شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى. باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن اناعۇرلىم ويداعىداي اۋدارىپ، ۇگىتتەپ تانىستىرۋ، حالىقارالىق قوعامدا جۇڭگو وقۋ - اعارتۋىنىڭ دامۋىنداعى جاڭا يدەيا، جاڭا تانىم، جاڭا كوزقاراستاردى تاراتۋ ءۇشىن، وقۋ - اعارتۋ مينيسترلىگىنىڭ ۇيىمداستىرۋىمەن بەيجيڭ شەتەل تىلدەرى داشۋەسى اۋدارعان «باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارى وقۋلىعىنىڭ» اعىلشىن تىلىندەگى نۇسقاسى شەتەل تىلدەرىن وقىتۋ جانە زەرتتەۋ باسپاسى، جوعارى وقۋ - اعارتۋ باسپاسى جاعىنان باسىلىپ تاراتىلدى.
«باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارى وقۋلىعىنىڭ» جۇڭگو تىلىندەگى نۇسقاسى 2020 - جىلى 7 - ايدا باسپادان شىققان، كىرىسپە جانە 9 لەكسيادان قۇرالعان. وندا باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارى جان - جاقتى، جۇيەلى، ىشكەرىلەي تۇسىندىرىلگەن. باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ماركسيزم وقۋ - اعارتۋ يدەياسىنىڭ جاڭا ءورىسىن اشىپ، وقۋ - اعارتۋدىڭ وسىزاماندانۋىن جەدەل ىلگەرىلەتۋگە، وقۋ - اعارتۋدا قۇدىرەتتى ەل قۇرۋعا، حالىق رازى بولاتىن وقۋ - اعارتۋدى ويداعىداي جۇرگىزۋگە ءتۇبىرلى بويسۇنۋ ولشەمى مەن ارەكەت باعدارناماسىن ازىرلەدى.
اعىلشىن تىلىندەگى نۇسقا اۋەلگى ماتىنگە، اۋەلگى ماعىناعا ادال بولدى، سونىمەن بىرگە بەينەلەۋ فورماسى جاعىندا شەتەلدەگى وقىرمانداردىڭ وقۋ ادەتىنە ۇيلەسكەن، بايانداۋى دۇرىس، ءتىلى جۇيەلى، ءسوز الىسى جاتتىق، وقىرمانداردىڭ جاڭا داۋىردەگى جۇڭگونىڭ وقۋ - اعارتۋ رەفورماسى مەن دامۋىنىڭ داۋىرلىك استارىن، كەلەلى ءمانىن، باستى مازمۇنىن، جۇزەگە اسىرۋ جولىن ىشكەرىلەي تۇسىنۋىنە سەپتىگىن تيگىزەدى، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىنىڭ باي مازمۇنىن تەرەڭ تۇسىنۋدە ماڭىزدى مانگە يە.
