1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

حالىق قالاۋىنا قايشى كەلۋگە بولمايدى، وتپەن ويناعاندار ءوزى كۇيىپ ولەدى

日期:2022年08月08日
来源:新疆日报
【字体:

 جۇڭشىڭ

  امەريكا پارلامەنتى قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان وڭىرىنە تىمىسكىلەپ بارعان ورەسكەل ارانداتۋشىلىق ارەكەتىنە مەڭزەس، جۇڭگونىڭ سىرتقى ىستەر مينيسترلىگى 8 - ايدىڭ 5 - كۇنى پەلوسيعا جانە ونىڭ تىكە تۋىستارىنا جازالاۋ شاراسىن قولداناتىندىعىن، امەريكا جاققا 8 تارماق قارسى شارا قولداناتىندىعىن جاريالادى. سونىمەن بىرگە، امەريكا مەن تايۋاننىڭ استاسىپ، ۋشىقتىرۋ سىندى كەرەناۋ ارەكەتىنە قاتاڭ سەس كورسەتۋ ءۇشىن، جۇڭگو حالىق ازاتتىق ارمياسى بىرنەشە كۇننەن بەرى تايۋان ارالىنىڭ توڭىرەگىندەگى تەڭىز ايدىنىندا، اۋە كەڭىستىگىندە كولەمى بۇرىن بولىپ كورمەگەن ناقتى سوعىستىق بىرلەسكەن جاتتىعۋ ورىستەتتى. وسى ءبىرسىپىرا پارمەندى شارالار مىنانى تولىق اڭعارتتى: جۇڭگونىڭ مەملەكەتتىڭ بىرلىگىن قورعاۋعا، مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋعا تولىق بەكىمى، ءادىسى، قابىلەتى بار.

  جۇڭگو ۇكىمەتى شىعارىپ جاتقان پارمەندى قارسى شارالار ارقىلى، جۇڭگو حالىق ازاتتىق ارمياسى ايگىلەگەن دالمە - ءدال سوققى بەرۋ جانە وڭىرلىك تەجەۋ قابىلەتى ارقىلى سىرتقى كيلىگۋشى كۇشتەر مەن ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەر ”حالىق قالاۋىنا قايشى كەلۋگە بولمايتىندىعىنا، وتپەن ويناعاندار ءوزى كۇيىپ ولەتىندىگىنە“ اناعۇرلىم تىكە تۇسىنىككە يە بولدى، ”سوڭىن كۇتۋ“، ”بولۋعا ءتيىستىنىڭ ءبارى بولۋ“ سىندى قارسى شارا جونىندە اناعۇرلىم تەرەڭ تۇسىنىككە يە بولدى. سىرتقى كۇشتەردىڭ كيلىگۋى مەن ”تايۋاندى دەربەستەندىرۋدى“ كوزدەيتىن بولشەكتەۋشىلىككە باتىل قارسى تۇرۋدا، استە ءارقانداي فورماداعى ”تايۋاندى دەربەستەندىرۋدى“ كوزدەيتىن كۇشتەرگە ەشقانداي مۇمكىندىك قالدىرمايدى، جۇڭگو ايتقانىن ىستەيدى. امەريكا جاق الدىمەن ”تايۋان ارقىلى جۇڭگونى شاۋجايلاۋدى“ قاسارىسا ىلگەرىلەتىپ، جات نيەتپەن ارانداتۋشىلىق تۋدىردى، جۇڭگو جاقتىڭ ورىندى قورعانۋى سوڭىنان بولدى، ەشقانداي ادامنىڭ جۇڭگو جاقتىڭ قارسى ارەكەتتەرىن سان ساققا جۇگىرتۋىنە تولىمدىلىعى جوق.

