۇنى تۇستەن كەيىن حالىق سارايىندا 1 - جيىنىن وتكىزدى.
شي جينپيڭ جولداس جيىنعا قاتىناستى ءارى ماڭىزدى ءسوز سويلەدى.
جيىن الدىمەن قۇرىلتايدىڭ باس حاتشىسى ۋاڭ حۋنيڭنىڭ باسقارۋىندا، قول كوتەرىپ داۋىسقا سالۋ تاسىلىمەن شي جينپيڭ جولداس قاتارلى 46 ادامنان قۇرالعان ءتوراعالار القاسىنىڭ تۇراقتى كوميتەتىنىڭ قۇرامىنداعىلاردى ماقۇلدادى.
ونان سوڭ، جيىن شي جينپيڭ جولداستىڭ باسقارۋىندا ءتۇرلى كەڭەس تارتىپتەرىن جۇرگىزدى. جيىن قول كوتەرىپ داۋىسقا سالۋ تاسىلىمەن ديڭ شۋەشياڭنىڭ، چىن شيدىڭ، گو شىڭكۇننىڭ، حۋاڭ كۇنميڭنىڭ قۇرىلتايدىڭ ورىنباسار باس حاتشىسى بولۋىن ماقۇلدادى.
جيىن جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ ۋاكىلدەردىڭ تولىمدىلىعىن تەكسەرۋ جونىندەگى بايانداماسىن ماقۇلدادى.
باياندامادا بىلاي دەلىنگەن: بۇكىل ەلىمىزدەگى سايلاۋ ورىندارى سايلاعان ءارى ورتالىقتىڭ بەكىتۋىمەن جاريالانعان ۋاكىل جالپى 2296. تەكسەرۋ ارقىلى 2296 ۋاكىلدىڭ تولىمدىلىعى كۇشكە يە ەكەندىگى تۇراقتاندى. قۇرىلتايعا قاتىناسۋعا ءتيىستى ۋاكىل 2296.
باياندامادا بىلاي دەلىنگەن: شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا 20 - قۇرىلتايىنىڭ ۋاكىلدەرىن سايلاۋ قىزمەتىنە وسكەلەڭ ءمان بەردى. بىلتىر 11 - ايدان باستاپ، باس شۋجي شي جينپيڭنىڭ جانە پارتيا ورتالىق كوميتەتىنىڭ پارمەندى باسشىلىعىندا، سايلاۋ ورىندارى پارتيا ۋستاۆىن ءتۇبىرلى بويسۇنۋ ولشەمى ەتۋگە تاباندى بولىپ، پارتيانىڭ سيپاتىنا، باس ماقساتىنا تاباندى بولىپ، پارتيانىڭ باسشىلىعىن كۇشەيتۋدى ۋاكىلدەردى سايلاۋ قىزمەتىنىڭ تۇتاس بارىسىمەن ساباقتاستىرىپ، پارتيا ىشىندەگى دەموكراتيانى تولىق ساۋلەلەندىرىپ، تولىمدىلىق شارتىن قاتايتىپ، سايلاپ شىعۋ بارىسىن قاتاڭ يگەرىپ، سايلاۋ ءتارتىبىن قاتايتىپ، ۋاكىلدەردى سايلاۋ قىزمەتتەرىن تىڭعىلىقتى ويداعىداي ىستەدى.
باياندامادا بىلاي دەلىنگەن: ۋاكىلدەردى سايلاپ شىعۋ بارىسىندا سايلاۋ ورىندارى تومەننەن جوعارىعا قاراي بولۋعا، جوعارى مەن تومەن ۇشتاسۋعا، قايتا - قايتا اقىلداسۋعا، دارەجە سايىن سارالاۋعا تاباندى بولىپ، نەگىزگى ساتى پارتيا ۇيىمدارىنىڭ، پارتيا قۇرىلتايى ۋاكىلدەرىنىڭ جانە قالىڭ پارتيا مۇشەلەرىنىڭ پىكىرىن تولىق تىڭدادى، بۇكىل ەلدەگى نەگىزگى ساتى پارتيا ۇيىمدارىنىڭ قاتىناسۋىندا جاپپاي قامتۋدى جۇزەگە اسىرىپ، پارتيا مۇشەلەرىنىڭ قاتىناسۋ سالىستىرماسى ％5. 99كە جەتتى. ساياسي ولشەمدى ماڭداي الدى ورىنعا قويۋدان جازباي، ساياسي ساپا تەكسەرۋىن ىشكەرىلەي ىستەپ، تىڭعىلىقتى ىستەپ، كانديداتتاردىڭ ساياسي وتكەلىن قاتاڭ يگەردى؛ بارلىق تەكسەرىلەتىن وبيەكتىلەرگە قاراتا ”ءتورت ءسوزسىز“ تەكسەرۋىن مۇقيات جۇرگىزدى ءارى پاكتىك پىكىرىندەگى ”قوس قول قويۋدى“ اتقاردى. پىكىر الۋ جانە تەكسەرىپ انىقتاۋ جاعدايىنا ساي، ۋاكىل كانديداتتىعىنا لايىق ەمەستەردى رەتتەدى. سايلاۋ ورىندارى پارتكوم جالپى ءماجىلىسىن نەمەسە پارتكومنىڭ (پارتيا باسشىلىق گرۋپپاسىنىڭ) كەڭەيتىلگەن ءماجىلىسىن اشىپ، ۋاكىل كانديداتتىعىنا دايىندالعان كانديداتتاردى بەلەت تاستاۋ جولىمەن بەلگىلەدى. شيزاڭدا، شينجياڭدا پارتيا ورتالىق كوميتەتىنىڭ بەكىتۋىمەن تەڭ سان بويىنشا سايلاۋ جۇرگىزۋدەن سىرت، ءارقايسى سايلاۋ ورىندارى پارتيا قۇرىلتايى نەمەسە پارتيا ۋاكىلدەرى ءماجىلىسىن اشىپ، پارتيا 20 - قۇرىلتايىنا قاتىناساتىن ۋاكىلدەردى پارىقتى سان بويىنشا سايلاپ شىقتى، پارىقتى سالىستىرما تۇگەلدەي ％15تەن جوعارى بولدى، بۇل پارتيا ورتالىق كوميتەتىنىڭ تالابىنا ۇيلەسەدى. ۋاكىلدەردى سايلاۋ قىزمەتى ۇگىتىن كۇشەيتىپ، ورتالىقتىڭ نەگىزگى اقپارات مەديالارى ارقىلى ۋاكىلدەردى سايلاۋ قىزمەتى جاعدايىن ءتۇرلى فورمالارمەن حابارلادى.
