شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. 10 - ايدىڭ 15 - كۇنى مەملەكەت ءتوراعاسى شي جينپيڭ راشيدكە تەلەگرامما جولداپ، ونىڭ يراق رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ مىنالاردى اتاپ كورسەتتى: جۇڭگو مەن يراق ءداستۇرلى دوستىق قارىم - قاتىناس ورناتقان. جۋىق جىلداردان بەرى ەكى ەلدىڭ ساياسي ءوزارا سەنىمدىلىگى كۇن سايىن بەكەمدەلىپ، ءار سالاداعى ناقتى سەلبەستىگى ورنىقتى قاداممەن ىلگەرىلەدى. مەن جۇڭگو مەن يراق قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ راشيدپەن بىرگە قۇلشىنىپ، جۇڭگو مەن يراقتىڭ ستراتەگيالىق سەرىكتەستىك قارىم - قاتىناسىندا تىڭ ىلگەرىلەۋشىلىككە قول جەتكىزۋدى ىلگەرىلەتىپ، ەكى ەلگە جانە ەكى ەل حالقىنا باقىت جاراتۋدى قالايمىن.