  ”پەلوسي تايۋانعا ’كومەسكى قاتەر‘ اكەلدى“، ”تايۋان جۇرتشىلىعى ساياسي الاياقتاردىڭ تايۋاندى ميشا بىلىقتىرىپ، جيىستىرماي تاستاپ قويۋىنا كونبەيدى“... بىرنەشە كۇننەن بەرى تايۋان ارالىنداعى ءار سالا قايراتكەرلەرى تۇس - تۇستان پەلوسيدىڭ تايۋانعا تىمىسكىلەپ بارعاندىعىنا قارسىلىق ءبىلدىرىپ، پەلوسيدىڭ ءوزىنىڭ جەكە باسىنىڭ ساياسي مۇددەسى ءۇشىن تايۋان بۇعازىنىڭ شيەلەنىستى جاعدايىن تۋدىرىپ، تايۋان جۇرتشىلىعىن الجاستىرىپ، تايۋانعا لاڭ سالعان سۇرقيا سايقالدىعىن اشكەرەلەدى؛ دەموكراتيانى ىلگەرىلەتۋ پارتياسى بيلىك باسىنداعىلارىنىڭ سىرتقى كۇشتەرمەن استاسىپ، ەكى جاعالاۋدىڭ قاراما - قارسىلىعىن قاساقانا ۋشىقتىرىپ، ۇزدىكسىز ”دەربەستىككە“ ۇمتىلىپ، ارانداتۋشىلىق تۋدىرعان سۇرقيا ارەكەتىن ايىپتادى. وسى ۇندەر تايۋان جۇرتشىلىعىنىڭ سىرتقى كۇشتەردىڭ ويىنىنا كونبەيتىن، دەموكراتيانى ىلگەرىلەتۋ پارتياسى بيلەۋشىلەرىنىڭ قىساۋىنا كونبەيتىن كەڭ كولەمدى حالىق قالاۋىن اڭعارتتى. وتان، ءسوز جوق، بىرلىككە كەلۋى كەرەك، ءارى، ءسوزسىز، بىرلىككە كەلەدى. بۇل امەريكا جاقتىڭ جۇڭگوعا قارسى كەيبىر توڭ مويىن كۇشتەرىنىڭ ەركىنە بولا اۋىسپايدى، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەردىڭ قۇر قيالىنا بولا وزگەرمەيدى. امەريكا مەن تايۋاننىڭ استاسۋى، ”تايۋاندى دەربەستەندىرۋدى“ كوزدەيتىن بولشەكتەۋشىلىككە ايتاقتاۋ بۇكىلدەي جاعدايدى قاتە تۇجىرىمداعاندىق، قاتە ەسەپ سوققاندىق، بۇل تەك ”تايۋاندى دەربەستەندىرۋدى“ كوزدەيتىن كۇشتەردىڭ قۇرىپ - جوعالۋىن جەدەلدەتەدى.

  پەلوسي جۇڭگونىڭ تايۋان وڭىرىنە تىمىسكىلەپ بارىپ، ءبىر جۇڭگو پرينسيبىنە اۋىر قايشىلىق جاساپ، جۇڭگونىڭ يەلىك ۇقىعىنا جات نيەتپەن قول سۇعىپ، جۇڭگو حالقىنىڭ قاتتى كەگىن قوزعاپ قالماستان، حالىقارالىق قوعامنىڭ دا جاپپاي قارسىلىعىنا ۇشىرادى. قازىر 160تان استام مەملەكەت ادىلەت ءۇنىن كوتەرىپ، ءبىر جۇڭگو پرينسيبىنە تاباندى بولاتىندىقتارىن قايتالاي دارىپتەپ، جۇڭگونىڭ وزىندىك يەلىك ۇقىعى مەن تەرريتوريا تۇتاستىعىن باتىل قورعاۋىن قولدادى، امەريكا جاقتىڭ ارانداتۋشىلىق ارەكەتى ءوزىنىڭ ۋادەسىنە قايشى بولعاندىعىن، حالىقارالىق قارىم - قاتىناستىڭ نەگىزگى ولشەمىنە قايشى كەلگەندىگىن اتاپ كورسەتتى. بىرلەسكەن مەملەكەتتەر ۇيىمىنىڭ باس حاتشىسى گۋتتەرەس ءبىر جۇڭگو پرينسيبىنە تاباندى بولاتىندىعىن ايقىن ۇعىندىرىپ، بىرلەسكەن مەملەكەتتەر ۇيىمىنىڭ ”بارلىق ارەكەتى وسىنى نەگىزگە الاتىندىعىن“ باسا دارىپتەدى. حالىقارالىق قوعام مىنانى انىق كوردى: جۇڭگو جاقتىڭ امەريكا جاقتىڭ جۇڭگونىڭ ىشكى ىسىنە كيلىككەن جانە يەلىك ۇقىعىنا زيان جەتكىزگەن ارانداتۋشىلىق ارەكەتىنە باتىل قارسىلىق جاساۋى − وكتەمدىككە قارسى، كيلىگۋگە قارسى، بولشەكتەۋشىلىككە قارسى كۇرەس ورىستەتۋى، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن حالىقارالىق قارىم - قاتىناستاردىڭ نەگىزگى ولشەمىن قورعاعان ادىلەتتى ارەكەت. امەريكانىڭ توپ جيناۋعا سۇيەنىپ، دۇرىس پەن بۇرىستى شاتاستىرۋعا، حالىقارالىق اقيقاتتىڭ ادىلدىگىنە سايىس جاريالاۋعا ۇرىنۋى ءبىر ميلليارد 400 ميلليوننان استام جۇڭگو حالقىنىڭ قارسى جاعىندا تۇرۋ بولىپ قالماستان، دۇنيە جۇزىندەگى مۇلدە باسىم كوپ ساندى مەملەكەتتىڭ قارسى جاعىندا تۇرۋ، بۇكىل دۇنيە جۇزىندەگى بەيبىتشىلىكتى سۇيەتىن ادامداردىڭ قارسى جاعىندا تۇرۋ بولىپ تابىلادى.

