جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
جۇڭگو كوممۋنيستىك پارتياسى 20 - قۇرىلتايىنىڭ بايانداماسى جونىندە پىكىر الدى
شي جينپيڭ باسقاردى ءارى ماڭىزدى ءسوز سويلەدى
ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى
شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 8 - ايدىڭ 31 - كۇنى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، جۇڭگو كوممۋنيستىك پارتياسى 20 - قۇرىلتايى بايانداماسىنىڭ پىكىر الۋ نۇسقاسى جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، بۇكىل مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەپ، بىلاي دەپ باسا دارىپتەدى: جاڭا داۋىردەگى جاڭا جورىقتىڭ جاڭا مىندەتى، جاڭا تالابى الدىندا جۇڭگو كوممۋنيستىك پارتياسى مەن ءارقايسى دەموكراتيالىق پارتيا - توپتار سەلبەسىپ بىرگە ىستەۋدى كۇشەيتىپ، ەڭ كەڭ كولەمدەگى وتانشىلدىق بىرلىكساپتى بەكەمدەپ جانە دامىتىپ، ءارقايسى جىكتىڭ، ءارقايسى جاقتىڭ اقىل - پاراساتىن جانە كۇش - قۋاتىن مۇمكىندىكتىڭ بارىنشا ۇيىستىرىپ، تۇتاس قوعامنىڭ، بۇكىل ۇلتتىڭ بەلسەندىلىگىن، ىرىقتىلىعىن، جاسامپازدىعىن مۇمكىندىكتىڭ بارىنشا ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن بىرگە كۇرەس جاساۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ ياڭ، ۋاڭ حۋنيڭ، جاۋ لىجي، حان جىڭ اڭگىمە ماجىلىسكە قاتىناستى.
اڭگىمە ماجىلىستە شي جينپيڭ جۇڭگو كوممۋنيستىك پارتياسى 20 - قۇرىلتايى بايانداماسىنىڭ پىكىر الۋ نۇسقاسىنىڭ جازىلۋ بارىسىن تانىستىردى، ول پارتيا سىرتىنداعى قايراتكەرلەردەن بۇكپەسىز سويلەپ، اشىق ايتىپ، دۇرىس كوزقاراس - تۇسىنىكتەرىن ورتاعا قويىپ، جۇڭگو كوممۋنيستىك پارتياسى 20 - قۇرىلتايى بايانداماسىنىڭ پىكىر الۋ نۇسقاسى جونىندە پىكىر بەرۋدى ءۇمىت ەتتى.
اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى چىن شياۋگۋاڭ، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى گاۋ حۇڭجۇن ىركەس - تىركەس ءسوز سويلەدى. ولار مىنالاردى ءبىلدىردى: جۇڭگو كوممۋنيستىك پارتياسى 19 - قۇرىلتايىنان بەرگى 5 جىل جانە جاڭا داۋىردەگى وسى 10 جىل اسا وزگەشە، ايرىقشا ەرەكشە بولدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاتاڭ دا كۇردەلى حالىقارالىق، ەل ءىشى جاعدايى مەن ىركەس - تىركەس كەلگەن وراسان زور حاۋىپ - قاتەرلەرگە، سىن - سايىستارعا ءونىمدى توتەپ بەرىپ، قايراتتانا ىسكەرلىك كورسەتەتىن رۋحپەن جاڭا داۋىردەگى جۇڭگوشا سوتسياليزمدى العا ىلگەرىلەتىپ، مەجەلى مەرزىمدە جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزىپ، تاريحي سيپاتتى وزگەرىستەردى جارىققا شىعارىپ، شۇعىلالى تاريح پاراعىن جازدى. جۇڭگو كوممۋنيستىك پارتياسى 20 - قۇرىلتايىنىڭ بايانداما نۇسقاسى ۇلتتىڭ گۇلدەنۋى جانە عاسىرلىق وزگەرىس بيىگىندە تۇرىپ، الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلاپ، ءبىر قىدىرۋ جاڭا وي جەلىنى، جاڭا