باياندامادا بىلاي دەلىنگەن: 20 - قۇرىلتاي ۋاكىلدەرى جالپى تۇلعالىق جاقتان پارتيا ورتالىق كوميتەتى بەلگىلەگەن شارتتارعا ۇيلەسەدى، ءبىرشاما جوعارى يدەيالىق - ساياسي ساپاعا، تاماشا ستيلگە، مىنەز - قۇلىققا جانە ىستەردى كەڭەسۋدە ءبىرشاما كۇشتى قابىلەتكە يە، ءوز قىزمەت ورىندارىندا كورنەكتى ناتيجە شىعارعان، كوممۋنيستىك پارتيا مۇشەلەرى اراسىنداعى ۇزدىكتەر؛ ۋاكىلدەردىڭ قۇرىلىمى جانە ورنالاسۋى ءبىرشاما ۇيلەسىمدى، ءتۇرلى قۇرىلىم سالىستىرماسى تۇگەلدەي پارتيا ورتالىق كوميتەتىنىڭ تالابىنا ۇيلەسەدى، كەڭ ۋاكىلدىك سيپاتقا يە.
باياندامادا بىلاي دەلىنگەن: 19 - قۇرىلتاي كەزىندەگى ءادىس بويىنشا، پارتيا ورتالىق كوميتەتى پارتيا 20 - قۇرىلتايىنا ۇسىنىسپەن قاتىناساتىن 83 ۋاكىلدى بەلگىلەدى، ۇسىنىسپەن قاتىناساتىن ۋاكىلدەر ۋاكىلدەرمەن تەڭ ۇقىقتان يگىلىكتەنەدى.
جيىن جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ سايلاۋ ءادىسىن (جوبا) ماقۇلداپ، ونى ۋاكىلدەر ۇيىرمەلەرىنىڭ اقىلداسۋىنا ۇسىندى.
جيىن قۇرىلتايعا سىرتتاي قاتىناساتىندار مەن قوناقتارعا قاتىستى ىستەردى دە ماقۇلدادى. ورتالىق پارتيا ىشىندەگى قاتىستى جاۋاپتى جولداستاردى جانە پارتيا سىرتىنداعى ءبىر ءبولىم قايراتكەرلەردى قۇرىلتايعا سىرتتاي قاتىناسۋعا ۇسىنىس ەتۋدى ۇيعاردى. قۇرىلتايعا سىرتتاي قاتىناساتىندار: 20 - قۇرىلتاي ۋاكىلى ەمەس پارتيا 19 - كەزەكتى ورتالىق كوميتەتىنىڭ مۇشەلەرى، كانديدات مۇشەلەرى جانە ورتالىق ءتارتىپ تەكسەرۋ كوميتەتىنىڭ مۇشەلەرى، 20 - قۇرىلتاي ۋاكىلى ەمەس، ۇسىنىس ەتىلگەن ۋاكىل ەمەس ورتالىق اقىلشىلار كوميتەتىنىڭ بۇرىنعى مۇشەلەرى، سونداي - اق باسقا دا قاتىستى جولداستار، جيىنى 354 ادام. قۇرىلتايدىڭ اشىلۋ سالتىنا جانە جابىلۋ سالتىنا قوناق رەتىندە سىرتتاي قاتىناساتىندار: قازىر جانە بۇرىن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، مەملەكەتتىك ساياسي كەڭەستىڭ ورىنباسار ءتوراعاسى بولعان پارتيا سىرتىنداعى قايراتكەرلەر، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدەگى ورىنباسار ءتوراعالارى، پارتيادا، توپتا جوق قايراتكەرلەر ۋاكىلدەرى، ءدىن سالاسىنداعى قايراتكەرلەر ۋاكىلدەرى، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى اراسىنداعى دەموكراتيالىق پارتيا - توپتاردان شىققان قايراتكەرلەر، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر، جيىنى 154 ادام.
ءتوراعالار القاسىنىڭ جيىنى 20 - قۇرىلتايدىڭ كۇن ءتارتىبىن دە ماقۇلدادى. كۇن تارتىپكە ساي، 20 - قۇرىلتاي 10 - ايدىڭ 16 - كۇنى تۇستەن بۇرىن باستالىپ، 10 - ايدىڭ 22 - كۇنى تۇستەن بۇرىن اياقتالادى.