  پەلوسيدىڭ جۇڭگونىڭ تايۋان وڭىرىنە تىمىسكىلەپ بارۋى مىنانى ونان ارى ايقىن اڭعارتتى: قازىرگى ۋاقىتتا تايۋان بۇعازى شۇعىل جاعدايعا ءدوپ كەلدى، جۇڭگو − امەريكا قارىم - قاتىناسى اۋىر قيىندىققا جولىقتى، ازيا - تىنىق مۇحيت حاۋىپسىزدىگى اۋىر حاۋىپكە تاپ بولدى، مۇنىڭ بارلىعىنىڭ قاينارى امەريكا جاق. بىرنەشە كۇننەن بەرى ازيا - تىنىق مۇحيت وڭىرىندەگى ءار سالا قايراتكەرلەرى جانە امەريكانىڭ ەل ىشىندەگى اڭعارلى ادامدار ىركەس - تىركەس مىنانى اتاپ كورسەتتى: پەلوسيدىڭ تايۋانعا تىمىسكىلەپ بارۋى تەك ءوڭىردىڭ بەيبىتشىلىگىن، ورنىقتىلىعىن ءبۇلدىردى، تەك قازىرگى ۋاقىتتاعى اۋمالى - توكپەلى حالىقارالىق اۋقىمدى ونان ارى ۋشىقتىردى. امەريكانىڭ جۇڭگودا تۇرعان بۇرىنعى باس ەلشىسى باۋكۋس مىنانى اتاپ كورسەتتى: پەلوسيدىڭ ارەكەتى ”ارانداتۋشىلىق، وتپەن ويناعاندىق، امەريكا جاق بۇل ءۇشىن بوداۋ بەرەتىن بولادى. پەلوسي سينگاپۋرداعى كەزىندە سينگاپۋر جاقتىڭ باسشىلارى جۇڭگو مەن امەريكانىڭ ورنىقتى قارىم - قاتىناسىنىڭ ءوڭىردىڭ بەيبىتشىلىگى مەن ورنىقتىلىعى جونىندەگى ماڭىزدىلىعىن بەتپە - بەت دارىپتەدى. پەلوسي كورەيادا ”سالقىن قاباق، قاقپاي“ كورىپ، قوعامدىق پىكىردىڭ كەڭ كولەمدى نازارىنا ىلىكتى. ساراپشىلار جاپپاي مىنانى ءبىلدىردى: پەلوسيدىڭ ءوڭىر جاعدايىن بىلىقتىرعان ورەسكەل ارەكەتى ونى ناعىز اتى زاتىنا ساي پالە تۋدىرۋشىعا اينالدىردى. وڭىردەگى ەلدەردىڭ پوزيتسياسى مىنانى تولىق ءتۇسىندىردى: امەريكا جاقتىڭ تايۋان ماسەلەسىن وڭىرلىك ستراتەگياعا ەنگىزۋى، شيەلەنىسۋدى اسىرەلەۋى، قارسىلاسۋعا قايراپ سالۋى ءوڭىردىڭ دامۋ اعىنىنا قارسى جۇرگەندىك، بۇل ازيا - تىنىق مۇحيت وڭىرىندەگى حالىقتىڭ تىلەگىنە قايشى.

  جۇڭگونىڭ بۇكىلدەي بىرلىككە كەلۋدى جۇزەگە اسىرۋى − تايۋاندىق باۋىرلاستاردى قامتىعان بارلىق جۇڭحۋا پەرزەنتتەرىنىڭ ورتاق تىلەگى. جۇڭگو جاق ەڭ زور ادالدىق، ەڭ زور قۇلشىنىس ارقىلى بەيبىت بىرلىككە كەلۋ بولاشاعىنا ۇمتىلۋدى قالايدى، ءبىراق ەگەر سىرتقى كيلىگۋشى كۇشتەر مەن ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەر ارانداتىپ ماجبۇرلەسە، ءتىپتى، قىزىل سىزىقتى بۇزسا، ءبىزدىڭ باتىل شارا قولدانباسقا امالىمىز جوق. مەملەكەتتى بىرلىككە كەلتىرۋ سىندى ۇلت ادىلەت ءىسى الدىندا، جۇڭگو حالقىندا ساندىراققا سەنبەيتىن، جىن - شايتاننان قورىقپايتىن قايرات، يمەنبەيتىن، باس يمەيتىن جىگەر، جۇدىرىقتاي جۇمىلىپ، ەل بىرلىگىنەن قامال تۇرعىزاتىن بەكىم بار، ونان دا ماڭىزدىسى، مەملەكەتتىڭ يەلىك ۇقىعىن، ۇلتتىڭ ار - نامىسىن باتىل قورعايتىن قابىلەت بار. ءارقانداي ادام، ءارقانداي كۇش، ءارقانداي مەملەكەت تايۋان ماسەلەسىندە ارانداتۋشىلىق جاساپ، سويقان شىعارىپ، جۇڭگونىڭ دامىپ زورايۋىن باياۋلاتۋعا، جۇڭحۋا ۇلتىنىڭ ۇلى گۇلدەنۋىنە توسقاۋىلدىق جاساۋعا ۇرىنسا، بۇل بۇكىلدەي ارامتەر بولعاندىق، ءسوز جوق، ويسىراي جەڭىلىسكە ۇشىرايدى.

  (8 - ايدىڭ 6 - كۇنگى «حالىق گازەتىندە» باسىلعان)