شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 10 - كۇنى تۇستەن كەيىن فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: وتكەن 5 جىلدا مەن زۇڭتۇڭ مىرزامەن ءجيى بارىس - كەلىستى ساقتاپ، جۇڭگو مەن فرانسيا قارىم - قاتىناسىنىڭ بەلسەندى دامۋ ارىنىن ساقتاۋعا جەتەكشىلىك ەتىپ، ەكى جاق سەلبەستىگىنىڭ سۇبەلى جەتىستىككە قول جەتكىزۋىن ىلگەرىلەتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى ماسەلەلەردە ءىرى ەلدىڭ جاۋاپكەرشىلىك ارقالاۋىن ايگىلەدىك. دۇنيە ءجۇزى 100 جىلدا بولماعان زور وزگەرىس الدىندا، جۇڭگو مەن فرانسيا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى جانە دەربەس، ءوز - وزىنە قوجايىن بولاتىن ءىرى ەلدەر رەتىندە، ”دەربەس، ءوز - وزىنە قوجايىن بولۋ، ءوزارا ءتۇسىنىسۋ، بيىكتە تۇرىپ الىستى بولجاۋ، ءوزارا تيىمدىلىك جەتكىزىپ تەڭ يگىلىككە كەنەلۋ“ سىندى ديپلوماتيالىق قارىم - قاتىناس ورناتقانداعى اۋەلگى ماقساتتان بۇلجىماي، تىعىز، باياندى جالپى بەتتىك ستراتەگيالىق سەرىكتەستىك قارىم - قاتىناس ورنىنا تاباندى بولىپ، ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان كەلەلى تۇيىندەرىنە ءوزارا قۇرمەت ەتىپ، ەكى جاقتىلى، جۇڭگو − ەۆروپا، الەمدىك دەڭگەيدە سايكەستىكتى، سەلبەستىكتى نىعايتۋى كەرەك. جۇڭگو جاق فرانسيا جاقپەن ءار جىكتەگىلەردىڭ بارىس - كەلىسىن ۇزدىكسىز جيىلەتىپ، جۇڭگو مەن فرانسيا قارىم - قاتىناسىنىڭ اقاۋسىز دامۋىن ىلگەرىلەتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدى قالايدى.
شي جينپيڭ بىلاي دەپ باسا دارىپتەدى: ەكى جاقتى تىلدەسۋ مەحانيزمى ارقىلى الداعى 5 جىلداعى جۇڭگو مەن فرانسيا سەلبەستىگىنىڭ ماڭىزدى ءتۇيىنىن ويداعىداي جوسپارلاپ، حالىقتىق يادرو ەنەرگياسى، اۆياتسيا، عارىش سياقتى ءداستۇرلى سالالارداعى سەلبەستىكتى ىلگەرىلەتۋمەن بىرگە، جاساندى زەردە، تازا ەنەرگيا سياقتى جاڭادان گۇلدەنگەن سالالارداعى سەلبەستىكتى دە ىلگەرىلەتۋدى كۇشەيتۋ كەرەك. جۇڭگو جاق فرانسيانىڭ ساپالى ونىمدەرىن يمپورت ەتۋدى كەڭەيتۋدى قالايدى، فرانسيانىڭ فينانس، جوعارى تەحنيكالى كاسىپورىندارىنىڭ جۇڭگوعا كەلىپ سەلبەستىك جاساۋىن قارسى الادى، فرانسيا جاقتىڭ جۇڭگو كاسىپورىندارىنىڭ فرانسياعا بارىپ قارجى قوسىپ، سەلبەستىك جاساۋىنا ءادىل، ادىلەتتى، كەمسىتپەيتىن شارۋاشىلىق - ساۋدا ورتاسىن ازىرلەۋىن ءۇمىت ەتەدى. 2024 - جىلى جۇڭگو مەن فرانسيانىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى، پاريج وليمپيادا سپورت جارىسى سياقتى ماڭىزدى ورايلاردان ويداعىداي پايدالانىپ، جۇڭگو مەن فرانسيانىڭ گۋمانيتارلىق اۋىس - كۇيىسىن كۇشەيتىپ، ءوزارا ءتۇسىنىسۋدى جەبەۋ كەرەك. جۇڭگو مەن فرانسيا ناعىز كوپ جاقتىلىققا تاباندى بولىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى قورعاپ، دۇنيە ءجۇزىنىڭ كوپ ۇيەكتەنۋى مەن ەكونوميكانىڭ جاھاندانۋىنا قولداۋ كورسەتىپ، كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىكتى تەرەڭدەتىپ، 20 ەل توبى، حالىقارالىق استىق، ەنەرگيا حاۋىپسىزدىگى سياقتى جاقتاردا تىلدەسۋدى، سايكەسۋدى كۇشەيتىپ، افريكا سياقتى وڭىرلەردەگى ءۇشىنشى جاق سەلبەستىگىن كەڭەيتىپ، الەمدىك دامۋ باستاماسى مەن الەمدىك حاۋىپسىزدىك باستاماسى جونىندە ءتۇيىلىستىرۋ ورىستەتىپ، سەلبەستىك جونىندە تالقى جۇرگىزۋ كەرەك.
