شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. «شي جينپيڭ ايتقان اڭگىمەلەر» (ەكىنشى جيناعى) اتتى كىتاپ جۋىقتا حالىق باسپاسىنان باسپادان شىعىپ تاراتىلدى.
باس شۋجي شي جينپيڭ سويلەگەن سوزدەرىندە، لەكسيالارىندا، ماقالالارىندا جاندى، تارتىمدى اڭگىمەلەر ارقىلى ابستراكت نازاريانى تۇسىنىكتى ەتىپ، تەرەڭ قيسىندى ۇعىنىقتى ەتىپ باياندادى، پارمەندى يدەيالىق يلاندىرۋ قۋاتىنا يە بولۋمەن بىرگە، كۇشتى مادەنيەتتىك باۋراعىشتىققا دا يە. 2017 - جىلى 6 - ايدا «شي جينپيڭ ايتقان اڭگىمەلەر» اتتى كىتاپ باسپادان شىعىپ تاراتىلعاننان كەيىن قالىڭ وقىرمانداردىڭ قارسى الۋىنا يە بولدى. «شي جينپيڭ ايتقان اڭگىمەلەرگە» (ەكىنشى جيناعى) اۋەلگى ۇلگى قولدانىلىپ، 2017 - جىلدان بەرگى باس شۋجي شي جينپيڭ ايتقان 105 اڭگىمە سارالانىپ الىندى، جەكە - جەكە ”پارتيانى باسقارۋ، پارتيانى جونگە سالۋ جونىندەگى اڭگىمەلەر“، ”مەملەكەتتى باسقارۋ جونىندەگى اڭگىمەلەر“، ”قوعام دامۋى جونىندەگى اڭگىمەلەر“، ”مادەنيەت سەنىمى جونىندەگى اڭگىمەلەر“، ”ءمورالدىق قاسيەت جونىندەگى اڭگىمەلەر“، ”تاعدىرلاستىق جونىندەگى اڭگىمەلەر“ سىندى 6 بولىمگە ءبولىنىپ، وقىرمانداردىڭ باس شۋجي شي جينپيڭنىڭ ەل باسقارۋ جولىن، رەفورما، دامۋ جولىن، ءىرى ەل ديپلوماتياسى جولىن، ءوزىن ادامگەرشىلىككە تاربيەلەۋ جولىن ۇيرەنۋىنە، تۇسىنۋىنە سەپتىگىن تيگىزەدى.
