شينحۋا اگەنتتىگىنىڭ 10 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات - ماتەريالدار زەرتتەۋ مەكەمەسى قۇراستىرعان «شي جينپيڭنىڭ پارتيانى ەرەجە بويىنشا باسقارۋ جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجات - ماتەريالدار باسپاسىنان باسپادان شىعىپ، بۇكىل ەلدە تاراتىلدى.
مەملەكەتتى باسقارۋدا، ءسوزسىز، الدىمەن پارتيانى باسقارۋ، پارتيانى باسقارۋدا، ءسوزسىز، قاتاڭ بولۋ، قاتاڭ بولۋدا، ءسوزسىز، زاڭعا نەگىزدەلۋ كەرەك. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ بيىگىندە تۇرىپ، پارتيانى جاپپاي قاتاڭ باسقارۋعا، پارتيانى ەرەجە بويىنشا باسقارۋعا تاباندى بولىپ، مەملەكەتتى زاڭمەن باسقارۋ مەن پارتيانى ءتۇزىم ارقىلى باسقارۋدى، پارتيانى ەرەجە بويىنشا باسقارۋدى ءبىر تۇتاس جوسپارلاپ ىلگەرىلەتۋگە، ءبىر تۇلعالاندىرىپ قۇرۋعا تاباندى بولىپ، پارتيا ۋستاۆىن قاتاڭ اتقارىپ، پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، پارتيا ىشىندەگى زاڭ - ەرەجە، ءتۇزىم قۇرىلىسىن ىلگەرىلەتىپ، پارتيا ىشىندەگى زاڭ - ەرەجەلەردىڭ ءبىرشاما كەمەلدى جۇيەسىن قالىپتاستىرىپ، پارتيا ىشىندەگى زاڭ - ەرەجە، ءتۇزىم قۇرىلىسىن ىلگەرىلەتۋ تەبىنىنىڭ كۇشتىلىگى، قول جەتكىزگەن تابىستارىنىڭ كورنەكتىلىگى بۇرىن بولماعان دارەجەگە جەتىپ، پارتيا قۇرىلىسىن عىلميلاندىرۋ، تۇزىمدەندىرۋ، ارناعا ءتۇسىرۋ دەڭگەيى كورنەكتى جوعارىلادى. شي جينپيڭ جولداستىڭ پارتيانى ەرەجە بويىنشا باسقارۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ، ءبىزدىڭ پارتيانى ەرەجە بويىنشا باسقارۋ سانالىلىعىمىز بەن تاباندىلىعىمىزدى كۇشەيتىپ، پارتيا ىشىندەگى زاڭ - ەرەجەلەردىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋ، پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن قامتاماسىز ەتۋ جاقتارىنداعى ماڭىزدى رولىن، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ، پارتيانى جاپپاي قاتاڭ باسقارۋدى تياناقتاندىرۋ جاقتارىنداعى ماڭىزدى رولىن اناعۇرلىم ويداعىداي ساۋلەلەندىرىپ، پارتيانىڭ جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە بەرىك ساياسي كەپىلدىك ازىرلەۋىمىزدە توتەنشە ماڭىزدى مانگە يە.
«بايىمداۋلاردان ۇزىندىلەردە» 10 ارناۋلى تاقىرىپ بويىنشا جيىنى 400 بولىك بايىمداۋ بار، بۇلار شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2022 - جىلى 6 - ايدىڭ 17 - كۇنىنە دەيىنگى ارالىقتاعى باياندامالارى، سويلەگەن سوزدەرى، ماقالالارى، نۇسقاۋلارى، بەكىتۋلەرى سياقتى 180نەن استام ماڭىزدى حۇجاتتاردان الىنعان. اراسىنداعى ءبىر ءبولىم بايىمداۋلار تۇڭعىش رەت اشىق جاريالانىپ وتىر.