شي جينپيڭ بىلاي دەپ اتاپ كورسەتتى: جۇڭگو مەن ەۆروپا قارىم - قاتىناسىنىڭ ورنىقتى، اقاۋسىز دامۋى جۇڭگو مەن ەۆروپا جانە ءار ەل حالىقتارىنىڭ مۇددەسىنە ۇيلەسەدى. جۇڭگو جاق فرانسيا جاقتىڭ ستراتەگيادا دەربەس بولۋعا تاباندى بولعاندىعىن القايدى، فرانسيا جاقتان ەۆروپا وداعىنىڭ جۇڭگو جونىندە دۇرىس تانىمعا تاباندى بولىپ، جۇڭگو جاقپەن ءبىر بەتالىستا ىلگەرىلەپ، الاۋىزدىقتاردى ۇيلەسىمدى مەڭگەرىپ، ورتاق مۇددە نەگىزىندە ەكونوميكا - ساۋدا، جاسىل، سيفرلى، گۋمانيتارلىق سياقتى سالالاردا اۋىس - كۇيىس، سەلبەستىك جاساۋىن ىلگەرىلەتۋدى ءۇمىت ەتەدى. فرانسيانىڭ ەۆروپا وداعىنىڭ كەزەكشى ءتوراعا ەلى رەتىندە، جۇڭگو مەن ەۆروپا قارىم - قاتىناسىنىڭ اقاۋسىز دامۋىن ىلگەرىلەتۋدە بەلسەندى رول اتقارۋىن ءۇمىت ەتەدى.
ماكرون مىنالاردى ءبىلدىردى: فرانسيا مەن جۇڭگو ديپلوماتيالىق قارىم - قاتىناس ورناتقاننان بەرى، ەكى جاق اشىق بولۋ رۋحىن ۇستانىپ، فرانسيا مەن جۇڭگو قارىم - قاتىناسىن بەلسەندى دامىتتى. وتكەن 5 جىلدا ەكى ەلدىڭ ءارقايسى سالاداعى سەلبەستىگى مول جەتىستىككە يە بولدى. الداعى 5 جىلدا فرانسيا جاق جۇڭگو جاقپەن اۋىل شارۋاشىلىعى، اۆياتسيا، حالىقتىق يادرو ەنەرگياسى، گۋمانيتارلىق سياقتى سالالارداعى سەلبەستىكتى كۇشەيتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىكتى كۇشەيتىپ، فرانسيا مەن جۇڭگو قارىم - قاتىناسىنىڭ ءتىپتى دە مول بەلسەندى جەتىستىككە قول جەتكىزۋىن ىلگەرىلەتۋدى قالايدى. فرانسيا جاق ەۆروپا − جۇڭگو قارىم - قاتىناسىنىڭ دامۋىن جەبەۋدە بەلسەندى رول اتقارۋدى قالايدى.
ەكى ەل باسشىلارى ۋكراينا جاعدايى جونىندە پىكىر اۋىستىردى، ءبىر اۋىزدان قاتىستى جاقتار رەسەي مەن ۋكراينانىڭ كەلىسسوز ارقىلى بەيبىتشىلىكتى قالپىنا كەلتىرۋىنە قولداۋ كورسەتۋ كەرەك دەپ قارادى.
شي جينپيڭ بىلاي دەپ باسا دارىپتەدى: جۇڭگو جاق باستان - اياق ءوز ءتاسىلى ارقىلى راقايلاستىرىپ، كەلىسسوزدى جەبەپ، ەۆروپا ەلدەرىنىڭ ەۆروپانىڭ حاۋىپسىزدىگىن ءوز قولدارىندا مەڭگەرۋىن قولدايدى. توپتىق قارسىلاسۋدى قالىپتاستىرىپ، الەمنىڭ حاۋىپسىزدىگىنە، ورنىقتىلىعىنا اناعۇرلىم زور، اناعۇرلىم ۇزاق ۋاقىتتىق حاۋىپ توندىرۋدەن ايرىقشا ساقتانۋ كەرەك.
ماكرون مىنالاردى ءبىلدىردى: ۋكراينا ماسەلەسىندە فرانسيا جاق جۇڭگو جاقپەن كوپتەگەن ورتاق تانىمعا يە. فرانسيا جاق جۇڭگو جاقپەن ەكى جاقتىلى جانە كوپ جاقتىلى دەڭگەيدە اناعۇرلىم تىعىز سايكەستىك، سەلبەستىك ورىستەتۋدى قالايدى. فرانسيا مەن ەۆروپا وداعى دەربەس، ءوز - وزىنە قوجايىن بولۋ ستراتەگياسىنا تاباندى بولادى، توپتىق قارسىلاسۋدى قولدامايدى ءارى وعان قاتىناسپايدى.
