”جۇڭي شيپاگەرلىگى - دارىگەرلىگى − جۇڭگونىڭ ەرتە زامانعى عىلىمىنىڭ جاۋھارى، سونداي - اق جۇڭحۋا وركەنيەتىنىڭ اسىل قازىناسىن اشۋدىڭ كىلتى“

شينحۋا اگەنتتىگىنىڭ تىلشىلەرى

　　حىنان نانياڭ ۋىنلياڭ وزەنى جاعاسى، قابات - قابات تاس باسپالداق، التىن ءتۇستى جىلتىر سىرلى قاڭىلتاق كەرپىشتىڭ استىندا جارقىراپ تۇرعان ”يشىڭسى“ دەگەن 3 ايشىقتى ءارىپ شىعىس حان پاتشالىعى داۋىرىندەگى ايتۋلى شيپاگەر جاڭ جۇڭجيڭدى ەسكە تۇسىرەدى. بۇل جەردە ادامزاتتىڭ تابيعي ناۋقاسپەن كۇرەس جاساعان جان قيارلىق رۋحى تاڭبالانعان، ول ەلىمىزدىڭ ءداستۇرلى مادەنيەت جاۋھارىنىڭ ءبىرى − جۇڭي شيپاگەرلىگى - دارىگەرلىگىنىڭ دامۋىنا كۋا بولۋدا.

　　2021 - جىلى 5 - ايدىڭ 12 - كۇنى، حىناندا قىزمەت تەكسەرىپ جۇرگەن باس شۋجي شي جينپيڭ يشىڭسىعا كەلىپ، جاڭ جۇڭجيڭنىڭ ومىرىمەن جانە ونىڭ جۇڭي شيپاگەرلىگى مەن دارىگەرلىگىنىڭ دامۋىنا قوسقان ۇلەسىمەن تانىستى، جۇڭي شيپاگەرلىگى - دارىگەرلىگىنىڭ جاڭا تيپتى ايدارشا ۆيرۋس وكپە قابىنۋى ىندەتىنەن ساقتانۋ جانە ونى ەمدەۋ بارىسىندا اتقارعان رولىن، سونداي - اق جۇڭي شيپاگەرلىگى - دارىگەرلىگىن جالعاستىرۋ، جاڭالىق اشۋ جاعدايىن ۇعىستى.

　　”باس شۋجي شي جينپيڭ جۇڭي شيپاگەرلىگى - دارىگەرلىگى مادەنيەتىنە جانە جۇڭي شيپاگەرلىگىنىڭ نەگىزدىك تەورياسىنا قاتتى قىزىعادى، ول كىسى جاڭ جۇڭجيڭنىڭ سۇزەك تەورياسى مەن شيپاشاعىن زەر سالا وقىدى ءارى شىعىس حان پاتشالىعىنىڭ ينەمەن ەمدەۋ قىش ادامىنا ۇزاققا دەيىن كوز الماي قاراپ تۇردى“، - دەدى سول كەزدە قىزمەت تەكسەرۋدىڭ جۇمىس باسىندا بولعان جاڭ جۇڭجيڭ مۇراجايىنىڭ ورىنباسار باستىعى ياڭ لەي ەسكە الىپ.

　　جياڭ رۇي نانياڭ جاراتىلىستىق عىلىمدار شۋەيۋانىنىڭ 4 - جىلدىق وقۋشىسى، سول كەزدە يشىڭسىدا پراكتيكادا جۇرگەن بولاتىن. سول جەردىڭ وزىندە باس شۋجيدىڭ ”ءداستۇرلى جۇڭي شيپاگەرلىگى - دارىگەرلىگى مەن وسى زامانعى عىلىمنىڭ ءوزارا ۇشتاسۋىن، ءوزارا جەبەۋىن ىلگەرىلەتۋ كەرەك“ دەگەن ءسوزىن ەت قۇلاعىمەن ەستىگەن ول ايرىقشا جىگەرلەنىپ، جۇڭي شيپاگەرلىگىن ىشكەرىلەي ۇيرەنىپ، جۇڭي شيپاگەرلىگى نازارياسى مەن كلينيكالىق امالياتىن بەرىلە زەرتتەۋگە بەكىدى.