ستراتەگيانى، جاڭا شارانى العا قويدى، ول جاپپاي سوتسياليستىك وسىزاماندانعان مەملەكەت قۇرۋىمىزعا، ەكىنشى 100 جىلدىق كۇرەس نىساناسىنا شەرۋ تارتۋىمىزعا جەتەكشىلىك ەتەتىن تۇعىرنامالىق حۇجات. ولار تاعى جۇڭحۋا ۇلتىنىڭ ۇلى گۇلدەنۋى ورتاق تانىمىن نىعايتۋ، حالىقارالىق ادامدىق ۇقىق بويىنشا سويلەۋ جۇيەسىن قۇرۋ، قوس اينالىمدى ارناداعى جوعارى دەڭگەيلى سىرتقا ەسىك اشۋدى ىلگەرىلەتۋ، شىعىس سولتۇستىكتى گۇلدەندىرۋدى ىلگەرىلەتۋ، بىرلىكساپ شەبىن جانە جاڭاشا ساياسي پارتيا ءتۇزىمى قۇرىلىسىن كۇشەيتۋ، پارتيا سىرتىنداعى زيالىلاردىڭ يدەيا - ساياسي قىزمەتىن ويداعىداي ىستەۋ، دەربەس جاڭالىق اشۋ قابىلەتىن جوعارىلاتۋ، جاڭالىق اشۋ سيپاتتى كاسىپكەرلەردى باۋلۋ، جوعارى مەكتەپتەردى باسقارۋ جۇيەسىن كەمەلدەندىرۋ، دەنساۋلىق ساقتاۋ قاراجاتىنا ورنىقتى قارجى قوسۋ مەحانيزمىن ورناتۋ سياقتىلار جونىندە پىكىر جانە ۇسىنىس العا قويدى.
كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: جۇڭگو كوممۋنيستىك پارتياسى 20 - قۇرىلتايىنىڭ بايانداماسىن دايىنداۋ قىزمەتى − جۇڭگو كوممۋنيستىك پارتياسى 20 - قۇرىلتايى دايىندىق قىزمەتىنىڭ ماڭىزدى قۇرامداس بولىگى. بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق تىلەگىنە سايكەسەتىن، جاڭا داۋىردەگى جۇڭگوشا سوتسياليزمنىڭ دامۋ تالابىنا ساي كەلەتىن، پارتيا مەن مەملەكەت قىزمەتىنىڭ جاڭا جاعدايىنا، جاڭا مىندەتىنە ۇيلەسەتىن قۇرىلتاي بايانداماسىن دايىنداۋ ءۇشىن، ءبىز دەموكراتيانى تولىق اسقاقتاتىپ، تەكسەرۋ - زەرتتەۋدى كۇشەيتىپ، كەڭىنەن پىكىر تىڭداپ، ءار جاقتىڭ اقىل - پاراساتىن شوعىرلاندىردىق. پارتيا سىرتىنداعى قايراتكەرلەردىڭ جۇڭگو كوممۋنيستىك پارتياسى 20 - قۇرىلتايىنىڭ بايانداماسى جونىندە پىكىرىن، ۇسىنىسىن تىڭداۋ − ءارى ساياسي كەڭەستىڭ ماڭىزدى مازمۇنى، ءارى پارتيا سىرتىنداعى قايراتكەرلەردىڭ مەملەكەتتىڭ دامۋىنا، ۇلتتىڭ گۇلدەنۋىنە اقىل - كەڭەس بەرۋدەگى ءونىمدى ءتاسىلى.
شي جينپيڭ بىلاي دەپ باسا دارىپتەدى: بيىل 2 - ايدىڭ سوڭىندا جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن ورتالىق كوميتەتتىڭ بىرلىكساپ ءبولىمى پارتيا سىرتىنداعى قايراتكەرلەردەن جۇڭگو كوممۋنيستىك پارتياسى 20 - قۇرىلتايى جونىندەگى قاتىستى كەڭەستىك تاقىرىپتار جونىندە ارناۋلى پىكىر جانە ۇسىنىس قابىلدادى، كوپشىلىك كوپتەگەن قۇندى پىكىر جانە ۇسىنىس بەردى. بيىل الدىڭعى جارتى جىلدان بەرى ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر كوپ ءتۇرلى فورمامەن قىزمەتتى كوزدەن كەشىرىپ، تەكسەرۋ - زەرتتەۋ جۇرگىزىپ، ءبىر توپ جوعارى ساپالى تەكسەرۋ - زەرتتەۋ جەتىستىگىن قالىپتاستىرىپ، كوپتەگەن قۇندى پىكىر، ۇسىنىس بەردى. جاڭا كوپشىلىك لەبىز بىلدىرگەندە وتە جاقسى ۇسىنىستاردى ىشكەرىلەي العا قويدى، ءبىز مۇقيات اقىلداسامىز جانە قابىلدايمىز. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە العىس ءبىلدىردى.
