شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. «شي جينپيڭنىڭ كەدەيلەردى سۇيەمەلدەۋ ءىس - ىزدەرى»، «شي جينپيڭنىڭ دوڭگەلەك داۋلەتتىلىككە ىنتا - ىقىلاسى» اتتى كىتاپ تاياۋدا حالىق باسپاسىندا، شينحۋا باسپاسىندا بىرلەسىپ باسپادان شىعىپ، بۇكىل ەلدە تاراتىلدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتى جويۋدى ەل باسقارۋدا اناعۇرلىم كورنەكتى ورىنعا قويىپ، بۇكىل پارتيانىڭ، بۇكىل قوعامنىڭ كۇشىن كەدەيلىكتەن ارىلتۋدان قامال الۋعا شوعىرلاندىردى، ونىڭ سەرپىنى زور، كولەمى كەڭ، ونىمدىلىگى كورنەكتى، ىقپالى تەرەڭ بولدى، بۇرىن بولماعان، دۇنيە جۇزىندە سيرەك كەزدەسەدى. «شي جينپيڭنىڭ كەدەيلەردى سۇيەمەلدەۋ ءىس - ىزدەرى» جىل بويىنشا قۇراستىرىلىپ، باس شۋجي شي جينپيڭنىڭ قارلى بورانعا، شىلىڭگىر ىستىققا قاراماي، لاي - باتپاق كەشىپ، اسقار اسۋلار اسىپ، ات ارىتىپ، تون توزدىرىپ، بۇكىل ەلدەگى 14 شوعىرلى تۇتاسقان ەرەكشە كەدەي ءوڭىردى ارالاپ، 20 نەشە كەدەي قىستاققا بارىپ قىزمەت تەكسەرگەن، تەكسەرۋ - زەرتتەۋ جۇرگىزگەن اسەرلى كورىنىستەرى جاندى تۇردە ەستەلىككە الىنىپ، كەدەي وڭىرلەردەگى بۇقارانىڭ باس شۋجي شي جينپيڭنىڭ قامقورلىعىندا، جەتەكشىلىگىندە، كەدەيلىكتەن ارىلىپ، دوڭگەلەك داۋلەتتىلىككە ۇمتىلۋىنداعى تابىس سەزىمى، باقىت سەزىمى شىنايى بەينەلەندى.
جاپپاي دوڭگەلەك داۋلەتتى قوعام ورناتۋ ادامزاتتىڭ دامۋ تاريحىنداعى ۇلى كەرەمەتكە جازىلىپ، جۇڭحۋا ۇلتىنىڭ ۇلى گۇلدەنۋى ۇردىسىندەگى وشپەس ەسكەرتكىش سومدادى. «شي جينپيڭنىڭ دوڭگەلەك داۋلەتتىلىككە ىنتا - ىقىلاسى» 20 تاراۋعا ءبولىندى، پارتيا 18 - قۇرىلتايىنان بەرى باس شۋجي شي جينپيڭنىڭ رول ۇستاپ، جول باستاپ، تۋ ۇستاپ، باعىت بەلگىلەپ، بۇكىل پارتيانى، بۇكىل ەلدەگى ءار ۇلت حالقىن باستاپ، جاپپاي دوڭگەلەك داۋلەتتى قوعام ورناتۋدىڭ ۇلى تاريحي ءۇردىسىن تولىق ەستەلىككە الدى. كىتاپتاعى حالىقپەن تىلەكتەس بولعان اسەرلى ساتتەر حالىق كوسەمىنىڭ حالىق بۇقاراسىنىڭ قۇت - ىرىسىنا دەگەن ىقىلاستى قامقورلىعىن ايگىلەدى؛ شىنايى سۇيىسپەنشىلىككە تولى جاندى كورىنىستەر حالىق بۇقاراسىنىڭ حالىق كوسەمىن شىن جۇرەكتەن قۇرمەتتەيتىندىگىن بەينەلەدى.
«شي جينپيڭنىڭ كەدەيلەردى سۇيەمەلدەۋ ءىس - ىزدەرىنىڭ»، «شي جينپيڭنىڭ دوڭگەلەك داۋلەتتىلىككە ىنتا - ىقىلاسىنىڭ» باسپادان شىعۋى ادامداردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋىنىڭ كەرەمەت بەلەستەرى مەن ۇلى جەتىستىكتەرىن جۇيەلى تۇردە ىشكەرىلەي تۇسىنۋىنە پايدالى، قالىڭ كادرلاردى، بۇقارانى ەكىنشى 100 جىلدىق كۇرەس نىساناسىن جۇزەگە اسىرۋعا، اناعۇرلىم باقىتتى، تاماشا تۇرمىس جاراتۋ جولىندا ەرلىكپەن العا باسۋعا جىگەرلەندىرەدى جانە ىنتالاندىرادى.
