شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى. 5 - ايدىڭ 10 - كۇنى مەملەكەت ءتوراعاسى شي جينپيڭ نوۆاك كاتالينگە قۇتتىقتاۋ تەلەگرامماسىن جولداپ، ونىڭ ۆەنگريانىڭ زۇڭتۇڭى بولعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو − ۆەنگريا قارىم - قاتىناسى جوعارى دەڭگەيلى دامۋدى ساقتاپ كەلدى. ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ءتۇرلى سالاداعى سەلبەستىكتە سۇبەلى ناتيجەگە قول جەتكىزىپ، حالىقارالىق جانە وڭىرلىك ىستەردەگى سەلبەستىگى تاماشا بولدى. مەن جۇڭگو − ۆەنگريا قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى ەلدىڭ ساياسي ءوزارا سەنىمدىلىگى مەن ءداستۇرلى دوستىعىن تەرەڭدەتىپ، ەكى جاقتى، سونداي - اق ”ءبىر بەلدەۋ، ءبىر جولدى“ بىرگە قۇرۋ، جۇڭگو − ورتا، شىعىس ەۆروپا ەلدەرى سەلبەستىگى سياقتى جۇلگەدەگى سەلبەستىكتى كۇشەيتىپ، جۇڭگو مەن ۆەنگريانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.