　　بيىل 9 - ايدا، بەيجيڭ جۇڭي شيپاگەرلىگى - دارىگەرلىگى داشۋەسىنىڭ اسپيرانتۋراسىنا قابىلدانعان شاقىرتۋدى تاپسىرىپ العان جياڭ رۇي زور سەنىممەن پويەزعا ءمىنىپ بەيجيڭگە جول تارتتى.

　　”ءبىز وسى بىرنەشە جىلدا باس شۋجي شي جينپيڭنىڭ جۇڭي شيپاگەرلىگى - دارىگەرلىگىنىڭ دامۋىنا كوڭىل بولگەندىگىن، جاساعان قامقورلىعىن ايرىقشا سەزىندىك، اسىرەسە، كوپتەگەن ماڭىزدى سوزدەرىنەن ول كىسىنىڭ جۇڭي شيپاگەرلىگى - دارىگەرلىگى مادەنيەتىنىڭ ىشكى مانىنە بولعان وزگەشە تانىمى مەن تەرەڭ تۇسىنىگىن سەزىندىك. باس شۋجي تالاي رەت سويلەگەن ماڭىزدى سوزدەرىندە جۇڭي شيپاگەرلىگى - دارىگەرلىگى ۇستانىمى جانە اتاۋ - تەلىمدەرى ارقىلى ەل باسقارۋ يدەياسى مەن كوزقاراسىن بايىمدادى، ايتالىق، ’دۇرىستى جەبەپ، بۇرىستى جويۋ‘، ’كۇشتى دارىمەن اۋرۋدى ەمدەۋ‘، ’سۇيەكتى قىرىپ، ۋىتتى ايداۋ‘، ’وزەكتى بەكەمدەپ، نەگىزدى جەتىلدىرۋ، قۋاتتى ارتتىرىپ، دەنساۋلىقتى كۇشەيتۋ‘، ت. ب“، - دەدى جياڭ رۇي، - ”جۇڭي شيپاگەرلىگى - دارىگەرلىگى مادەنيەتىن ويداعىداي جالعاستىرۋعا ءوزىمنىڭ كۇش - قۋاتىمدى ارنايمىن“.

　　2015 - جىلى، باس شۋجي شي جينپيڭ جۇڭگو جۇڭي شيپاگەرلىگى عىلىم اكادەمياسى قۇرىلعاندىعىنىڭ 60 جىلدىعى بايلانىسىمەن جولداعان قۇتتىقتاۋ حاتىندا بىلاي دەپ ايقىن اتاپ كورسەتتى: ”جۇڭي شيپاگەرلىگى - دارىگەرلىگى − جۇڭگونىڭ ەرتە زامانعى عىلىمىنىڭ جاۋھارى، سونداي - اق جۇڭحۋا وركەنيەتىنىڭ اسىل قازىناسىن اشۋدىڭ كىلتى“. ول: جۇڭي شيپاگەرلىگى - دارىگەرلىگى سىندى اتا - بابامىز قالدىرعان باعالى بايلىققا شىن مانىندە ويداعىداي مۇراگەرلىك ەتىپ، ويداعىداي دامىتىپ، ويداعىداي پايدالانىپ، سالاماتتى جۇڭگو قۇرۋ، جۇڭگو ارمانىن جۇزەگە اسىرۋدىڭ ۇلى جورىعىندا جاڭا تاراۋ جازۋىمىز كەرەك، - دەپ باسا دارىپتەدى.

　　2016 - جىلى 2 - ايدا، جياڭشي جياڭجۇڭ ءدارى جاساۋ بازاسىندا، باس شۋجي شي جينپيڭ دارىلەردى، دەنساۋلىق ساقتاۋ بۇيىمدارىن جانە ازىق - تۇلىكتەردى الىپ كورىپ، ساپاسى، حاۋىپسىزدىگى، بازارى، باعاسى سياقتى جاعدايلاردى سۇراستىردى. باس شۋجي بىلاي دەدى: جۇڭي شيپاگەرلىگى - دارىگەرلىگى جۇڭحۋا ۇلتىنىڭ جاۋھارى، ونى، ءسوز جوق، ويداعىداي قورعاۋ، ويداعىداي كادەگە جاراتۋ، ويداعىداي دامىتۋ، ويداعىداي جالعاستىرۋ كەرەك.

