لي كىچياڭ، ۋاڭ حۋنيڭ، حان جىڭ كەزدەسۋگە قاتىناستى
5 - ايدىڭ 25 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ، حان جىڭ قاتارلىلار بەيجيڭ حالىق سارايىندا 9 - رەتكى مەملەكەتتىك ارىز - ارمان قىزمەتى ماجىلىسىنە قاتىناسقان ۋاكىلدەرمەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى. 9 - رەتكى مەملەكەتتىك ارىز - ارمان قىزمەتى ءماجىلىسى 5 - ايدىڭ 25 - كۇنىنەن 26 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناسقان ۋاكىلدەرمەن ىقىلاسپەن كەزدەسىپ، ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى، بۇكىل ەلدىڭ ارىز - ارمان جۇيەسىندەگى قالىڭ كادرلارعا، جۇمىسشى - قىزمەتشىلەرگە شىنايى سالەم جولدادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، حان جىڭ كەزدەسۋگە قاتىناستى.
5 - ايدىڭ 25 - كۇنى تۇستەن بۇرىن شي جينپيڭ قاتارلىلار حالىق سارايىنىڭ سولتۇستىك زالىنا كىرگەندە، بۇكىل زالدان قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى ولارمەن بىرگە ەستەلىك سۋرەتكە ءتۇستى.
گو شىڭكۇن كەزدەسۋگە قاتىناستى ءارى ماجىلىستە ءسوز سويلەدى. ول بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ حالىقتىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىقتىڭ قيىنشىلىعىن شەشۋ، پارتيانىڭ قامىن جەۋ ساياسي جاۋاپكەرشىلىگىن ەستە بەرىك ساقتاپ، «ارىز - ارمان قىزمەتى ەرەجەسىن» ىشكەرىلەي اتقارىپ، جاڭا داۋىردەگى ارىز - ارمان قىزمەتىن جوعارى ساپالى دامىتۋدىڭ تىڭ تاراۋىن قۇلشىنا جازىپ، پارتيا مەن مەملەكەت قىزمەتىنىڭ كەلەلى جاعدايىنا قىزمەت ەتۋدە، بۇقارانىڭ زاڭدى ۇقىق - مۇددەسىن قورعاۋدا، قوعامنىڭ حاۋىپسىزدىگىن، ورنىقتىلىعىن جەبەۋدە اناعۇرلىم زور رول اتقارۋ كەرەك.
ءماجىلىس بۇكىل ەلدىڭ ارىز - ارمان جۇيەسىندەگى وزات كوللەكتيۆتەر مەن وزات جەكەلەردى ماداقتاپ - سيلادى. ماداقتالىپ - سيلانعانداردىڭ ۋاكىلدەرى قاتارلىلار لەبىز ءبىلدىردى.
ديڭ شۋەشياڭ كەزدەسۋگە قاتىناستى، شياۋ جيە كەزدەسۋگە قاتىناستى ءارى ماجىلىستە قورىتىندى ءسوز سويلەدى.