شي جينپيڭ بىلاي دەپ اتاپ كورسەتتى: بىرلىكساپقا تاباندى بولۋ جۇڭگو كوممۋنيستىك پارتياسىنىڭ 100 جىلدىق كۇرەسىنىڭ ماڭىزدى تاريحي تاجىريبەسى. جاڭا داۋىردەگى 10 جىلدان بەرى پارتيا مەن مەملەكەت ىستەرىندە قول جەتكىزگەن تاريحي سيپاتتى تابىستار، جارىققا شىققان تاريحي سيپاتتى وزگەرىستەر جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل ەلدەگى ءار ۇلت حالقىنىڭ جاپالى كۇرەس جاساۋىنىڭ ناتيجەسى، سونداي - اق ءارقايسى دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بىرلىكساپ قالىڭ مۇشەلەرىنىڭ ورتاق قۇلشىنۋىنىڭ ناتيجەسى.
شي جينپيڭ ءارقايسى دەموكراتيالىق پارتيا - توپتاردىڭ ورتالىق كوميتەتتەرىنەن، مەملەكەتتىك ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جۇڭگو كوممۋنيستىك پارتياسىمەن ىنتىماقتاسۋ، سەلبەسۋ ساياسي جاۋاپكەرشىلىك سەزىمىن جانە تاريحي بورىش سەزىمىن كۇشەيتىپ، جۇڭگو كوممۋنيستىك پارتياسى 20 - قۇرىلتايى كەسكىندەگەن ۇلى جوبانى، تۇراقتاندىرعان كۇرەس نىساناسىن جانە جاساعان ستراتەگيالىق ورنالاستىرۋىن ارقاۋ ەتىپ، ويدى ءبىر اراعا شوعىرلاندىرۋدىڭ، كۇشتى ءبىر اراعا شوعىرلاندىرۋدىڭ جاندى بەينەسىن قالىپتاستىرۋدى؛ دۇرىس ساياسي بەتالىستان جازباي، يدەيا مەن ارەكەتتە جۇڭگو كوممۋنيستىك پارتياسى ورتالىق كوميتەتىمەن وسكەلەڭ ءبىر اۋىزدىلىقتى سانالىلىقپەن ساقتاپ، تومەنگى شەكتە ويلاۋعا تاباندى بولىپ، كۇرەسكەرلىك رۋحتى اسقاقتاتىپ، وزدەرىنىڭ قوعامدىق قارىم - قاتىناستى سايكەستىرۋدەگى، قوعامدىق قايشىلىقتى شەشۋدەگى، قوعام ورنىقتىلىعىن ساقتاۋداعى بەلسەندى رولدارىن ساۋلەلەندىرۋدى؛ ساياساتتىڭ ۇلاسۋىن تەرەڭدەتىپ، ساياسي سيپاتىن، جالعاستىرۋ سيپاتىن، باعىتتامالى سيپاتىن، ناقتى ونىمدىلىك سيپاتىن كورنەكتىلەندىرىپ، پارتيامەن ءبىر نيەتتە بولۋ، وتاندى ءسۇيىپ، حالىق ءۇشىن ىستەۋ، شىن ىقىلاسپەن سەلبەسۋ، كاسىپتى ءسۇيىپ، ءوزىن ارناۋ سىندى كوپ پارتيا سەلبەستىگىنىڭ تاڭداۋلى ءداستۇرىن جالعاستىرۋدى ءۇمىت ەتتى.
ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، ياڭ شياۋدۋ، چىن شي، حۋ چۇنحۋا، گو شىڭكۇن، حۋاڭ كۇنميڭ، يوۋ چۋان، ۋاڭ ي، شياۋ جيە، جاڭ چيڭلي، شيا باۋلۇڭ، حى ليفىڭ، ورتالىق كوميتەتتىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.
پارتيا سىرتىنداعى قايراتكەرلەردەن جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، حۋاڭ يۇيگۋاڭ قاتارلىلار دا اڭگىمە ماجىلىسكە قاتىناستى.