　　2018 - جىلى 10 - ايدا، گۋاڭدۇڭ جۋحاي حىڭچين جاڭا رايونى گۋاڭدۇڭ − اۋمىن سەلبەستىگى جۇڭي شيپاگەرلىگى - دارىگەرلىگى عىلىم - تەحنيكالىق كاسىپ باقشاسىندا، باس شۋجي شي جينپيڭ سەحقا كىرىپ، جۇڭي دارىلەرىنىڭ ءوندىرىلۋ بارىسىن كوردى. باس شۋجي بىلاي دەپ اتاپ كورسەتتى: جۇڭي شيپاگەرلىگى - دارىگەرلىگى اسىل قازىناسىنداعى جاۋھارلاردى ىشكەرىلەي اشىپ، كاسىپ سالاسى، مەكتەپ، عىلمي زەرتتەۋ ورىندارىنىڭ ءبىر تۇلعالانۋىن ىلگەرىلەتىپ، جۇڭي شيپاگەرلىگى - دارىگەرلىگىنىڭ كاسىپ سالالانۋىن، وسىزاماندانۋىن ىلگەرىلەتىپ، جۇڭي شيپاگەرلىگى - دارىگەرلىگىن دۇنيە جۇزىنە بەت الدىرۋ كەرەك.

　　...

　　باس شۋجي شي جينپيڭنىڭ كوڭىل ءبولۋىنىڭ، قامقورلىق جاساۋىنىڭ ارقاسىندا، جۇڭي شيپاگەرلىگى - دارىگەرلىگى دامۋدىڭ تاماشا مەزگىلىن قارسى الدى: جۇڭي شيپاگەرلىگى - دارىگەرلىگى عىلىم - تەحنيكاسى كۇن سايىن جاڭارىپ، اي سايىن تۇلەپ، جۇڭي شيپاگەرلىگى - دارىگەرلىگى سالاسى 50دەن استام مەملەكەت دارەجەلى عىلىم - تەحنيكا سيلىعىنا يە بولدى، جۇڭي شيپاگەرلىگى - دارىگەرلىگى جاڭا تيپتى ايدارشا ۆيرۋس وكپە قابىنۋى ىندەتىنەن ساقتانۋ - تىزگىندەۋگە جالپى بارىستا ىشكەرىلەي ات سالىسىپ، ”ءۇش ءدارى، ءۇش شيپاشاق“ سياقتى كلينيكالىق ءونىمدى شيپاشاقتى سۇرىپتاپ شىعۋدى ۇيىمداستىردى...

　　2022 - جىلى، «”14 - بەسجىلدىق“ جۇڭي شيپاگەرلىگى - دارىگەرلىگىن دامىتۋ جوباسىنىڭ» شىعارىلۋىنا ساي، جۇڭي شيپاگەرلىگى - دارىگەرلىگى مادەنيەتى دە سان مىڭداعان وتباسىلارعا ەنىپ، دۇنيە ءجۇزىنىڭ جەر - جەرىنە بەت الىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن كادەگە جاراۋىن، جاسامپازدىقپەن دامۋىن ىلگەرىلەتۋ بارىسىندا ۇلگىلىك رولىن ويداعىداي ساۋلەلەندىرۋگە قۇلشىنۋدا.

　　قوڭىر كۇزدە ارشا، كوگىلدىر بامبۋك جانە ءدارى شوپتەر يشىڭسىعا اسەم كورىك قوسىپ تۇر، ەلىمىزدىڭ جەر - جەرىنەن كەلىپ ەكسكۋرسيالاۋشىلاردىڭ اياعى ۇزىلمەدى. ياڭ لەي بىلاي دەدى: ”ءبىز باس شۋجي شي جينپيڭنىڭ جۇڭي شيپاگەرلىگى - دارىگەرلىگى مادەنيەتىن جالعاستىرۋعا، دامىتۋعا كوڭىل بولگەن ىنتا - ىقىلاسىن العا باسۋدىڭ قوزعاۋشى كۇشىنە اينالدىرىپ، نەشە مىڭ جىلدىق تاريح بارىسىندا جالعاسىپ كەلە جاتقان جۇڭحۋا جاۋھارىنىڭ جاڭا ءداۋىر ومىرشەڭدىگىن تانىتۋىنا مۇمكىندىك جاساۋىمىز كەرەك“.